ლუის სუარესი სათანადო ფორმაში ვეღარაა. ურუგვაელმა ჩემპიონთა ლიგის ჯგუფური ეტაპის ექვსი მატჩი უგოლოდ დაასრულა.
ომარ მომანი სვამს კითხვას: დადგა დრო, სუარესი ალკასერმა შეცვალოს?
ჭდე: კატალონია
ფრენკ რაიკაარდი: “მესი ღმერთია”
კატალონიის “ბარსელონას” ყოფილი მწვრთნელი, ფრენკ რაიკაარდი გუშინ “კამპ ნოუს” ესტურმა და ჩემპიონთა ლიგის წინასამატჩო ვარჯიშს დაესწრო. მას თან საკუთარი ვაჟიც ახლდა. საწვრთნელი პროცესის შემდეგ, რაიკაარდი ლიონელ მესისა და ანდრეს ინიესტას შეხვდა. შემდეგ კი, კომენტარიც გააკეთა.
“ახლა მეოჯახე ვარ და შემიძლია, “კამპ ნოუზე” მშვიდად ვუყურო “ბარსელონას” თამაშებს. ჩემი შვილი რვა წლისაა და მისი ოცნებაა, ამ კლუბის მატჩი ცხადში ნახოს. ხვალ მას ეს ნატვრა აუხდება.”
“მესი? ის ღმერთია! ის ღმერთია ყველასთვის! ასევე, აუცილებელია, განსაკუთრებულად შევაქოთ ანდრეს ინიესტა. ზოგადად, ყველა ფეხბურთელს წარსულიდან ვუყურებ. მათ მშვენიერი კარიერები აქვთ,” – აცხადებს ჰოლანდიელი.
მასკერანო: “ბარსაში” საუკეთესო წლები უკვე მქონდა, ჩემი დრო ნელ-ნელა მიდის”
კატალონიის “ბარსელონას” ცენტრალური მცველი, ხავიერ მასკერანო აცხადებს, რომ ესპანურ გრანდში მისი დრო, ფაქტობრივად, ამოიწურა.
“ვფიქრობ, ჩემი დრო აქ ამოიწურა. ახლა ისეთი გრძნობა მაქვს, რომ ამდენი დროის შემდეგ, კლუბისთვის ბევრი რამის გაკეთება აღარ შემიძლია. შესაბამისად, ჩემი დრო ნელ-ნელა მიდის. ამას დამძიმებული გულით არ ვამბობ. აქ ჩემი კარიერის საუკეთესო წლები მქონდა, რასაც ვერასდროს დავივიწყებ.”
“ვფიქრობ იმ ერთ-ერთი ადამიანთაგანი ვარ, რომლებმაც იციან, როდის გამოვდიდნენ სცენიდან. ვხვდები, როდის აღარ შევეფერები კოლექტივს. მინდა, სცენიდნა სწორ დროს გამოვიდე. თუმცა, ეს მხოლოდ ჩემზე არაა დამოკიდებული. ამ პერიოდს, რა თქმა უნდა “ლივერპულისას” ვერ შევადარებ. მაშინ იქ არსებული მდგომარეობა არ მომწონდა და სწორედ ამიტომ დავტოვე იქაური გუნდი. აქ კი სულ სხვა გრძნობა მაქვს,” – აცხადებს არგენტინელი.
“ბარსელონამ” “მურსია” გაანადგურა და კოპა დელ რეის 1/16 ფინალში გავიდა (ვიდეო)
დღეს კოპა დელ რეის 1/32 ფინალის განმეორებითი მატჩები გაიმართა.
“კამპ ნოუზე” კატალონიის “ბარსელონამ” “რეალ მურსია” მიიღო. ანგარიში მე-16 წუთზე პაკო ალკასერმა გახსნა. მას ამ მომენტში ალეიშ ვიდალმა “უპასა.” მეორე ნახევარში, 56-ე წუთზე ვიდალმა ხერარდ პიკეს გაატანინა. მურსიელთა განადგურება მე-60 წუთზე გაგრძელდა: ამჯერად “ბარსას” მარჯვენა მცველმა, ორი ასისტის შემდეგ, გოლის გატანაც მოახერხა. ამის შემდეგ, 74-ე წუთზე ლუის სუარესმა სერხი რობერტოს საგოლე გადაცემით შეძლო მეტოქის კარის აღება. მეხუთე გოლი კი 79-ეზე ხოსე არაისმა გაიტანა.
