“ნაპოლის” მცველმა მარიუ რუიმ გუნდის ახალწვეულის, ხვიჩა კვარაცხელიას შესახებ კომენტარი გააკეთა.
“ლორენცო ინსინიე აღარ გვყავს, მაგრამ გუნდში არიან ძლიერი მოთამაშეები, რომლებსაც თავის წარმოჩენა სურთ. ჩემი აზრით, კვარაცხელია საკმაოდ კარგი ფეხბურთელია. მას გარკვეული დრო დასჭირდება ადაპტაციისთვის, თუმცა ძლიერი მოთამაშეა, რაც უბრალო დრიბლინგსა და გადაცემებშიც ჩანს. ის გუნდს დიდ დახმარებას გაუწევს”, – თქვა მარიუ რუიმ Radio Goal-ისთვის მიცემულ ინტერვიუში.
როგორც მოგეხსენებათ, ხვიჩა კვარაცხელიამ იტალიურ კლუბთან ხუთწლიანი შრომითი ხელშეკრულება გააფორმა. ქართველი ფეხბურთელი “ნაპოლის” ღირსებას 77-ნომრიანი მაისურით დაიცავს.