“მანჩესტერ იუნაიტედის” ხელმძღვანელები მზად არიან ფრანგ თავდამსხმელს, ანტონი მარსიალს, გამოემშვიდობონ. თუმცაღა, “მანჩესტერელებს” არ უნდათ ამ უკანასკნელმა კარიერა ინგლისში გააგრძელოს.
შეგახსენებთ, რომ იანვრის სატრანსფერო ფანჯარაზე მარსიალის მიმართ ინტერესს ისეთი ინგლისური კლუბები იჩენდნენ, როგორებიც ლონდონის “ჩელსი” და “ტოტენჰემი” არიან.
სავარაუდოდ, 22 წლის ფრანგი ფეხბურთელი კარიერას იტალიაში გააგრძელებს. მას კარლო ანჩელოტის “ნაპოლისა” და მასიმილიანო ალეგრის “იუვენტუსში” იწვევენ.
“მანჩესტერ იუნაიტედი” მზადაა, მარსიალს 50 მილიონი ევროს სანაცვლოდ შეელიოს.
“მანჩესტერ იუნაიტედის” მთავარი მწვრთნელი, ჟოზე მოურინიო უკმაყოფილოა გუნდის ამჟამინდელი ფორმაციით და მზად არის ცვლილებებს პოლ პოგბა და ანტონი მარსიალიც შესწიროს.
პორტუგალიელი სპეციალისტი გუნდის წარუმატებლობაში რამდენიმე ფეხბურთლის ბრალეულობას ხედავს, მათ შორის მოწინავე ადგილებს პოგბა და მარსიალი იკავებენ. გარდა ამისა, როგორც იცით, მოურინიო განსაკუთრებით დაუნდობელია ძვირადღირებული ფეხბურთელების მიმართ.
შეგახსენებთ იმასაც, რომ პეპ გვარდიოლას სიტყვების თანახმად, მინო რაიოლამ უკვე შესთავაზა “მანჩესტერ სიტის” პოგბას ტრანსფერი, თუმცაღა “ქალაქელებმა” უარი განაცხადეს.
როგორც მოგეხსენებათ, მიმდინარე სეზონში მადრიდის “რეალს” შეტევის წინახაზში საქმეები კარგად ვერ მისდის, აქედან გამომდინარე ფლორენტინო პერესი აქტიურად ცდილობს კლუბში ახალგაზრდა და გამორჩეული შემტევები მიიყვანოს.
ამჯერად მადრიდელთა სამიზნე საფრანგეთისა და “მანჩესტერ იუნაიტედის” ფორვარდი ანტონი მარსიალია, რომელიც მიმდინარე სეზონში კარგ ფორმაშია და ინგლისელ გულშემატკივრებს ხშირად აოცებს გამორჩეული თამაშით. სამეფო კლუბი ფრანგის დამატებას 2018 წლის ზაფხულს შეეცდება და პერესი მზადაა მარსიალის სანაცვლოდ 80 მილიონი ფუნტი გადაიხადოს. ანტონი 2017-2018 წლების სეზონში მანჩესტერელთა სასტარტო შემადგენლობაში მხოლოდ 5-ჯერ მოხვდა, რითაც ფრანგი ბედნიერი ნამდვილად არ არის, ის მოურინიოსგან მეტ ნდობას ელის.
შეგახსენებთ, რომ 22 წლის შემტევი “მანჩესტერ იუნაიტედში” 2015 წელს გადავიდა. მას შემდეგ, მარსიალმა 110 შეხვედრა გამართა წითლების მაისურით და 32 გოლი გაიტანა.
რომელუ ლუკაკუს ხელიდან გაშვების შემდეგ, ლონდონის “ჩელსის ხელმძღვანელებმა მთელი ყურადღება მადრიდის “რეალის” ესპანელ თავდამსხმელზე, ალვარო მორატაზე გადაიტანეს.
As-ის ცნობით, “არისტოკრატები” მზად არიან 80 მილიონი ევრო გადარიცხონ მადრიდელთა საბანკო ანგარიშზე თუ “რეალი” მორატას წასვლის უფლებას მისცემს.
“ატლეტიკომ” ფაბინიოსთან შეათანხმა
As-ის ცნობით, მადრიდის “ატლეტიკოს” მესვეურებმა “მონაკოს” ბრაზილიელი ფეხბურთელთან, ფაბინიოსთან სიტყვიერ შეთანხმებას მიაღწიეს.
