შერმადინის “ოლიმპიაკოსმა” ფინალური სერია გაათანაბრა

გიორგი შერმადინის “ოლიმპიაკოსმა” საბერძნეთის ჩემპიონატის ფინალურ სერიაში ანგარიში გაათანაბრა. საწყის მატჩში დასანანი წაგების (56:59) შემდეგ პირეოსელებმა ათენური გრანდი გაანადგურეს. საკუთრ დარბაზში გამართულ მატჩში “ოლიმპიაკოსმა” 89:64დაამარცხა “პანა” და სერიაში საერთო ანგარიში 1:1 გახდა.

ქართველმა ცენტრმა, რომელსაც სერიის პირველ შეხვედრაში არ უთამაშია, ამჯერად მოედანზე 4:21 წუთით გამოჩნდა. შერმადინმა 1-დან 1 ორქულიანი და 2-დან 1 საჯარიმო ჩააგდო. 3 ქულასთან ერთად გიორგის 1 მოხსნა ჰქონდა. საუკეთესო შედეგი გეორგიოს პრინტეზისმა აჩვენა, რომელმაც 18 ქულა და 6 მოხსნა მიითვალა.

სერიაში მოედნის უპირატესობა “პანათინაიკოსს” აქვს, რომელმაც რეგულარულ ჩემპიონატშ “ოლიმპიაკოსს” 1 ქულით აჯობა. მომდევნო შეხვედრა ათენშ, 29 მაისს გაიმართება.

gbf.ge