ლონდონის „არსენალის“ მთავარი მწვრთვნელი არსენ ვენგერი „ლივერპულთან“ მოგებული მატჩის მიუხედავად, დასკვნების გამოტანას არ ჩქარობს.
„ჩვენ კონცენტრაცია უნდა შევინარჩუნოთ, რათა სასურველი შედეგების მიღწევა გავაგრძელოთ. სიხარულის დრო არ გაქვს. ჩემპიონატის ათი მატჩი უკვე შედგა, შესაბამისად, სეზონის ერთი ნაწილი უკვე დასრულებულია. 5-ქულიანი უპირატესობის მიუხედავად, ნათელი ჯერჯერობით არაფერია. ბევრი რამ ნოემბრის ბოლოს გახდება ცნობილი“, – განაცხადა ფეხბურთს ფრანგმა სპეციალისტმა.
ლონდონის “არსენალის” მთავარი მწვრთნელი, არსენ ვენგერი აცხადებს, რომ მესუთ იოზილი ლეგენდარულ ზინედინ ზიდანზე უკეთესი დრიბლინგიორია.
შეგახსენებთ, რომ გერმანიის ნაკრების ფეხბურთელი “მეთოფეთა” რიგებში გასულ ზაფხულს, მადრიდის “რეალიდან” გადავიდა.
“იოზილის შეძენა “პარი სენ-ჟერმენსაც” სურდა, მაგრამ მე უპირატესობა მქონდა, რადგან მესუთს ვიცნობდი. ის ჩემს სახლში მოვიდა და ყველაფერი მალევე მოგვარდა.
ჩემი აზრით, იოზილი განსაკუთრებული ფეხბურთელია. ვფიქრობ, ის ზინედინ ზიდანზე უკეთესი დრიბლინგიორია”, – ამბობს ვენგერი.
როგორც მოგეხსენებათ, დღეს, თბილისის დროთ 21 საათსა და 30 წუთზე ინგლისის პრემიერლიგის მე-10 ტურის ცენტრალური შეხვედრა გაიმართება – „ემირეითს სთედიუმზე“ ერთმანეთს ლონდონის „არსენალი“ და „ლივერპული“ დაუპირსპირდებიან.
წარმოგიდგენთ ორივე გუნდის სასტარტო შემადგენლობას:
„არსენალი“: შესნი, სანია, მერტესაკერი, კოშელნი, ბიგსი, როსიცკი, არტეტა, რემზი, კასორლა, იოზილი, ჟირუ
„ლივერპული“: მინოლე, ფლანაგანი, ტურე, შკრტელი, სახო, სისოკო, ლუკასი, ჯერარდი, ჰენდერსონი, სტარიჯი, სუარესი
ინგლისის პრემიერლიგის მე-10 ტურის ცენტრალური მატჩი „ემირეითს სთეიდიუმზე“ შედგება, სადაც გათამაშების ერთპიროვნული ლიდერი ლონდონის „არსენალი“ მესამეადგილოსან „ლივერპულს“ მიიღებს. მატჩი დღეს, ჩვენი დროით 21:30 საათზე აიღებს სტარტს და მას გამოცდილი ინგლისელი არბიტრი მარტინ ატკინსონი განსჯის. საინტერესოა, სტატისტიკა რომელ გუნდს ანიჭებს უპირატესობას.
