ჭდე: მანჩესტერ იუნაიტედი

“სიტი” და “იუნაიტედი” ესპანელი ფეხბურთელისთვის იბრძოლებენ

Posted on by ცოტნე შაორშაძე

პრესაში გავრცელდა ინფორმაცია, რომ მანჩესტერული კლუბები, “სიტი” და “იუნაიტედი” ესპანელი მარცხენა მცველისთვის იბრძოლებენ.

ბრიტანული გამოცემა ESPN-ის ცნობით აარონ მარტინის გადაბირებისათვის ორივე გუნდი მზადაა მაღალი თანხები გიაღონ. ის კარგად თამაშობს როგორც დაცვაში, ასევე შეტევაშიც საკმაოდ ნაყოფიერია. გასულ კვირას გუარდიოლას დავალებით, “მანჩესტერ სიტის” სკაუტები “ესპანიოლის” შეხვედრას დაესწრნენ. ქალაქელებმა 2017 წლის ზაფხულის სატრანსფერო ფანჯრის დროს უკვე შეიძინეს გამორჩეული მარცხენა მცველი ბენჟამენ მენდი, მაგრამ ის ტრავმის მოშუშებას ვერადავერ ახერხებს, ამიტომაც აარონის სწორედ მის შემცვლელად მოიაზრება. დაცვის მარცხენა ფლანგზე ასევე პრობლემები აქვს “იუნაიტედსაც”, ლუკ შოუ ტრავმის გამო მიმდინარე სეზონში ჯერ მინდორზე არ გამოსულა. ორივე გუნდი მარტინის ყიდვას ზამთრის სატრანსფრო ფანჯრის დროს შეეცდება.

რაც შეეხება თავად აარონ მარტინს, ის “ესპანიოლის” აღზრდილია და სულ რაღაც 20 წლისაა. ის ამჟამად ესპანეთის ახალგაზრულ ნაკრებში ირიცხება.

მოურინიო: “არ ვაპირებ, კონტეს ხელის ჩამორთმევისთვის ვსდიო”

Posted on by იაკობ კაპანაძე

“მანჩესტერ იუნაიტედის” მთავარმა მწვრთნელმა, ჟოზე მოურინიომ აღნიშნა, რომ მისთვის არც თუ ისე მნიშვნელოვანია, ჩამოართმევს თუ არა მას ხელს ლონდონის “ჩელსის” მთავარი მწვრთნელი, ანტონიო კონტე.

“გინდათ რომ მას შუა მოედანზე ვსდიო ხელის ჩამორთმევისთვის? მე იქ ვიყავი და ხელი ჩამოვართვი მათ, ვინც იქ იყვნენ. მგონი, მათ შორის ერთ-ერთი ანტონიოს ძმა იყო, მისი ასისტენტი. ასე რომ, მე ჩემი მოვალეობა მოვიხადე და ნამდვილად არ ვაპირებ მას გავეკიდო.

რატომ უნდა დავლოდებოდი მას (გასახდელში შესვლამდე)? ვალდებულები არ ვართ, ეს გავაკეთოთ. ამაში ვერანაირ პრობლემას ვერ ვხედავ. თქვენ ყოველთვის გაწუხებთ ასეთი რაღაცები… ჩემთვის კი ეს პრობლემა სულაც არ არის.

რაც შეეხება მატჩს, ძლიერი გუნდების დაპირისპირება ვიხილეთ, თუმცა ბევრი მნიშვნელოვანი მოთამაშე გვაკლდა. დაცვითი სტილის თამაში იყო და გამარჯვება მას დარჩებოდა, ვინც პირველი გაიტანდა, ასეც მოხდა. ვფიქრობ, ფრე სამართლიანი შედეგი იქნებოდა,” – აცხადებს პორტუგალიელი სპეციალისტი.

“ჩელსიმ” “მანჩესტერ იუნაიტედის” დამარცხება შეძლო (ვიდეო)

Posted on by იაკობ კაპანაძე

ინგლისის პრემიერ ლიგის მე-11 ტურის ცენტრალურ მატჩს “სტემფორდ ბრიჯმა” უმასპინძლა, სადაც მოქმედმა ჩემპიონმა, ლონდონის “ჩელსიმ” “მანჩესტერ იუნაიტედის” დამარცხება შეძლო, რომელიც საკმაოდ სერიოზულ პრეტენზიას აცხადებს ჩემპიონობაზე.

