მადრიდის “რეალი” მთავარი მწვრთნელი, კარლო ანჩელოტი აცხადებს, რომ გუნდის არგენტინელი მოთამაშე, ანხელო დი მარია “სამეფო კლუბს” არ დატოვებს.
შეგახსენებთ, რომ გუშინ, ესპანეთის თასზე, ხატივას “ოლიმპიკთან” გამართულ შეხვედრაში (0:0), დი მარია მოედნიდან 58-ე წუთზე გავიდა.
“ანხელომ მითხრა, რომ თავს ცუდად გრძნობდა და ის სწორედ ამიტომ შევცვალე. ვარჩიე, რომ მოედანზე ბენზემა შესულიყო. რაც შეეხება პრესაში გავრცელებულ ამბებს, დი მარია “რეალში” ბედნიერია და არსად წასვლას არ აპირებს”, – თქვა ანჩელოტიმ.
მადრიდის “რეალის” მთავარი მწვრთნელი, კარლო ანჩელოტი აცხადებს, რომ გუნდის ყველაზე სახიფათო ფეხბურთელი ანხელ დი მარიაა.
შეგახსენებთ, რომ 30 ნოემბერს, “სამეფო კლუბმა” საკუთარ მოედანზე “ვალიადოლიდი” მიიღო და მეტოქე გამანადგურებელი ანგარიშით 4:0 დაამარცხა. შეხვედრაში გოლები ბეილმა (3) და ბენზემამ (1) გაიტანეს.
“დი მარიამ შესანიშნავად ითამაშა. ის ჩვენი ყველაზე სახიფათო ფეხბურთელია. მას მოედანზე, ნებისმიერ პოზიციაზე კარგად თამაში შეუძლია. რაც შეეხება ბეილს, მან გუნდთან ადაპტაცია უკვე გაიარა, რაც ნათელია. გარეტმა თავის შესაძლებლობებში ირწმუნა”, – ამბობს ანჩელოტი.
მადრიდის “რეალის” მთავარი მწვრთნელი, კარლო ანჩელოტი აცხადებს, რომ მარიო ბალოტელი “მილანში” უნდა დარჩეს.
შეგახსენებთ, რომ ბოლო დროს, პრესაში გავრცელებული ინფორმაციის თანახმად, ახალგაზრდა თავდამსხმელს სხვადასხვა კლუბებიდან შემოთავაზებები აქვს.
“მარიო ძალიან ნიჭიერი ფეხბურთელი, ის “მილანში” აუცილებლად უნდა დარჩეს. კარგი ფეხბურთელები ყოველთვის მოთხოვნადები არიან, მაგრამ ეს იმას არ ნიშნავს, რომ ის მაინცდამაინც უნდა წავიდეს”, – ამბობს ანჩელოტი.
მადრიდის “რეალის” მთავარი მწვრთნელი, კარლო ანჩელოტი აცხადებს, რომ გუნდის პორტუგალიელი მოთამაშე, კრიშტიანო რონალდუ მსოფლიოში საუკეთესოა, რის გამოც ოქროს ბურთს იმსახურებს.
შეგახსენებთ, რომ რონალდუ მიმდინარე სეზონში ბრწყინვალე ფორმაში იმყოფება. მან პორტუგალიის ნაკრების მსოფლიოს 2014 წლის ჩემპიონატზე მოხვედრაში უდიდესი წვლილი დაიდო.
“რონალდუ რომ შესანიშნავი ფეხბურთელია, ეს ყველამ იცის. მან შვედეთის ეროვნული ნაკრების წინააღმდეგ დიდებულად ითამაშა. რთულია იმის თქმა, თუ ვინ მიიღებს ოქროს ბურთს. თუმცა, ჩემი აზრით, კრიშტიანო საუკეთესოა და ის მას იმსახურებს”, – ამბობს ანჩელოტი.
