უმაღლესი – Fanebi.Com – ფეხბურთი, კალათბურთი, რაგბი, სხვა

“ჩიხურამ” “დინამოს” თბილისში მოუგო!

Posted on ოქტომბერი 1, 2016 by კახა ყიფიანი

დღეს უმაღლესი ლიგის შეხვედრები გაიმართა.

ერთ-ერთ მატჩში თბილისის “დინამო” საკუთარ მოედანზე საჩხერის “ჩიხურას” დაუპირისპირდა. ეს ტურის ცენტრალური მატჩი იყო, რადგან შარშანდელი ჩემპიონი და ჯგუფის ფავორიტი ლიდერს ხვდებოდა.

საჩხერლებმა აქტიურად დაიწყეს და მათ სულ რაღაც მეოთხე წუთზე მოახერხეს წინ გასვლა. საჯარიმოში ჩაწოდებული ბურთი 22-ე ნომწერმა, ირაკლი ლეკვთაძემ გადაგზავნა თბილისელთა კარში.

ამის შემდეგ “დინამო” გააქტიურდა. რამდენიმე წუთში პაპუნაშვილმა დაარტყა, თუმცა უშედეგოდ – ბურთი მეკარეს ხელებში მიუვიდა. ამ მომენტს ძალიან მალე სარდალიშვილმა უპასუხა, თუმცა არც ამ შემთხვევაში შერხეულა კარის ბადე.

ცოტა ხნით, თამაში უინტერესო გახდა. ერთგავრი პაუზის მერე, 28-ე წუთზე ტატანაშვილმა საჯარიმოს მისადგომებიდან სცადა “დინამოსთვის” გატანა, მაგრამ ბურთი კარს გადასცდა.

34-ე წუთზე ლობჟანიძემ ჩააწოდა “ჩიხურას” საჯარიმოში, რეხვიაშვილმა ბურთი კარგად ვერ მოიგერია, ბურთი დვალიშვილს მიუვიდა, რომელმაც მეკარე ჰამზიჩს დაურტყა და ფეხებს შორის გაუძვრინა ბურთი. მოკლედ, ანგარიში გათანაბრდა.

მეორმოცე წუთზე ლექვთაძემ შესანიშნავი გარღვევა გააკეთა, ორ ფეხბურთელს შორის გაძვრა, რის შედმეგაც ბურთი ივანიშვილს მიუვიდა; ერთი შეხებით დარტყმა და 1-2, “ჩიხურა” წინაა!

პირველ ტაიმში საინტერესო აღარაფერი მომხდარა.

46-ე წუთზე ცინცაძემ ჩააწოდა, ბურთი რეხვიაშვილმა მოიგერია, რის შემდეგაც პაპუნაშვილმა სცადა ანგარიშის გათანაბრება შორეული გასროლით, მაგრამ ბურთი კარს გადასცდა. 53-ე წუთზე ივანიშვილმა სცადა შორეული დარტყმით კარის აღება, მაგრამ უშედეგოდ.

სულ რაღაც ორ წუთში ლექვთაძე ფლანგზე გაიჭრა, ტატანაშვილს უპასა, მან ძალიან ახლოდან დაარტყა, თუმცა ლომაიამ ბურთი კუთხურზე გადააგდო.

თბილისლების ჯერიც მოვიდა… ცინცაძემ საჯარიმოდან სახიფათოდ ჩააწოდა, თუმცა კორიფაძემ ბურთის გამოატანა მოახერხა.

68-ე წუთზე ლექვთაძესთან უხეშობის გამო ჭანტურიშვილი გააფრთხილეს. ამ მომენტში “ჩიხურას” მცველს, რეხვიაშვილს მსაჯთან შელაპარაკება მოუვიდა – იგი აპროტესტებდა, თუ რატომ არ გააგრძელა შეხვედრის არბიტრმა მატჩი; ასე რომ მომხდარიყო, “ჩიხურელთა” ფეხბურთელი მეკარესთან პირისპირ გავიდოდა.