მატჩი გარდამავალი უპირატესობით მიმდინარეობდა და მისი ბედი ალვარო მორატას მიერ 55-ე წუთზე გატანილმა გოლმა გადაწყვიტა, რომელიც პირველი და უკანასკნელი აღმოჩნდა.

წაგების მიუხედავად, “წითელი ეშმაკები” მაინც ინარჩუნებენ მეორე პოზიციას სატურნირო ცხრილში, “ჩელსი” კი მეოთხე ადგილზეა და 1 ქულით ჩამორჩება ჟოზეს გუნდს.

“ჩელსი”: ტიბო კურტუა; გარი კეჰილი, კრისტენსენი, ასპილიკუეტა; ალონსო, ბაკაიოკო, კანტე, ზაპაკოსტა (რუდიგერი 66′); ფაბრეგასი (დრინქვოთერი 79′); ედენ აზარი, ალვარო მორატა

მთავარი მწვრთნელი: ანტონიო კონტე

“მანჩესტერ იუნაიტედი”: დე ხეა; ბაილი, სმოლინგი, ჯონსი (ფელაინი 64′); ვალენსია, ანდერ ერერა, მატიჩი, იანგი; მხითარიანი (მარსიალი 63′); ლუკაკუ, რეშფორდი

მთვარი მწვრთნელი: ჟოზე მოურინიო

ნევილი: “რა სჭირს “ჩელსის”? პასუხის გასაცემად ერთი სიტყვაა საჭირო – მატიჩი”

Posted on by იაკობ კაპანაძე

ინგლისის 2016/17 წლების ჩემპიონი ლონდონის “ჩელსი” მიმდინარე სეზონში არც თუ ისე კარგად გამოიყურება, რისი მთავარი მიზეზიც ფილ ნევილის აზრით “არისტოკრატთა” რიგებიდან ნემანია მატიჩის წასვლაა.

“რა სჭირს “ჩელსის”? პასუხის გასაცემად ერთი სიტყვაა საჭირო – მატიჩი. ყველაფერი ძალიან მარტივია, ნემანია მატიჩის გაყიდვა ძალიან დიდი შეცდომა იყო მათი მხრიდან.

როდესაც გუნდში ნგოლო კანტესთან ერთად ნემანია მატიჩი გყავს, მაშინ არაფრის არ უნდა გეშინოდეს. ის, ვინამაც მატიჩის გაყიდვის გადაწყვეტილება მიიღო, უნდა დაითხოვონ. ეს პრემიერ ლიგის ისტორიაში ერთ-ერთი ყველაზე საშინელი გადაწყვეტილებაა.

ყველაფერთან ერთად, “ჩელსის” შემცვლელიც არ მოუყვანია. ბაკაიოკო ვერ შეძლებს იგივე ფუნქციების შესრულებას და ეს ყველამ ძალიან კარგად იცის,” – აცხადებს ნევილი.

მოურინიო: “ლუკაკუ ხელშეუხებელია”

Posted on by კახა ყიფიანი

დღეს ჩემპიონთა ლიგის ჯგუფური ეტაპის მეოთხე ტურის შეხვედრაში “მანჩესტერ იუნაიტედი” ლისაბონის “ბენფიკას” მიიღებს.

მატჩის წინ “წითელი ეშმაკების” მთავარი მწვრთნელი, ჟოზე მოურინიო ჟურნალისტებს ესაუბრა. პორტუგალიელმა რომელუ ლუკაკუს როლზე გაამახვილა ყურადღება.

“რომელუ ჩემს გუნდში ხელშეუხებელია. იგი კრიტიკას არ იმსახურებს. მას აქვს როგორც ჩემი, ასევე გულშემატკივართა მხრიდან მხარდაჭერა. ის საოცრად კარგად თამაშობს. ფანები თავიანთი ნებისმიერი დამოკიდებულების გამოხატვაში თავიუფალნი არიან. თუმცა, ჩემი მოვალეობა მოთამაშეთა დაცვაა და ლუკაკუ ხელშეუხებელი უნდა იყოს. ის ჩვენთვის უმნიშვნელოვანესი ფეხბურთელია.”

“ჩემპიონთა ლიგაზე “ცსკ”-სთან და “ბაზელთან” გამარჯვება მარიტივი იყო, თუმცა “ბენფიკასთან” რთული მატჩი გამოდგა. “ბენფიკა” სხვებზე უკეთესი გუნდია. ახლა სხვა შეხვედრაზე არ ვფიქრობთ. მხოლოდ მომავალ მატჩზე ვართ კონცენტრირებულნი. “ჩელსი”? ამაზე შემდეგ დავიწყებთ ფიქრს, რაც “ბენფიკასთან” თამაშს ჩავატარებთ,” – აცხადებს პორტუგალიელი.

