სულ ცოტა ხნის წინ გაირკვა იმ სამი ფეხბურთელის ვინაობა, რომლებიც წელს ევროპის საუკეთესო ფეხბურთელის ჯილდოსთვის იბრძოლებენ.
რაც არ უნდა გასაკვირი იყოს, ამ სიაში არ არის არგენტინელი სუპერვარსკვლავი, ლიონელ მესი, რომელმაც “კოპა ამერიკა” ვერ მოიგო, მაგრამ “ბარსას” შემადგენლობაში “პრიმერა დივიზიონისა” და “კოპა დელ რეის” თასების მოპოვება მოახერხა.
სამეული კი ასე გამოიყურება: კრიშტიანუ რონალდუ, გარეთ ბელი და ანტუან გრიზმანი.
მადრიდის “ატლეტიკოს” ფრანგი ახალწვეული, კევინ გამეირო დარწმუნებულია, რომ მის ახალ თანაგუნდელ ანტუან გრიზმანთან ერთად ძალიან ბევრ გოლს გაიტანს მომავალ სეზონში.
“გრიზმანი დიდებული ფრანგი ფეხბურთელია, როგორც მე და დარწმუნებული ვარ, რომ ჩვენ, ერთად ძალიან ბევრ გოლს გავიტანთ.
მაგრამ, ის ჯერაც არ შემხმიანებია. ალბათ, ჯერ კიდევ ისვენებს.
ძალიან ბედნიერი ვარ აქ გადმოსვლით და იმით, რომ ისეთ დიდ კლუბში მომიწევს თამაში, როგორიც “ატლეტიკოა”.
სიმეონეს ტელეფონის საშუალებით ვესაუბრე. მან მითხრა, რომ ძალიან გაუხარდა ჩემი ტრანსფერი და რომ წინ დიდებული სეზონი გველის.”
ზაფხულის სატრანსფერო ფანჯრის დახურვამდე სულ რაღაც ერთი თვეა დარჩენილი. “სანტიაგო ბერნაბეუზე” კი კვლავ სიჩუმე სუფევს. ამ დროისთვის, კლუბმა მხოლოდ ერთი ფეხბურთელი დაიმატა, მაშინ, როდესაც მისი მოსისხლე მტრები გუნდებს სერიოზულად აძლირებენ. რატომ არ აქტიურობს “სანტიაგო ბერნაბეუ”?
სანამ “ბარსელონას” ორფანჯრიანი სატრანსფერო დისკვალიფიკაცია გააქტიურდებოდა, “ბარსამ” საკმაოდ დიდი ტრანსფერები განახორციელა (2014 წელს). კატალონიურმა კლუბმა 166 მილიონი ევრო დახარჯა ისეთი ფეხბურთელების შესაძენად, როგორებიც იყვნენ: ლუის სუარესი, ივან რაკიტიჩი, კლაუდიო ბრავო, მარკ-ანდრე ტერ შტეგენი და ჟერემი მატიე. შედეგად, “ბლაუგრანამ” მიიღო ბრწყინვალე სეზონი, რომელშიც კლუბმა ტრიპლეტი მოიპოვა (2014-15).
დაახლოებით ასეთი რამ იყო მოსალოდნელი მადრიდშიც. თუმცა, ამ დროისთვის სიტუაცია სრულიად განსხვავებულია. “რეალმა” მხოლოდ ალვარო მორატა დაიმატა, რომელიც “იუვენტუსში” ასპარეზობდა.
რაფა ბენიტესის ტურბოლენტური პერიოდის დროს, შეუიარაღებელი თვალითაც ჩანდა, რომ “რეალს” ცვლილებები ესაჭიროებოდა. მაგრამ, ზინედინ ზიდანმა იგივე გუნდით ჩემპიონთა ლიგის მოგება და “ბარსასთან” სხვაობის ერთ ქულამდე შემცირება მოახერხა. გამომდინარე აქიდან, ფრანგ სპეციალისტს მიაჩნია, რომ გუნდში ცვლილებების საჭიროება არ არსებობს.
