ჭდე: არგენტინა

მასკერანო “ბარსელონას” ტოვებს?

Posted on by ცოტნე შაორშაძე

კატალონიის “ბარსელონას” ფეხბურთელმა, ხავიერ მასკერანომ განაცხადა, რომ შესაძლოა, მან კლუბთან კონტრაქტი აღარ გაახანგძლივსო.

მასკერანომ TyC Sports-თან ინტერვიუ ჩაწერა და საკუთარ მომავალზე ისაუბრა.

“კლუბთან კონტრატქი სეზონის ბოლომდე მაკავშირებს, მაგრამ შესაძლებელია, ის აღარ გახანგრძლივდეს, ვნახოთ, რა მოხდება. ჯერ-ჯერობით არავისთან მისაუბრია ამ თემასთან დაკავშირებით, ამჟამად “ბარსელონაში” ჩემი ყოფნით ყველა მოხარულია. ბოლო პერიოდში ნაკლები სათამაშო დრო მეძლევა, ამის მიზეზი კი ის არის, რომ გუნდში ჩემზე უკეთესი ორი ცენტრალურიმცველია. ვაპირებ, ვიბრძოლო ჩემი ადგილის მოსაპოვებლად და როდესაც შანსი მომეცემა, ბოლომდე გამოვიყენო ის. რაც შეეხება ჩემს სანაკრებო კარიერას, 2018 წლის მუნდიალზე ბოლოჯერ მოვირგებ არგენტინის ფორმას. მე მსურს, ბრაზილიაში ნაჩვენები შედეგი გავაუმჯობესოთ,” -განაცხადა ხავიერ მასკერანომ.

სამპაოლი: “არგენტინამ მსოფლიო ჩემპიონატზე თამაში დაიმსახურა!”

Posted on by კახა ყიფიანი

არგენტინის ნაკრები არც ისე სახარბიელო დღეშია. სამხრეთამერიკელები მსოფლიოს ჩემპიონატის საკვალიფიკაციო ეტაპის ათგუნდიან ჯგუფში მეექვსე ადგილს იკავებენ და ხვალ დილით, გამთენიისას პლეი-ოფში მოსახვედრად ეკვადორის დამარცხება ესაჭიროვებათ. თუ ისინი ამას შეძლებენ, მათი მეტოქე უკვე ახალი ზელანდია იქნება.

მიუხედავად აღნიშნული სიტუაციისა, გასული მუნდიალის ფინალისტი ნაკრების ამჟამინდელი მთავარი მწვრთნელი, ხორხე სამპაოლი მიიჩნევს, რომ არგენტინელები მსოფლიოს ჩემპიონატზე თამაშს იმსახურებენ.

“არგენტინამ აჩვენა ის, რომ მას შეუძლია მუნდიალზე მოხვედრა. ჩვენს ნაკრებს ამის ხასიათი აქვს. ვიმედოვნებ, საკვალიფიკაციო ეტაპს წარმატებით დავძლევთ, რადგან ჩვენ ეს დავიმსახურეთ. თუ ხვალინდელ შეხვედრაში მესის სათამაშო სტანდარტებში ჩავჯდებით, მაშინ წარმატება გარდაუვალი იქნება,” – აცხადებს სამპაოლი.

ტაბარესი: “მსოფლიო ჩეპიონატს მხოლოდ მესი ვერ მოიგებს”

Posted on by იაკობ კაპანაძე

ურუგვაის საფეხბურთო ნაკრების თავკაცმა, ოსკარ ტაბარესმა არგენტინელთა ლიდერზე, ლეო მესიზე ისაუბრა, რომლის ნაკრებიც შესაძლოა, რუსეთში გასამართი მსოფლიო ჩემპიონატის მიღმა დარჩეს.

“ფეხბურთის ისტორიას ბევრი ისეთი ლეგენდა ახსოვს, რომელსაც მსოფლიო ჩემპიონის ტიტული არ აქვს მოპოვებული, თუმცა ამით მათი სახელი არ კნინდება. იგივე მდგომარეობაა მესის შემთხვევაშიც.

