საქართველოს ნაკრებმა ლიტვა დაამარცხა

საქართველოს საკალათბურთო ნაკრებმა ევროპის 2017 წლის ჩემპიონატზე პირველი მატჩი გამართა. ზუროსის გუნდი B ჯგუფის ერთ-ერთ ფავორიტს, ლიტვას დაუპირისპირდა და მეტოქე ანგარიშით 79:77 დაამარცხა.

შეხვედრის პირველი მეოთხედი ფრედ 18:18 დასრულდა. მეორე მეოთხედში ლიტველებმა უპირატესობა მოიპოვეს და შესვენებაზე 5-ქულიანი უპირატესობით გავიდნენ – 39:34. მესამე მეოთხედი საქართველოს ნაკრებმა ანგარიშით 25:18 მოიგო და ბოლო მეოთხედს ორქულიანი უპირატესობით შეხვდა – 59:57. ბოლო მეოთხედი დაძაბულ ბრძოლაში წარიმართა და 20:20 დასრულდა. საქართველოს ნაკრებმა ევრობასკეტზე ისტორიული გამარჯვება მოიპოვა.