ჭდე: Saba Kvirkvelia

მოსკოვის “ლოკომოტივი” და ყაზანის “რუბინი” საბა კვირკველიას ტრანსფერის თაობაზე მოლაპარაკებას აწარმოებენ.

შეგახსენებთ, რომ ქართველ მცველს “რუბინთან” მოქმედი კონტრაქტი აქვს. რუსეთის ჩემპიონატის გასული სეზონის გაზაფხულის ნაწილი კვირკველიამ იჯარის წესით “ლოკომოტივში” გაატარა და გუნდში დარჩენის სურვილი არაერთხელ გამოთქვა. თავის მხრივ, მოსკოვურ კლუბსაც სურს ქართველ ფეხბურთელთან თანამშრომლობის გაგრძელება.

შეგახსენებთ, რომ საბა კვირკველია “ლოკომოტივის” რიგებში რუსეთის თასის მფლობელი გახდა.

საქართველოს ეროვნული ნაკრებისა და ყაზანის “რუბინის” ცენტრალური მცველის, საბა კვირკველიას მიმართ ინტერესს მოსკოვის “სპარტაკი” იჩენს.

მოსკოვურ გუნდს დაცვის ხაზის გაძლიერება განუზრახავს და ერთ-ერთ ვარიანტად სწორედ კვირკველიას კანდიდატურას განიხილავს.

ქართველი ფეხბურთელი “რუბინთან” ერთად ავსტრიაში შეკრებაზე იმყოფება. კვირკველიამ მხოლოდ ერთ საკონტროლო მატჩში ითამაშა.

როგორც საბა კვირკველიას აგენტმა რევაზ ჩელებაძემ განაცხადა, ქართველი მცველი ნავსაყუდელის შეცვლის წინააღმდეგი არ არის და უპირატესობას იტალიურ და გერმანულ კლუბებს მიანიჭებს, რუსეთიდან კი მხოლოდ მოსკოვის “სპარტაკისა” და სანკტ-პეტერბურგის “ზენიტის” წინადადებებს განიხილავს.

შეგახსენებთ, რომ საბა კვირკველია “რუბინში” 2011 წლიდან თამაშობს. 24 წლის ქართველმა მცველმა რუსეთის პრემიერლიგის გასულ გათამაშებაში 29 მატჩი ჩაატარა და ერთი გოლი გაიტანა.

აქვე გეტყვით, რომ საბა კვირკველიასა და ყაზანის “რუბინს” შორის გაფორმებულ კონტრაქტს ვადა 2019 წლის პირველ ივლისს ეწურება.