ჭდე: ადრიანო გალიანი

„მილანის“ ვიცე-პრეზიდენტი ადრიანო გალიანი რამდენიმე დღის განმავლობაში მადრიდში იმყოფებოდა, სადაც „როსონერის“ ექს-თავკაცთან კარლო ანჩელოტისთან, რომელიც ცოტა ხნის წინ „რეალიდან“ გაათავისუფლეს, კლუბში დაბრუნებასთან დაკავშირებით მოლაპარაკებას ცდილობდა.

რამდენიმე დღის წინ ანჩელოტიმ განაცხადა, რომ აღიშნულ საკითხთან დაკავშირებით გადაწყვეტილებას სამ ივნისს მიიღებდა. საბოლოოდ, იტალიელმა სპეციალისტმა „შავ-წითლების“ წიანდადებაზე უარი თქვა.

„დიდი მადლობა „მილანს“ თანადგომისა და ინტერესისთვის. ჩემთვის ასეთი საყვარელი კლუბისთვის „არას“ თქმა რთული იყო, მაგრამ ამჟამად ცოტა დასვენება მჭირდება. „როსონერის“ ყველაფერ საუკეთესოს ვურუსვებ“, – დაწერა ანჩელოტიმ თავისი „ტვიტერის“ გევრდზე.

ესპანეთის დედაქალაქ მადრიდში მყოფი „მილანის“ ვიცე-პრეზიდენტი ადრიანო გალიანი დღეს „რეალის“ ექს-თავკაც კარლო ანჩელოტის კიდევ ერთხელ შეხვდა და მისი შესაძლო დაბრუნების დეტალები განიხილა.

„ანჩელოტიმ მითხრა, რომ მისი „მილანში“ დაბრუნების ალბათობა 50%-ს უდრის. აქამდე მან ერთწლიანი შვებულების შესახებ ისაუბრა, თუმცა ვიმედოვნებ, რომ კარლოს დაბრუნებაში დავარწმუნებ. საბოლოო პასუხს ის სამ ივნისს მომცემს.

კარლოს შემდეგ ოთხშაბათს დავურეკავ. ვნახოთ, რას მეტყვის. ანჩელოტის მსგავსი მონაცემები მოურინიოსა და გვარდიოლასაც კი არ აქვთ.

მადრიდში ჩასვლის წინ ამ ყველაფრის შესახებ ფილიპო ინძაგის ვუამბე“, – განაცხადა გალიანიმ.