ჭდე: მსოფლიო ჩემპიონატი

საუდის არაბეთის ნაკრების კაპიტანი: “ყველანი კარგად, უსაფრთხოდ ვართ”

Posted on by იაკობ კაპანაძე

რუსეთის ავიაკომპანიის კუთვნილ თვითმფრინავს, რომელშიც საუდის არაბეთის საფეხბურთო ნაკრები წევრები იმყოფებოდნენ, ფრენისას ცეცხლი გაუჩნდა. პრობლემის მიუხედავად, საბედნიეროდ, თვითმფრინავი აეროპორტში უსაფრთხოდ დაეშვა.

“მინდა განვაცხადო, რომ თითოეული ადამიანი, რომელიც ფრენისას თვითმფრინავის ბორტზე იმყოფებოდა, უსაფრთხოდ არის. ყველანი კარგად ვართ. ეს მხოლოდ ტექნიკური გაუმართაობის ბრალი იყო,” – აცხადებს ჰაუსაუი.

გეტყვით იმასაც, რომ საუდის არაბეთის ნაკრები როსტოვში მიემგზავრებოდა, სადაც მსოფლიო 2018 წლის ჩემპიონატის მეორე მატჩი უნდა ჩაეტარებინა ურუგვაელთა წინააღმდეგ.

კეინი: “რონალდუ ფანტასტიკური ფეხბურთელია, იმედია, მეც გავიფორმებ ჰეთ-ტრიკს”

Posted on by იაკობ კაპანაძე

ინგლისის ნაკრების ვარსკვლავი ჰარი კეინი კრიშტიანუ რონალდუს ბოლოდროინდელ გმირობას გამოეხმაურა და იმედი გამოთქვა, რომ ტუნისთან მატჩში ისიც შეძლებს სამი გოლის გატანას.

“ჰო, ძალიან დიდი ზეწოლის ქვეშ მომაქცია. რონალდუ ფანტასტიკური ფეხბურთელია და ასეთივე თამაში ჩაატარა. მაგრამ, როგორც ყოველთვის, ჩემს თავზე და გუნდზე ვარ კონცენტრირებული. იმედი მაქვს, რომ მეც შევძლებ ჰეთ-ტრიკის გაფორმებას და მას გავუთანაბრდები.

ოთხი წლის წინ მსოფლიო ჩემპიონატს ტელევიზორიდან ვადევნებდი თვალს. პრემიერ ლიგაში არც ისე ბევრი თამაში მქონდა ჩატარებული ტიმ შერვუდის ხელმძღვანელობით.

შემდეგ პოჩეტინო მოვიდა და ჩემი პროგრესიც დაიწყო. ძალიან სასიამოვნო პერიოდი განვლე და ახლა აქ ვარ. მოუთმენლად ველი, როდის გავალ მოედანზე და მუნდიალზე ვითამაშებ,” – აცხადებს კეინი.

დიდიე დეშამი: “გრიზმანი ლიდერია, მისგან მეტს ველი”

Posted on by იაკობ კაპანაძე

მსოფლიო 2018 წლის ჩემპიონატის პირველ მატჩში საფრანგეთის ნაკრებმა ავსტრალია მინიმალური სხვაობით, 2-1 დაამარცხა. მატჩის შემდეგ დიდიე დეშამმა განმარტა, თუ რატომ შეცვალა გრიზმანი 70-ე წუთზე.

“ანტუანი ანტუანია – ის ჩვენი შეტევის ლიდერია და მომავალშიც ლიდერი იქნება. თუმცა, რა თქმა უნდა, საუკეთესო თამაში არ უჩვენებია,” – განაცხადა “მამლების” თავკაცმა.

კითხვას, დაიწყებს თუ არა გრიზმანი მომდევნო მატჩს სათადარიგოთა სკამიდან, დეშამმა ასე უპასუხა:”არა, არა. ის თამაშს სასტარტოდან დაიწყებს, მაგრამ მეტი უნდა გააკეთოს, მისგან მეტს ველი.

მნიშვნელობა არ აქვს, ვინ ითამაშებს და ვინ არა. მთავარია, როგორ გამოადგებიან გუნდს. ოლივიე ჟირუ შეცვლაზე შემოსულა და გამარჯვებაში დაგვეხმარა. იმედგაცრუება ნაკრებისთვის პოზიტიურ ძალად უნდა გარდაქმნან.”

