ლონდონის “ჩელსის” მთავარმა მწვრთნელმა, ანტონიო კონტემ იტალიაში დაბრუნების შესაძლებლობაზე ისაუბრა და აღნიშნა, რომ მომავალ სეზონში ის კვლავ “ჩელსის” თავკაცის პოსტზე იმუშავებს.
“არ მიყვარს, როდესაც ჩემზე ლაპარაკობენ. პასტორელო (იტალიელი აგენტი) ჩემი მეგობარია, მაგრამ თუ გინდათ, ჩემს შესახებ რამე გაიგოთ, უმჯობესი იქნება, მე მკითხოთ.
ჩვენ ჩემპიონობისთვის ვიბრძვით. შემდეგში კი რაიმე ახალ, მნიშვნელოვან მიზანს დავისახავთ. ნიშნავს თუ არა ეს იმას, რომ აქ ვრჩები? დიახ, მომავალ სეზონშიც “ჩელსიში” ვიქნები,” – აცხადებს იტალიელი სპეციალისტი.
ცნობისთვის გეტყვით, რომ კონტესა და “ჩელსის” შორის არსებულ მიმდინარე კონტრაქტს ვადა 2019 წლის ზაფხულში ეწურება.
