ზინედინ ზიდანმა ლა ლიგის მერვე ტურის შეხვედრის (“ხეტაფეს” წინააღმდეგ, სტუმრად) პრესკონფერენცია გამართა, სადაც მას დანიელ კარვახალის მდგომარეობაზეც ჰკითხეს. როგორც იცით, ესპანელ მარჯვენა მცველს გულზე აქვს პრობლემა და მოედანზე გასვლას ჯერ ვერ ახერხებს.
“იცით, რაც სჭირს დანის. ეს გულს უკავშირდება და ჩვენ ოდნავადაც არ შეგვიძლია გარისკვა. გმართებთ, ცოტათი მეტი მოთმინება გამოიჩინოთ ამ საკითხთან დაკავშირებით. ის კარგად ირჯება და ცდილობს, მალე გამოჯანმრთელდეს. ადამიანები, რომლებიც ახლა მას მკურნალობენ, თავიანთი საქმის პროფესიონალები არიან.”
“გვსურს, დანი ასი პროცენტით მზად იყოს. შესაძლოა, მას ამისთვის ერთი ან ორი კვირა დასჭირდეს. მასაც ძალიან სურს დაბრუნება, თუმცა ყველაზე მთავარი ჯანმრთელობაა,” – ამბობს ფრანგი.