ტიბო კურტუა: “ფავორიტები არა, აუტსაიდერები ვართ”

Posted on by იაკობ კაპანაძე

მართალია, ფეხბურთის ბევრი ექსპერტი ბელგიის ნაკრებს მსოფლიო 2018 წლის ჩემპიონატის ერთ-ერთ ფავორიტად მიიჩნევს, თუმცა ტიბო კურტუა ასე არ თვლის. ბელგიელები საფეხბურთო ზეიმს 18 ივნისს, დებიუტანტი პანამას წინააღმდეგ გასამართი მატჩით შეუერთდებიან.

“ჩვენ ძალიან ნიჭიერი და კვალიფიცირებული ფეხბურთელები გვყავს. ერთმანეთს ძალიან კარგად ვიცნობთ და ნაკრები საუკეთესო თამაშს აჩვენებს. თვითდაჯერებულები ვართ.

უსამართლო იქნება, დიდი ფავორიტების სახელი რომ დავირქვათ. აუტსაიდერები ვართ, მაგრამ წარმატების შანსი გვაქვს. გვჯერა ჩვენი შესაძლებლობების, მაგრამ არ ვაპირებთ წინასწარ დიდი განცხადებები ვაკეთოთ.

ოთხი წლის წინანდელი ბელგიის ნაკრები გმოუცდელი იყო, ბრაზილიაში შეცდომები დავუშვით. მას შემდეგ დიდი დრო გავიდა და ბევრი რამ ვისწავლეთ. ვიცით, რას უნდა ველოდოთ. თავს მშვიდად ვგრძნობთ, მზად ვართ,” – აცხადებს კურტუა.

ლოსანოს გოლის შემდეგ მექსიკაში მიწისძვრა დაფიქსირდა

Posted on by იაკობ კაპანაძე

მექსიკის მთავრობა ადასტურებს ინფორმაციას, რომლის თანახმადაც, დღეს მექსიკის დედაქალაქ მეხიკოში მიწისძვრა დაფიქსირდა. ამის მიზეზი კი ლოსანოს მიერ გერმანიის საფეხბურთო ნაკრების კარში გატანილი გოლი გახლავთ.

როგორც იცით, მექსიკელები და გერმანელები ერთმანეთს მსოფლიოს 2018 წლის ჩემპიონატის ეგიდით გამართულ მატჩში დაუპირისპირდნენ. შეხვედრის ერთადერთი გოლი ლოსანომ თამაშის 35-ე წუთზე გაიტანა.

ზემოთ აღნიშნული გოლი მექსიკელებმა იმდენად ემოციურად აღნიშნეს, რომ სეისმოლოგების გაკვირვებაც გამოიწვიეს. SIMMSA-ს მონაცემები ადასტურებს მიწისქვეშა ბიძგებს ქალაქის დედაქალაქში.

ხორვატიამ ნიგერია დამაჯერებლად დაამარცხა და ჯგუფში პირველ ადგილზეც გადაინაცვლა (ვიდეო)

Posted on by იაკობ კაპანაძე

მსოფლიო საფეხბურთო ზეიმს ხორვატიისა და ნიგერიის საფეხბურთო ნაკრებებიც შეუერთდნენ, თუმცა ნიგერიელების ზეიმი არც ისე ხანგრძლივი გამოდგა. ევროპელებმა აფრიკელები საკმაოდ დამაჯერებლად დაამარცხეს – 2:0.

მატჩი საკმაოდ დაძაბული და წარმატებული გამოდგა, თუმცა ხორვატებმა საგოლე მომენტები უკეთ გამოიყენეს, ნიგერიელებთან შედარებით. ანგარიში შეხვედრის 32-ე წუთზე გაიხსნა ეტებოს ავტოგოლის წყალობით, რამაც ნიგერიელ ფეხბურთელებზე ზეწოლა გააორმაგა.

შეხვედრის მეორე ნახევარში აფრიკელებმა ანგარიშის გათანაბრება სცადეს, თუმცა არაფერი გამოუვიდათ და სანაცვლოდ პენალტიც მიიღეს საკუთარ კარში. თერთმეტმეტრიანი გოლად ლუკა მოდრიჩმა აქცია.

ასე რომ, მუნდიალის პირველი ტურის შემდეგ D ჯგუფში პირველ ადგილს ხორვატია იკავებს, ისლანდია და არგენტინა 2-3 ადგილებს ინაწილებენ, ნიგერია კი მეოთხეა. მომდევნო ტურში არგენტინა ხორვატიას დაუპირისპირდება, ნიგერია – ისლანდიას.