ამის შემდეგ “დინამო” ცდილობდა ანგარიში გაეთანაბრებინა. საჩხერლებმა უკან დაიხიეს და ცდილობდნენ, ანგარიში შეენარჩუნებინათ. ბოლო ოც წუთში “დინამომ” რამდენიმე მომენტი შექმნა, თუმცა თბილისურმა კლუბმა ვეღარ მოახერხა გოლის გატანა და შეხვედრაც, ანგარიშით, 1-2 დასრულდა, “ჩიხურას” გამარჯვებით.

ამ მოგებით საჩხერულ გუნდს 16 ქულა აქვს და პირველ ადგილზეა. რაც შეეხება “დინამოს”, ამ კლუბს 10 ქულა აქვს და მესამე პოზიციას იკავებს.

“დინამო”: გიორგი ლომაია, უჩა ლობჟანიძე, ზაზა ჭელიძე, ალექსანდრე ამისულაშვილი (C), გიორგი თევზაძე, მათე ცინცაძე (ველევი), ოთარ კიტეიშვილი (ჯაბა ჯიღაური 64 წთ.), ვახტანგ ჭანტურიშვილი, გიორგი პაპუნაშვილი, ლაშა პარუნაშვილი, ვლადიმერ დვალიშვილი (ლილუაშვილი, 26 წთ.)

“ჩიხურა”: დინო ჰამზიჩი, თორნიკე გრიგალაშვილი, გიორგი განუგრავა, მიეხეილ სარდალიშვილი, გიორგი კორიფაძე, დიმიტრი ტატანაშვილი, გიორგი ივანიშვილი (გორგიაშვილი 82 წთ.), დენის დობროვოლსკი, ირაკლი ლექვთაძე (გაბედავა 77 წთ.), შოთა კაშია.

გაფრთხილებები: ჭანტურიშვილი (68 წთ.), რეხვიაშვილი (68 წთ.)

უმაღლესი ლიგის 5 საუკეთესო გოლი აპრილში (ვიდეო)

Posted on აპრილი 27, 2015აპრილი 27, 2015 by -

Fanebi.Com გთავაზობთ ვიდეოს, რომელშიც აპრილში, საქართველოს უმაღლეს ლიგაში გატანილი ხუთი საუკეთესო გოლია აღბეჭდილი.

აქვე, გთავაზობთ გამოკითხვას, სადაც შეგიძლიათ, აირჩიოთ, თუ რომელია გოლია საუკეთესო:

16-გუნდიანი ჩემპიონატი და მისი მთავარი პრობლემა…

Posted on ნოემბერი 6, 2014 by Alix

საქართველოს საფეხბურთო ჩემპიონატი დაარსების დღიდან მუდმივ პრობლემებს განიცდის. საშინელი ინფრასტრუქტურა, დაუფინანსებლობა, სტადიონებისა და სხვა ელემენტარული პირობების არქონა გუნდთა და ლიგის დონეზე საგრძნობლად მეტყველებენ.

ზოგადად, ჩვენი ქვეყნის პირველობის ისტორიას თუ გავიხსენებთ, აღმოვაჩენთ, რომ ყოველ სეზონს თავისი პრობლემა ჰქონდა. გვახსოვს გუნდები, რომლებსაც სათამაშო ფორმაც კი არ ჰქონდათ, გვახსოვს ისეთი გუნდები, რომლებიც ჩემპიონატის ყველა მატჩს ვერ ატარებდნენ…

მიმდინარე სეზონის ყველაზე მთავარი პრობლემა, რა თქმა უნდა, გუნდების რაოდენობაა. ფეხბურთის ფედერაციამ გასული სეზონის ბოლოს გადაწყვიტა, რომ საქართველოს რიგით 25-ე უმაღლესი ლიგის გათამაშებაში მონაწილეობა თექვსმეტმა გუნდმა უნდა მიიღოს, რასაც, რასაკვირველია, საფეხბურთო წრეებსა და გულშემატკივრებში, ძირითადად, უკმაყოფილება მოჰყვა. სიმართლე რომ ვთქვათ, ბოლო სეზონების მიხედვით, დავრწმუნდით, რომ საქართველოს ჩემპიონატის კვალობაზე 12 გუნდიც კი ბევრია. ეს მართლაც ასეა, თუნდაც იმიტომ, რომ ერთდროულად რამდენიმე კლუბი საშინაო შეხვედრებს მუდმივად ნეიტრალურ სტადიონზე ატარებს. ყოველ წელს ჩემპიონატის რეგლამენტის შეცვლას მხოლოდ უარყოფითი შედეგი რომ მოაქვს, ამაში კომპეტენტური პირები რამდენიმე წლის წინ უნდა დარწმუნებულიყვნენ. არადა, გვახსოვს ისეთი პირველობაც, რომელშიც მონაწილეობა თერთმეტმა გუნდმა მიიღო, რის გამოც ყოველ ტურში ერთ გუნდს დასვენება უწევდა (საუბარია 2008/09 წლების სეზონზე). საბოლოოდ, იმ სეზონში უმაღლესი ლიგის ბოლო ადგილი „ბორჯომმა“ დაიკავა, რომელმაც მხოლოდ 13 ქულა დააგროვა და გატანილი-გაშვებული ბურთების გრაფაში -64 „მიითვალა“.

