ლოკომოტივი – გვერდი 10 – Fanebi.Com – ფეხბურთი, კალათბურთი, რაგბი, სხვა

„ლოკომოტივი“ ხუთწლიანი პაუზის შემდეგ უმაღლესში პირველი მატჩისთვის ემზადება

Posted on აგვისტო 12, 2015 by Alix

ხანგრძლივი პაუზის შემდეგ საქართველოს უმაღლეს ლიგაში დაბრუნებული „ლოკომოტივი“ 2015/16 წლების სეზონის გათამაშებას ხვალ იწყებს. „რკინიგზელები“ საჩხერეში ჩავლენ, სადაც ადგილობრივ „ჩიხურას“ შეხვდებიან.

პარალელურად, თბილისში, მიხეილ მესხის სახელობის სტადიონის სათადარიგო მინდოზე უმაღლეს ლიგაში ამოსული კიდევ ერთ თბილისური კლუბი „საბურთალო“ ითამაშებს, რომლიც მეტოქე მასპინძელი „ცხინვალი“ იქნება. ორივე შეხედრა 17:00 საათზე დაიწყება.

დღეს, გაგზავრების წინ, საგურამოს ბაზაზე, „ლოკომოტივის“ ფეხბურთელებმა მსუბუქად ივარჯიშეს.

„ლოკომოტივის“ „ფეისბუქის“ გვერდის სურათები:

„ლოკომოტივმა“ ბრძოლაში „საბურთალო“ დაამარცხა

Posted on ივლისი 19, 2015 by Alix

საგურამოს სამწვრთნელ ბაზაზე დღეს ერთმანეთს უმაღლეს ლიგაში გადასული ორი თბილისური კლუბი „ლოკომოტივი“ და „საბურთალო“ შეხვდა. შეხვედრა „რკინიგზელთა“ გამარჯვებით, 3:2 დასრულდა.

23-ე წუთზე ანგარიში „ლოკომოტივმა“ გახსნა – გოლი მამია გავაშელიშვილმა გაიტანა. ცოტა ხანში „საბურთალოს“ კარის მიმართლებით პენალტი დაინიშნა, 11-მეტრიან ნიშნულთან იმ მომენტისთვის ერთადერთი გოლის ავტორი მივიდა, თუმცა დარტყმის გამოყენება ვერ შეძლო.

მეორე ტაიმის დასაწყისში ანგარიში გიორგი ფანცულაიამ გაათანაბრა. 70-ე წუთზე გიორგი ხარაიშვილმა საჯარიმო დარტყმა ზუსტად შეასრულა – „საბურთალო“ დაწინაურდა.

დარჩენილ დროში „ლოკომოტივმა“ ანგარიშის გათანაბრება და დაწინაურებაც მოასწრო – დუბლი ართმელაძემ შეასრულა.

დიარა ფეხბურთში ბრუნდება

Posted on ივლისი 18, 2015 by Alix

ცნობილი ნახევარმცველი ლასანა დიარა ფეხბურთში ბრუნდება. ფეხბურთელმა ფიფა-სგან თამაშის უფლება მიიღo, რის შესახებაც სოციალურ ქსელში დაწერა.

„ფიფა-მ, როგორც იქნა, თამაშის უფლება მომცა. კვლავ საქმეში ვარ“, – დაწერა დიარამ.

შეგახსენებთ, რომ ბოლოს დიარა მოსკოვის „ლოკომოტივში“ თამაშობდა, რის შემდეგაც კლუბთან უთანხმოება მოuვიდა. სასამართლოს გადაწყვეტილებით, მოსკოვის „რკინიგზელებს“ მან 12 მილიონი ევრო უნდა გადაუხადონ.

ბოლო დროს დიარას „მარსელს“ უკავშირებენ, დიდი ალბათობით, კaრიერას ის სწორედ ამ კლუბში გააგრძელებს.

როგორი პენალტი დაარტყა ჩორლუკამ “ზენიტთან” პენალტების სერიაში (ვიდეო)

Posted on ივლისი 13, 2015ივლისი 13, 2015 by -

12 ივლისს, რუსეთის სუპერთასის მატჩში ერთმანეთს სანქტ-პეტერბურგის” ზენიტი” და მოსკოვის “ლოკომოტივი” დაუპირისპირდნენ. შეხვედრის ძირითადი დრო ფრედ 1:1 დასრულდა, საქმე კი პენალტების სერიამდე მივიდა.