წინა ზაფხულთან შედარებით, “რეალი” აღარ ცდილობს დავიდ დე ხეას გადაბირებას – ზიდანი კმაყოფილია ისევე როგორც კეილორ ნავასით, ასევე კიკო კასილიათი. ფრანგმა ისიც ცხადყო, რომ ხამეს როდრიგესი კლუბიდან არ წავიდოდა. ხამესის დარჩენამ კი “რეალს” ანდრე გომეშის გადაბირების სურვილიც გაუქრო (სურვილის ქონის შემთხვევაშიც, პორტუგალიელი მაინც “ბარსელონაში” გადავიდოდა).
იგივე სიტუაციაა რაფაელ ვარანისა და ნაჩოს შემთხვევაშიც. კლუბი – კერძოდ კი ზიდანი – მათ დატოვებას აპირებს. კლუბი გაძლიერდება ფაბიო კოენტრაუთითაც, რომელიც მარსელოს დამხმარე იქნება. პორტუგალიელი უკვე დაუბრუნდა გუნდს. მიუხედავად იმისა, რომ კოენტრაუ მის ფასს (30 მილიონი ევრო) ვერასდროს ვერ ამართლებდა, ზიდანს მასზე დაყრდნობის საშუალება მაინც აქვს.
“რეალი” ზაფხულში რამოდენიმე ისეთ ფეხბურთელთანაც დააკავშირეს, როგორებიც არიან: მარკო ვერატი, დავიდ ალაბა და რობერტ ლევანდოვსკი. მაგრამ, სამივე მათგანმა გააფორმა ახალი კონტრაქტი თავიანთ კლუბთან (ან ძალიან ახლოს არიან) და მათი ტრანსფერიც გამოირიცხა.
არის კიდევ ერთი ფეხბურთელი – პოლ პოგბა. ფრანგი ნახევარმცველი, რომელიც კლუბის გამოცვლას აპირებს. მას შემდეგ, რაც “იუვენტუსმა” გონსალო იგუაინი გადაიბირა 90 მილიონ ევროდ, პოგბას წასვლის შანსი კიდევ უფრო გაიზარდ. მართალია, მადრიდელები პოლ პოგბას გადაბირებას ცდილობენ, მაგრამ ფაქტია, რომ კლუბს უკვე ჰყავს საკმარისი რაოდენობის ნახევარმცველები. “მანჩესტერ იუნაიტედი” კი მზადაა ფრანგის სანაცვლოდ 100 მილიონი ევრო გადაიხადოს.
როდესაც ზინედინ ზიდანს პოგბას გადაბირების შესაძლებლობაზე ჰკითხეს, მან განაცხადა: “ამ საკითხზე ჯერ კიდევ ვმუშაობთ. არაფრის თქმა არ შემიძლია. დღეს, ის “იუვენტუსის” ფეხბურთელია. არ შეგვიძლია იმაზე საუბარი, თუ რა მოხდება მომავალში.”
გარდა ამის, მადრიდელებს კაზემიროს მსგავსი ფეხბურთელის მოყვანაც სჭირდებათ. თუმცა, როგორც ჩანს, დღეს ასეთი ფეხბურთელი ბევრი არ არის – ნ’გოლო კანტემ “რეალში” გადასვლას კარიერის “სტემფორდ ბრიჯზე” გაგრძელება ამჯობინა. გრეგორჟ კრიხოვიაკი “პარის სენ-ჟერმენში” გადავიდა. ბლაიზე მატუიდი კი ფრანგული გრანდის დატოვებას არ აპირებს, მიუხედავად იმ ჭორებისა, რომლებიც ბოლო დროს ვრცელდება. რაც შეეხება, ფრანგ მუსა სისოკოს, ვერ ვიტყვით, რომ ის დაცვითი ტიპის ნახევარმცველია.