მართალია, ფაბინიოს გადაბირებისთვის “მანჩესტერ იუნაიტედის”, “პარი სენ-ჟერმენისა” და “მანჩესტერ სიტის” უფროსებიც იბრძოდნენ, თუმცა ბრაზილიელმა არჩევანი მადრიდულ კლუბზე გააკეთა, რომელსაც სატრანსფერო დისკვალიფიკაცია 2018 წლის იანვარში ეხსნება და რომელიც 45 მილიონ ევროს იხდის მის ტრანსფერში.
“რეალი” კოვაჩიჩის გაშვებას გეგმავს
მადრიდის “რეალის” ხელმძღვანელები გუნდის ხორვატი ნახევარმცველის, მატეო კოვაჩიჩის გაყიდვას გეგმავენ. ამ ინფორმაციას Evening Standard ავრცელებს.
როგორც უკვე გაცნობეთ, მატეო კოვაჩიჩის მიმართ ინტერესს “ტოტენჰემის” მესვეურები იჩენენ. ხორვატი ფეხბურთელის გაშვებით კი მადრიდელები კილიან მბაპესთვის ადგილის გათავისუფლებას ცდილობენ.
“ლესტერ სიტიმ” კელეჩი იჰეანაჩო დაიმატა
Sky Sports-ის რედაქცია ადასტურებს ინფორმაციას, რომლის მიხედვითაც, “მანჩესტერ სიტის” ახალგაზრდა თავდამსხმელი, კელეჩი იჰეანაჩო მომავალი სეზონიდან “მანჩესტერ სიტის” რიგებში იასპარეზებს.
როგორც ცნობილი ხდება, 20 წლის ფეხბურთელის ტრანსფერში “მელიები” 25 მილიონ ფუნტს იხდიან და ამავდროულად “ქალაქელებს” მისი გამოსყიდვის უფლებასაც უნარჩუნებენ.
“მანჩესტერ იუნაიტედმა” მარსიალს ფასი დაადო
“მანჩესტერ იუნაიტედის” მთავარი მწვრთნელი, ჟოზე მოურინიო გუნდში ანტონი მარსიალის ადგილს ვერ ხედავს და მისი გაყიდვა აქვს განზრახული.
ბრიტანული პრესის ცნობით, “მანჩესტერელები” ფრანგი შემტევის სანაცვლო 30 მილიონ ევროს ფუნტს ითხოვენ, თუმცა არც მისი განათხოვრების ვარიანტს გამორიცხავენ.
“მანჩესტერ იუნაიტედის” ახალგაზრდა ფრანგმა შემტევმა, ანტონი მარსიალმა სამომავლო გეგმებზე საუბრისას აღნიშნა, რომ ის “ოლდ ტრაფორდის” საკუთარი ნებით დატოვებას არ აპირებს.
“მიყვარს ეს კლუბი, მიყვარს “მანჩესტერ იუნაიტედი” და მიყვარს “მანჩესტერ იუნაიტედის” ფანები.
აქ ყოფნით დიდ სიამოვნებას ვიღებ. გულშემატკივრები ზურგს მიმაგრებენ, რაც ნამდვილად მეხმარება. მაქსიმალურად ვეცდები, მოედანზე 100 პროცენტით დავიხარჯო და ისინი გავაბედნიერო.
მინდა კლუბში რაც შეიძლება დიდი ხნის მანძილზე დავრჩე,” – აცხადებს მარსიალი, რომლის წასვლასაც არაერთი ბრიტანული გამოცემა წინასწარმეტყველებს.
“მანჩესტერ იუნაიტედის” მთავარმა მწვრთნელმა, ჟოზე მოურინიომ გუნდის ფრანგ შემტევზე, ანტონი მარსიალზე საუბრისას აღნიშნა, რომ თუ ახალგაზრდა ფორვარდი მას მოუსმენს, ყველაფერი გამოუვა და არც კლუბის დატოვება მოუწევს.
“მარსიალს ყველაფერი აქვს იმისთვის, რომ ტოპ დონის მოთამაშე გახდეს. ის თამაშობს, ქმნის შანსებს, გოლები გააქვს, ბოლომდე იბრძვის. ყველაფერთან ერთად პოზიტიურიც არის.
მარსიალმა მე უნდა მომისმინოს და არა თავის აგენტს. ვარჯიშებზე უნდა დამიჯეროს, ჩემს მიერ მიცემული თითოეული შენიშვნა გაითვალისწინოს და გამოასწოროს.
გაზეთებში ყოველდღე ვხედავ სტატიებს სათაურებით: “მარსიალი “სევილიაში” მიდის”, “მარსიალს ანათხოვრებენ”, “ანტონი თავს ბედნიერად ვერ გრძნობს.” თუ ის მე დამიჯერებს, ყველაფერი გამოსწორდება.”
