ბრიტანული პრესის ცნობით, ჩემპიონთა ლიგის გუშინდელი ფინალის შემდეგ ლონდონის “არსენალმა” სამი მილიონი ფუნტ სტერლინგი მიიღო.
მოგეხსენებათ, 2014 წლის ზაფხულში “არსენალმა” “ბარსელონას” ბელგიელი მცველი ტომას ვერმაელენი მიყიდა. შეთანხმების თანახმად, თუ “ბარსელონა” ჩემპიონთა ლიგის მოგებას მოახერხებდა, ლონდონელებს სამი მილიონი ფუნტ სტერლინგი უნდა მიეღოთ.
აღსანიშნავია, რომ ვერმალენს ტრავმების გამო თითქმის მთელი სეზონი გაუცდა და “ბარსელონას” მაისურით მხოლოდ ერთ ოფიციალურ მატჩში ითამაშა.
“მეთოფეები” ამ ზაფხულში ნახევარდაცვის გაძლიერებას გეგმავენ.
ბრიტანული მედიის ინფორმაციით, “არსენალი” სერიოზულად ინტერესდება “მონაკოს” ახალგარდა ჰავბეკით, ჯეფრი კონგდობიათი.
ლონდონელებმა უკვე გაამზადეს ტრანსფერისთვის 18 მილიონი ფუნტი, თუმცა ფრანგებს ახალგაზრდა შემტევში 25 მილიონის მიღების იმედი აქვთ.
ერთი დღით ადრე, კონგდობიასადმი ინტერესი “ინტერმა” გამოამჟღავნა.
“მეთოფეებმა” სერიოზულად დაადგეს თვალი ნეაპოლიტანელთა ბომბარდირს.
“არსენალმა” დაიწყო მოლაპარაკებები იტალიურ გუნდთან, გონსალო იგუაინის შესაძლო ტრანსფერის თაობაზე.
წყაროს თანახმად, ლონდონელები მზად არიან არგენტინელ შემტევში 40 მილიონი გადაიხადონ, ხოლო ფეხბურთელს წელიწადში 6 მილიონი დაუნიშნონ, ჯამაგირის სახით. რაც შეეხება, “ნაპოლის” ისინი 27 წლის თავდამსმხელში ათი მილიონით მეტს ითხოვენ.
გასულ სეზონში, არგენტინელმა სერია ა-ში 37 მატჩი ჩაატარა, სადაც 18-ჯერ გაიტანა.
ბოლო დროს გერმანულ პრესაში თავდამსხმელ ლუკას პოდოლსკის ბრემენის „ვერდერში“ გადასვლასთან დაკავშირებით საუბრები გავრცელდა. ამის შესახებ ბრემენული კლუბის გენერალურმა მენეჯერმა ტომას აიხინმა ისაუბრა. მისი თქმით, პოდოლსკის ტრანსფერს მისი კლუბი ფეხბურთელის მაღალი ფასის გამო ვერ შეათანხმებს.
„ის ჩინებული მოთამაშეა, თუმცა მის ტრანსფერზე არც კი ვფიქრობთ. ჩვენთვის ეს საკმაოდ ძვირი სიამოვნებაა“, – განაცხადა აიხინმა.
შეგახსენებთ, რომ „არსენალის“ ფორვარდმა განვლილი სეზონის მეორე ნახევარი იჯარით „ინტერში“ ჩაატარა.
Gazzetta dello Sport-ის ცნობით, ლონდონის “არსენალი” “ნაპოლიდან” გონსალო იგუაინის გადაბირებას აპირებს და იტალიურ კლუბს მის სანაცვლოდ 50 მილიონი ევროც შესთავაზა.
თავად იგუაინი კი, რომლის კონტრაქტი “ნაპოლისთან” 2018 წლის ზაფხულამდეა გათვლილი, წარუმატებელი სეზონით უკმაყოფილოა და იტალიიდან წასვლაზე ფიქრობს.
უახლოეს მომავალში გონსალოს ძმა, რომელიც მისი აგენტია, “ნაპოლის” პრეზიდენს შეხვდება და ფოვარდის მომავალს განიხილავს.
სერია ა-ს დასრულებულ სეზონში იგუაინმა 37 შეხვედრაში მიიღო მონაწილეობა და 18 გოლი გაიტანა.
“ჩელსის” მეკარე ზაფხულში გუნდს შეიცვლის.
შეგახსენებთ, რომ გასულ ზაფხულში ლონდონური გუნდის პირველი მეკარე ტიბო კურტუა გახდა, ჩეხს სკამზე დაჯდომა მოუწია, რასაც პიტერი არ ეგუება.
Goal.com-ისთვის ცნობილი გახდა, რომ 33 წლის მეკარე ახალ გუნდს ეძებს და მოსალოდნელია, რომ სულ მალე გამოცდილმა კარის დარაჯმა მოლაპარაკებები “არსენალთან” დაიწყოს.
ადრე იყო ჭორები, რომ პიტერ ჩეხით “პსჟ”, “მანჩესტერი” და “ბეშიქტაში” ინტერესდებოდა.
30 მაისს, ინგლისის ასოციაციის თასის ფინალში “არსენალმა” “ასტონ ვილა” ანგარიშით 4:0 დაამარცხა.
მატჩის 50-ე წუთზე, ალექსის სანჩესმა ულამაზესი გოლი გაიტანა.
