Danny Welbeck – Fanebi.Com – ფეხბურთი, კალათბურთი, რაგბი, სხვა

“გალათასარაის” უელბეკის დამატება უსასყიდლოდ სურს

Posted on დეკემბერი 9, 2018 by ბექა დოგრაშვილი

უეფას ევროპის ლიგის გათამაშებაში ლონდონის “არსენალსა” და ლისაბონის “სპორტინგს” შორის გამართული მატჩის (0:0) მიმდინარეობისას “მეთოფეთა” თავდამსხმელმა დანი უელბეკმა სერიოზული ტრავმა მიიღო და ლაზარეთში ყოფნა დიდი ხნით მოუწევს.

ბრიტანული მედიის ცნობით, “არსენალი” 28 წლის ფეხბურთელთან კონტრაქტის გახანგრძლივებას არ აპირებს. მხარეებს შორის გაფორმებულ შრომით ხელშეკრულებას ვადა 2019 წლის ზაფხულში ეწურება.

“დეილი მირორი” იუწყება, რომ დანი უელბეკის მომსახურებით “გალათასარაი” დაინტერესდა და თურქები ზაფხულში მის დამატებას უსასყიდლოდ აპირებენ, თუმცა კონტრაქტის დეტალებზე შეთანხმების მიღწევა ზამთარშივე სურთ.

შეგახსენებთ, რომ დანიელ უელბეკი “არსენალში” 2014 წლის ზაფხულში “მანჩესტერ იუნაიტედიდან” გადავიდა.

უეფამ პიკეს საკითხზე იმსჯელა (ვიდეო)

Posted on თებერვალი 26, 2016 by ბექა დოგრაშვილი

უეფამ ჩემპიონთა ლიგის მერვედფინალურ ეტაპზე ლონდონის “არსენალსა” და “ბარსელონას” შორის გამართულ მატჩში (0:2) მომხდარ ეპიზოდზე იმსჯელა.

შეხვედრის მეორე ტაიმის მიმდინარეობისას კატალონიური გუნდის მცველმა ხერარ პიკემ გუნდის მთავარ მწვრთნელ ლუის ენრიკესთან საუბრის შემდეგ დანი უელბეკის წინააღმდეგ თამაშის წესი დაარღვია და ყვითელი ბარათი მიიღო.

მატჩის შემდეგ ამ ჯარიმას დიდი გამოხმაურება მოჰყვა. ზოგიერთის აზრით, პიკემ ყვითელი ბარათი შეგნებულად გამოიმუშავა, რათა მეოთხედფინალურ ეტაპს გაფრთხილებების გარეშე შეხვდეს.

უეფამ ამ საკითხზე იმსჯელა და ვერ დაადგინა მიზეზი, რის გამოც შესაძლებელი იქნებოდა, ესპანელი ფეხბურთელის წინააღმდეგ დისციპლინური საქმე გახსნილიყო. ამრიგად, ხერარ პიკეს მხოლოდ ერთმატჩიანი დისკვალიფიკაცია აქვს და “არსენალთან” გასამართ განმეორებით მატჩს გამოტოვებს, შემდეგ შეხვედრაში კი თამაშის უფლება ექნება.

უელბეკმა ანრის და ბენდტნერის მიღწევა გაიმეორა

Posted on ოქტომბერი 2, 2014 by ბექა დოგრაშვილი

უეფას ჩემპონთა ლიგის ჯგუფურ ეტაპის II ტურში ლონდონის “არსენალმა” თურქული “გალათასარაი” ანგარიშით 4:1 გაანადგურა.

“მეთოფეთა” ახალწვეულმა დანი უელბეკმა აღნიშნულ შეხვედრაში სამი გოლი გაიტანა და “არსენალის” მესამე ფეხბურთელი გახდა, რომელმაც ევროპის ყველაზე პრესტიჟულ საკლუბო ტურნირზე ჰეთ-თრიკი გაახერხა. მანამდე ამ წარმატებას “არსენალის” რიგებიდან ტიერი ანრიმ და ნიკლას ბენდტნერმა მაღწიეს.

გარი ნევილი: “ვერ გამიგია, რატომ გაყიდა “მანჩესტერ იუნაიტედმა” უელბეკი “არსენალში”

Posted on სექტემბერი 11, 2014 by ბექა დოგრაშვილი

“მანჩესტერ იუნაიტედის” ყოფილმა ფეხბურთელმა გარი ნევილმა განაცხადა, რომ მისთვის გაუგებარია, თუ რატომ მიჰყიდა კლუბმა დანი უელბეკი ლონდონის “არსენალს”. ნევილისთვის ამ ტრანსფერის ღირებულებაც გასაკვირია.

“ვერ გამიგია, რატომ გაყიდა “მანჩესტერ იუნაიტედმა” უელბეკი. ამ ზაფხულს მომხდარი ტრანსფერების ღირებულებების გათვალისწინებით, ჩემთვის გაუგებარია, როგორ იყიდა “არსენალმა” ეს ფეხბურთელი მხოლოდ 16 მილიონ ფუნტ სტერლინგად. კლუბები მარცხენა და მარჯვენაფლანგელ მცველებს 15 მილიონად ყიდულობენ და “მანჩესტერ იუნაიტედმა” უელბეკი მხოლოდ 16 მილიონად დათმო. უცნაურია. გუნდი დატოვა ცენტრალურმა თავდამსხმელმა, რომელიც საუკეთესო ოთხეულში მოხვედრისთვის “მანჩესტერ იუნაიტედის” უშუალო კონკურენტს შეუერთდა. ამ გადაწყვეტილებაში ლოგიკას ვერ ვხედავ”, – ციტირებს ნევილის სიტყვებს “თოქსპორტი”.

