საფრანგეთი დამარცხებულია! არგენტინა მსოფლიო ჩემპიონატის ფინალშია

ჩინეთში მიმდინარე მსოფლიოს 2019 წლის საკალათბურთო ჩემპიონატი კულმინაციას უახლოვდება. გათმაშების პირველ ნახევარფინალურ შეხვედრა ესპანეთისა და ავსტრალიის ნაკრებების მონაწილეობით წარმოუდგენლად დაძაბული გამოდგა და ესპანეთის გამარჯვებით დასრულდა.

მეორე ნახევარფინალში კი ერთმანეთს არგენტინისა და საფრანგეთის ნაკრებები დაუპირისპირდნენ. მეოთხედფინალში ამერიკის შეერთებული შტატების დამარცხების შემდეგ ფრანგებს ფავორიტად თვლიდნენ, თუმცა არგენტინამ ექსპერტების მოლოდინები გაამტყუვნა და ფინალის საგზურიც მოიპოვა.

აღსანიშნავია, რომ არგენტინელებმა ფრანგებს ოთხივე მეოთხედში მოუგეს – 21-18, 18-14, 21-16, 20 – 18 და საბოლოო ჯამში 14 ქულით იმარჯვეს (80:66).

შეხვედრის ყველაზე შედეგიანი მოთამაშე ლუის სკოლა გახდა 28 ქულით, 13 მოხსნითა და ორი პასით. ფრანგთა რიგებში კი ნანდო დე კოლო გამოირჩა 11 ქულით, 3 მოხსნითა და 4 პასით.