არგენტინა – გვერდი 3 – Fanebi.Com – ფეხბურთი, კალათბურთი, რაგბი, სხვა

რა შემთხვევაში წაიყვანენ იკარდის მსოფლიო ჩემპიონატზე?

Posted on მაისი 4, 2018 by იაკობ კაპანაძე

არგენტინის საფეხბურთო ნაკრების მთავარი მწვრთნელი, ხორხე სამპაოლი დღეს მაურო იკარდის შეხვდა და როგორც იტალიური პრესა იუწყება, იმედები გაუცრუა.

როგორც იცით, არგენტინის ნაკრებში თავდამსხმელის პოზიციაზე ძალიან დიდი კონკურენციაა და იკარდის ძირითადში თამაში დიდი კითხვის ნიშნის ქვეშ დგას. თუმცა, როგორც სჩანს, საქმე კიდევ უფრო რთულად არის.

წყაროს ცნობით, მაურო 35-კაციან განაცხადში შევა, თუმცა ერთადერთი პირობა, მისი მსოფლიო ჩემპიონატზე წაყვანისა, სერხიო აგუეროს ტრავმა იქნება. სამპაოლიმ ამის მიზეზი იკარდის მარტივად აუხსნა – მისი თქმით, იკარდი ნაკრების სისტემას ვერ ეწყობა.

ცნობისთვის გეტყვით, რომ 25 წლის იკარდიმ მიმდინარე სეზონის სერია ა-ში 27 გოლის გატანა შეძლო (31 მატჩში).

არგენტინის ნაკრების ექიმი: “აგუერო ბოლომდე გამოჯანმრთელებას ვერ მოასწრებს”

Posted on აპრილი 19, 2018 by იაკობ კაპანაძე

არგენტინის ფეხბურთის ფედერაციის მიერ სპეციალურად არჩეული ექიმი, ჰომერი დ’აგუსტინო, თვლის, რომ სერხიო აგუეროს რეაბილიტაციის პროცესს საკმაოდ დიდი დრო სჭირდება და ის მსოფლიო ჩემპიონატისთვის ბოლომდე გამოჯანმრთელებას ვერ მოასწრებს.

“ამ ფეხბურთელს ძალიან რთული ოპერაცია ჩაუტარდა, მსოფლიო ჩემპიონატის დაწყებამდე კი სულ რაღაც 60 დღე არის დარჩენილი,” – განმარტავს დ’აგუსტინო Radio 10-თან საუბრისას.

“რეაბილიტაციის პროცესი მინიმუმ ხუთ კვირას მოითხოვს. როდესაც ფეხბურთელს ძველი ტრავმებიც ახსენებს თავს, გამოჯანმრთელების პროცესი უფრო იწელება. სამ-ოთხ კვირაზე ნაკლები, შეუძლებელია იყოს.

ვფიქრობ, რომ მსოფლიო ჩემპიონატს ის სრულ მზადყოფნაში ვერ შეხვდება, ბოლომდე გამოჯანმრთელებას ვერ შეძლებს. ანატომია ანატომიაა, ტრავმა სახეზეა. მას შეუძლია, სცადოს, მაგრამ არამგონია, რამე შეიცვალოს,” – აცხადებს ექიმი.

პასტორემ თავის მომავალთან დაკავშირებით კომენტარი გააკეთა

Posted on აპრილი 16, 2018 by კახა ყიფიანი

ხავიერ პასტორეს “პსჟ”-ში სათანადო რაოდენობის სათამაშო დრო არ ეძლევა. გუნდში ამდენი ვარსკვლავის არსებობის გამო, არგენტინელი ხშირად ზის სათადარიგოთა სკამზე. 28 წლის ნახევარმცველს ჰკითხეს, რას აპირებს მომავალ ზაფხულში.

“ჯერ კიდევ არ ვიცი. მინდა, სეზონი წარმატებით დავასრულო. ერთ თასზე გვაქვს სათამაშო. მის მოსაგებად ყველაფერს გავაკეთებთ. ხოლო, ამის შემდეგ სიტუაციას უკეთ შევაფასებ და გადაწყვეტილებას მივიღებ,” – ამბობს ხავიერი.

