ჭდე: დორტმუნდის ბორუსია

რაც არ უნდა გასაკვირი იყოს, იურგენ კლოპმა “ბორუსიაში” ყოფნისას მხოლოდ იმიტომ თქვა ახალი თავდამსხმელის ყიდვაზე უარი, რომ მისი გოლის აღნიშვნა არ მოსწონდა.

ამის შესახებ კლუბის მარკეტინგის დირექტორმა კარსტენ კრამერმა ისაუბრა, რომლის თქმითაც, “ლივერპულის” ამჟამინდელმა თავკაცმა ჩათვალა, რომ ეს ფეხბურთელი გოლს ძალიან ეგოისტურად აღნიშნავდა.

“კლოპმა ერთი საინტერესო ამბავი მიამბო მის სამიზნეზე. კლოპის თქმით, მან არაერთხელ უყურა იმ ფეხბურთელის ვიდეოს, მოეწონა და თქვა: ‘ეს არის სწორედ ის თავდამსხმელი, რომლის დამატებაც მჭირდება.’

შემდგომ კი მისი თამაშიც ნახა, სადაც ამ ფეხბურთლმა გოლი გაიტანა. როდესაც ნახა, თუ როგორ აღნიშნა მან გოლი თქვა: ‘ეს ტიპი “დორტმუნდისთვის” არ არის. ის გოლს ეგოისტურად, მარტო აღნიშნავს და არა კლუბთან ერთად.”

ძალიან საინტერესოა, თუ რა იფიქრა კლოპმა, როდესაც პირველად ნახა, თუ როგორ აღნიშნავდა დანიელ სტარიჯი გოლს…