Arsene Wenger – გვერდი 3 – Fanebi.Com – ფეხბურთი, კალათბურთი, რაგბი, სხვა

ვენგერი: “შოკში ჩავარდებით, როცა გაიგებთ, რამდენს გამოიმუშავებენ 18 წლის მოთამაშეები”

Posted on ივლისი 24, 2015ივლისი 24, 2015 by ბექა დოგრაშვილი

ლონდონის “არსენალის” მთავარმა მწვრთნელმა არსენ ვენგერმა ბოლო პერიოდში ახალგაზრდა ფეხბურთელების ხელფასების ზრდაზე ისაუბრა.

“საინტერესო იქნებოდა ინგლისის 18 წლამდე ფეხბურთელთა ნაკრების წევრების 20 წლის წინანდელი, 10 წლის წინანდელი და დღევანდელი ანაზღაურების შედარება. შემდეგ იგივე ანალიზი უნდა გავაკეთოთ ხუთი წლის განმავლობაში ინგლისის 16 წლამდე ნაკრების ფეხბურთელებთან მიმართებაში.

შოკში ჩავარდებით, როდესაც გაიგებთ, რამდენს გამოიმუშავებს 18 წლის ჩვეულებრივი მოთამაშე”, – ციტირებს ვენგერის სიტყვებს “სქაი სპორტსი”.

ვენგერი: “ჩელსი” ჩემპიონი გახდება”

Posted on აპრილი 27, 2015 by ბექა დოგრაშვილი

ინგლისის პრემიერლიგის 34-ე ტურის ცენტრალური მატჩი “ემირეითსზე” გაიმართა, სადაც ლონდონის “არსენალი” თანაქალაქელ “ჩელსისთან” უგოლოდ დაზავდა.
მატჩის შემდეგ “მეთოფეთა” მთავარმა მწვრთნელმა არსენ ვენგერმა დამაჯერებლად განაცხადა, რომ “ჩელსი” პრემიერლიგაში ლიდერობას აღარავის დაუთმობს.

“მატჩის პირველ ტაიმში კარგ ტემპში ვთამაშობდით, თუმცა რამდენჯერმე არაზუსტი გადაწყვეტილება მივიღეთ. შესვენების შემდეგ ცოტა შევნელდით, რითაც “ჩელსიმ” ისარგებლა. შეხვედრის ბოლოს კარგი მომენტი გვქონდა. სამწუხაროა, რომ ვერ გამოვიყენეთ.

დღეს ორივე გუნდმა კარგად დაიცვა თავი, თუმცა შეტევაში გვაკლდა რაღაც. ფაბრეგასის სიმულაციას რაც შეეხება, ამ მნიშვნელოვან მატჩში გასამარჯვებლად ასეთი საქციელი არ არის საჭირო. “ჩელსი” ჩემპიონი გახდება. ჩვენ ეს გვესმის. ტიტულისთვის ბრძოლაში მას ვეღარავინ შეეცილება”, – ვენგერის სიტყვები BBC-მ გამოაქვეყნა.

ვენგერს სატრანსფეროდ 50 მლნ ფუნტს გამოუყოფენ

Posted on თებერვალი 28, 2015თებერვალი 28, 2015 by ბექა დოგრაშვილი

ლონდონის “არსენალის” მთავარ მწვრთნელ არსენ ვენგერს ზაფხულის სატრანსფერო პერიოდისთვის 50 მილიონ ფუნტს გამოუყოფენ.

“მეთოფეები” ცენტრალური ნახევარმცველის დამატებას აპირებენ. “არსენალი” მთავარ სატრანსფერო მიზნად “საუთჰემპტონის” ნახევარმცველ მორგან შნეიდერლინისა და ლევერკუზენის “ბაიერის” შუახაზელ ლარს ბენდერის ვარიანტებს განიხილავს.

გარდა ამისა, ვენგერმა შესაძლოა მცველი და მეკარეც დაიმატოს.