ჩემპიონატი რეგლამენტის და გუნდთა რაოდენობის მხვრივ მუდმივ ცვლილებებს შემდგომ წლებშიც განიცდიდა. ასე, 2011/12 წლების სეზონში, როდესაც 12-გუნდიანი ჩემპიონატის ჩატარება იგეგმებოდა, საინტერესო რეგლამენტი შემოიღეს. ორი წრის შემდგომ პირველი ექვსეულის გუნდები საპრიზო ადგილებისთვის იბრძოლებდნენ, შესაბამისად, ქვედა ექვსეულის კლუბები უმაღლეს ლიგაში ადგილის შენარჩუნებას შეეცდებოდნენ. აღნიშნული სისტემით ჩემპიონატი შემდგომ ორ წელიწადშიც ჩატარდა. თუმცა 2011/12 წლების სეზონი დასამახსოვრებელი იმით იყო, რომ პირველი ექვსეულის კლუბებს მესამე წრეში მხოლოდ ის ქულები რჩებოდათ, რომლებიც მათ ამ ექვსეულის სხვა კლუბებთან მოიპოვეს. იგივენაირად ქულები ქვედა ექვსეულის გუნდებზეც ნაწილდებოდა, შესაბამისად, ასეთ გუნდებს მარტო ქვედა ექვსეულში მოასპარეზე კლუბებთან მიღებული ქულები ეთვლებოდათ. ამ სისტემით ბევრი უკმაყოფილო დარჩა და გადაწყდა, რომ შემდეგი სეზონიდან გუნდებს ყველა მიღებული ქულა სეზონის ბოლომდე ჩაეთვლებოდათ.

და, აი, მაშინ, როდესაც, თითქოს, ყველანი ამ სისტემას შევეჩვიეთ, ფეხბურთის ფედერაცია 16-გუნდიანი ჩემპიონატის ჩამოყალიბების იდეით გამოვიდა. არადა, თავიდან, მაგალითად, სეზონის დაწყების წინ „სამტრედიას“ ლიცენზიასაც კი არ აძლევდნენ (მართალია, მოგვიანებით ეს პრობლემა მოგვარდა, ახლა კი, კლუბი ადგილობრივი მუნიციპალიტეტის თანხით ფინანსედება)… წლევანდელ სეზონში კვლავ გამოდის ერთდროულად რამდენიმე კლუბი, რომელიც თავის საშინაო მატჩებს ნეიტრალურ მინდორზე ატარებს. ბოლნისის „სიონის“ სტადიონი ჩვენი ჩემპიონატის სტანდარტებსაც რომ ვერ აკმაყოფილებს, ქართული ფეხბურთით დაინტერესებულმა პირებმა დიდი ხნის განმავლობაში იციან, შესაბამისად, გუნდს, რომელიც ქვეყანას მიმდინარე წლის ზაფხულში ევროსარბიელზე წარმოადგენდა, მუდმივად გასვლაზე თამაშობს. „ლოკომოტივზე“ თავის მატჩებს ცხინვალის „სპარტაკიც“ ატარებს, რომელიც ამჟამად მეორე ადგილზე იმყოფება და პირველ პოზიციაზე მყოფ თბილისის „დინამოს“ ექვსი ქულით ჩამორჩება.

