10 დეკემბერს, ევროპის ლიგის გათამაშებაში, თემურ ქეცბაიას “აპოელმა” საკუთარ მოედანზე პრაღის “სპარტა” მიიღო და ანგარიშით 1:3 დამარცხდა.
მატჩის 63-ე წუთზე, სტუმართა ფეხბურთელმა ჯულისმა ძალიან ეფექტური გოლი გაიტანა და ანგარიში 1:1 გახადა.
ჭდე: სპარტა
თემურ ქეცბაია: “მივიღეთ ის, რაც დავიმსახურეთ”
თემურ ქეცბაიას მიერ დამოძღვრილი აპოელი უეფას ევროპის ლიგის K ჯგუფის მეორე ტურშიც დამარცხდა. კვიპროსული გუნდმა პრაღაში ადგილობრივ “სპარტასთან” შეხვედრა ანგარიშით 0:2 დათმო.
მატჩისშემდგომ პრესკონფერენციაზე ქეცბაიამ განაცხადა, რომ აპოელმა “ასტერასის” წინააღმდეგ გასამართი მომდევნო ორი მატჩი უნდა მოიგოს, რათა ჯგუფიდან გასვლის შანსი შეინარჩუნოს.
“გუნდს სჭირდება ლიდერები. ტრავმების მხრივ გარკვეული პრობლემები გვქონდა. ამის მიუხედავად, ზოგიერთ ნიუანსში თავი კარგად წარმოვაჩინეთ.
რა თქმა უნდა, გამძლეობაც უნდა ვახსენოთ, რადგან კვიპროსის ჩემპიონატის ფინიშსა და წინასასეზონო მზადებას შორის დრო ძალზედ მოკლეა. ფეხბურთელებიც ადამიანები არიან. აუცილებელია, რომ სეზონი ადრე დასრულდეს.
დღეს ის მივიღეთ, რაც დავიმსახურეთ. რეალისტები უნდა ვიყოთ. “ასტერასს” ორივე შეხვედრა უნდა მოვუგოთ, რათა ჯგუფიდან გასვლის შანსი შევინარჩუნოთ. დავმარცხდით, მაგრამ ბრძოლას ვაგრძელებთ. მართალია, დღეს ქომაგები დავამწუხრეთ, თუმცა იმედი მაქვს, მომდევნო მატჩში შევძლებთ მათ გაღიმებას.
შესვენებაზე ჩემს მოთამაშეებს ვუთხარი, რომ ზედმეტად აფასებენ გუნდს, რომელიც ასეთ პატივისცემას არ იმსახურებს. ფეხბურთელები არ უნდა გავაკრიტიკოთ. ორშაბათს მნიშვნელოვანი შეხვედრა გვაქვს (“ენოსისთან” – ავტ), რომელიც უნდა მოვიგოთ. თავი მაღლა უნდა ავწიოთ, ეს მატჩი უკვე წარსულია, ჩვენ კი წინ უნდა გავიხედოთ.
კვიპროსული გუნდისთვის იოლი არ არის ევროსარბიელზე ძირითადი შემადგენლობის ხუთი-ექვსი ფეხბურთელის დაკარგვა. მომიწია, დაცვითი ნახევარმცველები ცენტრალურ მცველებად და შემტევი ნახევარმცველები დაცვით ნახევარმცველებად მეთამაშებინა”, – ციტირებს ქეცბაიას სიტყვებს Cyprusscore-ი.
საკადრო პრობლემების გამო თემურ ქეცბაიას ძირითად შემადგენლობაში 1997 წელს დაბადებული რაფაელ ანასტასიუს დაყენება მოუწია, რომელმაც თავი კარგად წარმოაჩინა და გუნდის თავკაცისგან საქებარი სიტყვებიც დაიმსახურა.
“ეს ბიჭი ახალგაზრდულ გუნდში ვნახე და მისმა თამაშმა ჩემზე შთაბეჭდილება მოახდინა. დღეს მას შეუძლია, იამაყოს. დღევანდელ მატჩში ჩვენი გუნდის რიგებიდან საუკეთესო მოთამაშედ სწორედ ანასტასიუს დავასახელებდი. მწვრთნელისთვის ადვილი არ არის, როდესაც გუნდის საუკეთესო მოთამაშე 18 წლის ფეხბურთელია. ჩვენ წავაგეთ მატჩი, მაგრამ მოვიგეთ ფეხბურთელი”, – დაასრულა ქეცბაიამ.