“ბარსამ” უკვე დახარჯა დაახლოებით 100 მილიონი ევრო. კატალონიელებმა კლუბში ფრანგი მცველები: სამუელ უმტიტი და ლუკას დინიე მოიყვანეს. გუნდმა დაიმატა დენის სუარესი და ანდრე გომეშიც და ეს დასასრული ჯერ კიდევ არ არის – კლუბის ხელმძღვანელები თავდამსხმელის დამატებასაც აპირებენ.
მსგავსად “ბლანკოსისა”, ამ სატრანსფერო ფანჯრის შემდეგ, “ატლეტიკოსაც” გაუაქტიურდება დისკვალიფიკაცია. დიეგო სიმეონეს გუნდის დასაკომპლექტებლად, კლუბის ხელმძღვანელობამ დიდი სამუშაო გასწია – ახალი კონტრაქტები გაუფორმეს საულ ნიგესს, ტიაგოს, ფერნანდო ტორესსა და ანტუან გრიზმანს (უახლოეს მომავალში კონტრაქტი გაბიმაც უნდა გაახანგრძლივოს). ამასთანავე, “როხიბლანკომ” დაახლოებით 50 მილიონი ჩადო ნიკო გაიტანის, სიმე ვრსალკოს, დიოგო იოტასა და აქსელ ვერნერის ტრანსფერებში. რამოდენიმე დღეში კი კლუბი ფორვარდსაც დაიმატებს (სავარაუდოდ ეს “სევილიას” კევინ გამეირო იქნება).
სწორად იქცევა “ბლანკოსი”? ამასაც დრო გვიჩვენებს …
დიეგო სიმეონემ ანტუან გრიზმანს დასასვენებლად დრო მისცა და გადაწყვიტა, რომ ავსტრალიურ ტურში არ წაეყვანა. მიუხედავად ამისა, არგენტინელი სპეციალისტის მიერ გამოძახებული გუნდი მაინც ერთ-ერთი უძლიერესია ამ ტურნირზე.
ჩოლო სიმეონეს 24-კაციან განაცხადში მოხვდნენ ფერნანდო ტორესი, გაბი, დიეგო გოდინი და იან ობლაკი. გუნდის ყველაზე დიდი დანაკლისი კი ანტუან გრიზმანი და კოკე გახლავთ. “როხიბლანკოს” შემადგენლობა გაცილებით უფრო ძლიერად გამოიყურება, ვიდრე მათი მეტოქეების “ტოტენჰემისა” და “იუვენტუსის”.
“ატლეტი”, რომელმაც ესპანეთი სამშაბათს დატოვა, პირველ მატჩს პარასკევს, “ტოტენჰემის” წინააღმდეგ გამართავს.
“ატლეტიკო მადრიდის” განაცხადი გინესის თასისათვის:
მეკარეები: ობლაკი, კარლოს მარინი, ბერნაბე
მცველები: გოდინი, ფილიპე, სავიჩი, ლუკასი, ვრსალკო, ტეო, მანკილო, ტეო, ველასკესი
ნახევარმცველი: ტიაგო, საული, ოლივერი, გაბი, ტომასი, იოტა, ამატი, ხუან მორენო, მენსაჰი
თავდამსხმელები: ტორესი, ბორე, ჰექტორი
ამ დროისათვის, თამამად შეგვიძლია ვთქვათ, რომ ზაფხულის სატრანსფერო ფანჯარა საკმაოდ აქტიური გამოდგა. პრემიერ ლიგის, ბუნდესლიგის, სერია ა-ს, ლა ლიგისა და ლიგა 1-ის კლუბების დანახარჯმა უკვე 1.1 მილიარდიანი ნიშნულიც გადალახა.
ყველაზე მეტი ინგლისურმა კლუბებმა დახარჯეს – ჟოზეს “მანჩესტერმა” და იურგენ კლოპის “ლივერპულმა” უკვე დახარჯეს 80-80 მილიონი. ლონდონურმა “არსენალმა” კი 45 მილიონი ევრო დახარჯა, მისი უმეტესი ნაწილი კი “გლადბახს” გადაუხადეს ჯაკას სანაცვლოდ.
