ფრანგული გამოცემა L’Equipe-ი იუწყება, რომ ლორან ბლანი “პარი სენ-ჟერმენის” მთავარი მწვრთნელის პოსტის დატოვებას აპირებს.
წყაროს თანახმად, ეს ინფორმაცია ოფიციალურად რამდენიმე დღეში დადასტურდება. ბლანი კომპენსაციის სახით 22 მილიონ ევროს მიიღებს.
გავრცელებული ცნობით, პარიზული კლუბის მთავარი მწვრთნელის პოსტზე ესპანელი სპეციალისტი უნაი ემერი დაინიშნება, რომელმაც “სევილია” რამდენიმე დღის წინ დატოვა.
პროფესიონალ ფეხბურთელთა ეროვნული კავშირის ვერსიით, “პარი სენ-ჟერმენის” თავკაცი ლორან ბლანი საფრანგეთის ჩემპიონატის მიმდინარე გათამაშების საუკეთესო მწვრთნელად დასახელდა.
50 წლის სპეციალისტმა “გაზელეკის” დამრიგებელი ტიერი ლორე, “ანჟეს” თავკაცი სტეფან მულენი და “ნიცას” ხელმძღვანელი კლოდ პიუელი ჩამოიტოვა.
ბლანის თავკაცობით “პარი სენ-ჟერმენმა” საფრანგეთის ჩემპიონის ტიტული მიმდინარე გათამაშების დასრულებამდე რვა ტურით ადრე გაინაღდა.
უეფას ჩემპიონთა ლიგის მერვედფინალურ ეტაპზე “პარი სენ-ჟერმენმა” ლონდონის “ჩელსი” საპასუხო შეხვედრაშიც დაამარცხა (2:1). მატჩის შემდეგ პარიზელთა მთავარმა მწვრთნელმა ლორან ბლანმა თქვა, რომ მისი გუნდის თითოეულმა წევრმა უმაღლეს დონეზე ითამაშა.
“ჩემი გუნდით ძალზედ კმაყოფილი ვარ. დღეს თითოეულმა ფეხბურთელმა კარგად ითამაშა. “პარი სენ-ჟერმენმა” შესანიშნავი მატჩი ჩაატარა.
პირველი შეხვედრის შემდეგ არცთუ ისე კმაყოფილნი ვიყავით, თუმცა ახლა ყველაფერი სხვაგვარადაა. კარგად ვიმოქმედეთ შეტევაში და დაცვაშიც მჭიდროდ ვითამაშეთ. მოუთმენლად ველოდებით მეოთხეფინალური ეტაპის წილისყრას”, – ციტირებს ბლანის სიტყვებს TMW.
“პარი სენ-ჟერმენმა” კლუბის მთავარ მწვრთნელ ლორან ბლანთან შრომითი ხელშეკრულება გაახანგრძლივა.
ახალი კონტრაქტი ძალაში 2018 წლის 30 ივნისამდე იქნება. ცნობისთვის, ძველ ხელშეკრულებას ვადა მიმდინარე სეზონის ბოლოს ეწურებოდა.
შეგახსენებთ, რომ ლორან ბლანი “პარი სენ-ჟერმენის” მთავარი მწვრთნელის პოსტზე 2013 წელს დაინიშნა. მისი ხელმძღვანელობით პარიზულმა კლუბმა ორჯერ მოიგო საფრანგეთის ჩემპიონატი და საფრანგეთის ლიგის თასი, ერთხელ კი ქვეყნის თასს დაეუფლა.
“პარი სენ-ჟერმენი” საფრანგეთის ჩემპიონატის მიმდინარე გათამაშების სატურნირო ცხრილს ლიდერობს და უახლოეს მადევარ “მონაკოს” მთელი 24 ქულით უსწრებს.
“ლე პარიზიენის” ცნობით, “პარი სენ-ჟერმენმა” მთავარ მწვრთნელ ლორან ბლანს ახალი სამწლიანი კონტრაქტი შესთავაზა. 50 წლის ფრანგ სპეციალისტს მოქმედი შრომითი ხელშეკრულება მიმდინარე სეზონის ბოლოს ეწურება.