პენალტების სერიაში “ზენიტმა” ანგარიშით 4:2 იმარჯვა. აღსანიშნავია, რომ “ლოკომოტივის” კაპიტანმა ვედრან ჩორლუკამ თერთმეტმეტრიანი ვერ გაიტანა.

„სენტ-ეტიენის“ ნახევარმცველი „ლოკომოტივს“ უახლოვდება

Posted on ივნისი 26, 2015 by Alix

„სენტ-ეტიენის“ ნახევარმცველმა მაქს გრადელმა ფრანგული კლუბიდან წასვლის შესახებ განაცხადა. აქამდე ევროპუს პრესაში გავრცელებული ინფორმაციით, 27 წლის კოტ-დ’ივუარელი მოსკოვის „ლოკომოტივში“ გადასვლას აპირებდა.

„მინდა, სიმართე იცოდეთ – „სენტ-ეტიენს“ ვტოვებ.

ახალი კლუბი? ამ თემაზე საუბარი ჯერჯერობით ადრეა“, – ციტირებს გრადელს „Fraternite Matin“-ი.

შეგახსენებთ, რომ განვლილ სეზონში გრადელმა „სენტ-ეტიშნი 40 მატჩი ჩაატარა, რომელშიც 17 გოლით გამოირჩა.

ბაჩო მიქავა: “სან მარინოსთან სამი ქულის მოპოვებას ვგეგმავთ”

Posted on ივნისი 2, 2015იანვარი 13, 2017 by -

3 ივნისს, საქართველოს 21-წლამდე ფეხბურთელთა ნაკრები ევროპის ჩემპიონატის საკვალიფიკაციო ეტაპზე პირველ მატჩს გამართავს. ალექსანდრე ჩივაძის გუნდი უკვე სან მარინოშია, სადაც სულ მალე ამ ქვეყნის ახალგაზრდული ნაკრების წინააღმდეგ ითამაშებს.

გუნდთან ერთად იმყოფება “ლოკომოტივის” 21 წლის მეკარე ბაჩო მიქავა, რომელსაც Fanebi.Com დაუკავშირდა და თავდაპირველად, “ბორჯომისა” და “მეტალურგის” წინააღმდეგ გამართულ მატჩზებზე ესაუბრა.

– ვფიქრობ, “ლოკომოტივსა” და “ბორჯომს” შორის გამართული მატჩის სანახაობრივი იყო. მაყურებელმა კარგი თამაში იხილა, რაც მთავარია, ექვსი გოლი გავიდა. იყო დამატებითი ტაიმები და პენალტების სერია.

– ამის შემდეგ, რუსთავის “მეტალურგს” შეხვდით, რომელიც ანგარიშით 5:0 დაამარცხეთ. ელოდი ასეთ იოლ გამარჯვებას?
– სიმართლე გითხრათ, გამარჯვებას ველოდი, მაგრამ არ მეგონა, ასე იოლად თუ მოვიგებდით. “მეტალურგი” უმაღლეს ლიგაში თამაშობდა და გვეგონა, რომ ეს გუნდი უფრო დიდ წინააღმდეგობას გაგვიწევდა.

– რა მიზანი ექნება “ლოკომოტივს” უმაღლეს ლიგაში?
– “ლოკომოტივი” ყველა თამაშზე ბოლომდე იბრძოლებს. ჩვენი მიზანი კი ის იქნება, რომ ცხრილში რაც შეიძლება კარგი პოზიცია დავიკავოთ. ალბათ, უფრო მაღალი ადგილებისათვის ვიბრძოლებთ.

– ახლა ნაკრებზეც გკითხავთ. ალექსანდრე ჩივაძემ 21-წლამდელთა გუნდში გამოგიძახათ. პირველ მატჩს სან მარინოს წინააღმდეგ გამართავთ…
– ვემზადებით და სამი ქულის მოპოვებას ვგეგმავთ. საკვალიფიკაციო ეტაპის გამარჯვებით დაწყება ძალიან მნიშვნელოვანია, ამიტომ ჩვენი მიზანი მხოლოდ გამარჯვებაა. თუმცა, ადვილი თამაში არ გველის.