შესაძლოა, “ბორუსია დორტმუნდმა” რამოდენიმე საკვანძო ფეხბურთელი დაკარგა, მაგრამ ამ დანაკარგზე მათი რეაქცია დადებითად შეიძლება შევაფასოთ. კლუბმა 113 მილიონი ევრო გაიღო, რათა დაებრუნებინა მარიო გიოტცე და დაემატებინა ისეთი ფეხბურთელები, როგორებიც არიან: ანდრე შურლე, მიკელ მერინო და მარკ ბარტრა.
ყველაზე ძვირადღირებული ტრანსფერები გერმანიაში მაინც “ბაიერნის” ანგარიშზეა, რამეთუ რენატო სანჩესისა და მატს ჰუმელსის გადაბირება “რეკორდმაისტერს” 35 და 38 მილიონი ევრო დაუჯდა.
იტალიაში ამ კუთხით, “იუვენტუსი” დომინირებს. “ბებერმა ქალბატონის” ბანკიდან 90 მილიონი ევრო გავიდა გონსალო იგუაინის დასამატებლად. რასაც ემატება მირალემ პიანეჩისთვის გადახდილი 32 მილიონი ევრო.
“რეალმა” უკვე დახარჯა 30 მილიონი ევრო, რათა მათი აღზრდილი, ალვარო მორატა დაებრუნებინა “იუვენტუსიდან”. “ბარსელონა” კი გაცილებით უფრო აქტიური იყო – “ბლაუგრანამ” 75 მილიონი გადაიხადა ტრანსფერებში. “ატლეტიკო მადრიდმა” ზაფხულში 4 ფეხბურთელი დაიმატა, რაც 49 მილიონ ევროდ მოახერხა.
აღსანიშნავია, რომ ინგლისის ჩემფიონშიპის “ნიუკასლმაც” საკმაოდ ბევრი დახარჯა მიმდინარე სატრანსფერო ფანჯარაზე – რაფა ბენიტესის გეგმების ღირებულებამ 40 მილიონი ევრო შეადგინა – რაც მეტია ლა ლიგის 15 გუნდის მაჩვენებელზე.
მადრიდის “ატლეტიკოს” ესპანელი ფორვარდი, ფერნანდო ტორესი მაურისიო პოჩეტინოს მიერ “ტოტენჰემში” გატარებულ რეფორმებს დადებითად აფასებს და თვლის, რომ ეს გუნდი მომავალში აუცილებლად გახდება ინგლისის ჩემპიონი.
“გასაოცარი კლუბია, გასაოცარი ფანებით. როდესაც ინგლისში ვთამაშობდი, “უაით ჰართ ლეინზე” ჩასვლა და მათ წინააღმდეგ თამაში ყოველთვის განსაკუთრებულად მიმაჩნდა.
პოჩეტინო გუნდში დიდებულ საქმეს აკეთებს. ასეთი ნიჭიერი ახალგაზრდების გამოცდილ ფეხბურთელებთან შერევას შედეგი აშკარად აქვს.
ისინი შესანიშნავად აკეთებენ თავიანთ საქმეს. გასულ სეზონში, ისინი ძალიან ახლოს იყვნენ პრემიერ ლიგის მოგებასთან. ისინი სწორ გზას ადგანან. დარწმუნებული ვარ, რომ მომავალში ისინი მაინც გახდებიან ჩემპიონები.”
მადრიდის “ატლეტიკოს” მცდელობა, დიეგო კოშტას დაბრუნებისა სრული კრახით დამთავრდა. გამომდინარე აქიდან, მადრიდელები “ლივერპულის” ბელგიელ თავდამსხმელზე გადაერთნენ. ამ ინფორმაციას Bleacher Report ავრცელებს.