ცნობისთვის, გეტყვით, რომ პასტორე პარიზულ კლუბში 2011 წელს გადავიდა. მან ამ სეზონში, ლიგა 1-ში ოცი თამაში ჩაატარა და ოთხი გოლი გაიტანა.

კარიკატურა: არგენტინა ესპანეთთან განადგურდა

Posted on მარტი 29, 2018 by კახა ყიფიანი

ესპანეთის ნაკრებმა არგენტინის ეროვნულ გუნდს ანგარიშით, 6-1 მოუგო. ამხანაგურ შეხვედრაში “ფურია როხას” ნახევამრცველმა, ისკო ალარკონმა ნამდვილი შოუ მოაწყო და ჰეთრიკიც შეასრულა.

ომარ მომანიმაც არ დააყოვნა…

ესპანეთმა არგენტინა გაანადგურა: ისკომ ნამდვილი შოუ დადგა (ვიდეო)

Posted on მარტი 28, 2018 by იაკობ კაპანაძე

27 მარტს ამხანაგურ მატჩში ერთმანეთს მსოფლიო 2018 წლის ჩემპიონატის ორი ფავორიტი, ესპანეთისა და არგენტინის ნაკრები გუნდები დაუპირისპირდნენ. მატჩში მოულოდნელი შედეგი დაფიქსირდა – ესპანალებმა მეტოქეს შანსი არ დაუტოვეს (6:1).

ანგარიში შეხვედრის მე-12 წუთზე დიეგო კოშტამ გახსნა ასენსიოს საგოლე პასის წყალობით. 27-ე წუთზე ასენსიო გოლის გატანაში უკვე ისკოს დაეხმარა. თორმეტ წუთში ოტამენდიმ ევერ ბანეგას დახმარებით ანგარიშში ერთი ბურთი გაქვითა. პირველი ტაიმი ასე დასრულდა – 2:1.

მატჩის მეორე ნახევარი კი ესპანელთა შოუს დაეთმო. განსაკუთრებულად აქტიური იყო ისკო, რომელმაც ჰეთ-ტრიკი გაიფორმა (27′ 52′ 75′). თავიანთი გოლები გაიტანეს ალკანტარამ (55′) და იაგო ასპასმაც (74′). აღსანიშნავია, რომ ასპასის ეპიზოდში საგოლე გადაცემის ავტორი დავიდ დე ხეა გახდა.

ესპანეთი: დე ხეა; ალბა, რამოსი, პიკე (ასპილიკუეტა 72′), კარვახალი; ინიესტა (საულ ნიგესი 56′), კოკე, ალკანტარა; ისკო (ლუკას ვასკესი 75′), კოშტა (იაგო ასპასი 46′) , ასენსიო

მთავარი მწვრთნელი: ლოპოტეგი

არგენტინა: რომერო (ვილი კაბალიერო 22′); ბუსტოსი (მერკადო 62′), ოტამენდი, როხო, ტაგლიაფისო; ბილია, მაშერანო (პავონი 54′); ლო სელსო (აკუნა 84′), ბანეგა, მესა; იგუაინი (მარტინესი 58′)

მთავარი მწვრთნელი: ხორხე სამპაოლი

კეიროში: “ფიფამ მესის თამაში უნდა აუკრძალოს, სანამ ამას არ დაადგენენ”

Posted on თებერვალი 28, 2018თებერვალი 28, 2018 by იაკობ კაპანაძე

ირანის ეროვნული ნაკრების კარლუშ კეირუშმა “ბარსელონას” სუპერვარსკვლავზე, ლიონელ მესიზე ისაუბრა.

“ყოველთვის ვამბობდი, რომ მესი არაჩვეულებრივი ფეხბურთელია. ის ამ ქვეყნიდან არ არის. ადამიანი რომ ყოფილიყო, ფეხბურთის ასე თამაშს ვერ შეძლებდა.

როგორც წესი, წაგება ნამდვილად არ მიყვარს, მაგრამ არგეტნინასთან წაგებულმა მატჩმა ჩემზე სხვანაირად იმქომედა. მაგიური გრძნობაა, ხვდები, რომ ფეხბურთი კვლავ ცოცხალია და უმაღლეს დონეს აღწევს.

