უეფას ჩემპიონთა ლიგის მერვედფინალურ ეტაპზე “მონაკომ” “მანჩესტერ სიტის” ბარიერის დაძლევა მოახერხა.
მონაკოელები მე-8 წუთზე კილიან მბაპემ დააწინაურა. 29-ე წუთზე ფაბინიომ მასპინძელთა უპირატესობა გაზარდა. 71-ე წუთზე “სიტის” ნახევარმცველმა ლეროი სანემ ერთი ბურთი გაქვითა და ორმატჩიან დაპირისპირებაში “ქალაქელებს” უპირატესობა დაუბრუნა, მაგრამ 77-ე წუთზე ტიემუა ბაკაიოკომ ინგლისელთა კარში კიდევ ერთი ბურთი გაიტანა და საბოლოო ანგარიში დააფიქსირა — 3:1.
ამრიგად, ეს დაპირისპირება ორი მატჩის ჯამში 6:6 დასრულდა, მომდევნო ეტაპზე კი “მონაკო” გასვლაზე გატანილი გოლის წესის წყალობით გავიდა.
ჩემპიონთა ლიგა
მერვედფინალი (II მატჩი)
“მონაკო” — “მანჩესტერ სიტი” 3:1 (2:0)
გოლები: მბაპე 8′, ფაბინიო 29′, ბაკაიოკო 78’— სანე 71′.