კერიკი ზამთარში “მანჩესტერ იუნაიტედის” დატოვებას გეგმავს

Posted on by იაკობ კაპანაძე

ინგლისურ პრესაში გავრცელებულ ინფორმაციას თუ დავეყრდნობით, ზამთრის სატრანსფერო ფანჯარაზე 36 წლის მაიკლ კერიკი “ოლდ ტრაფორდის” დატოვებას გეგმავს.

Birmingham Mail-ის ცნობით, კერიკი “მანჩესტერ იუნაიტედში” თავს ბედნიერად ვერ გრძნობს და მზადაა, კარიერა “ასტონ ვილაში” გააგრძელოს, რომელიც ამ დროისთვის ინგლისის რიგით მეორე დონის ჩემპიონატში, ჩემპიონშიპში ასპარეზობს.

შეგახსენებთ, რომ “ოლდ ტრაფორდიდან” უეინ რუნის წასვლის შემდეგ კაპიტნის სამკლავური სწორედ კერიკმა გადაიბარა, მაგრამ ამის მიუხედავად, მოურინიო მას მხოლოდ მატიჩის შემცვლელად განიხილავს.

“მანჩესტერ იუნაიტედმა” “ტოტენჰემს” მარსიალის გოლით სძლია (ვიდეო)

Posted on by კახა ყიფიანი

დღეს ინგლისის პრემიერ ლიგის მეათე ტურის შეხვედრები იმართება.

ტურის ცენტრალურ შეხვედრაში “ოლდ ტრაფორდზე” “მანჩესტერ იუნაიტედმა” ლონდონის “ტოტენჰემი მიიღო. დაძაბული დაპირისპირების პირველ ნახევარში გოლი არ გასულა. მატჩის ერთადერთი და გამარჯვების გოლის გატანა “წითელი ეშმაკების” შემტევმა, ანტონი მარსიალმა მოახერხა. იგი 70-ე წუთზე მარკუს რეშფორდის ნაცვლად შემოვიდა მოედანზე და ზუსტად 11 წუთში დალაშქრა “სპურსების” კარი.

საბოლოოდ, მასპინძლებმა მინიმალური ანგარიშით მოიგეს. მათ ამჟამად 23 ქულა აქვთ და მეორე პოზიციას იკავებენ. “ტოტენჰემი” 20 ქულით მესამეა.

 

“მანჩესტერი” – “ტოტენჰემი”: სიმბოლური შერეული შემადგენლობა (ფოტო)

Posted on by კახა ყიფიანი

ხვალ პრემიერ ლიგის მეათე ტურში “მანჩესტერ იუნაიტედი” ლონდონის “ტოტენჰემს” უმასპინძლებს.

Goal.Com-ი აღნიშნული გუნდების სიმბოლურ შერეულ შემადგენლობას გვთავაზობს.

ლორისი, დევისი, ვერტონგენი, ჯონსი, ვალენსია, ვინკსი, მატიჩი, რეშფორდი, ალი, ერიკსენი, ლუკაკუ

 

მოურინიო: “ფეხბურთელებმა თავად უნდა ახსნან, რატომ ითამაშეს ასე საშინლად”

Posted on by -

“მანჩესტერ იუნაიტედის” მთავარმა მწვრთნელმა, ჟოზე მოურინიომ “ჰადერსფილდთან” წაგებული მატჩის (2-1) შემდეგ პრესასთან ამ მარცხის გამომწვევ მთავარ მიზეზებზე ისაუბრა.

“ნამდვილად არ ვიცი, რა გითხრათ. ასეთი დამოკიდებულებით ამხანაგურ მატჩებსაც კი არ ვთამაშობდით. პირველ ნახევარში უბრალოდ ველოდებოდი, თუ როდის დაუშვებდნენ ასეთ შეცდომებს. მათი დამოკიდებულება ნამდვილად შეუფერებელი იყო.

წაგება მაშინ არის მისაღები, როდესაც მეტოქე შენ ბევრად აღემატება და არა მაშინ, როდესაც იმის გამო აგებ, რომ სხვისი შესაძლებლობები სათანადოდ არ შეაფასე, ეს ძალიან ცუდია.

