ჭდე: მაკედონია

ჭანტურიშვილის “სპარტაკი” “სლოვანთან” დამარცხდა

Posted on by კახა ყიფიანი

დღეს სლოვაკეთში სუპერ ლიგის მე-16 ტურის შეხვედრები შედგა.

ერთ-ერთ მატჩში ბრატისლავას “სლოვანმა” ტრნავას “სპარტაკი” მიიღო. საკმაოდ დაძაბული მატჩი ერთადერთი გატანილი გოლით დასრულდა. მისი ავტორი მე-14 წუთზე დედაქალაქელთა ვეტერანი შემტევი, 33 წლის ფილიპ ჰოლოსკო გახდა. საბოლოოდ, “სლოვანმა” მინიმალური ანგარიშით იმარჯვა.

როგორც იცით, “სპარტაკის” შემადგენლობაში ქართველი მოთამაშე, ვახტანგ ჭანტურიშვილი გამოდის. მან მატჩი სასტარტო შემადგენლობაში დაიწყო და მე-18 წუთზე ყვითელი ბარათიც მიიღო. საბოლოოდ, იგი 77-ე წუთზე შეცვალეს.

ამ მარცხის შემდეგ ტრნავას გუნდის 37 ქულით პირველ პოზიციაზეა.

ჯაბა ჯიღაურის გამარჯვება “პელისტერთან”

Posted on by კახა ყიფიანი

დღეს მაკედონიის პირველ ლიგაში მე-16 ტურის მატჩები ჩატარდა.

სკოპიეში, “ტელეკომ არენაზე” “ვარდარმა” “პელისტერი” მიიღო. არც ისე სანახაობრივ შეხვედრაში ერთადერთი გოლი გავიდა. მისი ავტორი დედაქალაქელთა ფეხბურთელი, ვისარ მუსლიუ გახდა. 23 წლის მაკედონიელმა 65-ე წუთზე გაიტანა “ვარდარის” გამარჯვების გოლი.

ამ მატჩში მონაწილეობა მიიღო საქართველოს ნახევარმცველმა, ჯაბა ჯიღაურმა. მან სასტარტო შემადგენლობიდან დაიწყო, თუმცა მეორე ტაიმის დასაწყისშივე შეცვალეს. მის მაგივრად მოედანზე სომეხი ლეგიონერი, ბარსეღიანი გამოვიდა.

ამ მოგების შემდეგ ჯიღაურის გუნდი 29 ქულით მეორე პოზიციაზეა.

“ვარდარს” ჩემპიონთა ლიგის პლეი-ოფამდე ერთი ნაბიჯი აშორებს – ჯიღაურს მომდევნო კვირაში ელიან

Posted on by კახა ყიფიანი

გუშინ ჩემპიონთა ლიგის მესამე საკავლიფიკაციო ეტაპის პირველი მატჩები გაიმართა.

ერთ-ერთ შეხვედრაში მაკედონიის “ვარდარი” “ფილიპ II მაკედონსკიზე” დანიურ “კოპენჰაგენს” დაუხვდა. პირველ კლუბში ქართველი ფეხბურთელი, ჯაბა ჯიღაური თამაშობს. 25 წლის ნახევრამცველს ტრავმა აქვს და იგი განაცხადში არ ყოფილა. თუმცა, მომდევნო კვირაში, დიდი ალბათობით, ჯაბა თამაშს შეძლებს.

რაც შეეხება უშუალოდ მატჩს, იგი მინიმალური ანგარიშით სწორედ ჯიღაურის კლუბმა მოიგო. ერთადერთი გოლის ავტორი ჯონათან ბალოტელი გახდა. ბრაზილიელმა 65-ე წუთზე აიღო სკანდინავიელების კარი.

შეგახსენებთ, რომ მომდევნო შეხვედრა უკვე დანიაში, “ტელია პარკენზე”, ორ აგვისტოს, 22:00 საათზე შედგება. ამ ბარეირის გადალახვის შემთხვევაში, ქართველი მოთამაშის გუნდი ჩემპიონთა ლიგის პლეი-ოფში ითამაშებს. იმასაც გეტყვით, რომ თუ “ვარდარი” პლეი-ოფში წარუმატებლად გამოვა, იგი პირდაპირ გადაინაცვლებს ევროპის ლიგის ჯგუფურ ეტაპზე.