ნამდვილად ვფიქრობ, რომ ფიფამ მესის ფეხბურთის თამაშის საშუალება არ უნდა მისცეს, სანამ არ დაადგენს, რომ ნამდვილად ადამიანია – ის ზედმედატ კარგია, ადამიანი რომ იყოს,” – აცხადებს ირანის ნაკრების თავკაცი.

არგენტინული კლუბი მსაჯის ცემის გამო მეხუთე დივიზიონში დააქვეითეს (ვიდეო)

Posted on დეკემბერი 15, 2017დეკემბერი 15, 2017 by იაკობ კაპანაძე

ნოემბრის თვეში “იუვენტუდისა” და “პერგამინოს” შორის გამართული ინციდენტი მაღალჩინოსანმა პირებმა რეაგირების გარეშე არ დატოვეს და მასპინძლებს საკმაოდ მკაცრი განაჩენიც გამოუტანეს.

როგორც იცით, აღნიშნულ მატჩში მსაჯმა “იუვენტუდის” ფეხბურთელს წითელი ბარათი უჩვენა, რამაც მოედანზე არეულობა გამოიწვია. ბრძოლაში გულშემატკივრებიც ჩაერთვნენ და მსაჯს სასტიკად გაუსწორდნენ.

ამის გამო, არგენტინული კლუბი 2018 წელს ვერცერთ ოფიციალურ მატჩში ვერ მიიღებს მონაწილეობას, 2019 წლიდან კი არგენტინის მეხუთე დივიზიონში დაიწყებს ასპარეზობას.

არგენტინელი დრიუსი იტალიის მოქალაქეობის მიღებაზე ფიქრობს

Posted on ნოემბერი 17, 2017ნოემბერი 17, 2017 by იაკობ კაპანაძე

სანქტ-პეტერბურგის “ზენიტის” ახალგაზრდა თავდამსხმელი, სებასტიან დრიუსი იტალიის მოქალაქეობის მიღებაზე ფიქრობს, რის შემდეგადაც, მას “სკუადრა აძურაში” თამაშის უფლება მიეცემა.

საკმაოდ ავტორიტეტული იტალიური გამოცემის, Tuttosport-ის ცნობით, დრიუსი იტალიის ნაკრების ახალი მწვრთნელის დანიშვნას ელოდება. ამის შემდეგ კი, ეს უკანასკნელი საბოლოოდ გადაწყვეტს, შეიცვალოს თუ არა მოქალაქეობა.

ცნობისთვის გეტყვით, რომ “ზენიტის” თავდამსხმელი არგენტინის ასაკობრივ ნაკრებებში საკმაოდ წარმატებით გამოდიოდა – მას სამხრეთ ამერიკის 17-წლამდელთა და 20-წლამდელთა ჩემპიონატები აქვს მოგებული, თუმცა ძირითად ნაკრებში მისი დებიუტი ჯერაც არ შემდგარა.

ლიონელ მესი ნიგერიასთან შეხვედრას გამოტოვებს

Posted on ნოემბერი 12, 2017 by კახა ყიფიანი

ლიონელ მესი ნიგერიასთან ამხანაგურ მატჩს გამოტოვებს. ამის შესახებ როგორც ესპანური, ასევე ინგლისური პრესა იტყობინება.

აღსანიშნავია, რომ არგეტინელმა მოთამაშემ ეს გადაწყვეტილება თვითონ მიიღო. მას სურს, რომ სამშაბათს გასამართი თამაშის მაგივრად, კატალონიის “ბარსელონას” შეუერთდეს და ვარჯიში კლუბში განაახლოს.

აქვე გეტყვით, რომ არგენტინის ნაკრების კაპიტანმა სრული მატჩი ჩაატარა რუსეთის წინააღმდეგ. იქ ხორხე სამპაოლის შეგირდებმა მინიმალური ანგარიშით იმარჯვეს. ერთადერთი გოლის ავტორი 86-ე წუთზე კუნ აგუერო გახდა.

მესი: “სამპაოლი გადაწყვეტს, მსოფლიო ჩემპიონატზე რომელი თავდამსხმელი ითამაშებს ძირითადში”

Posted on ნოემბერი 12, 2017 by კახა ყიფიანი

არგენტინის ნაკრებმა ამხანაგურ შეხვედრაში რუსეთის ეროვნულ გუნდს მინიმალური ანგარიშით სძლია. გამარჯვების გოლი 86-ე წუთზე კუნ აგუერომ გაიტანა.