– როგორ ფიქრობ, რა შანსი აქვს საქართველოს ნაკრებს საკვალიფიკაციო ეტაპზე, სადაც სან მარინოს გარდა, ჩვენი გუნდის მეტოქეები ესპანეთის, შვედეთის, ხორვატიისა და ესტონეთის ნაკრებები არიან?
– მთავარია, ყველა თამაშზე ვიბრძოლოთ და ჩვენი ფეხბურთი ვითამაშოთ. დაუმარცხებელი გუნდი არ არსებობს. თუ ყველა მატჩს მონდომებით ჩავატარებთ, საქართველოს ნაკრებს ჯგუფში მოწინავე პოზიციის დაკავების კარგი შანსი ექნება.

“ლოკომოტივი” უმაღლეს ლიგაში დაბრუნდა

Posted on მაისი 27, 2015მაისი 27, 2015 by Levan

მიხეილ მესხის სახელობის სტადიონის სათადარიგო მეოდანზე 2014/15 წლების სეზონის უკანასკნელი ოფიციალური შეხვედრა შედგა. რუსთავის „მეტალურგმა“ და თბილისის „ლოკომოტივმა“ მომდევნო სეზონში უმაღლესი ლიგის ადგილის გაითამაშეს.

შეხვედრა საკმაოდ ნელ ტემპში დაიწყო და რუსთაველთა ტერიტორიულi უპირატესობით მიმდინარეობდა. თუმცა ანგარიშის გახსნა „ლოკომოტივმა“ შეძლო. კიკნაძის მიერ წამოყებული სწრაფი კონტრშეტევა მე-15 წუთზე ნარიმანიძის ავტოგოლით დასრულდა.

გატანილი გოლის შემდეგ თბილისელთა უპირატესობა კიდევ უფრო თვალსაჩინო გახდა და 29-ე წუთზე მამია გავაშელიშვილმა კიკნაძის გადაცემით მეორე გოლი გაიტანა.

მეორე ტაიმი „ლოკომოტივის“ უპირატესობით დაიწყო. პირისპირ გასულმა არაბიძემ პენალტი მოიპოვა, რომელიც გაგნიძემ გოლად აქცია. თბილისელთა მცვლემა მალევე დუბლის გაფორმება შეძლო, როდესაც 53-ე წუთზე ჯარიმიდან დალაშქრა მეტოქის კარი. 72-ე წუთზე კი საბოლოო ანგარიში ჩიხლაძემ დააფიქსირა – 5:0.

ამრიგად, „ლოკომოტივი“ მომდევნო სეზონიდან უმაღეს ლიგაში იასპარეზებს, „მეტალურგი“ კი პირველ ლიგაში დაქვეითდა.

მეტალურგი 0-5 ლოკომოტივი

გოლები: ნარიმანიძე 15’ (ს.კ. 0:1); გავაშელიშვილი 29’ (0:2); გაგნიძე 49′ ; 52′ (0:4); ჩიხლაძე 72′ (0:5);

მეტალურგი: ნადირაძე, ჩიკვაიძე, ზვიადაძე, შუშიაშვილი, ნარიმანიძე, გაბაშვილი, ხიზანეიშვილი, მინდორაშვილი, ბერუაშვილი, ბარაბაძე, სარიშვილი.

სათადარიგოები: ქარდავა, ბროლაძე, გულუა, ციცქიშვილი, ბარამიძე, ოქროპირიძე, ბიწკინაშვილი

მთავარი მწვრთნელი: ვარლამ კილასონია

ლოკომოტივი: მიქავა, ჩიტეიშვილი, სანდოხაძე, კიკნაძე, გავაშელიშვილი, არაბიძე, უბილავა, დიასამიძე, სულთანიშვილი, გაგნიძე, სამურკასოვი

მთავარი მწვრთნელი: ვასილ მაისურაძე

სათადარიგეობი: რომელფენგერი,მაკასარაშვილი, ღვინიაშვილი, ლუკავა, ართმელაძე, გაბაძე, ჩიხლაძე.

