საქართველოს ნაკრებმა ოვერტაიმში პორტუგალიას ერთი ქულით აჯობა

ევროპის 2015 წლის ევროპის ჩემპიონატის შესარჩევი მატჩი საქართველოს საკალათბურთო ნაკრებმა პორტუგალიასთან ჩაატარა და დაძაბულ ბრძოლაში, ოვერტაიმში, მეტოქე ერთი ქულით დაამარცხა.

ყველაფერი იგორ კოკოშკოვის გუნდისთვის ცუდად დაიწყო, პირველი მეოთხედი ქართველმა კალათბურთელებმა ანგარიშით 24:14 დათმეს, ხოლო მეორე მეოთხედი 21:12 წააგეს. საბოლოოდ, დიდი შესვენებისთვის სტუმრები 45:26 მარცხდებოდნენ.

მესამე და მეოთხე მეოთხედებში ქართველებმა იმდენი მოახერხეს, რომ ტაბლოზე თანაბარი ანგარიში 78:78 დაფიქსირდა. ოვერტაიმში კი, უკეთესები კოკოშკოვის კალათბურეთელები აღმოჩნდნენ, რომლებმაც პორტუგალიელებს ერთი ქულით აჯობეს.

საუკეთესო საქართველოს ნაკრების რიგებში ზაზა ფაჩულია იყო, რომელმაც 25 ქულა, 9 მოხსნა და 2 ასისტი მიითვალა. მასზე 5 ქულით ნაკლები თორნიკე შენგელიამ დააგროვა.

რაც შეეხება პორტუგალიელებს, მათ რიგებში საუკეთესო 26 ქულით ჟოზე და სილვა იყო.

პორტუგალია – საქართველო 90:91 (ოვერტაიმი)

პორტუგალია: და სილვა (26 ქ. 3 მ. 3 პ.), ფერნანდესი (17 ქ. 2 მ. 8 პ.), სოარესი (13 ქ. 9 მ. 2 პ.), პინტო (11 ქ. 1 მ. 2 პ.), ლიმა (9 ქ. 2 მ. 4 პ.)

საქართველო: ფაჩულია (25 ქ. 9 მ. 2 პ.), შენგელია (20 ქ. 5 მ. 3 პ.), სანიკიძე (10 ქ. 13 მ. 3 პ.), ბურჯანაძე (7 ქ. 4 მ.), სანაძე (4 ქ.)