საბოლოოდ, “ბლაგურნამ” ანგარიშით, 5-0 მოიგო. მოგეხსენებათ, მასპინძლებმა წინა შეხვედრაში ანგარიშით, 3-0 მოიგეს – ორი მატჩის ჯამში – 8-0 და “ბარსა” 1/16 ფინალში გავიდა.
ვალვერდე: “ხშირად თავს ვერ ვიცავდით, რადგან “ვალენსია” საუკეთესოა კონტრ-შეტევაზე”
გუშინ ესპანეთის ლა ლიგა სანტანდერის მე-13 ტურში კატალონიის “ბარსელონამ” “ვალენსია” მიიღო და მეტოქესთან ფრე, 1-1 ითამაშა.
პრინციპული შეხვედრის შემდეგ კატალონიელთა მთავარმა მწვრთნელმა, ერნესტო ვალვერდემ ჟურნალისტებთან ისაუბრა.
“ურთულესი თამაში გამოვიდა. ჩვენ ხშირად კარგად ვერ ვიცავდით თავს, რადგან “ღამურები” კონტრ-შეტევაზე შესანიშნავად გადმოდიოდნენ. ვიცით, რომ ეს გუნდი სახლშია განსაკუთრებით ძლიერი. სწორედ ამიტომ, უკმაყოფილო არ ვარ – დაძაბული წუთების შემდეგ, ანგარიში გავათანაბრეთ და ერთი ქულა მაინც მოვიპოვეთ. მათ დაბალანსებული თამაში დავუპირისპირეთ. ჩვენ ძალიან დიდი ყურადღებით ვთამაშობდით მათი ორი თავდამსხმელის წინააღმდეგ. განსაკუთრებით, გუედეშს გამოვარჩევდი,” – აცხადებს ვალვერდე.
ერნესტო ვალვერდე: “მესის ახალმა კონტრაქტმა დაგვამშვიდა”
დღეს კატალონიის “ბარსელონას” სუპერვასრკვლავმა, ლიონელ მესიმ გუნდთან კონტრაქტი გაახანგრძლივა. არგენტინელი მოთამაშე კლუბში 2021 წლის ზაფხულამდე დარჩება.
აღნიშნულ ფაქტზე ჟურნალისტებს გუნდის მთავარი მწვრთნელი, ერნესტო ვალვერდე ესაუბრა.
“ყველაფერი რამდენიმე ხნით ადრე იყო შეთანხმებული. ამის შესახებ ლეომ განაცხადა კიდეც. მხოლოდ და მხოლოდ, ოფიციალური ცერემონია იყო დარჩენილი. ბედნიერები ვართ, რომ მესი ჩვენთან რჩება. ეს დამშვიდების საშუალებას მოგვცემს. ყველამ იცის, რას წარმოადგენს ის “ბარსასთვის.”
“ბლაგურნას” მთავარმა მწვრთნელმა, ლა ლიგის მე-13 ტურში, “ვალენსიასთან” ჩასატარებელ შეხვედრაზეც გააკეთა კომენტარი.
“რაც არ უნდა მოხდეს, ჩემპიონატის დასრულებამდე კიდევ დიდი ხანია დარჩენილი. სწორედ ამიტომ, ხვალინდელი შედეგით არაფერი შეიცვლება. ისე კი, მეტოქეს მშვენიერი ფეხბურთელები ჰყავს: ძაძა, როდრიგო, სოლერი, გუედში. ესენი არიან ის მოთამაშეები, რომლებიც უმაღლეს დონეზე გამოდიან. ვფიქრობ, მათ ლა ლიგაში საუკეთესო კონტრ-შეტევების განხორციელება შეუძლიათ. ამიტომ, “ღამურების” შეჩერება მარტივი არ იქნება,” – აცხადებს ერნესტო.
ვალვერდე: “მესი მაშინ გამოვიდა მოედანზე, როცა ეს საჭირო გახდა”
გუშინ ჩემპიონთა ლიგის ჯგუფური ეტაპის მეხუთე ტურში ტურინის “იუვენტუსი” კატალონიის “ბარსელონას” დაუვხდა. დაპირისპირება უგოლო ფრით დასრულდა, რაც იმას ნიშნავს, რომ ესპანელები პირველი ადგილით გავიდნენ ჯგუფიდან.
