არ წყდება ხმები იმასთან დაკავშირებით, რომ მადრიდის “ატრელტიკოს” ლიდერით, ანტუან გრიზმანით სხვადასხვა გრანდია დაინტერესებული. განსაკუთრებით, ინგლისიდან აქტიურობენ და საკმაოდ მაღალ ფსონებსაც ჩამოდიან.
ფრანგმა მოთამაშემ ჟურნალისტებთან მის მომავალზე ისაუბრა.
“გასულ ზაფხულზე სიმეონე გუნდიდან წასვლას განიხილავდა. ამან მეც დამაფიქრა ჩემს მომავალზე. იყო პერიოდი, როცა “ატლეტიკოს” დატოვებაზე ვფიქრობდი.”
“ერთ დღესაც დიეგოს დავურეკე და ვკითხე, რას აპირებდა. მითხრა, რომ ის მინიმუმ ერთი სეზონი აუცილებლად დარჩებოდა გუნდში. ამის შემდეგ წასვლაზე ფიქრი შევწყვიტე.”
“მას ძალიან დიდი პატივს ვცემ. ვიცი, რომ სიმეონეს ჩემს მიმართ ძალიან დიდი ნდობა აქვს. მინდა, რომ მასთან ერთად დიდ ხანს ვიმუშაო. თუმცა, ეს სულაც არ ნიშნავს იმას, რომ თუ დიეგო მადრიდს დატოვებს, მეც მას გავყვები.”
“აქ შესანიშნავად ვგრძნობ თავს. ჩემი გუნდელები მიყურებენ, როგორც ლიდერს. ისინი ყოველთვის გვერდში მიდგანან. მადლობა ყველა ფეხბურთელს. “ატლეტიკოში” ძალიან კომფორტულად ვარ და არ ვფიქრობ, რომ მჭირდება სადმე გადასვლა, რათა უფრო მაღალ დონეზე ვიასპარეზო. აქაც მშვენივრად განვვითარდები,” – განაცხადა გრიზმანმა.
