ინგლისსა და შოტლანდიაში მოასპარეზე 123 ფეხბურთელს შორის ჩატარებული გამოკითხვით, ლონდონის “ჩელსის” დამრიგებელი ჟოზე მოურინიო იდეალურ მენეჯერად დასახელდა.
შეკითხვაზე, თუ ვისი ხელმძღვანელობით ისურვებდნენ თამაშს, ფეხბურთელთა უმეტესობამ პორტუგალიელის სასარგებლოდ გასცა პასუხი.
მოურინიო 48%-ით პირველზეა, მეორე ადგილზე მიუნხენის “ბაიერნის” მესაჭეს, პეპ გვარდიოლას ერგო(31%), მომდევნო ადგილებზე გასულები კი, ჟოზეს და პეპს ძალზე დიდი სხვაობით ჩამორჩებიან. “არსენალის” მწვრთნელმა არსენ ვენგერმა მხოლოდ 8% მიიღო, “დორტმუნდის” თავკაცმა იურგენ კლოპმა კი 6%, “ვესტ ჰემის” დამრიგებელმა სემ ელერდაისმა 6%, ხოლო ინგლისის ნაკრების მთავარი მწვრთნელი როი ჰოჯსონი მხოლოდ 1%-ს დააჯერეს.