ბრიტანული the Telegraph-ის მიერ გავრცელებული უახლესი ინფორმაციის თანახმად, “ვესტ ჰემ იუნაიტედის” ხელმძღვანელობამ თვალი “წითელ ეშმაკთა” ფორვარდებს (მარკუს რეშფორდი და ანტონი მარსიალი) დაადგა.
“ჩაქუჩებს”, რომლებიც სულ რაღაც 7 ქულით არიან დაშორებული გასავარდნ ზონას, დიდი სურვილი აქვთ ისეთი ფეხბურთელის გადაბირებისა, რომელიც სეზონის მეორე ნახევარში ბევრი გოლის გატანასა და მატჩის ბედის ერთი დარტყმით გადაწყვეტას შეძლებს.
როგორც იცით, სლავენ ბილიჩის სამიზნეთა სიაში პირველ ადგილს მიში ბატშუაი იკავებდა. თუმცა, “არისტოკრატებმა” ბელგიელთან იანვრის თვეში განშორებაზე კატეგორიული უარი განაცხადეს.
ამასობაში, მარსიალი და რეშფორდი “ოლდ ტრაფორდზე” სათამაშო პრაქტიკის უქონლობით იტანჯებიან, რისი გამოსწორებაც “ოლიმპიურ სტადიონზე” გადასვლით შეიძლება.
ვოლტერ მაცარის გუნდთან თამაშისას მიღბული ტრავმის გამო, ანტონი მარსიალი “ლესტერ სიტისთან” გასამართ მატჩში “მანჩესტერ იუნაიტედის” დახმარებას ვერ შეძლებს. ამ ინფორმაციას მანჩესტერელთა თავკაცი, ჟოზე მოურინიოც ადასტურებს.
შეგახსენებთ, რომ ფრანგი შემტევი “უოტფორდთან” გამართული მატჩის 38-ე წუთზე დაშავდა, თუმცა მატჩის მთავარმა არბიტრმა თამაშის წესები არ დააფიქსირა. ამ მომენტს კი დე ხეას კარში გატანილი გოლი მოჰყვა.
“ტრავმის გამო, მარსიალი “ლესტერთან” თამაშს ვერ შეძლებს.
იცით, როდის მიიღო მან ეს დაზიანება – ვფიქრობ, იცით.” – დაამატა მან, რითიც კიდევ ერთხელ გაუსვა ხაზი მსაჯის შეცდომას, რომელმაც გარკვეულწილად მატჩის ბედიც განაპირობა.
როგორც იცით, ბელგიელ ფეხბურთელს “მანჩესტერ იუნაიტედის” რიგებში 28 თებერვლის შემდეგ არ ჰქონდა ნათამაშები, თუმცა შაბათს, “ნორვიჩ სიტისთან” გამართულ მატჩში ლუიმ ის განაცხადში შეიყვანა.
თუმცა, როგორც ჩანს, ლუიმ მაინც არ იცოდა, თუ რა უნდა ეყო იანუზაისთვის. მან როგორც წესია, ადნანს უბრძანა გახურებულიყო, მანამ სანამ ისევ სათადარიგოთა სკამზე დაბრუნებას მოსთხოვდა. ჰოლანდიელი სპეციალისტის მისია ფეხბურთელმა პირნათლად შეასრულა.
რატომღაც, “იუნაიტედის” მწვრთნელმა მალე იგივე გაიმეორა. იანუზაი გასახურებლად გაუშვა, ცოტა ხანში, კი ისევ უკან დაბრუნებისაკენ მოუწოდა.
ლუის ამ საქციელმა ძალზედ გაამხიარულა ანტონი მარსიალი, რომელიც კარგა ხანი იცინოდა მის თანაგუნდელზე. თავად ადნანი კი საკმაოდ გაკვრივებული ჩანდა.
Tuttomercatoweb-ის მიერ გავრცელებული ინფორმაციის თანახმად, “მანჩესტერ იუნაიტედის” ხელმძღვანელობა მზადაა ედინსონ კავანის ტრანსფერის განსახორციელებლად ანტონი მარსიალი გაწიროს.
როგორც იცით, ფრანგი ფორვარდი “მანჩესტერ იუნაიტედის” ბნელ სეზონში ნათელ წერტილად მოგვევლინა, თუმცა “ოლდ ტრაფორდის” მესვეურებს მიაჩნიათ, რომ კავანი ამ მომენტში მასზე უფრო საჭირო ფიგურაა.
