გრიგალავა – Fanebi.Com – ფეხბურთი, კალათბურთი, რაგბი, სხვა

ტაბიძის მარცხი “ახმატთან”, გრიგალავამ “ტოსნოსთან” საგოლე გადაცემა გააკეთა

Posted on ნოემბერი 26, 2017 by კახა ყიფიანი

გუშინ რუსეთის პრემიერ ლიგის მე-18 ტურის შეხვედრები გაიმართა.

“უფა” სტუმრად” გროზნოს “ახმატს” შეხვდა და საკმაოდ დაძაბულ ბრძოლაში დამარცხდა. ანგარიში 45-ე წუთზე გაიხსნა, როცა ფილიპე სამპაიომ მასპინძლები დააწინაურა. 53-ე წუთზე ლეო ჟაბამ მეორეც გაიტანა. “უფამ” სხვაობა 87-ე წუთზე ივან ობლიაკოვის გოლით შეამცირა. საბოლოოდ, 2-1 გროზნოელთა სასარგებლოდ.

სტუმარი გუნდის შემადგენლობაში ითამაშა საქართველოს ნაკრების ცენტრალურმა მცველმა, ჯიმი ტაბიძემ. იგი მოედანზე მეორე ტაიმში, 46-ე წუთზე დმიტრი ჟვიგლიადოვის მაგივრად შემოვიდა. ამ მარცხის შემდეგ ტაბიძე 24 ქულით მეშვიდე პოზიციაზეა.

ასევე, აღნიშნულ ტურში ტულას “არსენალი” “ტოსნოს” ესტუმრა. ანგარიში 28-ე წუთზე გაიხსნა, როცა ქართველმა მარცხენა მცველმა, გია გრიგალავამ ჩაუშიჩს გაუკეთა საგოლე გადაცემა და მანაც “ტოსნოს” კარი აიღო. მეორე ნახევარში, 61-ე, 79-ე და 81-ე წუთებზე “ტოსნოს” შემტევმა, მარკოვმა ჰეთრიკი შეასრულა. ერთი გოლის გატანა “არსენალმა” 76-ე წუთზე მოახერხა – ავტორი ტკაჩევი გახდა. საბოლოოდ, 3-2.

ქართველ მოთამაშეზე იმას გეტყვით, რომ მან 68-ე წუთზე ყვითელი ბარათი მიიღო. ამჟამად მისი გუნდი 20 ქულით მე-12-ეა.

გია გრიგალავამ ლორიას გუნდს გაუტანა (ვიდეო)

Posted on აპრილი 26, 2017აპრილი 26, 2017 by კახა ყიფიანი

დღეს რუსეთის ჩემპიონატის 25-ე ტურის შეხვედრები იმართება.

ერთ-ერთ მატჩში ტულას “არსენალი” სოვეტოვის “კრილიას” მასპინძლობს. პირველ მათგანში ქართველი მცველი, გია გრიგალავა გამოდის, რომელმაც შეხვედრა სასტარტოდან დაიწყო. ხოლო, სტუმარ კლუბში კი, როგორც იცით, საქართველოს ეროვნული ნაკრების მეკარე, გიორგი ლორია ირიცხება. იგი სათადარიგო შემადგენლობაშია.

საგულისხმოა, რომ 31-ე წუთზე ბურმისტროვის პასით, გია გრიგალავამ თანამემამულის გუნდის კარში გოლი გაიტანა და ანგარიშიც გახსნა.

იხილეთ ვიდეო

11 ყველაზე ძვირადღირებული ქართველი ფეხბურთელი

Posted on თებერვალი 27, 2015თებერვალი 27, 2015 by -

Fanebi.Com გერმანულ ინტერნეტსააგენტო Transfermarkt-ზე დაყრდნობით წარმოგიდგენთ დღესდღეისობით ათ ყველაზე ძვირადღირებულ ქართველ ფეხბურთელს.

1. ჯანო ანანიძე (მოსკოვის “სპარტაკი”) – 4 მილიონი ევრო

2. ჯაბა კანკავა (“დნიპრო”) – 3 მილიონი ევრო

3. გურამ კაშია (“ვიტესი”) – 2.75 მილიონი ევრო

4. თორნიკე ოქრიაშვილი (“გენკი”) – 2 მილიონი ევრო

5. ალექსანდრე ამისულაშვილი (ბაქოს “ინტერი”) – 1.80 მილიონი ევრო

6. გია გრიგალავა (უკლუბოდ) – 1.80 მილიონი ევრო

7. ვალერი ყაზაიშვილი (“ვიტესი”) – 1.50 მილიონი ევრო

8. გიორგი ლორია (“ოფი”) – 1 მილიონი ევრო

9. ალექსანდრე კობახიძე (“ვიოლინი”) – 1 მილიონი ევრო

10. გიორგი ჭანტურია (“კლუჟი”) – 1 მილიონი ევრო

11. სოლომონ კვირკველია (“რუბინი”) – 1 მილიონი ევრო

გია გრიგალავა: “ყველაფერი ჩვენზე არ არის დამოკიდებული”

Posted on აპრილი 24, 2014აპრილი 24, 2014 by Levan

“ანჟის” მცველი გია გრიგალავამ “როსტოვთან” მატჩის წინ, რომლის ღირსებას ჯანო ანანიძე იცავს, საკუთარი გუნდის შანსებზე ისაუბრა.

“მატჩისთვის ჩვეულებრივად ვემზადებით. ვფიქრობ, შანსებ გვაქვს. დარჩენილ შეხვედრებში ქულების დაკარგვის უფლება არ გვაქვს, მაგრამ ამ შემთხვევაშიც ყველაფერი ჩვენზე არ არის დამოკიდებული, კონკურენტებმა ქულები უნდა დაკარგონ. იმედი მაქვს პრემიერლიგაში ადგილის შენარჩუნებას მოვახერხებთ” – განაცხადა გრიგალავამ.

“როსტოვის” და “ანჟის” შეხვედრა 27 აპრილს გაიმართება.

გია გრიგალავა: “ანჟის და გენკის შანსები თანაბარია”

Posted on თებერვალი 21, 2014 by Levan

მახაჩკალის “ანჟის” მცველმა გია გრიგალავამ ევროპის ლიგაზე “გენკის” წინააღმდეგ გამართული შეხვედრა შეაფასა და სამომავლო შანსებზე ისაუბრა. რუსულ-ბელგიური დაპირისპირება უგოლო ფრით დასრულდა.

“მძიმე მატჩი იყო. შედეგი კი ლოგიკურია. მიუხედავად იმისა, რომ მეტოქეს საკუთარი ჩემპიონატის თამაშები დაწყებული აქვს, ფიზიკურად მაინც არ ჩამოუვარდებოდით. რიგ შემთხვევებში კი, ვაჯობეთ კიდევაც.

ვთვლი, რომ 0:0-ის შემდეგ შანსები თანაბარია. საკუთარ მოედანზე არ გავუშვით, რაც იმას ნიშნავს, რომ სტუმრად შედეგიანი ფრეც გვაკმაყოფილებს” – განაცხადა ქართველმა მცველმა.