ჭდე: Arjen Robben

მიუნხენის “ბაიერნის” გარემარბმა არიენ რობენმა ჩემპიონთა ლიგის მერვედფინალურ ეტაპზე ლონდონის “არსენალის” კარში გატანილ გოლზე კომენტარი გააკეთა.

“ხალხი მუდამ ამბობს, რომ ერთი და იგივე ვაკეთებ, მაგრამ მე ვცდილობ, განსხვავებულად ვითამაშო. როდესაც “არსენალის” კარში დავარტყი, ვიცოდი, რომ ბურთი იქ გავგზავნე, სადაც საჭირო იყო. ეს ყველაზე სასიამოვნო გრძნობაა. ფეხბურთს სწორედ ამიტომ ვთამაშობ. ყოველთვის საჭიროა დარტყმისთვის შესაბამისი მომენტის მოძებნა”, – ციტირებს რობენის სიტყვებს ESPN.

შეგახსენებთ, რომ “ბაიერნსა” და “არსენალს” შორის “ალიანც არენაზე” გამართული შეხვედრა ბავარიელთა გამარჯვებით, ანგარიშით 5:1 დასრულდა. საპასუხო მატჩი ლონდონში, 7 მარტს გაიმართება.

მიუნხენის “ბაიერნის” გარემარბმა არიენ რობენმა დოჰაში ჩატარებული ზამთრის შეკრება შეაჯამა და განაცხადა, რომ წელს მისი მიზანი ჩემპიონთა ლიგის მოგებაა.

“ამ კვირაში კარგად ვიმუშავეთ. შეგვიძლია, რომ თამაში კიდევ უფრო გავაუმჯობესოთ. ვარჯიშებზე აშკარაა, რომ გუნდში ბევრმა კვალიფიციურმა ფეხბურთელმა მოიყარა თავი. ტემპის ასაკრებად საწვრთნელი შეკრება ჩვენთვის ძალზედ მნიშვნელოვანია. მინდა, რომ ჩემპიონთა ლიგა მოვიგოთ, ეს ჩემი მთავარი მიზანია”, – ციტირებს რობენის სიტყვებს კლუბის ოფიციალური ვებგვერდი.

შეგახსენებთ, რომ ჩემპიონთა ლიგის მერვედფინალურ ეტაპზე მიუნხენის “ბაიერნის” მეტოქე ლონდონის “არსენალი” იქნება.

მიუნხენის “ბაიერნის” გარემარბი არიენ რობენი ჩემპიონთა ლიგის ნახევარფინალურ ეტაპზე მადრიდის “ატლეტიკოს” წინააღმდეგ გასამართ მატჩს გამოტოვებს.

შეგახსენებთ, რომ ჰოლანდიელი ფეხბურთელი 12 მარტის შემდეგ ლაზარეთშია. მას მარცხენა ბარძაყის კუნთი აწუხებს. მოსალოდნელი იყო, რომ რობენი გუნდთან ერთად ვარჯიშს ამ კვირაში განაახლებდა, თუმცა ბავარიელთა სამედიცინო შტაბმა 32 წლის ფეხბურთელის აღდგენითი პროცესი კიდევ შვიდი დღით გაახანგრძლივა.

“ატლეტიკოსთან” ჩასატარებელ მატჩში ჯერომ ბოატენგის თამაშიც საეჭვოა.

შეგახსენებთ, რომ “ატლეტიკოსა” და “ბაიერნს” შორის გასამართი პირველი ნახევარფინალური მატჩი მადრიდში, 27 აპრილს ჩატარდება და თბილისის დროით 22:45 საათზე დაიწყება.