პრინციპული მატჩის შემდეგ ჟურნალისტებთან “ბლაგურნას” მთავარა მწვრთნელმა, ერნესტო ვალვერდემ ისაუბრა.
“მესის ტრავმა არ ჰქონდა. უბრალოდ, ის ჩვენთვის უმნიშვნელოვანესი ფეხბურთელია და ამიტომ აუცილებელია, ზოგჯერ, დასვენების საშუალება მივცეთ. ხოლო, როცა ზეწოლის გაძლიერება გახდა საჭირო, ის საქმეში ჩაერთო. მან ჩვენს შეტევებს მრავალფეროვნება შემატა.”
“ჩვენი მიზანი იყო, რომ მარკს ბევრი სეივის გაკეთება არ დასჭირვებოდა. დღეს, მას ხშირად არ გამოუჩენია თავი, თუმცა ისიც უნდა ითქვას, რომ ის უდაოდ კარგ ფორმაშია. დიბალას წიინააღმდეგ გერმანელმა მშვენივრად ითამაშა.”
“ბედნიერი ვარ, რომ რთულ ჯგუფში პირველი ადგილი დავიკავეთ. წინ ახალი თავგადასავლები გველის,” – აცხადებს ვალვერდე.
ალეგრი: “ჭიქები მაინც ავავსოთ, ჩვენ ხომ “ბარსელონას” წინააღმდეგ თავი კარგად დავიცავით”
დღეს კატალონიის “ბარსელონა” ტურინის “იუვენტუსს” ესტუმრა და მეტოქესთან უგოლო ფრე გააგორა.
ჩემპიონთა ლიგის ჯგუფური ეტაპის მეხუთე ტურის შემდეგ ჟურნალისტებს იტალიელთა მთავარი მწვრთნელი, მასიმილიანო ალეგრი ესაუბრა.
“ეს ჩვენი პირველი უგოლო ფრე იყო ამ სეზონში. “ბარსელონა” თავს შესანიშნავად იცავდა. მათ აგვისტოს შემდეგ მხოლოდ ოთხი გოლი მიიღეს თავიანთ კარში. პირველ ტაიმში რამდენიმე შანსი შევქმენით, მაგრამ შემდეგ კატალონიელებმა სივრცეები ჩაკეტეს ფლანგებზე და ამის შემდეგ ყველაფერი შეიცვალა.”
“მიზანი ცალსახაა: საბერძნეთში მოგება! ეს ნიშნავს, რომ ჩვენ ჯგუფიდან გავალთ. სხვა მხრივ, იმის იმედზე უნდა ვიყოთ, რომ “სპორტინგი” ბარსელონაში ვერ მოიგებს. მოდი, დავივიწყოთ, დღევანდელი. ჩვენ ხომ “ბარსელონას” დავუპირისპირდით. შეგვიძლია, ჭიქები მაინც ავავსოთ. კმაყოფილი ვარ იმით, რომ მათ წინაშე თავი კარგად დავიცავით,” – აცხადებს ალეგრი.
ლიონელ მესის მეოთხე ოქროს ბუცი პარასკევს გადაეცემა
ლიონელ მესის კუთვნილ ოქროს ბუცი პარასკევს გადაეცემა. დაჯილდოვება ბარსელონას ცენტრში მდებარე “ანტიგუა ფაბრიკა ესტრელა დამში” შედგება. არგენტინელისთვის ეს რიგით მეოთხე ოქროს ბუცი იქნება.
“ბლაგურნას” ლიდერმა გასულ სეზონში, ლა ლიგა სანტანდერის 34 შეხვედრაში 37 გოლის გატანა შეძლო. ამით მან ჩამოიტოვა კონკურენტები, თანაგუნდელი, ლუის სუარესი და მადრიდის “რეალის” სუპერვარსკვლავი, კრიშტიანუ რონალდუ. 30 წლის შემტევმა წინა სამი ჯილდოს მიღება 2009/10, 2011/12 და 2012/13 წლების სეზონებში მოახერხა. მაშინ, მან, შესაბამისად, 34, 50 და 46 გოლი შეაგდო.