დაპირისპირების შემდეგ ჟურნალისტებს ლიონელ მესი ესაუბრა. “ბარსას” სუპერვარსკვლავმა ნაკრებში, ფორვარდის რგოლზე გაამახვილა ყურადღება.

“კუნი, პიპა, მაურო, ეს სამი განსხვავებული და სხვადასხვა მხრივ მნიშვნელოვანია თავდამსხმელია. სამივე მათგანს დიდი სარგებლობის მოტანა შეუძლია გუნდისთვის. მწვრთნელი გადაწყვეტს, რუსეთის 2018 წლის მსოფლიო ჩემპიონატზე ვინ ითამაშებს ძირითად შემადგენლობაში.”

“რაც შეეხება უშუალოდ მატჩს, პირველ ტაიმში მშვიდად ვითამაშეთ. ახლა ისე სწრაფად არ ვუტევდით, როგორც ამას ვენესუელასთან და პერუსთან ვაკეთებდით. როცა შანსები გვექმნებოდა, მაინც არ ვავლენდით დიდ აგრესიას და წყნარად ვმოქმედებდით. აქ გამოჩნდა ის განსხვვავება, რომელიც საკვალიფიკაციო და მუნდიალისთვის მოსამზადებელ დაპირისპირებებს შორისაა,” – აცხადებს ლეო.

ლოპეტეგი: “შესაძლოა, მსოფლიოს ჩემპიონატზე მესის გუნდს შევხვდეთ? სიამოვნებით”

Posted on ნოემბერი 11, 2017 by კახა ყიფიანი

ესპანეთის ნაკრების მთავარმა მწვრთნელმა, ხულიენ ლოპეტეგმა კოსტა რიკასთან გასამართი ამხანაგური შეხვედრის წინასამატჩო პრესკონფერენციაზე მსოფლიო ჩემპიონატის სამომავლო მეტოქეებზე ისაუბრა.

“ჩვენ ნებისმიერ გუნდს მივესალმებით და პატივს ვცემთ. შესაძლოა, არგენტინას შევხდეთ? მესის და მის გუნდს სიამოვნებით მივიღებთ. არ შემიძლია, გამოვიცნო ვინ დაგვიპირისპირდება მუნდიალზე. შესაბამისად, ვერ ვიტყვი, მომეწონება თუ არა მეტოქე. უბრალოდ აღვნიშნავ, რომ ნებისმიერ მათგანთან საბრძოლველად მზად ვართ და ნებისმიერს სიამოვნებით ვეთამაშებით.”

“ახლა ამხანაგურ შეხვედრებზე ვართ კონცენტრირებულნი, რომლებიც მსოფლიოს ჩემპიონატის სამზადისისთვის მნიშვნელოვანია. გუნდში მშვენიერი განწყობაა. გვინდა, დიდი მიზნისთვსი ბრძოლას ყველანაირად კარგად შევხვდეთ,” – აცხადებს ლოპეტეგი.

კარიკატურა: იკარდის არგენტინის ნაკრებში გამოძახებას მესი და მარადონა ვეღარ ეწინააღმდეგებიან

Posted on ოქტომბერი 25, 2017 by კახა ყიფიანი

ლიონელ მესი და დიეგო არმანდო მარადონა წინააღმდეგნი იყვნენ, რომ მაურო იკარდის არგენტინის ნაკრებში ეთამაშა. მაქსი ლოპესი, რომელსაც მილანის “ინტერის” თავდამსხმელმა ცოლი მოპარა, “ბარსას” ლიდერის ახლო მეგობარია. ასევე, გვახსოვს, მარადონას განცხადებები იმის შესახებ, რომ იკარდის ეროვნულ გუნდში თამაში სამარცხვინო იქნებოდა.

მაურო საოცარ სეზონს ატარებს. მან სერია ა-ს ათ შეხვედრაში თერთმეტი გოლი გაიტანა. შედეგად, სექტემბრისა და ოქტომომბრის სამ ოფიციალურ შეხვედრაში საკუთარი ქვეყნის მაისურიც მოირგო.

ომარ მომანი აღნიშნულ სიტუაციას ასე ეხმაურება