დღეს დავით ყიფიანის ნახევარფინალური მატჩები გაიმართა.
შეხვედრა გარდამავალი უპირატესობით წარიმართა. ორივე გუნდი ცდილობდა გატანას, თუმცა თავიდან მათ არაფერი გამოსდიოდათ.
პირველი გამორჩეულ მომენტს მე-11 წუთზე ჰქონდა ადგილი, როცა “დინამოელთა” კარის მისადგომებთან “ტოპრედოს” მოთამაშე წააქციეს. გრიგოლ დოლიძემ საჯარიმოს ხაზიდან შეასრულა სტანდარტი, მან ცოცხალ კედელს ბურთი გადააცილა, თუმცა გატანა მაინც ვერ შესძლო – ბურთმა მეკარისგან მარჯვენა კუთხეში ჩაუარა კარს.
მე-17 წუთზე დვალიშვილი შევიდა “ტოპედოს” საჯარიმოში, ბურთი კარის გასწვრივ შეაგდო, იგი ჭანტურიშვილს მიუვიდა, თუმცა კარიდან 3 მეტრში მდგომმა ფეხბურთელმა დარტყმა დააგვიანა.
“ვერ გაიტან, გაგიტანენ” – ზუტსად ორ წუთში სტუმართა მარჯვენა მცველმა, ვაჟა ტაბატაძემ შორეული, ძლიერი დარტყმით “დინამოს” კარი აიღო და ანგარიში გახსნა.
“დინამო” ბევრს ცდილობდა, თუმცა განსაკუთრებულის ვერაფრის შექმნას ახერხებდა.
30-ე წუთზე “დინამომ” სტანდარტული გაათამაშა, კომბინაცია კარგად ვერ დასრულდა და “ტორპედოს” საჯარმოში არეულობა შეიქმნა, საბოლოოდ ბურთი ჯაბა ჯიღაურს – კარიდან ზურგით მდგომს – მიუვიდა, მან ბურთი მკერდზე მიიღო და ძალიან ლამაზი “მაკრატელა” დარტყმით ანგარიში გაათანაბრა.
სულ მალე ჭანტურიშვილი შეიჭრა საჯარიმოში მარცხენა ფლანგიდან და დვალიშვილს გაუკეთა გადაცემა, რომელმაც ბურთი კარს გადააცილა.
41-ე წუთზე კიტეიშვილს ჰქონდა მომენტი – მას ბურთი ჭანტურიშვილმა დაუგდო, მე-13 ნომერმაც ძლიერად დაარტყა, თუმცა კვასხვაძეს პირდაპირ ხელებში მიუვიდა დარტყმული.
პირველი ტაიმი, ანგარიშით, 1-1 დასრულდა.
მეორე ნახევარში, 46-ე წუთზე ალექსანდრე ამისულაშვილმა საშინელი შეცდომა დაუშვა – მან მკერდით დაუგდო მაღლიდან ჩამოვარდნილი ბურთი მეკარეს, თუმცა ეს პასი ნამდვილად არ იყო ლოგიკური. რევიშვილზე ახლოს ბურთთან ქიმაძე იმყოფებოდა, რომელმაც “დინამოს” კაპიტნის შეცდომა გამოიყენა და “ტორპედო” წინ გაიყავანა.
62-ე წუთზე ჯიღაურს საჯარიმოში მიუვიდა ბურთი, მან დაბალი დარტყმით ანგარიშის გათანაბრება შეძლო.
ზუსტად ერთ წუთში თბილსელთა საჯარიმოში არეულობა შეიქმნა, რითიც გრიგოლ დოლიძემ ისარგებლა და ზედიზედ მესამედ გაიყვანა “ტორპედო” წინ.
მე-80 წუთზე შელაპარაკების გამო ლადო დვალიშვილმა წითელი ბარათი მიიღო და მოედნის დატოვება მოუწია.
მეტი განსაკუთრებული აღარაფერი მომხდარა. საბოლოოდ, შეხვედრა “ტოპრედომ”, ანგარშით, 3-2 მოიგო და საქართველოს თასის ფინალში გავიდა.
შემადგენლობები
თბილისის “დინამო”: რევიშვილი, ლოჩოშვილი (მიქელთაძე 56 წთ.), ამისულაშვილი (C), ველევი, ცინცაძე, კიტეიშვილი, პარუნაშვილი (ზარია 59 წთ.), ჭანტურიშვილი, ჯიღაური, დვალიშვილი.
მთავარი მწვრთელი: ვიაჩესლავ გროზნი.
ქუთაისის “ტოპრედო”: კვასხვაძე, ტაბატაძე, გურული, ჭიჭინაძე, ქიმაძე, ფალავანდიშვილი, მამასახლისი, ბაბუნაშვილი (კუჭუხიძე 62 წთ.), კაპანაძე (ნერგაძე 89 წთ.), დოლიძე (ბენაშვილი 86-ე წთ.), ტუღუში.
მთავარი მწვრთნელი: კახაბერ ჩხეტიანი
გოლები: ჯიღაური (30, 62 წთ.-ები). ტაბატაძე (19 წთ), ქიმაძე (46 წთ), დოლიძე (63 წთ).
გაფრთხილებები: კიტეიშვილი (74 წთ.), ქიმაძე (75 წთ.), ტაბატაძე (83 წთ.), ჭანტურიშივილი (83 წთ.).
გაძევება: ლადო დვალიშვილი (80 წთ.)