წყაროს ცნობით, ახალი კონტრაქტი 2018 წლამდე იქნება ძალაში. კლუბში დარწმუნებულნი არიან, რომ ბლანი ხელშეკრულებას ხელს 2015 წლის ბოლომდე მოაწერს.
შეგახსენებთ, რომ ლორან ბლანი “პარი სენ-ჟერმენს” 2013 წლის ზაფხულიდან თავკაცობს. ამ პერიოდის განმავლობაში მან გუნდთან ერთად ორჯერ მოიგო საფრანგეთის ჩემპიონატი, ერთხელ კი ქვეყნის თასს დაეუფლა.
“პარი სენ-ჟერმენის” მთავარმა მწვრთნელმა უარყო ინფორმაცია იმის შესახებ, რომ “ბარსელონას” მარჯვენაფლანგელი მცველი დანიელ ალვესი პარიზულ კლუბში გადავა.
“დანი ალვესი “პარი სენ-ჟერმენში” არ გადმოვა”, – ციტირებს ბლანის სიტყვებს beIN SPORTS-ი.
პრესაში გავრცელებული ინფორმაციით, ბრაზილიელ ფეხბურთელს პარიზულ კლუბთან სამწლიანი კონტრაქტი უნდა გაეფორმებინა, წელიწადში კი ჯამაგირის სახით 3 მილიონ ევროს მიიღებდა.
“პარი სენ-ჟერმენის” მთავარი მწვრთნელის, ლორან ბლანის აგენტმა ჟან-პიერ ბერნემ განაცხადა, რომ მისი კლიენტი პარიზულ კლუბში მუშაობას გააგრძელებს. მანამდე ეს ინფორმაცია “პსჟ”-ის მფლობელმა ნასერ ალ-ხელაიფიმაც დაადასტურა.
“ბლანს “პარი სენ-ჟერმენში” დარჩენა სურს. ვერ ვხედავ მისი გუნდიდან წასვლის მიზეზს. მას გაუმართლა, თავკაცობდეს იმ გუნდს, რომელსაც ჩემპიონთა ლიგის მოგებისთვის ბრძოლა შეუძლია. მე ვფიქრობ, რომ ლორანი 100 პროცენტით “პსჟ”-ში დარჩება”, – ციტირებს აგენტის სიტყვებს Goal.com-ი.
“პარი სენ-ჟერმენის” მთავარმა მწვრთნელმა ლორან ბლანმა უეფას ჩემპიონთა ლიგის მეოთხედფინალური ეტაპის წილისყრის შედეგები შეაფასა. შეგახსენებთ, რომ პარიზელებს მეტოქედ “ბარსელონა” ერგოთ.
“როდესაც ჩემპიონთა ლიგის მეოთხედფინალურ ეტაპზე გადიხარ, დიდი შანსია, რომ “ბარსელონას” შეხვდე. პირადად მე მინდოდა, რომ ამ მეტოქესთან არ მოვხვედრილიყავით. სხვა ვარიანტებიც იყო.
ამ დაპირისპირებისთვის კარგად მოვემზადებით. ვფიქრობ, არც ჩვენი მოწინააღმდეგეა გახარებული იმით, რომ ჩვენთან მოხვდა. “ბარსელონა” ამ დროისთვის მსოფლიოს ერთ-ერთი საუკეთესო კლუბია, ლიონელ მესი კი საუკეთესო ფეხბურთელია”, – ბლანის კომენტარი “ასმა” გამოაქვეყნა.
წყვილის პირველი მატჩი პარიზში, 15 აპრილს გაიმართება.
“პარი სენ-ჟერმენის” მთავარმა მწვრთნელმა ლორან ბლანმა იმის შესახებ ისაუბრა, თუ რას მოელის ზლატან იბრაჰიმოვიჩისგან ჩემპიონთა ლიგის მერვედფინალურ ეტაპზე ლონდონის “ჩელსის” წინააღმდეგ გასამართ განმეორებით შეხვედრაში.
“იბრაჰიმოვიჩი პატარა ბიჭი აღარ არის. “ჩელსის” წინააღმდეგ გასამართ მატჩში ის ისევე იქნება წნეხის ქვეშ, როგორც მთლიანი გუნდი.
