საინტერესო: რომელ ადგილზეა NBA-ში ზაზა ფაჩულია მოქმედ მოთამაშეებს შორის?
საქართველოს ეროვნული ნაკრების ლეგენდა და ყოფილი კაპიტანი, “დეტროიტ პისტონის” ცენტრი, ზაზა ფაჩულია NBA-ს მოქმედ მოთამაშეებს შორის შეტევაში მოხსნილი ბურთების რაოდენობით მე-7 ადგილზე იმყოფება.
15 წლიანი ამერიკული კარიერის განმავლობაში ზაზას 2263 მოხსნა დაუგროვდა შეტევაში და ამ მაჩვენებლით მხოლოდ ლამარკუს ოლდრიჯს, დეანდრე ჯორდანს, პო გასოლს, ზაკ რენდოლფს, ტაისონ ჩენდლერსა და დუაიტ ჰოვარდს ჩამორჩება. “ცუდი ბიჭი” უამრავ გამორჩეულ და ცნობილ კალათბურთელს, მათ შორის, ენდრიუ ბოგატს, კევინ ლავს, დირკ ნოვიცკის, ლებრონ ჯეიმს და სხვებს უსწრებს.
საერთო ჯამში, ფაჩულიას 6050 კარიერული “რებაუნდი” დაუგროვდა და მას ეკუთვნის ასევე ერთ-ერთ რეკორდი, მეტოქის ფარზე 18 მოხსნა, რომელიც “ბრუკლინთან” დააფიქსირა. მსგავსი შედეგი მხოლოდ დენის როდმანსა და ჩარლზ ოკლის ჰქონდათ.
Basketball-referenc-ის ინფორმაციით, ზაზას კარიერაში ხელფასის სახით 57 მილიონი დოლარი აქვს გამომუშავებული. მას ყველაზე მეტი 2012/13 წლების სეზონში ჰქონდა “ატლანტაში” ყოფნისას – 5 მილიონ 248 ათასი.
“დეტროიტთან” ჩვენებურმა 1 წლიანი კონტრაქტი გააფორმა და 2 მილიონზე მეტს მიიღებს.
ფაჩულია “პისტონში” ლიგის ერთ-ერთი საუკეთესო ცენტრის და მთავარი ლიდერის, ანდრე დრამონდის შემცვლელი იქნება. მის საჩემპიონო და სათამაშო გამოცდილებაზე ბევრი რამ იქნება დამოკიდებული და როგორც მთავარმა მწვრთნელმა, დუეინ კეისიმ აღნიშნა, ის ზაზასგან მხოლოდ პოზიტივს ელოდება და მოთამაშის განსაკუთრებული IQ-ის იმედი აქვს.