მსოფლიოს ჩემპიონატი
D ჯგუფი (I ტური)
ხორვატია – ნიგერია 2:0 (1:0)
გოლები: მოდრიჩი 72′ – ეტებო 32′(ავტოგოლი)

რობი უილიამსის მეგობარი: შუა თითი ბრიტანეთის მთავრობისკენ იყო მიმართული

Posted on by იაკობ კაპანაძე

რუსეთში მიმდინარე მსოფლიოს 2018 წლის ჩემპიონატი რობი უილიამსმა გახსნა. შესრულებისას ამ უკანასკნელმა ტელეკამერებს შუა თითი უჩვენა, რამაც გულშემატკივართა გარკვეულ ნაწილში დიდი კითხვის ნიშნები დაბადა.

დღეს უცხოურ მედიაში რობი უილიამსის მეგობრის მიმოწერა ცხადდება, სადაც ნათლად არის ახსნილი, რომ უილიამსმა შუა თითი ბრიტანეთის პარლამენტს უჩვენა.

“ისინი მას ძალიან დიდი ზეწოლის ქვეშ ამყოფებენ რუსეთთან და “კავშირის” გამო… ძალიან ცუდი საქციელია ბრიტანეთის მხრიდან.. ყვითელმა პრესამ კი ის ასოდ აქცია. არადა, ის უკანასკნელი ადამიანია, ვისაც ამის გაკეთება შეუძლია.

ეს ტიპიური ბობია, არანაირი კომენტარი, მხოლოდ შუა თითი. პარლამენტი, მათ ეს საქმეც კი განიხილეს და პრესა… ბრიტანეთში ჭორების შტორმია, არადა პუტინსაც არ შეხვედრია. საწყალი …” – ვკითხულობთ მიმოწერაში.

დიეგო მარადონას უმსგავსო საქციელი არგენტინის მატჩის მიმდინარეობისას

Posted on by იაკობ კაპანაძე

არგენტინისა და მსოფლიო ფეხბურთის ლეგენდა, დიეგო მარადონა, არგენტინისა და ისლანდიის მატჩს დაესწრო, რომელიც ფრედ 1:1 დასრულდა. მატჩის მიმდინარეობისას ეს უკანასკნელი უმსგავსო საქციელში გამოიჭირეს.

როგორც იცით, მსოფლიო ჩემპიონატის არცერთ სტადიონზე არ არის ნებადართული მოწევა, თუმცაღა დიეგო მარადონა ამ შეზღუდვას არ დაემორჩილა და ყველასთვის დასანახად გააბოლა სიგარა.

გარდა ამისა, როგორც BBC-ის ჟურნალისტი, ჯეკი უოტლი, გვატყობინებს, მან აზიელი ფანების მიმართ რასისტული ჟესტიც გამოიყენა: “მარადონა არც ისეთი კარგია, როგორიც ყველას ჰგონია. სამხრეთ კორეელი ფანები მის სახელს სკანდირებდნენ, მარადონა გაიღიმა და თითებით თვალები დაიწვრილა. მისი რასისტული ქმედებით ყველანი გაკვირვებულები დავრჩით.”

ფერნანდო იეროს პირველი კომენტარი პორტუგალიასთან მატჩის შემდეგ

Posted on by იაკობ კაპანაძე

ესპანეთის საფეხბურთო ნაკრების მთავარმა მწვრთნელმა, ფერნანდო იერომ, პორტუგალიასთან გამართული გახსნითი მატჩის (3:3) შემდეგ პრესასთან კომენტარი გააკეთა.

“როდესაც მეტოქეს ისეთი ფეხბურთელი ჰყავს, როგორიც კრიშტიანუა, რომელსაც ასეთი რამის გაკეთება შეუძლია… ყველაფრის მიუხედავად, გუნდის თამაშით კმაყოფილი ვარ.

გუნდი სწორად მოქმედებდა, როდესაც საჭირო იყო მნიშვნელოვანი ნაბიჯების გადადგმას არ ვყოყმანობდით. მოედანზე მომხდარის მიუხედავად, საკუთარ თავში რწმენას არ ვკარგავთ.

რაც შეეხება დიეგო კოშტას, მან ძალიან კარგად ითამაშა, როგორც მთელმა გუნდმა. მე ყოველი ფეხბურთელის თამაშით კმაყოფილი ვარ,” – აცხადებს იერო Telecinco-ს ეთერში.