98%-ით, საქართველო თბილისში რუსეთს შეხვდება

Posted on by Alix

თბილისის მერიის თასზე საქართველოს საკალათბურთო ნაკრების მეტოქეთა ვინაობა თითქმის გადაწყვეტილია. როგორც ეროვნული ნაკრების ახალი მთავარი მწრვთნელის ილიას ზუროსის წარდგენის შემდეგ პრესკონფერენციაზე კალათბურთის ეროვნული ფედერაციის პრეზიდენტმა მიხეილ გაბრიჩიძემ განაცხადა, ზაფხულში ჩასატარებელ ტურნირზე საქართველოს მაკედონიისა და ჰოლანდიის ნაკრებები ეწვევიან, მესამე სტუმარი კი, 98%-ით, რუსეთი იქნება.

შეგახსენებთ, რომ 2015 წლის თბილისის მერიის თასის მონაწილეები მასპინძელ საქართველოსთან ერთად ესტონეთის, ლატვიისა და იტალიის ნაკრებები იყვნენ. ტურნირი იტალიელთა გამარჯვებით დასრულდა.

დელ ბოსკე: „დაბალ დონეზე ვითამაშეთ“

Posted on by Alix

ესპანეთის ნაკრების მთავარმა მწვრთნელმა ვისენტე დელ ბოსკემ მაკედონიასთან ანგარიშით 1:0 მოგებული შეხვედრის შესახებ ისაუბრა.

„მაქსიმუმი არ გვიჩვენებია. თამაშის არაერთ კომპონენტში პრობლემები გვქონდა. ჩვენი სათამაშო დონეზე უფრო ცუდად ვითამაშეთ. შესაძლოა, საქმე მოტივაციასთან გვქონდეს. ერთი გოლი გავიტანეთ და ამაზე გავჩერდით. თუმცა, მთავარი მაინც მოგებაა.

მაკედონიელები ბრძოლისთვის მზად იყვნენ, მათ არაერთი პრობლემა შეგვიქმნეს“, – აღნიშნა დელ ბოსკემ.

პროგნოზისტთა კონკურსი (უკრაინა – მაკედონია)

Posted on by Levan

გრძელდება ჩვენი ტრადიციული პროგნოზისტთა კონკურსი. დღეს გამოქვეყნდა მეცხრე საკონკურსო კვირის მეხუთე მატჩის კითხვები, რომელიც უკრაინისა და მაკედონიის ნაკრებებს შორის გასამართ შეხვედრას ეხება. კითხვები იხილეთ აღნიშნული მატჩის გვერდზე.

გამარჯვებულად ჩაითვლება ის პირველი 7 რეგისტრირებული მომხმარებელი, რომელიც ყველაზე მეტ სწორ პასუხს გამოიცნობს. 4-ივე კითხვაზე სწორი პასუხის ავტორს Europe bet-ის ანგარიშზე 10 ლარი დაერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 5 ლარი დაერიცხებათ. გამარჯვებულთა სიაში 3 სწორი პასუხის ავტორები იმ შემთხვევაში მოხვდებიან, თუ მიღებულ საკონკურსო კომენტარებში შვიდი 4-სწორპასუხიანი მომხმარებელი არ იქნება და სიაში გაჩნდება ვაკანტური საპრიზო ადგილები.

ერთი IP მისამართიდან მხოლოდ ერთი (პირველი) კომენტარი მიიღება, დანარჩენი კი უგულებელყოფილი იქნება.

საკონკურსო კითხვებს პასუხი უნდა გასცეთ მატჩის გვერდზე: უკრაინა – მაკედონია

ესპანეთის ნაკრებმა წარმატებით დაიწყო

Posted on by ბექა დოგრაშვილი

ევროპის 2016 წლის ჩემპიონატის საკვალიფიკაციო ეტაპი ესპანეთის ნაკრებმა წარმატებით დაიწყო. “ფურია როხამ” ვალენსიაში მაკედონიის ეროვნული გუნდი ანგარიშით 5:1 გაანადგურა. ესპანელთაგან გოლები გაიტანეს: სერხიო რამოსი (15′, პენ), პაკო ალკასერი (17′), სერხიო ბუსკეტსი (45+3′), დავიდ სილვა (50′), პედრო როდრიგესი (90+1′).

მატჩის შესახებ კომენტარი გააკეთა ესპანეთის ნაკრების მთავარმა მწვრთნელმა ვისენტე დელ ბოსკემ.

“ეს წინ გადადგმული ნაბიჯია, ახალი ეტაპი დავიწყეთ. ბოლო მსოფლიოს ჩემპიონატზე იმიჯი ოდნავ შევილახეთ. დაკარგული ნდობა უნდა აღვადგინოთ, კარგი ფეხბურთი უნდა ვაჩვენოთ და ქულები დავაგროვოთ, რათა ევრო-2016-ზე ვითამაშოთ”, – ციტირებს დელ ვოსკეს სიტყვებს Todomercado.