მადრიდის “რეალის” მთავარი მწვრთნელი, კარლო ანჩელოტი ტრავმირებული სამი ხედირას შემცვლელის შეძენას გამორიცხავს.
შეგახსენებთ, რომ ხედირამ ტრავმა გერმანიის ნაკრებში ყოფნისას მიიღო, რის გამოც, ფიფამ “სამეფო კლუბს” კომპენსაცია უნდა გადაუხადოს.
“სიმართლე გითხრათ, ხედირას შემცვლელის შეძენას გამოვრიცხავთ. სამი ჩვენთვის ძალიან მნიშვნელოვანი ფიგურაა, ამიტომ მისი ტრავმა გულდასაწყვეტია. თუმცა, ვფიქრობ, რომ ხედირას არყოფნაშიც, ჩვენს გუნდს წარმატების მიღწევის ძალა შესწევს”, – ამბობს იტალიელი სპეციალისტი.
მადრიდის “რეალის” მთავარმა მწვრთნელმა, კარლო ანჩელოტიმ მოახლოებულ “კლასიკოზე” ისაუბრა და თქვა, რომ “სამეფო კლუბის” ფეხბურთელები ძალიან მოტივირებულები არიან.
“იუვენტუსთან” გამართულ შეხვედრაში, ბენზემამ დიდი ენერგია დახარჯა, რადგან ის გუნდს დაცვაშიც ეხმარებოდა, ამიტომ ალვარო მორატა, ფიზიკურად, მასზე უკეთეს მდგომარეობაშია. ჩემი აზრით, “ელ კლასიკოში” თამაშისას, ყველაზე მთავარი გამოცდილებაა. ჯერ არ ვიცი, როგორი იქნება გუნდის სასტარტო შემადგენლობა.
ფეხბურთელები ძალიან მოტივირებულები არიან და მატჩს მოუთმელნლად ელიან. შეხვედრის დაწყების დროც მშვენიერია. შევეცდებით, ბოლომდე დავიხარჯოთ და წარმატებას მივაღწიოთ. მიმაჩნია, რომ “ბარსელონას” წინააღმდეგ, ჩვენი მთავარი კოზირი კონტრ-შეტევები იქნება. რა თქმა უნდა, მეტოქეს სივრცეები არ უნდა დავუტოვოთ, წინააღმდეგ შემთხვევაში, დავისჯებით”, – ამბობს ანჩელოტი.
დიტო ჭიჭინაძე
მადრიდის “რეალის” მთავარი მწვრთნელი, კარლო ანჩელოტი აცხადებს, რომ დროა, “სამეფო კლუბის” პორტუგალიელმა ვარსკვლავმა, კრიშტიანო რონალდუმ ოქროს ბურთი მოიგოს.
“მართალია, კრიშტიანოს კონკურენცია რიბერისთან და მესისთან უწევს, მაგრამ დროა, მან ოქროს ბურთი მოიგოს. სიმართლე გითხრათ, რონალდუს დიდმა პროფესიონალიზმა გამაკვირვა. ის ძალიან სერიოზულია და ყველა დეტალს დიდ მნიშვნელობას ანიჭებს”, – ამბობს იტალიელი სპეციალისტი.
კარლო ანჩელოტიმ მესუთ იოზილის გუნდიდან წასვლაზეც ისაუბრა.
“მისი წასვლა, უფრო ტექნიკური გადაწყვეტილება იყო. მერჩივნა, იოზილის ნაცვლად, დი მარია გამომეყენებინა. შესაძლოა, ის მესუთის დონის მოთამაშე ჯერ არ არის, მაგრამ ანხელო, თავისი უნარებითა და თვისებებით გუნდს დიდ დახმარებას უწევს. ბეილის მოსვლის შემდეგ, ვფიქრობ, დი მარია იოზილზე მეტად გვჭირდებოდა”, – აღნიშნა ანჩელოტიმ.
დიტო ჭიჭინაძე