განსხვავება ისაა, რომ მესი ჯერ კიდევ თამაშობს და არავინ იცის, რა მოხდება. მათ ჯერ კიდევ აქვთ მუნდიალზე გასვლის შანსი და თუ ეს შეძლეს, რუსეთში ფავორიტების სტატუსით ჩავლენ.

ყოველ შემთხვევაში, ეს გუნდური სპორტია და მსოფლიო ჩემპიონატს მხოლოდ მესი ვერ მოიგებს, მას თანაგუნდელებისგან სათანადო მხარდაჭერა სჭირდება,” – აცხადებს ტაბარესი.

ვილიან დონატო “აგუერო ემოციურად ძალიან ცუდადაა”

Posted on by ცოტნე შაორშაძე

“მანჩესტერ სიტისა” და არგენტინის ფორვარდი სერხიო აგუერო,  ამსტერდამში მომხდარი ინციდენტის შემდეგ რეაბილიტაციის კურს გადის.

როგორც არგენტინის ეროვნული ნაკრების ექიმი აცხადებს, სერხიოს დაზიანებები არც თუ ისე უმნიშვნელოა, ამიტომაც ფორვარდს, მინიმუმ ექვსი კვირით დასვენება მოუწევს.

ნაკრების ექიმი, ვილიან დონატო: “ემოციურად ის საკმაოდ ცუდადაა, რადგან მას აქ ყოფნა და ჩვენი დახმარება სურს. მინიმუმ, აგუეროს თვენახევარი მოუწევს დასვენება. ამ მომენტისათვის, მას სახლის დატოვებაც კი არ შეუძლია დამოუკიდებლად. მისთვის ეს ყველაზე რთულია.” – განაცხადა ვილიან დონატომ.

სერხიო აგუეროს, რომელსაც მხოლოდ ერთი გოლი აშორებს “მანჩესტერ სიტის” ყველა დორის საუკეთესო ბომბარდირ, ერიკ ბრუკის რეკორდის დასამხობად, არა ერთი მნიშვნელოვანი შეხვედრის გამოტოვება მოუწევს, მათ შორის, ჩემპიონთა ლიგაზე “ნაპოლისთან” გასამართ ორივე დაპირისპირების და 5 ნოემბერს “არსენალის” წინააღმდეგ.

პელე: “დიბალასა და მარადონას მხოლოდ ერთი რამ აქვთ საერთო”

Posted on by იაკობ კაპანაძე

ფეხბურთის ბრაზილიელმა “მეფემ” პელემ პრესასთან პაულო დიბალაზე ისაუბრა, რომელიც ტურინის “იუვენტუსის” რიგებში ირიცხება და რომელსაც საკამაოდ დიდ მომავალს უწინასწარმეტყველებენ.

“დიბალა? ის არც იმდენად ნიჭიერი და ძლიერი ფეხბურთელია, როგორადაც ხალხი აფასებს,” – აცხადებს ბრაზილიელი ლეგენდა Tuttosport-თან საუბრისას.

“ხალხი მას მარადონასთან აიგივებს, მაგრამ ამ ორს ერთმანეთთან მხოლოდ ერთი საერთო აქვს – ის, რომ ორივე მათგანი მარცხენათი ურტყამს,” – დაამატა მან.

ოფიციალურად: ხორხე სამპაოლიმ არგენტინის ნაკრები ჩაიბარა

Posted on by იაკობ კაპანაძე

არგენტინის ფეხბურთის ფედერაციის მიერ დადასტურებული ინფორმაციის მიხედვით, ხორხე სამპაოლი ამიერიდან არგენტინის ეროვნული ნაკრების მთავარი მწვრთნელის პოსტზე იმუშავებს.

კასილდაში დაბადებულ ხორხე სამპაოლის თვეების მანძილზე უკავშირებდნენ არგენტინის ნაკრებს, რომელსაც 2017 წლის აპრილის თვემდე ედგარდო ბაუსა წვრთნიდა. დღეს კი ეს ინფორმაცია ოფიციალურად დადასტურდა.