ვენგერი: “მონაკოსთან” მარცხში ინდივიდუალურად დამნაშავე არავინაა”

Posted on თებერვალი 27, 2015თებერვალი 27, 2015 by ბექა დოგრაშვილი

როგორც მოგეხსენებათ, უეფას ჩემპიონთა ლიგის მერვედფინალურ ეტაპზე ლონდონის “არსენალი” შინ “მონაკოსთან” ანგარიშით 1:3 დამარცხდა და მომდევნო სტადიაზე გასვლის შანსი საგრძნობლად შეიმცირა. “მონაკოს” ბარიერის ძლევის აღარც გუნდის მთავარ მწვრთნელ არსენ ვენგერს არ სჯერა.

“წელიწადში 55 მატჩის ჩატარება გვიხდება და არასასიამოვნო რამ მოხდა. გვინდა, რომ სეზონი მაჟორულ ნოტზე დავასრულოთ. გუნდისგან პრემიერლიგაში დადებით შედეგს ველი. ჩვენ ყველაფერი გვაქვს იმისთვის, რომ პირველ სამეულში ადგილი დავიკავოთ.

ჩვენ ძალისხმევა არ დავიშურეთ “ბეშიქთაშთან” დაპირისპირებისას, რომ ჩემპიონთა ლიგის ჯგუფში მოვხვედრილიყავით. ყველაზე ცუდი ის არის, რომ ტურნირის მერვედფინალიდან ბოლო ოთხი წლის განმავლობაში ზედიზედ მეოთხედ გამოვარდით. მარცხში ინდივიდუალურად დამნაშავე არავინაა. იმ საღამოს ყველაფერი ჩვენ წინააღმდეგ წარიმართა. მომენტების გამოუყენებლობა მარცხის ერთ-ერთი მიზეზია”, – ვენგერის სიტყვები უფეას ოფიციალურ ვებგვერდზე გამოქვეყნდა.

ვენგერი: “ფსიქოლოგიურად მზად არ ვიყავით”

Posted on თებერვალი 26, 2015თებერვალი 26, 2015 by ბექა დოგრაშვილი

უეფას ჩემპიონთა ლიგის მერვედფინალურ ეტაპზე ლონდონის “არსენალსა” და “მონაკოს” შორის გამართული მატჩი სტუმრების გამარჯვებით, ანგარიშით 1:3 დასრულდა. მატჩი “მეთოფეთა” მთავარმა მწვრთნელმა არსენ ვენგერმა შეაჯამა.

“ჩვენი თამაში ვერ ვაჩვენეთ. პირველი გაშვებული გოლის შემდეგ ზედმეტად გავიხსენით. მესამე გაშვებულმა გოლმა რთული ამოცანის წინაშე დაგვაყენა. მაქვს გრძნობა, რომ ნერვებმა გვიმტყუნა და მოედანზე რაციონალური გადაწყვეტილებების მიღების უნარი წაგვერთვა. ფეხბურთელები თამაშობდნენ გულით და არა – გონებით, რამაც შედეგი ვერ მოგვიტანა. ჩვენ ფსიქოლოგიურად არ ვიყავით მზად და ამისთვის დავისაჯეთ. პირველ 20 წუთში შეგვეძლო გამარჯვება, თუმცა “მონაკო” ფსიქოლოგიურად ძლიერი აღმოჩნდა. მომენტები გავანიავეთ. შეხედეთ გაფუჭებული ეპიზოდების რაოდენობას. ასეთი რამ არ შეიძლება. თამაშის შედეგი ფურცელზე არ წყდება. ყველაფერი იმაზეა დამოკიდებული, თუ როგორ იმოქმედებს გუნდი მოედანზე. “მონაკომ” თავი კარგად წარმოაჩინა, ჩვენ კი ეს ვერ შევძელით. ჟირუმ ბევრი მომენტი გააფუჭა, დღეს მას საუკეთესო მატჩი ნამდვილად არ ჩაუტარებია”, – ვენგერის სიტყვები BBC-მ გამოაქვეყნა.

შეგახსენებთ, რომ “მონაკოსა” და “არსენალს” შორის განმეორებითი მატჩი 17 მარტს გაიმართება.

რემსის ტრავმა სერიოზული არ არის

Posted on თებერვალი 14, 2015 by ბექა დოგრაშვილი

ლონდონის “არსენალის” მთავარმა მწვრთნელმა არსენ ვენგერმა განაცხადა, რომ აარონ რემსის ტრავმა სერიოზული არ არის და უელსელი ფეხბურთელი მოედანზე დაბრუნებას ორ კვირაში შეძლებს. მანამდე ვრცელდებოდა ინფორმაცია, რომ უელსელ ფეხბურთელს ლაზარეთში ყოფნა მარტამდე მოუწევდა.