„ლოკომოტივმა“ „ბორჯომი“ პენალტების სერიაში დაამარცხა

Posted on მაისი 23, 2015 by Alix

მიხეილ მესმის სახელობის სტადიონის სათადარიგო მოედანზე დასრულდა საქართველოს პირველი ლიგის პლეიოფის შეხვედრა, რომელშიც ერთმანეთს „ბორჯომი“ და თბილისის „ლოკომოტივი“ შეხვდნენ.

მატჩმა მოლოდინი გაამართლა და მეტად დაძაბული გამოდგა. ანგარიში უკვე მე-15 წუთზე გაიხსნა, როდესაც გოლი „ლოკომოტივის“ მოთამაშემ გიორგი კიკნაძემ გაიტანა. ბორჯომელებმა წონასწორობა სწრაფად აღადგინეს, თოთხმეტ4 წუთში გოლი ლევან როსტობაიამ გაიტანა, თუმცა ოთხ წუთში კვლავ კიკნაძის გოლით „ლომომოტიველები“ ისევ დაწინაურნდნენ.

პირველი ტაიმი, თბილისელთა გამარჯვებით, 2:1 დასრულდა.

მეორე ნახევრის მეექვსე წუთზე „ბორჯომმა“ გაიტანა – თავი მიხეილ ჩხარტიშვილმა გამოიჩინა. ანგარიში 86-ე წუთამდე არ შეცვლილა, რის შემდეგაც მამია გავაშელიშვილის გოლით „რკინიგზელები“ კვლავ დაწინაურდნენ, თუმცა მსაჯის მიერ კომპენსირებულ დროში დავით კირვალიძის მიერ გატანილი ბურთით მატჩი ოვერტაიმში გადავიდა. დამატებით ნახევარ საათში ანგარიში არ შეცვლილა და საქმე პენალტების სერიამდე მივიდა, რომელშიც უკეთესად თბილისელები გამოვიდნენ და ანგარიშით 4:2 მოიგეს – მესამე და მეოთხე პენალტის გატანა „ბორჯომის“ რიგებიდან ბექა მუმლაძემ და ვლადიმერ ჯოჯუამ ვერ შეძლეს.

ამრიგად, რუსთავის „მეტალურგთან“ უმაღლესი ლიგის დარჩენილი ერთი ადგილისთვის შეხვედრაში სწორედ თბილისელები ითამაშებენ.

„ბორჯომი“ – „ლოკომოტივი“ 3:3

გოლები: როსტობაია 29′, ჩხარტიშვილი 51′, კირვალიძე 90′ – კიკნაძე 15′, 33′, გავაშელიშვილი 86′

გაფრთხილებები: ჯოჯუა 36′ – დიასამიძე 72′

პირველი ლიგა: 21-ე ტური თბილისური დერბით დასრულდა

Posted on მარტი 6, 2015მარტი 6, 2015 by Levan

საქართველოს ჩემპიონატის პირველი ლიგის 21-ე ტური ზუგდიდში და თბილისში გასამართი შეხვედრებით დასრულდა.

ზუგდიდში “ბაიას” ბაზაზე “ლაზიკამ” ა ჯგუფის აუტსაიდერი, ბათუმის “ადელი” მიიღ და 2:1 სძლია. ტურის უკანასკნელი შეხვედრა კი “ბენდელაზე” შედგა, სადაც დაძაბულ ბრძოლაში “საბურთალომ” თბილისი “ლოკომოტივს” 3:2 მოუგო.

21 ჩატარებული შეხვედრით ა ჯგუფში “საბურთალო” 54 ქულით პირველ ადგილზეა, ხოლო “ლაზიკა” 39-ით – მეორეზე. უმაღლესში გადასვლის მსურველი თბილისის “ლოკომოტივი” 33 ქულით მეოთხე პოზიციაზეა.

“ლოკომოტივი” ბუქარესტის “რაპიდს” შეხვდა

Posted on თებერვალი 5, 2015თებერვალი 5, 2015 by Levan

თურქულ შეკრებაზე თბილისის “ლოკომოტივმა” პირველი ტესტ-მატჩი გამართა. “რკინიგზელთა” მეტოქე რუმინული “რაპიდი” იყო.

საქართველოს პირველი ლიგის ბინადრის და რუმინეთის ჩემპიონატში ბოლო ადგილზე მყოფი გუნდის დაპირისპირება ფრედ, გატანილი გოლების გარეშე დასრულდა.

