ჭდე: მანჩესტერ იუნაიტედი

“მანჩესტერ იუნაიტედის” მთავარი მწვრთნელი, ჟოზე მოურინიო თვლის, რომ “აიაქსი” ევროპა ლიგის ფინალში არ უნდა თამაშობდეს გამომდინარე იქიდან, რომ ამ გუნდმა სეზონი ჩემპიონთა ლიგაზე დაიწყო.

“აიაქსი” ჩემპიონთა ლიგის გუნდია, მათ სეზონი ამ ტურნირზე დაიწყეს.

მე ყოველთვის ამის წინააღმდეგი ვიყავი, ჩემი აზრით, გუნდს ერთ სეზონში ორ ევროპულ ტურნირზე თამაშის უფლება არ უნდა ჰქონდეს.

თუ გუნდი ჩემპიონთა ლიგის პლეი ოფში გასვლას ვერ შეძლებს, ის სახლში უნდა გაუშვან და არა სხვა ტურნირზე.

ევროპა ლიგაზე მხოლოდ ის გუდნები უნდა თამაშობდნენ, რომლებმაც სეზონი სწორედ ამ ტურნირზე ასპარეზობით დაიწყეს, როგორც ჩვენ,” – აცხადებს პორტუგალიელი სპეციალისტი.

ლონდონის “ტოტენჰემთან” განცდილი მარცხის (2-1) შემდეგ, “მანჩესტერ იუნაიტედის” მთავარმა მწვრთნელმა, ჟოზე მოურინიომ “წითელ ეშმაკთა” სათამაშო ტაქტიკა გაამართლა.

“ცდებიან, როდესაც ამბობენ, რომ ევროპა ლიგაზე გადართვით დიდი რისკი გავწიეთ. უბრალოდ შეუძლებელია 15 ფეხბურთელით ორ ფრონტზე ბრძოლა.

მოედანზე სწორედ ის ფეხბურთელები გავიდნენ, რომლებთაც 90 წუთი თამაში სჭირდებოდათ. ახლა პრემიერ ლიგის მატჩებში თამაში ნამდვილად არ გვინდა.

მომავალი სეზონი? მომავალზე საუბრის დრო ახლა ნამდვილად არ არის. ამ დროისთვის ერთადერთი რაც მადარდებს, ევროპა ლიგის ფინალია,” – აცხადებს პორტუგალიელი სპეციალისტი.