დაჯილდოვების ცერემონია თბილისის დროით, 16:15 წუთზე დაიწყება. მას “ბარსელონას” წარმომადგენლები დაესწრებიან. მათ შორის იქნება კლუბის პრეზიდენტი, ხოსეპ მარია ბართომეუ.
“ბარსელონას” “იუვენტუსთან” შეხვედრაში ექვსი ფეხბურთელი დააკლდება
ზეგ კატალონიის “ბარსელონა” ტურინში, “იუვენტუსს” დაუპირისპირდება. აღნიშნული შეხვედრა ჩემპიონთა ლიგის ჯგუფური ეტაპის მეხუთე ტურის ეგიდით შედგება.
საგულისხმოა, რომ “ბლაგურნას” იტალიაში ექვსი ფეხბურთელი ვერ წაჰყვება. რაფინიას, უსმან დემბელეს, ხავიერ მასკერანოს, არდა თურანს, სერხი რობერტოსა და ანდრე გომეშს ტრავმები აქვთ. სოწრედ ამიტომ, კატალონიელთა მთავარმა მწვრთნელმა, ერნესტო ვალვერდემ პირველ გუნდში ისეთ ახალგაზრდებს უხმო, როგორებიცაა: ორტალა, კუენკა, ფალი, ვიტინიო, მოისესი, მარკი.
“ბარსელონა” ხვალ გაემგზავრება იტალიაში. გეტყვით, რომ ესპანელებს ფრეც აწყობთ, რათა ჯგუფიდან პირველი ადგილით გავიდნენ: მათ ათი ქულა აქვთ და სამით უსწრებენ მეორეადგილოსან “ბებერ ქალბატონს”, რომელსაც “კამპ ნოუზე” 3:0 სძლიეს. ვალვერდეს ბიჭები მეექვსე ტურის მატჩს სახლში, “სპორტინგთან” გამართავენ.
“ბარსელონამ” “ლეგანესს” სძლია – სუარესმა, როგორც იქნა, გატანა დაიწყო (ვიდეო)
დღეს ესპანეთის ლა ლიგა სანტანდერის მე-12 ტურის შეხვედრები შედგა.
“ლეგანესმა” “ესტადიო მუნიციპალ დე ბუტარკეზე” კატალონიური “ბარსელონა” მიიღო. როგორც მოსალოდნელი იყო, თამაში “ბლაგურნას” გეგმების შესაბამისად წარიმართა. ანგარიში 28-ე წუთზე ლუის სუარესმა გახსნა. მან ამით შეწყვიტა 33 დღიანი უგოლო სერია.
ურუგვაელმა მეორე ტაიმშიც გამოიჩინა თავი. მან მე-60 წუთზე დუბლი შეასრულა. ხოლო, ზუსტად ნახევარ საათში პაულინიომ მესამეც გაიტანა. ეს ამ შეხვედრაში უკანასკნელი გოლი აღმოჩნდა – შესაბამისად, “ბარსამ” ლეგანესს” ანგარიშით, 3-0 სძლია. ახლა მას 34 ქულა აქვს და ცხრილის ერთპიროვნული ლიდერია. “ლეგანესი” 17 ქულით მეცხრე პოზიციას იკავებს.
ხავიერ მასკერანო ოთხი კვირით იუქმებს
კატალონიის “ბარსელონას” ლაზარეთს ერთი ფეხბურთელი შეემატა. ეს ხავიერ მასკერანოა, რომელმაც ტრავმა ნიგერიის წინააღმეგ გამართულ ამხანაგურ მატჩში მიიღო.
არგენტინელს გამოკვლევა გუშინ დილით ჩაუტარდა და დადგინდა, რომ მას დაზიანება მარჯვენა ფეხის ბიცეპსზე აქვს. როგორც ექიმები იტყობინებიან, 33 წლის მოთამაშეს ოთხი კვირის მანძილზე მოუწევს უქმობა.
თუ კალენდარს გადავხედავთ, ხავიერი 23 დეკემბერს, ლა ლიგა სანტანდერის შეხვედრაში, მადრიდის “რეალის” წინააღმდეგ “სანტიაგო ბერნაბეუზე” უნდა დაბრუნდეს.