“ტრავმა სერიოზული არ არის. ფეხბურთელები ასე ხშირად ზიანდებიან. აარონი სერიოზული ბიჭია, მუყაითად შრომობს. აშკარა მიზეზი არ არის, რატომ უნდა დაეშავა მას კუნთები” , – ციტირებს ვენგერის სიტყვებს BBC.

დებიუში სამ თვეს გამოტოვებს

Posted on იანვარი 15, 2015 by ბექა დოგრაშვილი

ლონდონის “არსენალის” მარჯვენაფლანგელი მცველი მატიე დებიუში დაახლოებით სამ თვეს გამოტოვებს.

“მეთოფეთა” ფრანგმა ფეხბურთელმა “სტოკ სიტის” წინაარმდეგ გამართულ მატჩში მხარი დაიზიანა და ოპერაციის გადატანა მოუწევს.

დებიუშის ტრავმის შესახებ “არსენალის” მთავარმა მწვრთნელმა არსენ ვენგერმა ისაუბრა.

“მატიეს არ უმართლებს. ეს უბრალოდ წარმოუდგენელია – ამ სეზონში მას მეორედ მოუწევს ოპერაციის გაკეთება. ახალი დაბრუნებული იყო, მხოლოდ შვიდი მატჩი ჰქონდა ჩატარებული და ისევ დაიმტვრა. ვფიქრობ, ის სამი თვის განმავლობაში ვერ დაგვეხმარება, რადგან როდესაც მხარი ასეთ მდგომარეობაში გაქვს, მეტოქესთან ორთაბრძოლაში ვერ შეხვალ”, – ციტირებს ვენგერის სიტყვებს Offthepost-ი.

ვენგერის საიუბილეო გამარჯვება

Posted on დეკემბერი 27, 2014 by ბექა დოგრაშვილი

ინგლისის პრემიერლიგის XVIII ტურში ლონდონის “არსენალმა” თანაქალაქელი “ქუინს პარკ რეინჯერსი” ანგარიშით 2:1 დაამარცხა.

ეს გამარჯვება არსენ ვენგერისთვის საიუბილეოა: მისთვის “მეთოფეთა” თავკაცის პოსტზე ეს პრემიერლიგაში მე-400 და ყველა ჩემპიონატზე ერთად მოგებული მე-600 შეხვედრა გახლავთ. შეგახსენებთ, რომ ფეხბურთის ფრანგი სპეციალისტი “არსენალის” მთავარი მწვრთნელის პოსტზე 1996 წლიდან მუშაობს.

XVIII ტურის შემდეგ ვენგერის გუნდს სატურნირო ცხრილში 30 ქულით მეექვსე ადგილი აქვს დაკავებული.

როგორ ეწეოდა არსენ ვენგერი მატჩის მიმდინარეობის დროს სიგარეტს

Posted on დეკემბერი 16, 2014დეკემბერი 15, 2014 by ბექა დოგრაშვილი

როგორც მოგეხსენებათ, ჩემპიონთა ლიგის 2014/15 წლების გათამაშების მერვედფინალური ეტაპის წილისყრამ ლონდონის “არსენალს” მეტოქედ არსენ ვენგერის ყოფილი კლუბი “მონაკო” არგუნა. ინტერნეტსივრცეში გავრცელდა რამდენიმე წლის წინათ გადაღებული ვიდეო, რომელიც გვიჩვენებს, რომ “მონაკოს” იმდროინდელი თავკაცი არსენ ვენგერი მატჩის მიმდინარეობის დროს სიგარეტს ეწეოდა.

ვენგერი: “ალექსის სანჩესი საოცრად მალე მოერგო გუნდს”

Posted on დეკემბერი 4, 2014დეკემბერი 4, 2014 by ბექა დოგრაშვილი

ინგლისის პრემიერლიგის XIV ტურში ლონდონის “არსენალმა” სატურნირო ცხრილში მესამე ადგილზე მყოფი “საუთჰემპტონი” მიიღო და 89-ე წუთზე ალექსის სანჩესის მიერ გატანილი კინკილა გოლის წყალობით ანგარიშით 1:0 დაამარცხა.

