“ლესტერის” მთავარი მწვრთნელი, კლაუდიო რანიერი აცხადეს, რომ მოახლოებულ სეზონში რიად მარეზი გუნდში დარჩება.
“ძალიან კარგია, თუ მას ჩვენთან ახალი კონტრაქტის გაფორმება სურს. ჩემთვის, ყველაზე მნიშნველოვანი ისაა, რომ რიადი მოახლოებულ სეზონშიც ჩვენს გუნდში იქნება.
მარეზი აქ თავს ბედნიერად გრძნობს. მას ყოველდღე ვხედავ, მისი მჯერა. მართალია, გასულ სეზონში მიღწეული წარმატების გამეორება რთულია, მაგრამ ამბიციური გუნდი გვყავს”, – ციტირებს რანიერის სიტყვებს ESPN.
შეგახსენებთ, რომ 2015-16 წლების სეზონში, მარეზმა ინგლისის პრემიერ ლიგაში 17 გოლის გატანა და 11 საგოლე პასის გაკეთება მოახერხა.
