ლიონელ მესიმ სოციალურ ქსელში გამოაქვეყნა ფოტო, სადაც მის ძაღლთან ერთად არის. მისი მეგობარი არც თუ ისე პატარაა. ამასთან დაკავშირებით ომარ მომანიმ სახალისო კარიკატურა შემოგვთავაზა.
ჭდე: კატალონია
მესი: “ბარსელონას” შემდეგ მხოლოდ ამ კლუბში მსურს თამაში”
საინტერესო განცხადებას აკეთებს მსოფლიო ფეხბურთის სუპერვარსკვლავი, ლიონელ მესი… მან ის გუნდი დაასახელა, რომელში თამაშიც კატალონიური გრანდიდან წასვლის შემდეგ სურს.
“ბარსელონამ” ძალიან ბევრი რამ მომცა. თუმცა, ქედან რომ წავალ, მინდა, მშობლიურ გუნდში, “ნიუელს ოლდ ბოიზში” დავბრუნდე და ჩემი ქალაქის გუნდს წარმატების მიღწევაში დავეხმარო.”
“ბავშვობაში ძალიან მინდოდა, “ნიუელსში” მეთამაშა. ჩემი ცხოვრება სხვა გზით წავიდა და ეს კლუბი 13 წლისამ დავტოვე. მაგრამ იქ აუცილებლად დავბრუნდები,” – განაცხადა არგენტინელმა ფეხბურთელმა.
რომელი ნომრებით იასპარეზებენ “ბარსელონას” მოთამაშეები ახალ სეზონში?
ცნობილი გახდა ინფორმაცია იმის შესახებ, თუ რა ნომრებით ითამაშებენ კატალონიის “ბარსელონას” მოთამაშეები ახალ სეზონში…
მარკ ანდრე ტერ შტეგენი – # 1
ხერარდ პიკე – # 3
ივან რაკიტიჩი – # 4
სერხიო ბუსკეცი – # 5
დენის სუარესი – # 6
არდა თურანი – # 7
ანდრეს ინიესტა – # 8
ლუის სუარესი – # 9
ლიონელ მესი – # 10
ნეიმარი – # 11
რაფინია – # 12
იასპერ სილესენი – # 13
ხავიერ მასკერანო – # 14
პაკო ალკასერი – # 17
ხორდი ალბა – # 18
ლუკას დინიე – # 19
სერხი რობერტო – # 20
ანდრე გომეში – # 21
ალეიქს ვიდალი – # 22
სამუელ უმტიტი – # 23
ჟერემი მატიე – # 24
ხორდი მასიპი – # 25
კაკაბაძე: “”ვილიარეალთან” ნაჩვენები თამაშით თუ ვიმსჯელებთ, “ლა ლიგაში” გადასვლის დიდი შანსი გვაქვს”
ამ ზაფხულზე კიდევ ერთი ქართველი ფეხბურთელი წავიდა უცხოურ ჩემპიონატში სათამაშოდ. ოთარ კაკაკბაძემ კატალონიურ “ხიმნასტიკს” მიაშურა, სადაც ჩვენი თანამემამულე, გიორგი აბურჯანია გამოდის. “დინამოს” ყოფილ მოთამაშეს რამდენიმე დღის წინ “ვილიარეალის” წინააღმდეგ ჰქონდა დებიუტი. აღსანიშნავია, რომ ამხანაგურ შეხვედრაში კაკაბაძემ პირველი ნახევარი ითამაშა და ნამდვილად არ დატოვა ცუდი შთაბეჭდილება.
Fanebi.Com-ი დაუკავშირდა 20 წლის სპორტსმენს და მასთან ინტერვიუ ჩაწერა.
– პირველ რიგში, ყველას აინტერესებს, როგორი ატმოსფეროა გუნდში და გაქვთ თუ არა ის პირობები, რომლებიც მარტივ ადაპტაციაში დაგეხმარებათ?
– მშვენიერი განწყობაა კოლექტივში. ძალიან პოზიტიური ატმოსფერო სუფევს. აქ ყველაფერია, რაც ნამდვილ ფეხბურთელად მაგრძნობინებს თავს. შესაბამისად, ადაპტაციაც საერთოდ არ მიჭირს. მოკლედ, ამ მხრივ პრობლემა, ფაქტობრივად, არ მაქვს.
– რამდენიმე დღის წინ “ვილიარეალთან” ითამაშეთ და 1-2 დამარცხდით. როგორ შეაფასებთ შეხვედრას და შეგეძლოთ თუ არა მინიმუმ ფრის მიღწევა?
