“ბარსელონამ” დენის სუარესისა და “ვილიარეალის” კონტრაქტში არსებული პუნქტის ამოქმედება გადაწყვიტა, რომლის თანახმადაც კატალონიურ კლუბს ესპანელი ფეხბურთელის გამოსყიდვის უფლება აქვს.
“ბლაუგრანამ” 3,250,000 ევრო გადაურიცხა “ვილიარეალის” ხელმძღვანელობას, რათა ტრანსფერი განეხორციელებინა.
ფეხბურთელის გამოსყიდვა ამიერიდან მხოლოდ 50 მილიონი ევროს სანაცვლოდ იქნება შესაძლებელი.
დენის სუარესს “ბლაუგრანას” მაისურით აქამდეც უასპარეზია – 2013/14 წლების სეზონში ის “ბარსა ბ-ს” რიგებში ირიცხებოდა. “ბარსელონას” შემდეგ სუარესმა თავი “სევილიასა” და “ვილიარეალში” გამოსცადა.
22 წლის ნახევარმცველი ესპანეთის მოქმედი ჩემპიონი კლუბის პირველი შენაძენია 2016/17 წლების სეზონისათვის.