– ინგლისის ჩემპიონატში „არსენალსა“ და „ლივერპულს“ შორის 178 მატჩია გამართული, აქედან ლონდონელებმა 62 შეხვედრა მოიგეს, მერსისაიდელებმა – 69, ფრედ დასრულდა 47 მატჩი;
– „ლივერპულს“ „მეთოფეებთან“ ჩემპიონატის ბოლო სამი გასვლითი მატჩი არ წაუგია. მერსისაიდელები ჩრდილოლონდონურ გუნდთან სტუმრად უკანასკნელად 2010 წლის თებერვალში დამარცხდნენ. მაშინ ერთადერთი გოლი აბუ დიაბიმ გაიტანა;
– მსაჯ მარტინ ატკინსონს ორჯერ აქვს ამ გუნდთა დაპირისპირება განსჯილი. 2010 წლის აგვისტოში მატჩი ფრედ, ანგარიშით 1:1 დასრულდა, 2011 წლის აგვისტოში კი – მერსისაიდელებმა ანგარიშით 2:0 დაამარცხეს მეტოქე. ამ ორ მატჩში ატკინსონმა სამი ფეხბურთელი გააძევა: ფრიმპონგი, კოსელნი და ჯო კოული;
– ვოიცეხ შჩესნი „არსენალს“ ერთადერთი ფეხბურთელია, რომელიც ინგლისის ჩემპიონატის მიმდინარე სეზონში ყველა მატჩი შეუცვლელად ჩაატარა;
– „ლივერპული“ პრემიერლიგის ეგიდით ლონდონში გამართულ ბოლო ოთხ მატჩში მინიმუმ ორ გოლს იტანს;
– სიმონ მინიოლეს ინგლისის ჩემპიონატში თავისი მე-100 მატჩის ჩატარების შესაძლებლობა აქვს. 90 შეხვედრა „სანდერლენდის“ რიგებში ჩაატარა, 9 კი – „ლივერპულს“ შემადგენლობაში. 99-დან 33 მატჩში კარი მშრალად შეინახა;
– მინიოლე შესაძლოა გახდეს მეოთხე ბელგიელი ფეხბურთელი, რომელსაც პრემიერლიგაში 100 მატჩი ექნება ჩატარებული (ამ დრომდე ამ ნიშნულს მიაღწიეს ვენსან კომპანიმ (157), მარუან ფელაინიმ (145) და მუსა დემბელემ (101).
ჩვენს პორტალზე არსებული გამოკითხვის შედეგებით, „არსენალის“ გამარჯვება უფრო მოსალოდნელია.
ბექა დოგრაშვილი
„ლივერპულთან“ მატჩის წინ, ლონდონის „არსენალის“ მთავარმა მწვრთვნელმა არსენ ვენგერმა აღნიშნა, რომ გუნდთა სატურნირო მდგომარეობას იგი ყურადღებას არ აქცევს.
„წინ რთული და უმნიშვნელოვანესი მატჩი გველის, თუმცა გუნდთა სატურნირო მდგომარეობას ყურადღებას ნაკლებად ვაქცევ, რადგან ყველაფერი მოედანზე გაირკვევა. ჩვენს გუნდს ტიტულის მოგების შანსი აქვს, ისევე როგორც მერსესაიდელებს. გარდა ამისა, არის კიდევ 4-5 გუნდი, რომელსაც პრემიერ ლიგის მოგების პრეტენზია აქვს“, – განაცხადა „მეთოფეთა“ თავკაცმა.
ალექსანდრე მატევოსოვი
ესპანეთში, ტუკუმანის პროვინციაში მადრიდის “რეალის” ყოფილი ფეხბურთელის, მესუთ იოზილის ორეული გამოჩნდა. ახალგაზრდა ფეხბურთელი, გონსალო გალვანი “ვილა სანტილიანის” ღირსებას იცავს.
იოზილის მსგავსად, გუნდში გონსალოც 10-ნომრიანი მაისურით ასპარეზობს.
როგორც იცით, 29 ოქტომბერს, ინგლისის ლიგის თასზე, ლონდონის “არსენალმა” საკუთარ მოედანზე “ჩელსი” მიიღო და ანგარიშით 0:2 დამარცხდა.
მატჩის დასრულების შემდეგ, მესუთ იოზილმა ჟოზე მოურინიოს თავისი მაისური აჩუქა.
შეგახსენებთ, რომ მადრიდის “რეალში” ყოფნისას, მესუთ იოზილის მწვრთნელი სწორედ ჟოზე მოურინიო იყო.
29 ოქტომბერს, ინგლისის ლიგის თასზე ლონდონის “არსენალმა” საკუთარ მოედანზე თანაქალაქელი “ჩელსი” მიიღო და ანგარიშით 0:2 დამარცხდა.
აღნიშნულ შეხვედრაში, საკმაოდ საინტერესო რამ მოხდა. “მეთოფეთა” ესპანელმა ნახევარმცველმა, სანტი კასორლამ მაიკლ ესიენს ბურთი ფეხებს შორის გაუტარა, რამაც მაიკლ ესიენი გააბრაზა.