– რა თქმა უნდა, ფრეც და მეტიც, ჩვენ ამ მატჩის მოგება შეგვეძლო. მიუხედავად იმისა, რომ თითქმის მთელი შეხვედრა ათი კაცით ვიასპარეზეთ, საკმაოდ მაღალ ტემპში ვთამაშობდით და ბევრი მომენტიც შევქმენით. მაგრამ ეს ამხანაგური მატჩი იყო და რთულია ამ თამაშის მიხედვით იმის გარკვევა, თუ ვის რა შეეძლო.
– პირველი ტაიმი ითამაშეთ. ინდივიდუალური თვალსაზრისით, როგორ შეაფასებთ დებიუტს? დარჩა თქვენი ასპარეზობით გუნდის ხელმძღვანელობა კმაყოფილი?
– პირველი თამაშისთვის, შესაძლებელია, ითქვას, ნორმალურად გამოვიყურებოდი. უფრო მეტი მინდოდა, მაგრამ ყველაზე მთავარი ოფიციალური შეხვედრებია, სადაც ვეცდები, ამაზე გაცილებით უკეთესად ვიასპარეზო.
– აბურჯანია მთელი შეხვედრა სათადარიგოზე იჯდა და მოედანზე არ გამოსულა. ხომ ვერ გვეტყვით, რა მიზეზით მოხდა ეს? ის გასულ სეზონში გუნდის ერთ-ერთი ლიდერი იყო და მისი სათადარიგოზე დაჯდომა, ცოტა არ იყოს, გასაკვირია…
– წინა დღეებში “აბუს” ფეხი აწუხებდა, რის გამოც 3 დღე მოუწია დასვენება. ამ მატჩში კი შეეძლო მონაწილეობის მიღება, მაგრამ, მაინც ამხანაგური იყო და, აღარ გარისკეს.
– აღნიშნეთ, რომ ამხანაგურით რთულია დასკვნების გაკეთება, მაგრამ მაინც რომ თქვათ, თქვენი აზრით, ასეთი თამაშით რა შანსები აქვს “ხიმნასტიკს” “სეგუნდა დივიზიონში”?
– იმ თამაშით, რაც “ვილიარეალთან” აჩვენა გუნდმა, დიდი შანსია, რომ “პრიმერა დივიზიონში” გადავიდეთ. უბრალოდ, წელს “სეგუნდაში” ბევრი კარგი კლუბი ითამაშებს და ეს ძალიან რთული იქნება.
დელ ბოსკე: “მინდა, რომ ის მომავალში ესპანეთის ნაკრების მწვრთნელი იყოს”
“ევრო 2016”-ის დასრულების შემდეგ ვისენტე დელ ბოსკემ ესპანეთის ნაკრების თავკაცის პოსტი დატოვა. მან “ფურია როხასთან” ერთად 2010 წელს მსოფლიოს, ხოლო 2012 წელს ევროპის ჩემპიონატი მოიგო. 65 წლის სპეციალისტმა ჟურნალისტებთან ისაუბრა და განაცხადა, რომ ძალიან უნდა, მისი ადგილი მომავალში პეპ გვარდიოლამ დაიკავოს.
“პეპი მსოფლიოში ერთ-ერთი საუკეთესო მწვრთნელია. ამაში ეჭვი არავის უნდა შეეპაროს. მას ძალიან დიდი განათლება და გამოცდილება აქვს ფებხურთში.”
“ადრე ესპანური გუნდების გასაწვრთნელად მწვრთნელები საზღვარგარეთიდან მოგვყავდა. ახლა კი, ჩვენი ეროვნების სპეციალისტები მიდიან უცხოეთში, რათა იქაურ კლუბებს უხელმძღვანელონ. ამით უნდა ვიამაყოთ. ამას ცოტა თუ წარმოიდგენდა რამდენიმე წლის წინ.”
“გვარდიოლა ის მწვრთნელია, რომელიც “მანჩესტერ სიტიში” სამუშაოდ სულ ახლახანს წავიდა და იმედი მაქვს, იქედან მალე დაბრუნდება ნაკრების დასახმარებლად. ვერ ვხვდები, რა უნდა იყოს ამ პოსტზე მისი არდანიშვნის მიზეზი. ის, რომ კატალონიელია? არა! ესპანეთი ერთიანი ქვეყანაა და ის უნდა ჩაუდგეს ნაკრებს სათავეში, ვინც საუკეთესოა ამ საქმეში,” – განაცხადა დელ ბოსკემ.
