ჭდე: ანდრეა ბელოტი

ანდრეა ბელოტიმ საკუთარ მომავალზე საუბრისას აღნიშნა, რომ მხოლოდ იმ შემთხვევაში გადავა დიდ კლუბში, თუ მისთვის ძირითადში თამაში გარანტირებული იქნება.

“ბევრმა მითხრა, რომ ტურინის დატოვების დრო მოვიდა და ახალ, უფრო დიდ კლუბში მოვსინჯო ძალები. მაგრამ “ელ ტოროს” მხოლოდ იმ შემთხვევაში გავცვლი სხვა კლუბში, თუ ძირითადის მოთამაშე ვიქნები. არ მინდა სათადარიგოთა სკამზე ვიჯდე.

ახლა, მას შემდეგ რაც ორი ტრავმა მოვირჩინე, თავს ძალიან კარგად ვგრძნობ. მართალია, ამ პრობლემებმა ჩემს სეზონზე უარყოფითი გავლენა იქონია, მაგრამ წინ ძალიან ბევრი მატჩია და მინდა ყველაფერი გავაკეთო, რითიც კლუბს დავეხმარები,” – აცხადებს ბელოტი.

“ტორინოს” იტალიელმა თავდამსხმელმა, ანდრეა ბელოტიმ “უდინეზესთან” მოგებული მატჩის (2-0) შემდეგ პრესასთან ტურინული კლუბის სამომავლო მიზნებზე ისაუბრა.

“ვარჯიშზე ძალიან ბევრს ვშრომობდი და შედეგიც მივიღე. “უდინეზეს” ორი წლის წინათაც ასეთი გოლი გავუტანე, თუმცა ის გასვლითი შეხვედრა იყო.

“ტორინოს” მიზანი მიმდინარე სეზონში ევროტურნირების საგზურის მოპოვებაა. ყველაფერს გავაკეთებთ, რათა ამ მიზანს მივაღწიოთ. დანებებაზე არც კი ვფიქრობთ, ჩვენს შესაძლებლობებში დარწმუნებულები ვართ.

“იუვენტუსთან” გასამართი მატჩი? წინ რთული დაპირისპირება გველის და ეს ძალიან კარგად ვიცით. ამ მატჩისთვის შესაფერისად უნდა მოვემზადოთ და მოედანზე სოლიდურად ვითამაშოთ. თუ მოვინდომებთ, გამარჯვების მოპოვება შეგვიძლია, ” – აცხადებს ბელოტი.

სერია ა-ს 24 ტურის შმდეგ “ტორინო” 36 ქულით მეცხრე პოზიციას იკავებს.

იტალიური “ტორინოს” მთავარმა მწვრთნელმა, სინიშა მიჰაილოვიჩმა “სასუოლოსთან” მოპოვებული გამარჯვების (3-0) შემდეგ, გუნდის ლიდერი, ანდრეა ბელოტი შეაქო და აღნიშნა, რომ ეს ფეხბურთელი 100 მილიონი ევრო ღირს.

“ანდრეა ბელოტი ჯერ კიდევ არ არის თავის საუკეთესო ფორმაში, მაგრამ მისი ეს გოლიც კი საკმარისია იმის დასამტკიცებლად, რომ მასში 100 მილიონის გადახდა ნამდვილად ღირს.

ძალიან რთული მატჩი იყო, პირველივე წუთებიდანვე ვუახლოვდებოდით სასურველ მიზანს, მაგრამ რაღაც ბიძგი გვჭირდებოდა. შესაძლოა, საბოლოო შედეგი ცოტა გადამეტებულიცაა, მაგრამ გამარჯვება ნამდვილად დავიმსახურეთ,” – აცხცადებს სინიშა.

ცნობისთვის გეტყვით იმასაც, რომ ანდრე ბელოტიმ, რომელსაც “ჩელსიში” გადაბარგებას უწინასწარმეტყველებდნენ, გასულ სეზონში 26 გოლი გაიტანა სერია ა-ში.

იტალიური “ტორინოს” პრეზიდენტმა, ურბანო კაირომ კიდევ ერთხელ განაცხადა, რომ ანდრეა ბელოტის მხოლოდ 100 მილიონი ევროს სანაცვლოდ შეელევა.

“ბელოტი ახლა ნაკრებთან ერთად იმყოფება, ხუთშაბათს კი ქორწილი აქვს – მეც დამპატიჟა.

ბელოტიზე ვზრუნავ, ვცდილობ მასთან კავშირი შევინარჩუნო. მას “ტორინოსთან” კონტრაქტი 2021 წლამდე აკავშირებს. მას მხოლოდ 100 მილიონი ევროს სანაცვლოდ შეველევი.

თუმცა, მთავარი ის არის, თუ რა უნდა მას. მიუხედავად იმისა, თუ რამდენს შემოგვთავაზებენ სხვა კლუბები, თუ მას დარჩენა უნდა, ის დარჩება,” – აცხადებს პრეზიდენტი.

“ტორინოს” პრეზიდენტმა, ურბანო ქაირომ “პალერმოს” კარში გაფორმებული ჰეთ-ტრიკის (ბოლო 17 წლის მანძილზე უსწრაფესი) ავტორი, ანდრეა ბელოტი შეაქო.

“ახლა მის კონტრაქტში ცვლილებების შეტანის უფლება რომ მქონდეს, მის გამოსასყიდ თანხად 150 მილიონ ევროს მივუთითებდი.

მან სამი, ერთმანეთზე უფრო გიჟური გოლები გაიტანა, გასაოცარია.

მოვიცდით და ვნახავთ, გაბედავს თუ არა რომელიმე კლუბი მის სანაცვლოდ 100 მილიონის შემოთავაზებას. იმედი მაქვს, რომ არა, რადგანაც მისი შენარჩუნება ძალიან მინდა.”