აქვე გეტყვით იმასაც, რომ ფაქტიურად დადასტურებულია ის ფაქტი, რომ კავანი ზაფხულში პარიზს დატოვებს. მისი გადაბირების მსურველი კი ბევრია.
29 წლის ურუგვაელი ფორვარდის გადაბირება ლონდონის “ჩელსისა” და ტურინის “იუვენტუსის” ინტერესებშიც შედის.
როგორც იცით, ფრანგულ ლიგა 1-ში ერთხელისუფლიანობაა. არადა სავსებით შესაძლებელი იყო, რომ პარიზული გრანდისთვის ღირსეული კონკურენცია გაეწია “მონაკოს”, რომელშიც ერთ დროს მართლაც რომ ნიჭიერი ფეხბურთელები ირიცხებოდნენ.
თუმცა, მოვლენები სხვაგვარად განვითარდა. “მონაკოს” ხელმძღვანელობამ ცდუნებას ვერ გაუძლო და ვარსკვლავები საკმაოდ დიდ თანხად გაყიდა.
გთავაზობთ, თუ როგორი იქნებოდა ფრანგული კლუბის შემადგენლობა, ლიდერები რომ შეენარჩუნებინათ:
პოზიცია: მეკარე
ასაკი: 31
ამჟამინდელი კლუბი: “მონაკო”
“მონაკოს” რიგებში ჩატარებული მატჩი: 166
2012-ში “მონაკოს” რიგებში ჩარიცხვის შემდგომ, დანიელ სუბაშიჩი ძალზედ ძლიერ ფიგურად იქცა ფრანგული კლუბისათვის.
წლევანდელ სეზონში მან ფრანგული ჩემპიონატის 21 მატჩიდან 8-ში მოახერხა კარის მშრალად შენახვა და გუნდს ჩემპიონთა ლიგის საგზურის მოპოვების საკმაოდ კარგი შანსი შეუნარჩუნა.
პოზიცია: მარჯვენა მცველი
ასაკი: 21
ამჟამინდელი კლუბი: “მონაკო”
“მონაკოს” რიგებში ჩატარებული მატჩი: 118
მადრიდის “რეალის” აკადემიაში აღზრდილმა ფაბინიომ, მიუხედავად იმისა, რომ სულ რაღაც 21 წლისაა, უკვე მიიპყრო მსოფლიოს რამდენიმე წამყვანი გუნდის ყურადღება.
თუკი მის ნიჭსა და კლუბის სატრანსფერო პოლიტიკას გავითვალისწინებთ, დიდია ალბათობა, რომ ფაბინიო, რომელმაც “მონაკოს” მაისურით 118 მატჩის ჩატარება მოახერხა, სულ მალე ვიხილოთ ინგლისის, ესპანეთის, იტალიის ან გერმანიის ჩემპიონატში მოასპარეზე წამყვან გუნდში. თუმცა ერთი რამ უდავოა – ის ნამდვილად იმსახურებს ამ გუნდში მოხვედრას.
პოზიცია: ცენტრალური მცველი
ასაკი: 37
ამჟამინდელი კლუბი: “მონაკო”
“მონაკოს” რიგებში ჩატარებული მატჩი: 104
რიკარდო კარვალიო ერთ-ერთია იმ ცნობილ ფეხბურთელთა შორის, რომელიც “მონაკომ” 2013-2014 წლების სეზონისთვის დაიმატა. რითიც გუნდმა უდიდესი გამოცდილებისა და შესაძლებლობების მქონე მცველი დაიმატა.
“ჩელსის”, “პორტოსა” და “რეალის” რიგებში უმაღლეს დონეზე თამაშის შემდგომ, დიდია ალბათობა იმისა, რომ წლევანდელი სეზონი 37 წლის ფეხბურთელისთვის ბოლო აღმოჩნდეს.
პოზიცია: ცენტრალური მცველი
ასაკი: 26
ამჟამინდელი კლუბი: “ვალენსია”
“მონაკოს” რიგებში ჩატარებული მატჩი: 32
“ტულუზადან” “მონაკოში” განათხოვრებულმა აიმენ აბდენურმა ბევრი სპეციალისტის მოწონება დაიმსახურა. შედეგმაც არ დააყოვნა და 2014-ში მან “მონაკოსთან” ოფიციალური კონტრაქტი გააფორმა.
22 მილიონად შეფასებულმა მცველმა პრემიერლიგაში ერთადერთი სეზონი ჩაატარა და გუნდს მესამე ადგილზე გასვლის საშუალება მისცა.