მატჩის შემდეგ “მეთოფეთა” მთავარმა მწვრთნელმა არსენ ვენგერმა ჩილელი თავდამსხმელის მიმართ საქებარი სიტყვები არ დაიშურა.

“რთულია, ფეხბურთელის მოძებნა, რომელიც გუნდს ასე სწრაფად მორგებოდა. ალექსის სანჩესს გუნდში განსაკუთრებული გავლენა აქვს”, – აღნიშნა ვენგერმა.

შეგახსენებთ, რომ ალექსის სანჩესს პრემიერლიგის მიმდინარე გათამაშებაში ჩატარებულ 13 მატჩი ცხრა გოლი აქვს გატანილი.

“არსენალს” აქტივში 23 ქულა მოუგროვდა და მეექვსე პოზიციაზე გადანაცვლა. “საუთჰემპტონს” 26 ქულა აქვს და როგორც მოგახსენეთ, მესამე ადგილი უკავია.

“არსენალის” ხელმძღვანელობას ვენგერთან პრეტენზიები აქვს

Posted on ნოემბერი 25, 2014 by ბექა დოგრაშვილი

ლონდონის “არსენალის” ბოლოდროინდელ წარუმატებლობასთან დაკავშირებით კლუბის აღმასრულებელი დირექტორი ივან გაზიდისი მთავარ მწვრთნელ არსენ ვენგერს შეხვდა.

კლუბის ხელმძღვანელობა უკმაყოფილოა იმით, რომ ინგლისის პრემიერლიგის ბოლო სამი მატჩიდან “მეთოფეებმა” ვერცერთი ვერ დაასრულეს გამარჯვებით. მთავარი პრეტენზია “ანდერლეხტის” წინააღმდეგ გამართულ მატჩს უკავშირდება, რომელსაც “არსენალი” ანგარიშით 3:0 იგებდა, თუმცა საბოლოოდ, შეხვედრა 3:3 დასრულდა. კლუბის ხელმძღვანელობა უკმაყოფილოა “მანჩესტერ იუნაიტედთან” დაფიქსირებული შედეგითაც. შეგახსენებთ, რომ პრემიერლიგის XII ტურში “არსენალი” შინ “წითელ ეშმაკებთან” ანგარიშით 1:2 დამარცხდა.

ვენგერი: “რონალდუს შედეგიანობა მესიზე უარყოფით გავლენას ახდენს”

Posted on ნოემბერი 17, 2014ნოემბერი 17, 2014 by ბექა დოგრაშვილი

ლონდონის “არსენალის” მთავარმა მწვრთნელმა არსენ ვენგერმა კრიშტიანუ რონალდუსა და ლიონელ მესის შორის დამოკიდებულებაზე ისაუბრა. ფეხბურთის ფრანგი სპეციალისტი ამბობს, რომ რონალდუს შედეგიანობა “ბარსელონას” ლიდერის ფსიქოლოგიურ მდგომარეობაზე უარყოფითად მოქმედებს.

“როცა მესი ხედავს, რომ რონალდუ მასზე მეტ გოლს იტანს, ეს არგენტინელის ფსიქოლოგიურ განწყობილებაზე მოქმედებს. ლეოს ფლანგზე ათამაშებენ და ასე მას არ შეუიძლია სტატისტიკის გამოსწორება. გუნდის საუკეთესო ფეხბურთელს დიდი ავტორიტეტი უნდა ჰქონდეს. თუ მასსა და მწვრთნელს შორის კარგი ურთიერთობაა, მესის შეუძლია გუნდის თავკაცის სამუშაოს გაუმჯობესება. თუ ლეო ამ სათამაშო პოზიციაზე შესაძლებლობებს სრულად ვერ ავლენს, შესაძლოა, ამან მთლიანი “ბარსელონა” დაასუსტოს”, – ციტირებს ვენგერის სიტყვებს Goal.com-ი.

მიმდინარე სეზონში კრიშტიანუ რონალდუს 25 გოლი აქვს გატანილი, მესის აქტივში კი 11 გატანილი ბურთია.