ჭდე: ბორუსია დორტმუნდი

დორტმუნდის “ბორუსიას” ლიდერმა, პიერ-ემერიკ ობამეიანგმა ყველასათვის ნათელი გახადა ის ფაქტი, რომ თავისი მომავალი ჯერ კიდევ ბურუსითაა მოცული და რომ ეს ბურუსი მომავალი კვირისთვის გაიფანტება.

“ვნახოთ რა მოხდება, გადაწყვეტილებას მომავალ კვირაში მივიღებ. მნიშვნელობა არ აქვს, რას იტყვის პრესა, პირველ რიგში, მე მაინც კლუბის ხელმძღვანელობას უნდა გავესაუბრო.

ჯერ არანაირი გადაწყვეტილება არ მიგვიღია. შეთანხმების თანახმად, მატჩის დასრულების შემდეგ მაგიდასთან უნდა დავჯდეთ და ყველაფერი გავარკვიოთ,” – აცხადებს გაბონელი ფეხბურთელი Bild-თან საუბრისას.pearances.

დორტმუნდის “ბორუსიას” მთავარმა მწვრთნელმა, ტომას ტუჰელმა “მონაკოსთან” გასამართ მეოთხედფინალურ დაპირისპირებამდე პრესასთან პიერ-ემერიკ ობამეიანგის როლზე ისაუბრა.

“ობამეიანგი ძალიან გვჭირდება, ის ამ დაპირისპირებას საუკეთესო ფორმაში უნდა შეხვდეს. ნახევარფინალში გასასვლელად ჩვენ მისი გოლები, დაცვაში კარგი თამაში და მისი მუსიკა დაგვჭირდება.

სწორედ ამას მოითხოვს ჩემპიონთა ლიგა.

ობამეიანგი ძალიან ნიჭიერი ფეხბურთელია, ის ესპანურად, ფრანგულად, იტალიურად, ინგლისურად და გერმანულადაც კი საუბრობს. დიახ, თუ მოინდომებს, მას გერმანულადაც შეუძლია საუბარი,” – აცხადებს ტუჰელი.

ცნობისთვის გეტყვით, რომ ბუნდესლიგის მიმდინარე სეზონში ობამეიანგმა 25 გოლის გატანა შეძლო და ბომბარდირთა დავაში მეორე პოზიციას იკავებს (ლევანდოვსკი – 26 გოლი).

დორტმუნდის “ბორუსიას” ახალგაზრდა ვარსკვლავი, უსმან დემბელე აღიარებს, რომ გერმანულ კლუბში გადაბარგებამდე ის მერსესაიდული “ლივერპულის” მთავარ მწვრთნელს, იურგენ კლოპს შეხვდა.

შეგახსენებთ, რომ “რენში” ჩატარებული ბრწყინვალე სეზონის შემდეგ, დემბელემ არაერთი ევროპული გრანდის ყურადღება მიიპყრო, მათ შორის “მანჩესტერ იუნაიტედის”, “მანჩესტერ სიტისა” და “ლივერპულისაც”, თუმცა მან კარიერის გაგრძელება გერმანიაში გადაწყვიტა.

“პარიზში ყოფნისას იურგენ კლოპს შევხვდი, თუმცა იმ დროისთვის ყველაფერი გადაწყვეტილი მქონდა – “ბორუსიაში” უნდა გადავსულიყავი.

ეს გადაწყვეტილება კარგა ხნის წინ მივიღე, ასე რომ “ლესტერში” ან სხვა კლუბში გადასვლა უბრალოდ გამორიცხული იყო,” – აცხადებს დემბელე FourFourTwo-ს ჟურნალისტებთან საუბრისას.

გერმანული ბუნდესლიგის გრანდმა, დორტმუნდის “ბორუსიამ” დონალდ ტრამპის წამოწყებასთან დაკავშირებით საკუთარი პოზიცია დააფიქსირა, რომლის მიხედვითაც, დორტმუნდელები აშშ-მექსიკის საზღვარზე 15-მეტრიანი კედლის აშენების წინააღმდეგები არიან.

როგორც იცით, ამერიკის შეერთებული შტატების 45-ე პრეზიდენტი ხელისუფლებაში მოსვლისთანავე შეუდგა თავისი გეგმის შესრულებას (ქვეყნებს შორის საზღვარის გამკაცრებას), რის გამოც აშშ-ს ტერიტორიაზე მყოფ მილიონობით ემიგრანტს დეპორტაცია ემუქრებათ.

“ერთადერთი კედელი, რომლისაც გვჯერა” – ასეთი რამ “დატვიტა” კლუბის ოფიციალურმა გვერდმა სოციალურ ქსელში.

The only #wall we believe in. ???? pic.twitter.com/nIL4ws0UY1

— Borussia Dortmund (@BVB) January 26, 2017

დაახლოებით ასეთი ტიპის გზავნილი დაურთო “ბარსას” ექს-ფეხბურთელმა, მექსიკელმა რაფა მარკესს “ბლაუგრანს” მაისურით გატანილ საჯარიმოს – “თუ ჩვენს ძალებს ვირწმუნებთ, ვერანაირი კედელი ვერ შეგვაჩერებს.”

No hay #muro capaz de detenernos si creemos en nosotros mismos. #4ctitud. pic.twitter.com/gMZPMj1m1G

— Rafa Marquez (@RafaMarquezMX) January 25, 2017

ტომას ტუჰელი ადასტურებს ინფორმაციას, რომ პიერ-ემერიკ ობამეიანგის არყოფნის პერიოდში, თავისი შესაძლებლობების დემონსტრირების საშუალება “ჩელსის” ექს-ფორვარდს, ანდრე შურლეს მიეცემა.

როგორც იცით, პიერ-ემერიკ ობამეიანგის მთავარი საზრუნავი ამ დროისთვის კონტინენტური პირველობაა, სადაც ეს უკანასკნელი გაბონის ნაკრების ღირსებას იცავს.

“ანდრე შურლე დასაწყისიდანვე შეუტევს, თუ რა თქმა უნდა, რამე მოულოდნელი არ მოხდება. მას ფორვარდის როლის მორგება მოუწევს. ეს მისთვის ბრწყინვალე შანსია, გვაჩვენოს, თუ რა შეუძლია მას.”

დორტმუნდის “ბორუსია” ბუნდესლიგის 16 ტურის შემდეგ 27 ქულით მე-6 პოზიციას იკავებს. მომდევნო ტურში კი მათი მეტოქე ბრემენის “ვერდერი” იქნება.