კატალონიის “ბარსელონას” კარის დარაჯი იასპერ სილესენი, დიდი ალბათობით, კლუბს მიმდინარე ზაფხულის სატრანსფერო ფანჯარაზე დატოვებს. ამ ინფორმაციას ესპანური გამოცემები ადასტურებენ.
როგორც ცნობილი ხდება, სილესენის კონტრაქტში მის გამოსასყიდ თანხად 60 მილიონი ევროა მითითებული, თუმცა “ბლაუგრანა” მზადაა, იასპერი 30 მილიონ ევროდაც გაყიდოს.
თავად ჰოლანდიელი მეკარე თანახმაა კლუბის გამოცვლამდე და მოლაპარაკებებსაც აწარმოებს სხვა კლუბებთან. მის მიმართ ინტერესს “ჩელსისა” და “ლივერპულის” ხელმძღვანელები იჩენენ.
ლუის ვან გაალი თანამემამულეს “ოლდ ტრაფორდზე” გადმოყვანას უპირებს.
აქტიურადაა ჭორები დავიდ დე ხეას მადრიდში გადასვლასთან დაკავშირებით, ამიტომ ინგლისური გუნდი აქტიურად ეძებს ესპანელის შემცვლელს.
ბრიტანული ტაბლოიდი Daily Mail-ის ინფორმაციით, ლუის ვან გაალს “აიაქსის” მეკარის, იასპარეს სილესენის დამატება სურს, რომლისადმი დიდ სიმპათიებსაც გრძნობს.
“მანჩესტერს” ასევე ფრანგი, უგო ლორისის გაფორმებაც სურდა, თუმცა ლონდონელებმა მასში დიდი თანხა მოითხოვეს და 28 წლის მეკარემ სეზონის დაწყებამდე რამდენიმე კვირით ადრე ხელი მოიტეხა.
De Telegraaf-ის ცნობით სილესენის აგენტის და “აიაქსის” ხელმძღვანელობის უკანაკსნელი შეხვედრა წარმატებული გამოდგა და 25 წლის გოლკიპერიც უახლოეს მომავლაში ამსტერდამულ კლუბთან ახალ კონტრაქტს გააფორმებს, რომლეიც 2018 წლამდე იქნება გათვლილი.
“ვფიქრობ, სილესენის პროგრესით ყველა სასიამოვნოდაა გაკვირვებული. მას შემდეგ, რაც ის “აიაქსის” პირველი ნომერი გახდა, კლუბშიც და ნაკრებშიც ყველაფერი კარგად გამოსდის” – განაცხადა ამსტერდამელთა მწვრთნელმა ფრანკ დე ბურმა.
მსოფლიოს ჩემპიონატის ნახევარფინალურ ეტაპზე ჰოლანდიისა და არგენტინის ნაკრებებს შორის გამართული მატჩი უგოლოდ დასრულდა, თერთმეტმერიანი დარტყმების სერიაში კი სამხრეთამერიკელებმა 4:2 იმარჯვეს და ფინალში თამაშის უფლება მოიპოვეს.
აღსანიშნავია, რომ იასპერ სილესენს კარიერის განმავლობაში პენალტი არც ერთხელ არ აქვს მოგერიებული.
ჰოლანდიის ჩემპიონატში მისთვის 8 თერთმეტმეტრიანი აქვთ დარტყმული, ჩემპიონთა ლიგაზე – 3, ბრაზილიაში მიმდინარე მუნდიალზე კი – 6.
ამ 17 პენალტიდან 25 წლის მეკარემ ვერც ერთის მოგერიება ვერ შეძლო.
შეგახსენებთ, რომ ჰოლანდიის ნაკრებმა ტურნირის მეოთხედფინალური ეტაპი სწორედ პენალტების სერიით დაძლია, თუმცა მაშინ საგანგებოდ თერთმეტმეტრიანების მოსაგერიებლად კარში ტიმ კრული ჩააყენეს.
როგორც მოგეხსენებათ, მსოფლიოს ჩემპიონატის მეოთხედფინალურ ეტაპზე ჰოლანდიისა და კოსტა რიკის ნაკრებებს შორის გამართული შეხვედრა ფრედ, ანგარიშით 0:0 დასრულდა, პენალტების სერიაში კი ევროპელებმა 4:3 იმარჯვეს და ნახევარფინალური რაუნდის საგზური მოიპოვეს.
მატჩის 119-ე წუთზე ჰოლანდიელთა თავკაცმა ლუი ვან გაალმა მეკარე იასპერ სილესენი ტიმ კრულით ჩაანაცვლა, რამაც ძირითადი კიპერის გაღიზიანება გამოიწვია. სათადარიგო ფეხბურთელთა შორის გადანაცვლებულმა სილესენმა ბრაზისგან წყლის ბოთლებს ფეხიც მიარტყა. ტიმ კრულს რაც შეეხება, მან დაკისრებულ დავალებას თავი შესანიშნავად გაართვა, ორი დატყმული მოიგერია და ჰოლანდიის ნაკრებს ნახევარფინალურ ეტაპზე თამაშის უფლება მოუპოვა.
მატჩის შემდეგ სილესენმა ბოდიში მოიხადა:
„მატჩის დასრულებისთანავე ფრანკ ჰუკს (მეკარეების მწვრთნელი) მოვუბოდიშე. ბოდიშს მთელ გუნდს მოვუხდი. ჩვენ ყველანი ერთ საქმეს ვაკეთებთ. ეს მართებული ცვლილება იყო, ტიმმა ფანტასტიურად ითამაშა“.
ფაქტზე კომენტარი გააკეთა ვან გაალმაც:
„ეს ჯერ კიდევ მატჩამდე გვქონდა დაგეგმილი. ნაკრების თითოეულ წევრს კონკრეტული დავალება აქვს. ჩვენს გუნდში პენალტების მოგერიების მხრივ კრული საუკეთესოა. მატჩამდე სილესენს არაფერი არ ვუთხარით, რათა ამას მასზე ცუდი გავლენა არ მოეხდინა“.
აი, ფაბიო კანავაროს კი ვან გაალის საქციელი არ მოეწონა:
„ვიცი, რომ ამ ცვლილების შემდეგ ვან გაალზე ყველა ისე ისაუბრებს, როგორც ლეგენდაზე, მაგრამ პირადად მე ასეთი რაღაცები არ მომწონს. ეს სილესენის მიმართ უპატივცემულობაა. რომელ მეკარეს დააყენებს მომდევნო შეხვედრაში სასტარტო შემადგენლობაში? სილესენს უკვე ეცოდინება, რომ მწვრთნელი მას 100 პროცენტით არ ენდობა“.
მეკარის შეცვლაზე კომენტარი გააკეთა ინგლისის ნაკრების ყოფილმა ფეხბურთელმა გარი ლინეკერმაც, რომელმაც კრულის სტატისტიკა მოიხმო:
„ვან გაალმა მეკარე მხოლოდ პენალტების სერიის გამო შეცვალა. სილესენის შეცვლა მისი გეგმის ნაწილი იყო, მაგრამ ის თუ მაინც იცის, რომ „ნიუკასლის“ შემადგენლობაში კრულმა ოციდან მხოლოდ ორი პენალტი მოიგერია?!“
ასეა თუ ისე, ვან გაალის შეცვლამ გაამართლა, ჰოლანდიის ეროვნულმა გუნდმა მუნდიალის ნახევარფინალური ეტაპის საგზური მოიპოვა, სადაც არგენტინის ნაკრებს დაუპირისპირდება. შეხვედრა10 ივლისს, თბილისის დროით 00:00 საათზე აიღებს სტარტს.