ანდერ ერერამაც ისაუბრა ამ ფაქტორზე და ვფიქრობ უკეთესი იქნება, თუ ყველა მათგანს დავიბარებთ პრესკონფერენციაზე და ავახსნევინებთ, რა მოხდა, რატომ ითამაშეს ასე საშინლად. არანაირი გარანტია არ მაქვს, რომ მსგავსი რამ მომდევნო მატჩში არ მოხდება,” – აცხადებს მოურინიო.

იოზილმა თანაგუნდელებს უთხრა, რომ “მანჩესტერ იუნაიტედში” გადადის

Posted on by იაკობ კაპანაძე

ბრიტანულ პრესაში გავრცელებული ცნობების მიხედვით, ლონდონის “არსენალის” გერმანელი ნახევარმცველი, მესუთ იოზილი იმდენადაა დარწმუნებული თავის ტრანსფერში, რომ ამის შესახებ უკვე თანაგუნდელებთანაც საუბრობს.

Daily Mirror-ის ცნობით, 29 წლის იოზილი, რომელსაც “მეთოფეებთან” კონტრაქტი სეზონის დასრულების შემდეგ ეწურება, მოუთმენლად ელის “ოლდ ტრაფორდზე” გადასვლას, სადაც მუმდივ სათამაშო დროს პირდებიან.

შეგახსენებთ, რომ იოზილსა და მოურინიოს საკმაოდ ახლო კავშირი ჰქონდათ ერთმანეთთან “რეალში” ყოფნის პერიოდში. როგორც ჩანს, მხარეები 2013 წელს დასრულებული ურთიერთობის აღდგენას იანვრის თვეში გეგმავენ.

ცნობილი ხდება ისიც, რომ იოზილის წარმომადგენლები დარჩენის სანაცვლოდ ხელფასის კვირაში 350 000 ფუნტამდე გაზრდას ითხოვდნენ, რაზეც “არსენალმა” უარი განაცხადა.

კარიკატურა: კლოპმა “მანჩესტერის” აგურის კედელი ვერ დაანგრია

Posted on by კახა ყიფიანი

პრემიერ ლიგის მერვე ტურში მერსესაიდის “ლივერპული” “მანჩესტერ იუნაიტედს” შეერკინა და მეტოქესთან უგოლო ფრე, 0-0 დაასრულა. მიუხედავად დარტყმებისა და ბურთის ფლობის მხრივ დიდი უპირატესობისა, იურგენ კლოპის ბიჭებმა გოლი ვერ გაიტანეს.

ომარ მომანი ამ ფაქტს ასე ეხმაურება

 

ჟოზე მოურინიო: “შესაძლოა, ოდესმე ვთქვა იმის მიზეზი, თუ რატომ არ დავთანხმდი “ბარსელონას” მწვრთნელობას”

Posted on by კახა ყიფიანი

2008-2012 წლები კატალონიის “ბარსელონასა” და პეპ გვარდიოლასთვის ძალიან წარმატებული გამოდგა. საგულისხმოა, რომ ამ ეპოქის დაწყებამდე ფრენკ რაიკაარდის შემცველად ჟოზე მოურინიო განიხილებოდა, თუმცა მაშინ პორტუგალიელმა ესპანელებს უარი განუცხადა.

აღნიშნულზე კომენტარი თავად ჟოზემ გააკეთა.

“შესაძლოა, ერთ დღეს ვთქვა იმ გადაწყვეტილების მიზეზი, რომელიც “ბარსელონას” ხელმძღვანელობის შემოთავაზების შემდეგ მივიღე. ალბათ, ამას მაშინ გავაკეთებ, როცა მოხუცი, ძალიან მოხუცი ვიქნები. ახლა, ერთადერთი რისი თქმაც შემიძლია ისაა, რომ ვარ მწვრთნელი ახალი ამბიციებით და სურვილით – მოვიგო ბევრი რამ.”

“დარწმუნებული ვარ, “მანჩესტერ იუნაიტედში” არ დავსარულებ ჩემს სამწვრთნელო კარიერას. ერთ დღეს, ჩემი ვაჟი, რომელიც ლონდონში ცხოვრობს, წავიდა, რომ ენახა “პსჟ”-ს თამაში და არა – მანჩესტერის”. რატომ პარიზი? ის, რაღაც მხრივ, განსაკუთრებულია. მაგიურობა, ხარისხი, ახალგაზრდობა… ის ფანტასტიკურია,” – აცხადებს პორტუგალიელი.