მან უნდა გაიტანოს, რადგან ეს მისი საქმეა. დისკვალიფიკაციის დროს საკუთარ თავზე კარგად იმუშავა. კარგია, რომ ჩემპიონთა ლიგის მატჩამდე საფრანგეთის ჩემპიონატში ითამაშებს, მას სჭირდება პრაქტიკა”, – ციტირებს ბლანის სიტყვებს Goal.com-ი.
“ჩელსისა” და “პარი სენ-ჟერმენს” შორის განმეორებითი მატჩი 11 მარტს გაიმართება.
საფრანგეთის ჩემპიონატის 27-ე ტურის დასკვნითი და ცენტრალური მატჩი დღეს შედგება: “მონაკო” “პარი სენ-ჟერმენს” მიიღებს. პარიზელთა მთავარმა მწვრთნელმა ლორან ბლანმა “მონაკოს” თავდამსხმელის, დიმიტარ ბერბატოვის შესახებ ისაუბრა და ბულგარელი ფეხბურთელი ზლატან იბრაჰიმოვიჩს შეადარა.
“ბერბატოვი “მონაკოსთვის” ძალზედ მნიშვნელოვანი ფეხბურთელია. ის მეტად ტექნიკურია, შეუძლია პოზიციის შერჩევა და გუნდის შემოქმედებით თამაშში ჩართულია. ის შესანიშნავი ფეხბურთელია, რომელიც თავისი მოქმედებებით თანაგუნდელებს ამშვიდებს. ბერბატოვი ბურთით გონივრულად თამაშობს და ძალზედ იშვიათად კარგავს მას. ის ისეთივე მნიშვნელოვანია “მონაკოსთვის”, როგორც იბრაჰიმოვიჩი ჩვენთვის”, – ბლანის სიტყვები Goal.com-მა გამოაქვეყნა.
მატჩი “მონაკოსა” და “პარი სენ-ჟერმენს” შორის თბილისის დროით 00:00 საათზე დაიწყება.
“პარი სენ-ჟერმენის” მთავარმა მწვრთნელმა ლორან ბლანმა გუნდის ახალგაზრდა ნახევარმცველის, მარკო ვერატის პრობლემაზე ისაუბრა.
“მარკო შესანიშნავი ფეხბურთელია, მაგრამ მშვიდად უნდა იყოს, მით უფრო მოედანზე ყოფნისას. მესმის, რომ ეს ძნელია, რადგან ის იტალიელია, თუმცა ვერატიმ მინდორზე ყოფნისას საკუთარ თავზე კონტროლი აუცილებლად უნდა ისწავლოს. ის საფრანგეთში უკვე ორწელიწადნახევარია, თამაშობს და მუდამ ერთი და იგივე შეცდომას უშვებს”, – ბლანის სიტყვებს “ტოდო მერკადო” აქვეყნებს.
„პარი სენ-ჟერმენის“ მთავარმა მწვრთნელმა ლორან ბლანმა დაადასტურა ინფორმაცია, რომლის მიხედვითაც, პარიზული კლუბი ლონდონის „ჩელსის“ ბრაზილიელი ფეხბურთელებით – ოსკარითა და დავიდ ლუისით არის დაინტერესებული.
„ბედნიერი ვარ, რომ ამ ამბიციური პროექტის გზას ვაგრძელებ. ძალიან სასიხარულოა, რომ „პარი სენ-ჟერმენის“ ხელმძღვანელობა მენდობა. საკითხებს რეალურად უნდა შევხედოთ: სამწუხაროა, როდესაც ხელში კოზირი გიჭირავს, მაგრამ ჩანაფიქრის განხორციელებას ვერ ახერხებ (ფინანსური ფეარ-პლეის გამო).
ამის მიუხედავად, გვაქვს შესაძლებლობა, რომ მომავალი სეზონისთვის კარგად მოვემზადოთ. მხოლოდ რამდენიმე პოზიციის გაძლიერება არის აუცილებელი. ოსკარი და დავიდ ლუისი ძალიან კარგი მოთამაშეები არიან. ისინი „პარი სენ-ჟერმენის“ ინტერესის სფეროში შედიან“, – ბლანის სიტყვებს Goal.com-ი ციტირებს.
