დღეს პოლონეთის ექსტრაკლასაში 29-ე ტურის მატჩები შედგა. შენცინის “პოგონმა” ვროცლავის “სლასკი” მიიღო. მასპინძელთა ძირითად შემადგენლობაში იყო ქართველი მცველი, ლაშა დვალი, რომელმაც შეუცვლელად ითამაშა.
მატჩი ანგარიშით 3-2 დასრულდა. “პოგონის” გამარჯვებაში თავისი წვლილი შეიტანა 22 წლის ქართველმა მცველმა, რომელმაც 59-ე წუთზე მეორე გოლში მიიღო მონაწილეობა: მან ადამ ფრაჩაკს საგოლე გადაცემა გაუკეთა.
გეტყვით, რომ “პოგონი” 31 ქულით თექვსმეტგუნდიან ჩემპიონატში მეთერთმეტე პოზიციაზეა.
დღეს, ქუთაისში, “რამაზ შენგელიაზე” საქართველოს ნაკრებმა ბელარუსის ეროვნული გუნდი მიიღო.
ამხანაგური შეხვედრა ჩვენი უპირატესობით წარიმართა. ანგარიში 24-ე წუთზე იგორ სტასევიჩმა გახსნა. ამ მატჩისთვის ნაკებში გამოძახებული იყო თბილისის “ლოკომოტივის” თავდასმხმელი, ირაკლი სიხარულიძე. მე-14 ნომერმა 35-ე წუთზე დამატებაზე იდეალურად ითამაშა და მეკარეს მისგან მარცხენა კუთხეში შესანიშნავი გოლი გაუტანა.
მეორე ნახევარში მოედანზე ახალგაზრდა მცველი, ლაშა დვალი შემოვიდა. შენცინის “პოგონის” ფეხბურთელმა 50-ე წუთზე თავით შეძლო გატანა და ჩვენი ნაკრები წინ გავიდა. თუმცა, 66-ე წუთზე პაველ ნეხაიჩიკმა თავით ითამაშა ზუსტად და ანგარიში გაათანაბრა.
ამის შემდეგ ვლადიმერ ვაისმა რამდენიმე შემტევი ჩართო თამაშში, თუმცა ანგარიშის მხრივ აღარფერი აღარ შეცვლილა. საბოლოოდ, 2:2. შეგახსენებთ, რომ ეს ნაკრებისთვის წლის ბოლო დაპირისპირება იყო.
ახალგაზრდა ქართველი მცველი ლაშა დვალი ამიერიდან გერმანიის მეორე ბუნდესლიგის ბინადარ “დუისბურგში” ითამაშებს, ამ ინფორმაციას რამდენიმე გერმანული ვებ-გვერდი ავრცელებს.
liga-zwei.de-ს ცნობით, “დუისბურგმა” ცოტა ხნის წინ “შალკეში” ნახევარმცველი საშა დუმი გაუშვა, გუნდს კი ისეთი ფეხბურთელი სჭირდებოდა, რომელიც დაცვას გააძლირებდა და თამაში ნახევარდაცვის ხაზში შეეძლებოდა. ლაშა დვალს კი დაცვის ხაზის გარდა, ნახევარდაცვაშიც უთამაშია.
შეგახსენებთ, რომ დვალს “სკონტოს”, “რედინგისა” და “ქასიმფაშას” რიგებში უასპარეზია.
თურქული სუპერლიგის 33-ე ტურში “ქასიმფაშამ” აუტსაიდერ “ქაისერი ეჩიესპორს” უმასპინძლა. შეხვედრა საკმაოდ უხვგოლიანი გამოდგა და ფრედ, 3:3 დასრულდა.
მასპინძლეთა ძირითადში იყო ლაშა დვალი, რომელმაც მოედანზე 90 წუთი დაჰყო.
სუპერლიგის დასრულებამდე ერთი ტურით ადრე “ქასიმფაშას” აქტივში 37 ქულა და მე-11 პოზიციაა.
თურქული სუპერლიგის 21-ე ტურში შოთა არველაძის “ქასიმფაშამ” “ტრაბზონსპორს” უმასპინძლა. შეხვედრა ფრედ, 1:1 დასრულდა. არველაძის შეგირდებმა მატჩის გადარჩენა ბოლო წუთზე მოახერხეს.
“ქასიმფაშას” შემადგენლობაში სასტარტოში იყო და 90 წუთი ითამაშა 19 წლის ცენტრალურმა მცველმა ლაშა დვალმა.
21 ტურის შემდეგ შოთა არველაძის გუნდი 25 ქულით მე-10 პოზიციაზეა. ტრაბზონელებთან მატჩი სტაბმოლელებისთვის ზედიზედ მეხუთე მოუგებელი შეხვედრა იყო.
როგორც მოგეხსენებათ, ამ რამდენიმე დღის წინ, გორის “დილას” წინააღმდეგ გამართულ შეხვედრაში “ზესტაფონის” კაპიტანმა ჯაბა დვალმა “დუბლი” შეასრულა. განსაკუთრებული აღნიშვნის ღირსი კი ეს ამბავი იმიტომაა, რომ ეს გოლები 29 წლის ფორვარდისთვის ეროვნული ჩემპიონატის შეხვედრებში მარგველთა მაისურით გატანილი რიგით 50-ე და 51-ე გახლდათ.
