biletebi.ge – Fanebi.Com – ფეხბურთი, კალათბურთი, რაგბი, სხვა

კახი კალაძე: “ეს არის უპასუხისმგებლობა”

Posted on ივლისი 2, 2015 by ბექა დოგრაშვილი

უეფას სუპერთასის ბილეთების გარშემო განვითარებულ მოვლენებს საქართველოს ეროვნული ნაკრების ყოფილი კაპიტანი და ქვეყნის ვიცე-პრემიერი კახი კალაძე გამოეხმაურა. იგი მომხდარს უპასუხისმგებლობად აფასებს.

“ფეხბურთის ფედერაციაც და biletebi.ge-ც მომზადებულნი უნდა შეხვედროდნენ გადაწყვეტილებას, როდესაც მათ ბილეთების გაყიდვის უფლება მისცეს. თუ უეფას მხრიდან იყო დავალება, ფეხბურთის ფედერაციას biletebi.ge-სთან ყველა დეტალი უნდა გაევლო, რომ ისინი მზად შეხვედროდნენ ასეთ აჟიოტაჟს. ჩვენ თავიდანვე ვიცოდით, თუ რამდენად დიდი ინტერესი იქნებოდა ამ თამაშის მიმართ. ამიტომ, ჩემი შეხედულებით, რაც მოხდა, ეს არის უპასუხისმგებლობა”.

Biletebi.ge-მ ამჟამად გაყიდული ბილეთების რაოდენობა დაასახელა

Posted on ივნისი 30, 2015 by Alix

Biletebi.ge-ს „ფეისბუქის“ გვერდმა ცოტა ხნის წინ ამჟამად არსებული მდგომარეობის შესახებ დაწერა.

„გაყიდვა კვლავ ხარვეზებით მიმდინარეობს, პრობლემა ფიქსირდება რიგის მენეჯმენტ კომპანიას და ჩვენს შორის.

ჯერჯერობით გაყიდულია 1500 ბილეთი, 143 00 მომხმარებელია რიგში.

სისტემა მომხმარებლების ნაკადს უმკლავდება, თუმცა რიგის სისტემასთან კავშირში კვლავ შეფერხებებია…

დარჩენილია ყველა კატეგორიის ბილეთი“, – ნათქვამია განცხადებაში.

Biletebi.ge-მ სუპერთასის ბილეთების გაყიდვის დაწყების ზუსტი დრო დაასახელა

Posted on ივნისი 23, 2015ივნისი 23, 2015 by Alix

ვებსაიტმა Biletebi.ge-მ, რომლის მეშვეობითაც მსურველებს უეფა-ს სუპერთასზე დასასწრები ბილეთების შეძენა შეუძლიათ, რამდენიმე წუთს წინ თავისი „ფეისბუქის“ გევრდზე პოსტი გამოაქვეყნა, რომელშიც ბილეთების გაყიდვის თარიღი დაასახელა.

„ვაზუსტებთ, ბილეთების გაყიდვის დროს: 23 ივნისი, 13:00“, – წერია პოსტში.

შეგახსენებთ, რომ საიტს ბილეთები ჯერ კიდევ 22 ივნისის დილიდან უნდა გაეყიდა, თუმცა ვებგვერდზე უამრავი პრობლემა შეიქმნა, რის გამოც, მომხმარებლებმა ბილეთების შეძენა ვერ მოახერხეს.

ჩამოჭრილი თანხა – მომხმარებლები biletebi.ge-ზე არსებული პრობლემების შესახებ წერენ

Posted on ივნისი 22, 2015ივნისი 22, 2015 by Alix

biletebi.ge-ზე უეფა-ს სუპერთასის ბილეთების შეძენასთან დაკავშირებული პრობლემები გრძელდება. გარდა ამისა, მომხმარებლები შექმნილ პრობლემებთან დაკავშირებით სხვადასხვა საიტებზე და სოციალურ ქსელებში წერენ.