ქეცბაიას აპოელი პრაღაშიც დამარცხდა (ვიდეო)
თემურ ქეცბაიას მიერ დამოძღვრილი აპოელი უეფას ევროპის ლიგის K ჯგუფის მეორე ტურშიც დამარცხდა. კვიპროსული გუნდმა პრაღაში ადგილობრივ “სპარტასთან” შეხვედრა ანგარიშით 0:2 დათმო. მატჩი თანაბარ, არცთუ ისე მაღალ ტემპში დაიწყო. 24-ე წუთზე ანგარიშიც გაიხსნა: ჩეხთა მცველის, იაკუბ ბრაბეცის მახვილგონივრული გადაცემის შემდეგ “სპარტას” ერთ-ერთი ლიდერი დავიდ ლაფატა ხელსაყრელ პოზიციაზე გავიდა და ბურთი დაუცველის კარის წინ მდგარ ნიგერიელ ახალწვეულ კეჰინდე ფატაის გადააწოდა, რომელმაც მასპინძლები დააწინაურა.
მე-60 წუთზე გოლი თავად ბრაბეცმაც გაიტანა: კუთხურის გათამაშების შემდეგ სტუმართა მცველებს საკუთარ საჯარიმოში ჩეხი ფეხბურთელი გამოეპარათ და ამ უკანასკნელსაც ახლო მანძილიდან გოლის გატანა არ გასჭირვებია — 2:0.
ჯგუფის მეორე შეხვედრაში გელხენკირხენის “შალკემ” ტრიპოლისის “ასტერასი” ანგარიშით 4:0 გაანადგურა.
ამრიგად, უქულოდ დარჩენილი აპოელი ჯგუფში ბოლო ადგილს იკავებს. კვიპროსელებს 1 ქულით უსწრებს “ასტერასი”, დღევანდელი გამარჯვების შემდეგ 4 ქულა დააგროვა “სპარტამ”, შალკე” კი ჯგუფს უდანაკარგოდ ლიდერობს.
ევროპის ლიგა
K ჯგუფი
“სპარტა” — აპოელი 2:0 (1:0)
გოლები: ფატაი 24′, ბრაბეცი 60′.
გაფრთხილებები: ირაჩეკი 22′, მატეიოვსკი 47′ — ვანდერი 19′, ანტონიადესი 27′, მარიუ სერჟიუ 29′, არტიმატასი 40.
მთავარი არბიტრი: პაველ გილი (პოლონეთი).
ქეცბაია: “პრაღაში დადებითი შედეგისთვის ჩამოვედით”
დღეს უეფას ევროპის ლიგის ჯგუფური ეტაპის მეორე ტურის მატჩები გაიმართება. თემურ ქეცბაიას მიერ დამოძღვრილი აპოელი პრაღაში ადგილობრივი “სპარტას” წინააღმდეგ ითამაშებს.
შეგახსენებთ, რომ პირველ ტურში აპოელი შინ გელზენკირხენის “შალკესთან” ანგარიშით 0:3 განადგურდა. “სპარტა” გასვლაზე ტრიპოლისის “ასტერასს” დაუზავდა — 1:1.
მიუხედავად ცუდი სტარტისა, ქეცბაიას სჯერა, რომ ჯგუფიდან გამსვლელი ორი გუნდის ვინაობა ეტაპის ბოლოს გადაწყდება.
“ჯგუფური ეტაპი ჯგუფის უკანასკნელ მატჩამდე გრძელდება. აქ დადებითი შედეგისთვის ჩამოვედით. გარკვეული პრობლემები გვაქვს, თუმცა პრობლემები ყოველთვის არის. ყველაფერს გავაკეთებთ იმისთვის, რომ ეს პრობლემები მოედანზე არ გამოჩნდეს”, – აღნიშნა თემურ ქეცბაიამ მატჩისწინა პრესკონფერენციაზე.
აპოელმა 26 სექტემბერს კვიპროსის ჩემპიონატში “არისი” ანგარიშით 4:0 გაანადგურა. “სპარტა” 27 სექტემბერს ეროვნულ ჩემპიონატში თანაქალაქელ “სლავიასთან” 0:1 დამარცხდა.