აღსანიშნავია, რომ ბუქარესტის “რაპიდს” 10 თებერვალს კიდევ ერთი ქართული გუნდი, გორის “დილა” დაუპირისპირდება.

“ლოკომოტივს” ანანიძის გადაბირება და განათხოვრება სურს

Posted on თებერვალი 5, 2015თებერვალი 5, 2015 by Levan

მოსკოვის “ლოკომოტივის” “სპარტაკიდან” ჯანო ანანიძის გადაბირებას აპირებს. შესაძლოა, ტრანსფერი უახლოეს მომავალში განხორციელდეს. აღსანიშნავია, რომ ამ შემთხვევაში “რკინიგზელები” საქართველოს ნაკრების მოთამაშეს სეზონის ბოლომდე “როსტოვში” გაანათხოვრებენ.

თავის მხრივ “სპარტაკი” ჯანოს გაშვებას მხოლოდ იჯარის წესით აპირებს, თუმცა საბოლოოდ მოსკოველები ოფიციალური სატრანსფერო წინადადების მიღების შემდეგ ჩამოყალიბდებიან.

შეგახსენებთ, რომ მიმდინარე სეზონში “როსტოვიდან” “სპარტაკში” დაბრუნებულმა ანანიძემ კლუბის ძირითადში დამკვირდება ვერ მოახერხა. კონფლიქტის გამო კი ქართველებმა ფეხბურთელმა გარკვეული პერიოდი დუბლებში გაატარა.

გიორგი არაბიძე: “ყველაფერი ჩემზეა დამოკიდებული”

Posted on იანვარი 14, 2015 by Levan

თბილისის “ლოკომოტივის” და საქართველოს ასაკობრივი ნაკრებების ერთ-ერთი გამორჩეული მოთამაშე, გიორგი არაბიძე, კარიერას დონეცკის “შახტარში” გააგრძელებს. Fanebi.com 16 წლის ფეხბურთელს დაუკავშირდა და მის კარიერაში ახალ ეტპზე ესაუბრა.

– გავიგეთ, რომ კარიერას “შახტარში” გააგრძელებ. რატომ აირშიე ეს კლუბი?

– ჩემი განვითარებისთვის ამ ეტაპზე “შახტარი” კარგი ვარიანტი იქნება. იქედან უფრო მეტი პერსპექტივაა ვიდრე საქართველოს ჩემპიონატიდან.

– სხვა შემოთავაზებები გქონდა?

– დიახ, იყო რამდენიმე ევროპული კლუბის ვარიანტი, თუმცა იქ წასვლა 18 წლამდე ვერ ხერხდებოდა. ამ პერიოდში კი “შახტარში” ბევრს ვისწავლი.

– “შახტარში” დიდი კონურენციაა და ძირითად გუნდში მოხვედრა იოლი საქმე არ არის…

– ყველაფერი ჩემზეა დამოკიდებული. თავიდან დუბლშემადგენლობაში ვივარჯიშებ და 19-წლამდელთა გუნდს ჩემპიონთა ლიგის მატჩებზე დავემატები.

– ქართველ ფეხბურთელებს “შახტარში” ბოლო პერიოდში არ უმართლებდათ. მათ ფაქტობრივად შანსიც კი არ მისცემიათ. ეს ფაქტი ხომ არ გაღელვებს?

– არ ვიცი სხვა ფეხბურთელების შემთხვევაში რა და როგორ მოხდა. ასე რომ ვერაფერს ვიტყვი.

– წელს 17 და 19 წლამდელთა ნაკრებებშიც ითამაშე. როგორ შეაფასებდი შესარჩევი ეტაპის მატჩებს?

– კარგი თამაშები გამოვიდა იყო. ახალგაზრდა ფეხბურთელებისთვის ეს დიდი გამოცდილებაა. ორივე ასაკში შემდეგ ეტაპზე გავედით. კარგად მოვემზადებით, რათა მომავალში უკეთესი შედეგი გვქონდეს.

– რა არის შენთვის მთავარი ფეხბურთში?

– მთავარი ხელშეწყობა და პირობებია, რაც “შახტარში” მექნება. ეს აუცილებელია მაღალ დონეზე სათამაშოდ.