კატალონიის ნაკრები რომ ესპანეთის ნაკრებს ეთამაშებოდეს – როგორი იქნებოდა შემადგენლობა
უკვე დიდი ხანია, ესპანეთში კატალონიის შესაძლო დამოუკიდებლობაზე ბევრს საუბრობენ. ამ თემასთან დაკავშირებით აზრი არაერთმა ფეხბურთელმა დააფიქსირა, მათ შორის პიკემაც. პიკემ თავისი განცხადებით ესპანელი გულშემატკივრები გაანაწყენა, ისინი კი “ბარსელონას” მცველს ნაკრების ყველა მატჩის მიმდინარეობისას უსტვენენ.
საინტერესოა, როგორი იქნება კატალონიისა და ესპანეთის ნაკრებების შემადგენლობა იმ შემთხვევაში, თუ კატალონია დამოუკიდებლობას მოიპოვებს.
გთავაზობთ Goal.Com-ის ვერსიას:
ემანუელ პეტი: “კატალონიური ნაციონალიზმი რასიზმთან ძალიან ახლოსაა”
“ბარსელონასა” და საფრანგეთის ნაკრების ყოფილმა ნახევარმცველმა ემანუელ პეტიმ კატალონიელები სეპარატისტული განწყობების გამო გააკრიტიკა. ფრანგმა ფეხბურთელმა ერთხელ ისიც კი თქვა, რომ 2000 წელს “მანჩესტერ იუნაიტედში” გადასვლას “ბარსელონაში” თამაში ამჯობინა, რასაც ნანობს.
“ბარსელონაში” ცუდ დროს მივედი. გასახდელში ჰოლანდიელ და კატალონიელ ფეხბურთელებს შორის ნამდვილი ომი იყო. კლუბის ხელმძღვანელობას ან ძალა არ ჰყოფნიდა ან ქარიზმა, რათა წესრიგი დაემყარებინა. მთელი გასახდელი პოლიტიკითა და ნაციონალიზმით სუნთქავდა. “ბარსელონაში” გადასვლა მიხაროდა, მაგრამ მხოლოდ ფეხბურთზე კონცენტრირება მინდოდა. ყოველდღე ვცდილობდი იმ პრობლემებთან გამკლავებას, რომლებიც მე არ მეხებოდა.
“ბარსელონაში” ახალი მისული ვიყავი, როცა მითხრეს: “ნუ ცდილობ ესპანურის სწავლას, კატალონიური ისწავლე”. მე ვკითხე: “განა ესპანეთში არ ვიმყოფები?” პასუხი კი ასეთი იყო: “არა, შენ კატალონიაში ხარ”. მესმის, რომ მათ შეუძლიათ თვითიდენტიფიკაცია ამ გზით, მაგრამ ასეთი ნაციონალიზმი რასიზმთან ძალიან ახლოსაა. წასვლა მინდოდა. დიდი შეცდომა დავუშვი”, – პეტის სიტყვები “მარკამ” გამოაქვეყნა.
ბასკები კატალონიელებთან დაზავდნენ
ბასკების ქვეყნისა და კატალონიის ნაკრებებს შორის გამართული ამხანაგური მატჩი ფრედ, 1:1 დასრულდა. ანგარიში მატჩის პირველივე წუთზე ბილბაოს “ატლეტიკის” ფეხბურთელმა არიტს ადურისმა გახსნა. 44-ე წუთზე წონასწორობა “ესპანიოლის” წარმომადგენელმა სერხიო გარსიამ აღადგინა.
აღსანიშნავია, რომ კატალონიელთა გუნდში “ბარსელონას” ერთბაშად ცხრა ფეხბურთელი იყო მიწვეული.
ამხანაგური მატჩი:
ბილბაო
ბასკების ქვეყანა — კატალონია 1:1 (1:1)
გოლები: ადურისი 1′ — გარსია 44′
ჩავი: “ყოველთვის იმას ვფიქრობ, რა იქნება კატალონიელი ხალხისთვის უკეთესი”
“ბარსელონას” ნახევარმცველმა ჩავი ერნანდესმა კატალონიაში არსებული პოლიტიკური სიტუაციის შესახებ ისაუბრა.