ინგლისის ფეხბურთის ასოციაციის თასის ფინალში ლონდონის “არსენალი” “უემბლიზე” ბირმინგემის “ასტონ ვილას” დაუპირისპირდა და მეტოქე ანგარიშით 4:0 დაამარცხა.
ანგარიში მატჩის მე-40 წუთზე თეო უოლკოტმა გახსნა, როცა მის მიერვე წამოწყებული შეტევა დააგვირგვინა. 50-ე წუთზე ალექსის სანჩესმა შორეული დარტყმით ბურთს საოცარი ტრაექტორია მისცა და საკმაოდ ლამაზი გოლიც გამოუვიდა. მეორე გაშვებულმა ბურთმა “ასტონ ვილას” საბოლოოდ გადაუწურა თასის მოგების იმედი. ამის შემდეგ ტიმ შერვუდის გუნდი უკვე ინერციით თამაშობდა. 62-ე წუთზე ტანმაღალმა მცველმა პერ მერტეაზაკერმა კუთხურიდან მოწოდებულ ბურთს თავი დაუხვედრა და ანგარიში გამანადგურებელი გახდა – 3:0. მსაჯის მიერ კომპენსირებულ დროში გატანილი გოლით შეცვლაზე შემოსულმა ოლივიე ჟირუმაც გამოიჩინა თავი – 4:0.
“არსენალმა” ასოციაციის თასი ისტორიაში მე-12-ედ მოიგო, რაც სარეკორდო მაჩვენებელია. პირადად არსენ ვენგერმა ეს ტიტული მეხუთედ დაისაკუთრა. აღსანიშნავია ისიც, რომ ლიგის თასის ფინალში “არსენალის” გამარჯვების შემდეგ გაირკვა, რომ უეფას ევროპის ლიგის მომდევნო გათამაშებაში “ლივერპული” ტურნირს ჯგუფური ეტაპიდან, “საუთჰემპტონი” კი მესამე საკვალიფიკაციო ეტაპიდან შეუერთდება.
ასოციაციის თასის ფინალი:
“არსენალი” — “ასტონ ვილა” 4:0 (1:0)
გოლები: უოლკოტი 40′, სანჩესი 50′, მერტეზაკერი 62′, ჟირუ 90+3′.
გაფრთხილებები: კლევერლი 14′, ჰატონი 33′, დელფი 37′, ვესტვუდი 52′, აგბონლაჰორი 83′.
ლონდონის “არსენალის” ნახევარმცველი მესუთ იოზილი აცხადებს, რომ “მეთოფეების” ყველა გუნდს უნდა ეშინოდეს.
შეგახსენებთ, რომ 30 მაისს, ინგლისის ასოციაციის თასის ფინალში, “არსენალი” “ასტონ ვილას” დაუპირისპირდება.
“ფინალში ფავორიტად “არსენალს” მიიჩნევენ, მაგრამ ეს იმას არ ნიშნავს, რომ მატჩი აუცილებლად ჩვენი გამარჯვებით დასრულდება. ფეხბურთში ყველაფერი ხდება, ამიტომ თითოეულ მატჩში ბოლომდე ბრძოლაა საჭირო. მეტოქეებს ჩვენი გუნდის უნდა ეშინოდეთ. ვფიქრობ, რთული მატჩი გველის”, – ამბობს იოზილი.
ჩილელი ნახევარმცველი, სავარაუდოდ, ტურინში დარჩება.
ალექსის სანჩესის წარმატებული ტრანსფერის შემდეგ, არსენ ვენგერის მორიგი სამიზნე არტურო ვიდალია.
ჩემპიონთა ლიგის ფინალისტებს გუნდის ერთ-ერთი ლიდერის შენარჩუნება ნებისმიერ ფასად სურთ და არტუროს 2020 წლამდე საკმაოდ კარგ ხელშეკრულებას სთავაზობენ.
Tuttosport-ის ინფორმაციით, მათ ვისაც 27 წლის შემტევის დამატება სურთ, იტალიურ გუნდზე 40 მილიონის გადახდა მოუწევთ.
24 მაისს, ინგლისის პრემიერ ლიგაში “არსენალმა” საკუთარ მოედანზე “ვესტ ბრომვიჩი” მიიღო და მეტოქე ანგარიშით 4:1 დაამარცხა.
მატჩის მიმდინარეობისას, აარონ რემზიმ ბურთი ძელს გაარტყა, რის შემდეგაც კამერებმა არსენ ვენგერის რეაქცია დააფიქსირეს.
საფეხბურთო პორტალმა FTBPRO-მ დაასახელა ათი საუკეთესო გოლი, რომლებიც ფეხბურთელებმა თავიანთ ყოფილ გუნდებს გაუტანეს.
10. შონ რაით-ფილიფსი – “ჩელსი” (2013)
9. ადამ ჯონსონი – “მანჩესტერ სიტი” (2012)
8. დანი ველბეკი – “მანჩესტერ იუნაიტედი” (2015)
7. გლენ ჯონსონი – “ჩელსი” (2011)
6. დევიდ ბენტლი – “არსენალი” (2008)
5. რობინ ვან პერსი – “არსენალი” (2013)
4. კარლოს ტევესი – “მანჩესტერ იუნაიტედი” (2010)
3. კრიშტიანო რონალდუ – “მანჩესტერ იუნაიტედი” (2013)
2. ფრენკ ლამპარდი – “ჩელსი” (2014)
1. ემანუელ ადებაიორი – “არსენალი” (2009)