 

რამოსმა პანენკას სტილში გაიტანა

Posted on by -

8 სექტემბერს ესპანეთისა და მაკედონიის ნაკრებებს შორის გამართულ შეხვედრაში (5:1) ანგარიში სერხიო რამოსმა გახსნა.

მაკედონიელმა გულშემატკივარმა პოლიციის იარაღის გამო ხელი დაკარგა (+18)

Posted on by -

3 აგვისტოს მაკედონიის ჩემპიონატის პირველ ტურში ერთმანეთს პრინციპული მეტოქეები “პელისტერი” და “ვარდარი” დაუპირისპირდნენ.

მაკედონიაში “მარადიულ დერბად” წოდებული დაპირისპირება “პელისტერის” სტადიონზე გაიმართა, თუმცა სამი ქულის მოპოვება სტუმრებმა მოახერხეს.

სამწუხაროა, მაგრამ მატჩი ტრაგიკულად დასრულდა. გავრცელებული ინფორმაციის თანახმად, 90-ე წუთზე ადგილობრივმა პოლიციელებმა “ვარდარის” გულშემატკივრებს ყველა მხრიდან გასასვლელი ჩაუკეტეს. ამ დროს, ერთ-ერთ პოლიციელს შემთხვევით ხელიდან იარაღი გაუვარდა. იარაღის აღება ერთ-ერთმა ფანმა სცადა, რასაც საშინელი შედეგი მოჰყვა – მან მარცხენა ხელი დაკარგა. ასევე, რამდენიმე ადამიანმა სერიოზული დაზიანება მიიღო.

მაკედონიური პრესის ცნობით, მალევე ინციდენტის გამოძიების ბრძანება ქვეყნის პრემიერ მინისტრმა ბრძანა.

“ვარდარის” მწვრთნელმა კი მატჩის შემდეგ ასეთი რამ თქვა: “როცა ჩვენმა გულშემატკივარმა ხელი დაკარგა, სამი ქულის მოპოვება სიხარულს ნამდვილად არ გვანიჭებს.”

მაკედონიელი ფეხბურთელების რეაქცია, როცა ჰიმნი შეცდომით ჩართეს

Posted on by -

26 მაისს, ავსტრიაში მაკედონიისა და კამერუნის ეროვნულ ნაკრებებს შორის ამხანაგური მატჩი გაიმართა, რომელიც აფრიკელთა გამარჯვებით 0:2 დასრულდა.

მატჩის დაწყების წინ, სტადიონზე მაკედონიის ჰიმნის ნაცვლად, სხვა ქვეყნის ჰიმნი ჩაირთო, რაც რა თქმა უნდა, მაკედონიელებს არ ესიამოვნათ.

U16 – მაკედონიიდან მეორე ადგილით

Posted on by -

საქართველოს 16-წლამდე ნაკრები მაკედონიაში გამართული “Development Cup”-დან მეორე ადგილით დაბრუნდა.

ჩვენმა გუნდმა სულ სამი შეხვედრა ჩაატარა. პირველ მატჩში, გოჩა ტყებუჩავას ფეხბურთელებმა ირაკლი ბუღრიძის გოლით 1:0 სძლიეს სომხეთის ნაკრებს. კვიპროსის ნაკრებთან მეორე შეხვედრაში, მატჩის ძირითადი დრო 2:2 დამთავრდა. გოლები ლაშა ლეჟავამ და გიორგი არაბიძემ გაიტანეს. პენალტების სერიაში კი, ქართველებმა 4:3 იმარჯვეს.
ტურნირის გადამწყვეტ შეხვედრაში საქართველოს ნაკრები მაკედონიას დაუპირისპირდა. ჩემპიონობისთვის გამარჯვება აუცილებლად გვჭირდებოდა. მატჩის ძირითადი დრო 2:2 დასრულდა. გოლები ირაკლი ბუღრიძემ და ნიკა კვანტალიანმა გაიტანეს. საქმე აქაც თერთმეტმეტრიანებამდე მივიდა, სადაც სამწუხაროდ, აღარ გაგვიმართლა და დავმარცხდით.

შესაბამისად, საქართველოს ნაკრები მეორე ადგილზე გავიდა. ტურნირის ბომბარდირი კი, ირაკლი ბუღრიძე გახდა.

სფფ-ის პრესსამსახური