თემურ ქეცბაიამ განაცხადა, რომ აპოელის სამწვრთნელო შტაბმა ჩეხური გუნდის ბოლო მატჩი დეტალურად გაარჩია და საჭირო დასკვნები გააკეთა.
“სპარტამ” რამდენიმე კარგი ფეხბურთელი დაიმატა და ახლა ჩვენი მეტოქე უფრო ძლიერია, ვიდრე გასულ წლებში იყო. ამას ჩეხეთის ჩემპიონატში მათი პოზიციაც ადასტურებს (სატურნირო ცხრილის ლიდერია – ავტ). მოწინააღმდეგის რამდენიმე საშინაო და გასვლითი მატჩი ვნახეთ, მათი უკანასკნელი მატჩი დეტალურად გავარჩიეთ. მათ შეუძლიათ გატანა, თუმცა ბევრ გოლსაც უშვებენ. “სპარტა” ის გუნდია, რომელსაც შეუძლია, მცირე შეცდომის გამო დაგსაჯოს”, – ციტირებს ქეცბაიას სიტყვებს cyprusscore-ი.
მატჩი “სპარტასა” და აპოელს შორის დღეს, თბილისის დროით 21:00 საათზე დაიწყება და მას პაველ გილის თავკაცობით პოლონელ მსაჯთა ბრიგადა მოემსახურება.
ყენია პრშიბრამში დამარცხდა
ჩეხეთის ჩემპიონატის 27-ე ტურში პრაღის “სლავია” პრშიბრამში ადგილობრივ კლუბთნა მინიმალური სხვაობით, ანგარიშით 2:1 დამარცხდა.
პრაღელები მე-16 წუთზე კი დაწინაურდნენ, თუმცა მეტქეს ჯერ გათანაბრების შანსი მისცეს, 90-ე წუთზე კი მეორე გოლიც გაუშვეს და მორიგი მარცხი იწვნიეს. ტრადიციულად “სპარტას” შემადგენლობაში იყო საქართველოს ნაკრების ნახევარმცველი, ლევან ყენია, რომელმაც მოედანზე 75 წუთი დაჰყო.
ამრგიად 27 ტურში მოპოვებული 28 ქულით “სპარტა” მეცამეტეა და გასავრდნ ზონას 6 ქულით უსწრებს.
„დინამომ“ თურქულ შეკრებაზე პრაღის „სპარტასთან“ წააგო
თურქეთში შეკრებაზე მყოფმა თბილისის „დინამომ“ რამდენიმე წუთის წინ პრაღირს „სპარტასთან“ საკონტროლო შეხვედრა დაასრულა. მატჩი ჩეხური კლუბის გამარჯვებით 3:1 დასრულდა.
ანგარიში 30-ე წუთზე ნახევარმცველმა შალამ გახსნა. პირველი ნახევარი ანგარიშით 1:0 დასრულდა. თბილისელებმა ანგარიში მეორე ნახევრის მეოთხე წუთზე გაათანაბრეს – თავი გუნდის ახალწვეულმა მანუელომ გამოიჩინა. სამწუხაროდ, დარჩენილ დროში „დინამოელებმა“ ორი გოლი მიიღეს. 53-ე წუთზე გოლი კრეჟციმ გაიტანა, 74-ე წუთზე კი თბილისელთა კარი ბორეკ დოკალმა გაიტანა.
ამრიგად, თბილისელებმა თურქეთში მეორედ წააგეს. შეგახსენებთ, რომ გრაცის „შტურმთან“ „დინამომ“ ფრედ 1:1 ითამაშა, ხოლო პოლტავას „ვორსკლასთან“ ანგარიშით 0:1 წააგო.
შემდეგ მატჩს „ლურჯ-თეთრები“ ექვს თებერვალს ჩაატარებენ, მათი მეტოქე სლოვენიის „დომჟალე“ იქნება.
როტერდამის “სპარტას” ფეხბურთელის ულამაზესი საჯარიმო
ჰოლანდიაში, როტერდამის “სპარტასა” და “პსვ”-ს ახალგაზრდულ გუნდს შორის გამართულ მატჩში, “სპარტას” ფეხბურთელმა, სტეფ პიტერსმა ულამაზესი გოლი გაიტანა.