პოზიცია: მარცხენა მცველი
ასაკი: 34
ამჟამინდელი კლუბი: “იუვენტუსი”
“მონაკოს” რიგებში ჩატარებული მატჩი: 148
მარცხენა ფლანგის დაცვა ვის უნდა დავავალოთ, თუ არა პატრის ევრას. ფრანგი ფეხბურთელი “მონაკოს” 2002-ში შეუერთდა და მალევე გახდა გუნდის ძირითადი წევრი.
საფრანგეთში გატარებული 4 შესანიშნავი წლის შემდგომ, ევრამ სერ ალექს ფერგიუსონის ყურადღებაც მიიქცია და 2006 წელს ოფიციალურად გახდა “წითელი ეშმაკუნა”. დღეს კი, ის “იუვენტუსის” ღირსებას იცავს.
პოზიცია: ცენტრალური ნახევარმცველი
ასაკი: 32
ამჟამინდელი კლუბი: “მანჩესტერ სიტი”
“მონაკოს” რიგებში ჩატარებული მატჩი: 27
კოტ დ’იუვარის ნაკრებში წარმატებული თამაშით, იაია ტურემ ფრანგული კლუბის ყურადღება მიიპყრო. 2006-ში საფრანგეთში გადაბარგებულმა ნახევარმცველმა, ლიგა 1-ში მხოლოდ 1 სეზონი გასძლო.
რის შემდგომაც მას მწვრთნელთან მოუვიდა გაუგებრობა და კარიერა კატალონიურ “ბარსელონაში” განაგრძო.
პოზიცია: ცენტრალური ნახევარმცველი
ასაკი: 24
ამჟამინდელი კლუბი: “ინტერი”
“მონაკოს” რიგებში ჩატარებული მატჩი: 64
2012 წელს “სევილიაში” გადაბარგებულმა კონდოგბიამ საფრანგეთის სიშორე ვერ გაძლო და 2013/14 წლების სეზონისთვის კვლავ დაუბრუნდა ფრანგებს.
ნახევარდაცვაში მისმა მშვენიერმა თამაშმა კი, გუნდს 2014/15 წლების სეზონისთვის ჩემპიონთა ლიგის საგზური მოუტანა.
პოზიცია: ცენტრალური ნახევარმცველი
ასაკი: 29
ამჟამინდელი კლუბი: “მონაკო”
“მონაკოს” რიგებში ჩატარებული მატჩი : 116
შესანიშნავი შესაძლებლობებით დაჯილდოვებული მოუტინიო ფრანგულ კლუბში ხამეს როდრიგესთან ერთად მოვიდა 2013 წელს.
116 მატჩში ცენტრალურმა მცველმა 24 ასისტი გამოიმუშავა, რაც არც ისე ცუდი შედეგია, მსგავს პოზიციაზე მოთამაშე ფეხბურთელისათვის.
პოზიცია: შემტევი ნახევარმცველი
ასაკი: 21
ამჟამინდელი კლუბი: “მონაკო”
“მონაკოს” რიგებში ჩატარებული მატჩი :79
21 წლის ბერნარდო სილვა მართლაც რომ იმედისმომცემ ფეხბურთელად ითვლება. მან “მონაკოს” ფორმით ჩატარებულ 79 მატჩში 15 გოლის გატანა მოახერხა.
პოზიცია: შემტევი ნახევარმცველი
ასაკი: 24
ამჟამინდელი კლუბი: “რეალი”
“მონაკოს” რიგებში ჩატარებული მატჩი : 38
ხამეს როდრიგესი ერთადერთია, რომლის გაყიდვაზეც უარს არა მარტო “მონაკო” არამედ, ვერცერთი სხვა კლუბი ვერ იტყოდა.
71 მილიონ ფუნტად ღირებული კოლუმბიელი ფეხბურთელი მადრიდის “რეალის” ერთ-ერთ ლიდერად გადაიქცა და აუცილებლად იმსახურებს ამ გუნდში მოხვედრას.
პოზიცია: თავდამსხმელი
ასაკი: 20
ამჟამინდელი კლუბი: “მანჩესტერ იუნაიტედი”
“მონაკოს” რიგებში ჩატარებული მატჩი : 70
ფრანგული კლუბი ნამდვილად არ მოელოდა, რომ ასე მალე დაკარგავდა ფრანგ ფორვარდს. თუმცა ლუი ვან გაალის გუნდმა ისეთი შეთავაზება გაუკეთა “მონაკოს”, რომ ამაზე დაფიქრებაც არ იყოს საჭირო.
“მონაკოს” მაისურით ჩატარებულ 70 მატჩში მარსიალმა 15 გოლის გატანა მოახერხა.