როგორც თბილისის ფორუმზე რამდენიმე მომხმარებელმა დაწერა, მათ ბილეთები შეიძინეს და ანგარიშზე არსებული თანხაც ჩამოეჭრათ, თუმცა ელექტრონულ ფოსტაზე დამადასტურებელი ბმულები აქამდე არ მოსვლიათ:

Biletebi.ge-ს მორიგი განცხადება

Posted on ივნისი 22, 2015 by Levan

ცოტა ხნის წინ biletebi.ge-მ მორიგი განცხადება გაავრცელა. კომპანის ოფიციალური ფეისბუქ გვერდის ცნობით ამ წუთებში აპარატურის გადაწყობა მიმდინარეობს.

“სერვერი ცოტა ხნით გაითიშება, მიმდინარეობს აპარატურის გადაწყობა…” – იუწყებიან biletebi.ge-დან.

შეგახსენებთ, რომ კომპანიის ვეგგვერდზე დღეს დილიდან თბილისში გასამართი უეფას სუპერთასის ბილეთების გაყიდვა უნდა დაწყებულიყო, თუმცა ტექნიკური პრობლემების გამო ამის განხორციელება ვერ მოხერხდა, რამაც გულშემატკივართა დიდი უკმაყოფილება გამოიწვია.

Biletebi.ge-ს განმარტება საიტზე არსებულ პრობლემასთან დაკავშირებით

Posted on ივნისი 22, 2015 by Alix

მოგეხსენებათ, ოფიციალურად, დღეს დილიდან უეფას სუპერთასზე დასასწრები ბილეთების გაყიდვა დაიწყო, რომელთა შეძენა მსურველებს საიტ Biletebi.ge-ზე შეუძლიათ. თუმცა, დილიდანვე საიტზე პრობლემები შეიქმნა, ამის გამო ბილეთების შეძენას აქამდე უამრავი მომხმარებელი ვერ ახერხებს. აღნიშნულ პრობლემასთან დაკავშირებით საიტის ერთ-ერთი წარმომადგენელი ტელეკომპანია „რუსთავი 2“-ს ვებსაიტს გაესაუბრა.

„მაქსიმალურად ვცდილობთ, ფილტრი მაინც დავაყენოთ და ნაწილ ნაწილ შევუშვათ ხალხი.

წამში მოდის 10 ათასზე მეტი ტრანზაქცია, ამას „ამაზონის“ სერვერი თუ გაუძლებს მხოლოდ“, – განუცხადა Biletebi.ge-ს წარმომადგენელმა „რუსთავი 2“-ს.

გარდა ამისა, ავად რესპოდენტის თქმით, ამჟამად ჯერჯერობით უცნობია, თუ როდის აღდგება საიტის მუშაობა.

biletebi.ge-მ უეფასგან 45 000 ევრო მიიღო

Posted on ივნისი 22, 2015 by Levan

სუპერთასის ბილეთები დღის ყველაზე აქტუალური თემაა. როგორც იცით, აგვისტოში გასამართი მატჩის ბილეთების გაყიდვა დღეს დილის 9 საათზე უნდა დაწყებულიყო, თუმცა biletebi.ge-ზე არსებული ტექნიკური პრობლემების გამო გულშემატკივრები ბილეთების შეძენას ვერ ახერხებენ.

დაუდასტურებული ინფორმაციით ბილეთების გარკვეული რაოდენობა ღამის საათებში გაიყიდა, ცოტა ხნის წინ კი ვებგვერდის ადმინისტრაციამ შეტევის შესახებ გაავრცელა ინფორმაცია და ბილეთების გაყიდვის შეჩერება დაადასტურა.

აქვე გაცნობებთ, რომ biletebi.ge-მ უეფასგან შესაძლო პრობლემების თავიდან ასაცილებლად და ბილეთების რეალიზაციის პროცესის გამართულად ჩასატარებლად 45 000 ევრო მიიღო, თუმცა როგორც ჩანს თანხის მიზნობრივად გამოყენება ვერ მოხერხდა, რადგან ბილეთების გაყიდვის დაწეყბა დაანონსებულ დროზე ვერ მოხერხდა და გულშემატკივრებს ამ დრომდე პრობლემები ექმნებათ.