შეგახსენებთ, რომ დანი უელბეკი “მანჩესტერ იუნაიტედიდან” “არსენალში” ზაფხულის სატრანსფერო ფანჯრის დახურვამდე რამდენიმე წუთით ადრე გადავიდა.

ოფიციალურად: დანი უელბეკი “არსენალში” გადავიდა

Posted on სექტემბერი 2, 2014სექტემბერი 2, 2014 by ბექა დოგრაშვილი

“მანჩესტერ იუნაიტედის” თავდამსხმელი დანი უელბეკი კარიერას ლონდონის “არსენალში” გააგრძელებს. “მეთოფეებმა” ოფიციალურად დაადასტურეს აღნიშნული ინფორმაცია.

23 წლის ფეხბურთელი სანაკრებო შეკრებაზეა, კლუბს კი სატრანსფერო დოკუმენტაციის სრულად შევსებისთვის ფორმალური საკითხებიღა დარჩა მოსაგვარებელი. მხარეებს შორის გრძელვადიანი ხელშეკრულება გაფორმდა. გარიგების დეტალები და ფინანსური საკითხები არ ხმაურდება. არაოფიციალური ინფორმაციით, უელბეკის ტრანსფერი 16 მილიონი ფუნტ სტერლინგი დაჯდა.

უელბეკი “მანჩესტერ იუნაიტედის” ღირსებას 2008 წლიდან იცავდა, ორჯერ განათხოვრებულიც გახლდათ – “პრესტონსა” და “სანდერლენდში”. ინგლისელმა ფეხბურთელმა “წითელი ეშმაკების” რიგებში ჩატარებულ 90 შეხვედრაში 20 გოლი გაიტანა. უელბეკს ინგლისის ნაკრებში 25 მატჩი აქვს ჩატარებული.

დანი უელბეკი: „არ ვიცი, რა სჭირს „მანჩესტერს“

Posted on იანვარი 9, 2014იანვარი 9, 2014 by ბექა დოგრაშვილი

„მანჩესტერ იუნაიტედის“ თავდამსხმელ დანი უელბეკისთვის გაუგებარია, რატომ არის მისი გუნდი ასეთ ცუდ ფორმაში. „წითელმა ეშმაკებმა“ ბოლო სამი მატჩი ანალოგიური ანგარიშით დათმეს — 1:2.

„ვერ გეტყვით, ეს რატომ ხდება. გასულ წელს ჩემპიონები გავხდით, დღეს შექმნილი მდგომარეობა კი ლოგიკას არ ექვემდებარება. ჩვენთვის ეს უჩვეულო სიტუაციაა, თუმცა წინ დამაჯერებლად უნდა გავიხედოთ. შორეულ მომავალში კი არ უნდა ვიცქირებოდეთ, არამედ თითოეული მატჩისთვს შესაბამისი მომზადებაა საჭირო.

ყველაფერი ჩვენზეა დამოკიდებული. ვერც პრესა და ვერც ვინმე სხვა ამ სიტუაციას ვერ შეცვლის, მდგომარეობის გამოსწორება მხოლოდ ჩვენ შეგვიძლია. მომდევნო მატჩის მოგება აუცილებელია. დამატებით მოტივაციას ვგრძნობ, რადგან „მანჩესტერ იუნაიტედის“ დიდი ქომაგიც ვარ. მტკივნეულია საყვარელი გუნდის მარცხის ხილვა. ჩვენი გულშემატკივრების შეშფოთება გასაგებია. ჩემპიონთა ლიგის ზონას ჩამოვრჩებით. მთავარი მწვრთნელი დევიდ მოიესი ოპტიმისტურად არის განწყობილი. მან იცის, რა უნდა გავაკეთოთ ფეხბურთელებმა“, – უელბეკის სიტყვები „სქაი სპორტსმა“ გამოაქვეყნა.

„მანჩესტერ იუნაიტედი“ მომდევნო მატჩს 11 იანვარს, შინ, „სუონსი სიტის“ წინააღმდეგ გამართავს.

ბექა დოგრაშვილი

უელბეკი: „იმედია, ასეთი ფეხბურთის თამაშს გავაგრძელებთ“

Posted on დეკემბერი 16, 2013 by Alix

„მანჩესტერ იუნაიტედის“ თავდამსხმელი დენი უელბეკი იმედოვნებს, რომ „ასტონ ვილასთან“ მოგებული მატჩი მისი გუნდის წაუგებელი სერიის დასაწყისია.

„ვფიქრობ, დღეს გუნდმა კარგი თამაში აჩვენა და დაამტკიცა, რომ ერთი ორგანიზმია. ორი კარგი გოლის გატანა მოვახერხე. იმედია, ასეთი დონის ფეხბურთის თამაშს გავაგრძელებთ. შეგვიძლია ვთქვათ, რომ ის მატჩი ჩავატარეთ, რომლის შემდეგად, უმაღლესი ადგილებისთვის მებრძოლ გუნდებს შევუერთდებით“, – განაცხადა „წითელი ეშმაკების“ ფორვარდმა.

ალექსანდრე მატევოსოვი