იმისთვის, რომ ჩემპიონატი 16-გუნდიანი იყოს, ყველა კლუბი, მინიმუმ, ელემენტარულ სტანდარტებს მაინც უნდა აკმაყოფილებდეს. თუმცა, რა სტანდარტებზეა საუბარი, როდესაც უკვე სტადიონების მაგალითი განვიხილეთ. წარმოიდგინეთ, რა სიტუაციაა სხვა განხრით, მაგალითად, ხელფასების და ა.შ.

სეზონის წინ ქუთაისის „ტორპედოს“ მთავარმა მწვრთნელმა რევაზ ძოძუაშვილმა განაცხადა, რომ კლუბი იმ მოთამაშეებს ვერ აიყვანს, რომლებსაც ქუთაისში სახლის დაქირავების საშუალება არ ექნებათ…

საქართველოს ჩემპიონატი, მაქსიმუმ, 10-გუნდიანი რომ უნდა იყოს, ამაში თითქმის ყოველ ტურში ვრწმუნდებით. თუნდაც, ამის ნათელ მაგალითს მარტვილის „მერანსა“ და ქობულეთის „შუქურას“ შორის სამტრედიაში გამართულ მატჩზე (და კვლავ გვახსენდება სტადიონების პრობლემა!) გადაღებული სურათ წარმოადგენს… მგონი, აქ რაიმე კომენტარის დამატება ზედმეტია, უბრალოდ, ნახეთ ეს სურათი და დასკვნას თვითონ გამოიტანთ:

როდესაც შოტლანდიის პრემიერლიგაში თორმეტი გუნდი გამოდის, ხოლო შვეიცარია, საერთოდ, ათი გუნდითაც კმაყოფილდება, საქართველოს უმაღლესი ლიგის დონის ჩემპიონატში თექვსმეტი გუნდი გამოდის.

ნოემბრის დასაწყისისთვის საქართველოს ჩემპიონატის მაყურებელმა ნამდვილად არ მოიწყინა, ვინ იცის, მიმდინარე სეზონში კიდევ რამდენ მსგავს სურათს ვნახავთ. ფაქტია, 16-გუნდიანი ჩემპიონატის ყურებით ვერავინ მოიწყენს…

დასკვნით წრეში ცხინვალის „სპარტაკთან“ შეხვედრამდე

Posted on აპრილი 25, 2014 by -

26 აპრილს, მიმდინარე უმაღლეს ლიგაში დასკვნითი წრის მატჩები გაიმართება. 7-12 ადგილებზე მყოფ გუნდებს შორის მორიგი ტურის რიგითი შეხვედრა შედგება მიხეილ მესხის სახელობის სტადიონის სათადარიგო მოედანზე, სადაც ქუთაისის „ტორპედოს“ ცხინვალის „სპარტაკი“ დახვდება. თამაშის დასაწყისი – 16:00 საათია.

ავად თუ კარგად მიმდინარე ჩემპიონატის დასრულებამდე 5 ტურიღა დარჩა და გადამწყვეტი მატჩებიც წინ გვაქვს. გარკვეული მიზეზის გამო ყურადღებას მხოლოდ ქვედა ექვსეულზე გავამახვილებთ, სადაც ერთი შეხედვით, საშიში ზონიდან თავის დაღწევაში სასწაულის იმედად არის აუტსაიდერი მარტვილის „მერანი“, აი, ბოლოდან მეორე ადგილზე გამსვლელი გუნდის ვინაობა კი კვლავაც უცნობია. სატურნირო მდგომარეობიდან გამომდინარე სავარაუდოა, რომ ლიგაში ადგილის შესანარჩუნებლად ყველაზე მწვავე ორთაბრძოლა „ზუგდიდსა“ და „სპარტაკს“ შორის უნდა შედგეს, მაგრამ დაქვეითების საფრთხე ნაკლებად, თუმცა ჯერ კიდევ მაინც, სხვა გუნდებსაც ემუქრებათ. რაც შეეხება ჩვენს მომდევნო მეტოქეს, კახა კაჭარავას გუნდმა ჩემპიონატის მეორე ეტაპზე ქვედა ექვსეულში მყოფ გუნდებს შორის საუკეთესო შედეგი აჩვენა. ცხინვალის წარმომადგენლებმა 15 შესაძლებლობიდან 11 ქულა მოაგროვეს და დღემდე 5-მატჩიანი წაუგებელი სერიაც აქვთ, თანაც, ისეთ მოწინააღმდეგეებს მოუგეს, რომლებიც ცხრილში მათზე ზემოთ არიან: „ტორპედოს“(2:0),„დილას“(3:1), „ვიტ ჯორჯიას“(2:0), ხოლო ფრეები კი აუტსაიდერებთან ითამაშეს: „მერანთან“(0:0) და„ზუგდიდთან“(1:1). რევაზ ძოძუაშვილის შეგირდებმა იმისთვის, რათა ჩემპიონატის ფინიშზე თავი მშვიდად იგრძნონ, შაბათს, გამარჯვება დაეხმარებათ.