შეგახსენებთ, რომ 57 წლის სპეციალისტს სანაკრებო დონეზე მუშაობის საკმაოდ კარგი გამოცდილება აქვს – სამპაოლიმ ჩილეს ნაკრებს 2015 წელს კოპა ამერიკა მოაგებინა, რაც პირველ იტიტული იყო ამ ქვეყნის ნაკრებისთვის.

მარადონა ინფანტინოს გადარწმუნებას აპირებს: “4-მატჩიანი დისკვალიფიკაცია საშინელებაა”

Posted on by იაკობ კაპანაძე

დიეგო მარადონა არგენტინის ეროვნული ნაკრებისა და “ბარსელონას” ფორვარდის, ლეო მესის დაცვის მიზნით, ფიფას პრეზიდენტთან, ჯანი ინფანტინოსთან შეხვედრას აპირებს.

“ლეო მესის სასჯელი ნამდვილად გადამეტებულია. ამერიკულ ფეხბურთში ყველაფერი სხვაგვარადაა, ისინი საუბრისას პირს ხელს აფარებენ, რაც მესის შემთხვევაშიც მოხდა და დამხმარე მსაჯმა ეს შეამჩნია.

ბოლივიასთან გამართულ მატჩში მესის არყოფნამ ყველაზე დიდი როლი ითამაშა. ეს იგივეა, პორტუგალიის ნაკრებს რონალდუ მოვაცილოთ.

4-მატჩიანი დისკვალიფიკაცია ნამდვილი საშინელებაა. გეფიცებით, არაფერი ვიცოდი. ამ საკითხზე ფიფას პრეზიდენტთან, ჯანი ინფანტინოსთან ვაპირებ დალაპარაკებას,” – აცხადებს ლეგენდარული არგენტინელი ფეხბურთელი.

აქვე იხილეთ: მესი: “მსაჯისთვის შეურაცხყოფა არ მიმიყენებია, ეს სიტყვები ჰაერში ვთქვი” (ვიდეო)

კარიკატურა: არგენტინის ნაკრების სიტუაცია საშინელ კოშმარს ჰგავს (ფოტო)

Posted on by კახა ყიფიანი

გუშინ FIFA-მ არგენტინის ნაკრების კაპიტანსა და უდავო ლიდერს, ლიონელ მესის ოთხმატჩიანი დისკვალიფიკაცია მიუსაჯა. მიზეზი ისაა, რომ ლეომ ჩილესთან მატჩში მსაჯს სიტყვიერი შეურაცხყოფა მიაყენა. ამას მოჰყვა მსოფლიოს ჩემპიონატის საკვალიფიკაციო ეტაპზე ბოლივიასთან წაგებული (0:2) შეხვედრა. განგებამ ესეც არ იკმარა… გუშინ არგენტინის ნაკრების მოსისხლე მტერმა, ბრაზილიის ეროვნულმა გუნდმა პარაგვაი დაამარცხა და მუნდიალზე ასპარეზობა გაინაღდა.

არგენტინელთა მდგომარეობის გამოსახატად, ომარ მომანიმ კარიკატურა შემოგვთავაზა.

 

არგენტინული კლუბი რეკორდს უმიზნებს – 50 სპონსორი ერთ მაისურზე

Posted on by იაკობ კაპანაძე

არგენტინის რიგით მეხუთე დივიზიონში მოთამაშე კლუბი ფეხბურთის ისტორიისა და გინესის რეკორდების წიგნში შესვლას აპირებს – ერთ მაისურზე განთავსებულ სპონსორთა რეკლამების რაოდენობის წყალობით.

აქამდე ეს რეკორდი იგივე კლუბს, “სენტენარიოს” ეკუთვნოდა. გასულ სეზონში მათ სათამაშო მაისურზე 34 განსხვავებული კომპანიის რეკლამა იყო დატანილი. მაგრამ, აღნიშნულმა რეკორდმა დიდ დროს ვერ გაუძლო. მომავალ სეზონში მაისურის წინა და უკანა მხარეებზე საერთო ჯამში 50 ლოგო იქნება დატანილი.