ჯაბა დვალის ზესტაფონური მონაგარით დაინტერესებული სტატისტიკის მოყვარულები შეამჩნევდნენ ერთ უცნაურ გარემოებას – გორში გამართულ შეხვედრამდე იმერელთა თავდამსხმელის მიერ ეროვნულ ჩემპიონატში გატანილი ბურთების დაჯამებისას სხვადასხვა წყარო 48 ან 49 გოლს ასახელებდა…
ამის მიზეზი გახლავთ ის, რომ ზოგი წყაროს ინტერპრეტაციით, ჯაბას საერთო მონაგარს აკლდება 2010 წლის 20 მარტს რუსთავის “ოლიმპთან” მატჩში გატანილი გოლი. როგორც გახსოვთ, ის სკანდალური შეხვედრა მოედანზე განვითარებული არასაფეხბურთო ამბების გამო შეწყდა, თუმცა მანამდე ზესტაფონელთა მხრიდან გატანილი გოლით სწორედ ჯაბა დვალმა მოახერხა თავის გამოჩენა.
იმის მიუხედავად, რომ იმ შეხვედრის მონაწილე ორივე გუნდს მარცხი (0-3) ჩაეთვალა, ძალიან ბევრი წყარო (მათ შორის ისეთი ავტორიტეტულიც, როგორიცაა www.soccerway.com), იმერელთა კაპიტნის მიერ ჩემპიონატში გატანილი გოლების საერთო ციფრის გამოყვანისას, რუსთაველთა კარში გატანილ იმ გოლსაც ანგარიშობს.
უნდა ითქვას, რომ ეს 51 გოლი ფეხბურთელს ჩვენი გუნდის რიგებში გამართულ 104 შეხვედრაში (მოედანზე გატარებულ 8120 წუთში) აქვს გატანილი. სულ კი, ზესტაფონელთა მაისურით ჯაბას 138 ოფიციალური შეხვედრა აქვს ჩატარებული და მარგველთა მეტოქეთა კარი 70-ჯერ აქვს აღებული.
აღნიშვნის ღირსია ის, რომ ჩვენი კლუბის საუკეთესო გოლეადორთა ”ჭიდილში” ჯაბა დვალმა მეორე პოზიციაზე გადაინაცვლა – სადღეისოდ ზესტაფონელ მეგოლეთა დავას ერთპიროვნულად ლიდერობს ნიკოლოზ გელაშვილი, რომლის ანგარიშზე ეროვნულ ჩემპიონატის მატჩებში გატანილი 63 გოლია, ხოლო მესამეზე 48 ზუსტი დარტყმით ზურაბ იონანიძე გახლავთ.
როგორც მოგეხსენებათ, სადღეისოდ ჯაბა მიმდინარე პირველობის საუკეთესო ბომბარდირთა შორისაა – მიუხედავად იმისა, რომ სეზონის მსვლელობისას მას სამმატჩიანი დისკვალიფიკაციის მოხდა მოუწია, მის ანგარიშზე უკვე 6 გატანილი გოლია და ამ მაჩვენებლით ის, გორელ ირაკლი მოდებაძესთან და ქუთაისელ ოთარ კვერნაძესთან ერთად, საუკეთესო გოლეადორთა სიას სათავეში უდგას…
საფეხბურთო კლუბ ”ზესტაფონის” პრეს-სამსახური
გთავაზობთ ტელეკომპანია ”არგოს” სიუჟეტს, რომელიც უეფას ევროპალიგის 2014-2015 წლების გათამაშების მატჩებისათვის საფეხბურთო კლუბ “ზესტაფონის” პირველი გუნდის დასასრულს მიახლოვებული მზადების პირველი ეტაპისა და სამომავლო გეგმების შესახებ მოგვითხრობს.
საფეხბურთო კლუბ ”ზესტაფონის” პრეს-სამსახური
აზერბაიჯანულმა “ყარაბახმა” მიმდინარე ზამთრის სატრანსფერო ფანჯრის დროს, პირველი შენაძენი განახორციელა. აზერბაიჯანის ჩემპიონატის ბინადარმა თბილისის “დინამოდან” იჯარით ქართველი ფეხბურთელი, ჯაბა დვალი დაიმატა.
azerisport.com-ის ცნობით, 28 წლის თავდამსხმელი თურქულ შეკრებაზე მყოფ “ყარაბახს” დღეს შეუერთდება.
შეგახსენებთ, რომ “ყარაბახში” კიდევ ერთი ქართველი თავდამსხმელი – ნიკოლოზ გელაშვილი ირიცხება. გელაშვილი და დვალი ერთად “ზესტაფონშიც” თამაშობდნენ, სადაც კარგ დუეტს ქმნიდნენ.
ცნობისთვის, “ყარაბახი” პრემიერ ლიგაში პირველ პოზიციას იკავებს და უახლოეს მდევარ “გაბალას” ერთი ქულით უსწრებს.