“ყოველთვის იმას ვფიქრობ, რა იქნება კატალონიელი ხალხისთვის უკეთესი. აქ ვცხოვრობ, ჩემი ფესვები აქედან არის. ნათელია, რომ მადრიდში ჩვენ არავინ მოგვისმენს. არანაირი დიალოგი არ არის და ვფიქრობ, არც იქნება. ეს იგივეა, ჩემი მეგობარი იყოთ, ტელეფონით გირეკავდეთ და ყურმილს არ იღებდეთ”, – ციტირებს ჩავის სიტყვებს კატალონიური გამოცემა “მუნდო დეპორტივო”.
შეგახსენებთ, რომ ჩავი ერნანდესი “ბარსელონაში” 1991 წლიდან გამოდის. 1997 წელს მან კატალონიური გრანდის მეორე გუნდში პირველი შეხვედრა ჩაატარა. იმავე სეზონში ის მთავარ გუნდში გადაიყვანეს. ჩავის “ბარსელონას” რიგებში ჩატარებულ 486 მატჩში 57 გოლი აქვს გატანილი.
ჩავი ერნანდესი ესპანეთის ეროვნულ ნაკრებში 2000-დან 2014 წლამდე გამოდიოდა. მას “ფურია როხას” რიგებში ჩატარებულ 133 შეხვედრაში 12 გოლი გაუტანია.
ფანტასტიურ საფეხბურთო ილეთი ნეიმარის შესრულებით
სეზონის პირველი “ელ კლასიკო” მადრიდელთა გამარჯვებით დასრულდა. “რეალმა” “ბარსელონა” ანგარიშით 3:1 დაამარცხა. კატალონიური გუნდის რიგებიდან ეს ერთადერთი გოლი ნეიმარის ანგარიშზეა. ბრაზილიელმა ფეხბურთელმა გოლის გარდა ამ მატჩში ერთი შესანიშნავი ილეთითაც დაგვამახსოვრა თავი.
“ელ კლასიკო”: სავარაუდო სასტარტო შემადგენლობები
სეზონის პირველი “ელ კლასიკო” დღეს გაიმართება. “სანტიაგო ბერნაბეუზე” მადრიდის “რეალი” “ბარსელონას” მიღებს. ჯერჯერობით უცნობია გუნდების სასტარტო შემადგენლობები, თუმცა სხვადასხვა გამოცემები სავარაუდო განაცხადებს აქვეყნებენ.
გთავაზობთ მატჩში მონაწილე გუნდთა სასტარტო შემადგენლობებს “მარკას” მიხედვით.
“რეალი”: კასილასი, კარვახალი, პეპე, სერხიო რამოსი, მარსელო, მოდრიჩი, კროოსი, ხამეს როდრიგესი, ისკო, ბენზემა, რონალდუ.
“ბარსელონა”: ბრავო, დანი ალვესი, პიკე, მატეუ, ალბა, ჩავი, ბუსკეტსი, ინიესტა, პედრო, მესი, ნეიმარი.
მატჩი თბილისის დროით 20:00 საათზე დაიწყება.
“ელ კლასიკო”: სავარაუდო სასტარტო შემადგენლობების ღირებულება
დღეს “ელ კლასიკოა” — მადრიდის “რეალი” “ბარსელონას” მასპინძლობს. დღეს ორი მდიდარი გუნდის დაპრისპირებაა, “რეალი” და “ბარსელონა” ყველაზე ხარჯვად კლუბთა სიაში მოწინავე ადგილებს იყოფენ და ბუნებრივია, ყველაზე ძვირადღირებულ ფეხბურთელებითაც არან დაკომპლექტებულნი. საინტერესოა, რა ღირებულების შემადგენლობები წარსდგებიან ერთმანეთის წინაშე.
“რეალის” სავარაუდო შემადგენლობა:
კასილასი, მარსელო, პეპე, ვარანი, არბელოა, კროოსი, მოდრიჩი, ისკო, რონალდო, ხამეს როდრგესი, ბენზემა.
“ბარსელონას” სავარაუდო შემადგენლობა:
ბრავო, ალბა, მატეუ, პიკე, დანი ალვესი, ბუსკეტსი, ინიესტა, რაკიტიჩი, ნეიმარი, სუარესი, მესი.
გუნდების სასტარტო შემადგენლობების ღირებულება:
“რეალი” — 385,4 მლნ ფუნტი
“ბარსელონა” — 406,5 მლნ ფუნტი
სულ — 792 მლნ ფუნტი