დამდეგ მატჩს დისკვალიფიკაციის გამო მხოლოდ „სპარტაკიდან“, გიორგი თექთურმანიძის სახით ეყოლება დანაკლისი.

როგორც ზემოთაც ჩანს, წელს, „ტორპედოს“ განახლებული შემადგენლობა ერთხელ უკვე შეხვდა „სპარტაკს“. თითქმის ერთი თვის წინ, „მიხეილ მესხზე“ ორბურთიანი უპირატესობით გამარჯვებული სწორედ ჩვენი მეტოქე გამოვიდა, ზეგ კი ქუთაისელებს რევანშის შესაძლებლობა მიეცემათ. ქვემოთ ქრონოლოგიურად იხილეთ მიმდინარე სეზონში სპარტაკელებთან გამართული ყველა მატჩის პროტოკოლი:

ჩემპიონატი, „სპარტაკი“ – „ტორპედო“ 0:1 – http://fctorpedo.ge/index.php?geo&game=204

თასი, „ტორპედო“ – „სპარტაკი“ 2:2 – http://fctorpedo.ge/index.php?geo&game=208

თასი(საპასუხო), „სპარტაკი“ – „ტორპედო“ 2:2 (პენ 5:6) – http://fctorpedo.ge/index.php?geo&game=213

ჩემპიონატი, „ტორპედო“ – „სპარტაკი“ 1:0 – http://fctorpedo.ge/index.php?geo&game=218

ჩემპიონატი, „ტორპედო“ – „სპარტაკი“ 0:2 – http://fctorpedo.ge/index.php?geo&game=237

რაც შეეხება ურთიერთშეხვედრების სტატისტიკას, ეროვნული ჩემპიონატების ჩატარების დღიდან,ქუთაისის “ტორპედო” (პირველ სამ ჩემპიონატში ჩვენი გუნდის სახელი “ქუთაისი” იყო) ცხინვალელთასახელით მოთამაშე სამ გუნდსაა(„ლიახვი“, „ცხინვალი“ და „სპარტაკი“) შენახვედრი. სულ გუნდებს შორის 14მატჩია(1-შიც კი „ლიახვი“ არ გამოცხადდა) გამართული, აქედან 8 „ტორპედომ“ მოიგო, 3 ფრედ დასრულდა, 3-ში კი ცხინვალელებმა გაიმარჯვეს. ბურთების ბალანსშიც უპირატესობა ქუთაისელებს აქვთ – 20:8.

ყველაზე დიდი ანგარიშით ქუთაისელებმა ცხინვალური გუნდი 1990 წლის 25 ივნისს დაამარცხეს – 6:0, ხოლო ყველაზე დიდი ანგარიშით წაგება კი 2007 წლის 5 ნოემბრით თარიღდება – 0:4.

აქვე გთავაზობთ „ტორპედოს“ მეგოლეებსაც, რომლებსაც ჩემპიონატების მატჩებში სხვადასხვა დროს ცხინვალური გუნდების კარი აქვთ აღებული:

2 გოლი – გრიგოლ თევზაძე, ლაშა კემუხტაშვილი, ნიკა საბანაძე, თენგიზ ჩიკვილაძე

1 გოლი – თემურ ფაიქიძე, იასონ ბზიკაძე, როსტომ თორღაშვილი, გიორგი დარასელია, ლევან კორღალიძე, გიორგი ყიფიანი, რევაზ კვერნაძე, მამუკა ღონღაძე, გრიგოლ დოლიძე, თორნიკე თარხნიშვილი, თორნიკე კაპანაძე.

FCTorpedo.GE