ამ ყველაფერს კლუბის პრეზიდენტი, გუსტავო გომესი ამგვარად ხსნის:”თითოეული კომპანია იმდენს იხდის, რამდენიც შეუძლია. აქიდან გამომდინარე, ვცდილობთ, ყველას შესაფერისი ადგილი მოვუძებნოთ.

ზოგ კომპანიას კი უბრალოდ ვუცვლით რეკლამას. ერთ-ერთი კომპანია ველოსიპედებს გვაწვდის, რათა გადაადგილების პრობლემა არ შეგვექმნას, სანაცვლოდ კი რეკლამას იღებს.”

აგუერო: “დარჩენილ სამ თვეში “მანჩესტერ სიტის” დასახმარებლად ყველაფერს გავაკეთებ, მერე კი…”

Posted on by კახა ყიფიანი

კუნ აგუერო ბოლო სამი შეხვედრაა “მანჩესტერ სიტის” შემადგენლობაში ვეღარ ხვდება. მის ადგილს ახალგაზრდა ბრაზილიელი, გაბრიელ ჟესუსი იკავებს, რომელიც იანვარში მოვიდა გუნდში. მან 3 გოლის გატანა მოახერხა.

არგენტინელმა ფეხბურთელმა ამ საკითხზე ჟურნალისტებთან ისაუბრა.

“მწვრთნელის გადასაწყვეტია, ვინ დადგება სასტარტო შემადგენლობაში. მხოლოდ იმას ვიტყვი, რომ დარჩენილ დროში ყველაფერს ვიზამ  გუნდის დასახმარებლად. ზაფხულზე კი, ვნახოთ, კლუბის მესვეურები ჩემთან დაკავშირებით რას გადაწყვეტენ.”

“სამი თვე მაქვს წინ. იმედია, “სიტის” კვლავ სარგებელს მოვუტან. შემდეგ კი საინტერესოა, როგორ განვითარდება ჩემი მომავალი.”

“ხდება ხოლმე, როცა სათადარიგოთა სკამზე ზიხარ და შენს შანსს ელოდები. ეს ბუნებრივია და ასეთ სიტუაციასთან შეგუება ყველას უწევს,” – აცხადებს არგენტინელი შემტევი.

კარიკატურა: მესი ქორწინდება (ფოტო)

Posted on by კახა ყიფიანი

გავრცელდა სანდო ხმები, რომ ლიონელ მესი და ანტონელა როკუზო ქორწინდებიან.

ომარ მომანიმ არგენტინელების ქორწილი ასე დაინახა

 

გაიცანით ლეო მესის ბრაზილიელი ორეული (ფოტოები)

Posted on by იაკობ კაპანაძე

ბრაზილიის მოქალაქემ, რომელიც ძალიან ჰგავს მსოფლიო ვარსკვლავ ლეო მესის, ამ კვირაში სოციალური მედიის ყურადღება მთლიანად მიიპყრო.

უსაფრთხოების გამო, ფეხბურთის გულშემატკივარი პირადი ინფორმაციის გავრცელების წინააღმდეგია, თუმცა მან უკვე გახსნა “ტვიტერის” ანგარიში, სადაც რამდენიმე ფოტო უკვე ატვირთა:

სოციალურ ქსელში მან ასეთი გზავნილი გაავრცელა: “მე მესის ორეული ვარ. აქამდე ეს ძალიან უჩვეულოდ მიმაჩნდა, თუმცა უკვე მომწონს, რომ ხალხი მას მამსგავსებს.”

აქვე გეტყვით იმასაც, რომ ბრაზილიის მოქალაქე უახლოეს მომავალში თმების თეთრად შეღებვასაც აპირებს, რათა კიდევ უფრო მეტად დაემსგავსოს არგენტინელ ფეხბურთელს.