არსენ ვენგერისთვის ლონდონის „ჩელსის“ ახლანდელი მთავარი მწვრთვნელი ჟოზე მოურინიო – ყველაზე უხერხული მეტოქეა. ფეხბურთის პორტუგალიელი სპეციალისტის მიერ მომზადებული „არისტოკრატები“ „მეთოფეებს“ არასდროს დაუმარცხებიათ, რისი გამოსწორების შანსიც მათ ინგლისის ლიგის თასის მატჩში მიეცათ. ეს ძალიან კარგად არსენ ვენგერსაც ესმოდა, რომელმაც აღნიშნული ტურნირისათვის საკმაოდ საბრძოლო შემადგენლობა გაიყვანა – ძირითადი შემადგენლობის ფეხბურთელთა შორის მხოლოდ მესუთ იოზილს და ოლივიე ჟირუს არ უთამაშიათ.
მოურინიო, რომელიც თავისი გუნდის რთული კალენდრით უკმაყოფილო იყო, თავიდან ახალგაზრდა მოთამაშეების დაყენებასაც კი აპირებდა, თუმცა, საბოლოო ჯამში, თავის ოპონენტს ასეთი საჩქარი არ გაუკეთა. ჟოზემ ათი ცვლილება გააკეთა, რის მიუხედავად, მისი გუნდი მაინც შესანიშნავად თამაშობდა.
სათქმელია, რომ განსაკუთრებული მომენტებით ვერც ერთი და ვერც მეორე გუნდი გამოირჩეოდა, თუმცა აღსანიშნავია ისიც, რომ ბურთის უკეთესი ფლობა „ლურჯთა“ სასარგებლოდ დაფიქსირდა. თავიდან კასორლამ კუთხურის კარგად შესრულება ვერ შეძლო, რის შემდეგაც „არსენალს“ ტრადიციული პრობლემები შექმნა. პირველი გოლი კარლ ჯენკინსონის შეცდომას მოჰყვა, რომელმაც მეკარე ფაბიანსკის არც თუ ისე კარგი გადაცემა გაუკეთა, რითაც ასპილიკუეტამ ისარგებლა, რომელიც მეტოქის საჯარიმოში შეიჭრა და პოლონელი გოლკიპერის მოტყუება არ გაუჭირდა.
ალექსანდრე მატევოსოვი
სოციალურ ქსელ “ფეისბუკში”, ლონდონის “არსენალის” ჩეხმა მეკარემ, ვოიცეხ შჩესნიმ ვიდეო გამოაქვეყნა, რომელშიც აღბეჭდილია, თუ როგორ რეპავს Drake-ის ‘Furthest Thing’-ს.
ლონდონის „არსენალის“ მთავარი მწვრთვნელის არსენ ვენგერის აზრით, მისი გუნდის კარგ სტარტს დიდი მნიშვნელობა არ უნდა მიექცეს, რადგან მომავალში ყველაფერია მოსალოდნელი.
„კარგია, რომ გათამაშების ცხრილის ლიდერები ვართ, თუმცა ამაზე ყურადღების გამახვილებას საჭიროდ არ მივიჩნევ. ყოველთვის ტიტულისთვის ვცდილობდით ბრძოლას, ერთადერთი, რაც ამ მიზნის მისაღწევად არის საჭირო – გამარჯვებაა. ყოველი მოგება უფრო ძლიერ გუნდად გვხდის. წინ არაერთი რთული შეხვედრა გველის, რომელიც „არსენალისთვის“ ნამდვილი გამოცდა იქნება“, – განაცხადა ფრანგმა სპეციალისტმა.
ალექსანდრე მატევოსოვი
26 ოქტომბერს, ინგლისის პრემიერ ლიგაში, “კრისტალ პალასმა” საკუთარ მოედანზე ლონდონის “არსენალი” მიიღო და ანგარიშით 0:2 დამარცხდა.
აღნიშნულ შეხვედრაში, “არსენალის” ნახევარმცველს, მიკელ არტეტას მსაჯმა ძალიან უსამართლო წითელი ბარათი უჩვენა.