მოურინიო: “რუსეთის ნაკრებს ოპტიმისტურად ფიქრის მიზეზი უბრალოდ არ აქვს”

Posted on by იაკობ კაპანაძე

მსოფლიოს 2018 წლის საფეხბურთო ჩემპიონატის გახსნით მატჩში რუსეთმა საუდის არაბეთი გაანადგურა (5-0). ამ მატჩზე კომენტარი ჟოზე მოურინიომაც გააკეთა, რომლის თქმითაც, ეს შედეგი უმნიშვნელოა და რუსეთის ნაკრები მაინც განწირულია.

“ნამდვილად სამართლიანი შედეგია. მატჩის წინ რუსეთის პესიმისტურ განწყობაზე ვსაუბრობდით და ამ თამაშის მოგების შემდეგ მათ ოპტიმისტურად ფიქრის მიზეზი უბრალოდ არ აქვთ.

შეუძლიათ ბედნიერები იყვნენ, დიდებული გამარჯვება იყო, ბევრი გოლი გაიტანეს, რაც შესაძლოა, მნიშვნელოვანი გამოდგეს. მაგრამ ისიც უნდა გაითვალისწინოთ, რომ საუდის არაბეთი იმედგაცრუებული იყო.

ეგვიპტეს საუდის არაბეთზე კარგი გუნდი ჰყავს, ურუგვაი კი ეგვიპტეზე უფრო ძლიერია,” – განაცხადა პორტუგალიელმა სპეციალისტმა.

ბოლოს, ჟოზემ გოლოვინზეც თქვა ორიოდ სიტყვა:”ფანტასტიკურად ითამაშა, სწორედ ის ქმნიდა რუსეთის ორგანიზებულ სქემას.”

როგორ გამოეხმაურა იბრაჰიმოვიჩი მსოფლიო ჩემპიონატის დაწყებას? (ფოტო)

Posted on by -

“ლოს ანჯელეს გალაქსის” თავდამსხმელი, ზლატან იბრაჰიმოვიჩი რუსეთში იმყოფება. შვედი ფეხბურთელი მსოფლიოს 2018 წლის გახსნით მატჩს დაესწრო, რომელშიც რუსეთის ნაკრებმა საუდის არაბეთი 5:0 დაამარცხა.

იბრაჰიმოვიჩმა სოციალურ ქსელში მინო რაიოლასთან ერთად გადაღებული ფოტო გამოაქვეყნა და ისიც აღნიშნა, რომ მუნდიალი სწორედ ახლა იწყება.

“ახლა მსოფლიოს ჩემპიონატს შეუძლია ოფიციალურად დაიწყოს”, – წერს იბრაჰიმოვიჩი Twitter-ში.

შეგახსენებთ, რომ ზლატანმა სანაკრებო კარიერა დაასრულა და ის ტურნირზე შვედეთის ნაკრების რიგებში არ იქნება.

ჯანი ინფანტინო ლოპოტეგის დათხოვნას გამოეხმაურა

Posted on by იაკობ კაპანაძე

ფეხბურთის საერთაშორისო ფედერაციის (FIFA) პრეზიდენტი ჯანი ინფანტინო ესპანეთის ნაკრების მთავარი მწვრთნელის პოსტიდან ხულიენ ლოპოტეგის დათხოვნას გამოეხმაურა.

“წარმოდგენა არ მაქვს რა და როგორ მოხდა. ამ ყველაფრის შესახებ მხოლოდ პრესკონფერენციის შემდეგ გავიგე. ფიფას მიერ შემუშავებული სატრანსფერო წესები მხოლოდ ფეხბურთელების ტრანსფერებზე მოქმედებენ.

სიტუაცია ყველასათვის გაურკვეველია, დარწმუნებული ვარ, რომ ძალიან ბევრი პასუხგაუცემელი კითხვა არსებობს, განსაკუთრებით კი ესპანეთში. არ ვიცი რა მოხდა, თუმცა დარწმუნებული ვარ, რომ ორივე მხარემ კარგად აწონ-დაწონა ყველაფერი გადაწყვეტილების მიღებამდე.

ლოპოტეგი – უმაღლესი დონის სპეციალისტია და მას ყველაფერ საუკეთესოს ვუსურვებ “რეალში”. ესპანეთის ნაკრები კი წარმოუდგენელ სიტუაციაში იმყოფება.

თუმცა მახსოვს, რომ პრობლემები იტალიის ნაკრებსაც ჰქონდათ ჩემპიონატის დაწყებამდე, თუმცა საბოლოო ჯამში გამარჯვება მათ დარჩათ,” – აცხადებს ინფანტინო.