როგორც გაირკვა, დიეგო სიმეონეს სიაში, რომლის სათავეშიც ესპანელი დიეგო კოშტა იდგა, ორიჯის გარდა კიდევ რამოდენიმე ფორვარდია მოხსენიებული, თუმცა მათგან ყველაზე მეტად “როხიბლანკოს” სათამაშო სტილს სწორედ ბელგიელი ერგება.
თუმცა, “ლივერპულელთა” თავკაცი, იურგენ კლოპი ორიჯის ადვილად გაშვებას არ აპირებს. 21 წლის ფეხბურთელი მხოლოდ იმ შემთხვევაში დატოვებს “ენფილდს”, თუ ჩემპიონთა ლიგის ფინალისტები საკმაოდ დიდ თანხას ჩამოვლენ მის სანაცვლოდ.
როგორც იცით, უკვე კარგა ხანია, რაც ზაფხულის სატრანსფერო ფანჯარა გაიხსნა. გუნდების უმეტესობამ უკვე განახორციელა დაგეგმილი ტრანსფერები.
“ბარსელონა” (-36,75 მილიონი ევრო)
კლუბში მოვიდა: სამუელ უმტიტი (“ლიონი”, 25 მილიონი ევრო), ლუკას დინიე (“პსჟ”, 16,5 მილიონი ევრო), დენის სუარესი (“ვილიარეალი”, 3,25 მილიონი ევრო).
დაიხარჯა: 44,75 მილიონი ევრო.
კლუბიდან წავიდა: მარკ ბარტრა (“ბორუსია დორტმუნდი”, 8 მილიონი ევრო), დანი ალვეში (“იუვენტუსი”, უფასო) და სანდრო რამირესი (“მალაგა”, უფასო).
მიიღეს: 8 მილიონი ევრო.
“რეალი” (-20,5 მილიონი ევრო)
კლუბში მოვიდა: ალვარო მორატა (“იუვენტუსი”, 30 მილიონი ევრო).
დაიხარჯა: 30 მილიონი ევრო.
კლუბიდან წავიდა: დენის ჩერიშევი (“ვილიარეალი”, 7 მილიონი ევრო), ალვარო მედრანი (“ვალენსია”, 1.5 მილიონი ევრო), ომარ მასკარელი (“აინტრახტი”, 1 მილიონი ევრო), ბურგუი (“ხიხონის სპორტინგი, არენდა), დიეგო ლორენტე (“მალაგა”, არენდა), ხესუს ვალეხო (“აინტრახტი”, არენდა), ალვარო არბელოა (კლუბი უცნობია, უფასო).
მიიღეს: 9,5 მილიონი ევრო.
“ატლეტიკო მადრიდი” (-41,7 მილიონი ევრო)
კლუბში მოვიდა: ნიკო გაიტანი (“ბენფიკა”, 25 მილიონი ევრო), სიმე ვრსალკო (“სასუოლო”, 16 მილიონი ევრო), დიეგო იოტა (“პასკოს ფერეირა”, 7.20 მილიონი ევრო) და ფერნანდო ტორესი (“მილანი”, უფასო).
დაიხარჯა: 48.2 მილიონი ევრო.
კლუბიდან წავიდა: ლეო ბაპტისტაო (“ესპანიოლი”, 3.5 მილიონი ევრო), ჯოშუა გილავოგი (“ვოლფსბურგი”, 3 მილიონი ევრო), მატიას კრანევიტერი (“სევილია”, არენდა), ხესუს გამესი (“ნიუკასლი”, უცნობია) და ბონო (“ჟირონა”, უცნობია).
მიიღეს: 6.5 მილიონი ევრო.
“ვილიარეალი” (+ 34,25 მილიონი ევრო)
კლუბში მოვიდა: ალფრედ ნ’დიაე (“რეალ ბეტისი”, 8 მილიონი ევრო) და დენის ჩერიშევი (“რეალ მადრიდი”, 7 მილიონი ევრო)
დაიხარჯა: 15 მილიონი ევრო.
კლუბიდან წავიდა: ერიკ ბაილი (“მანჩესტერ იუნაიტედი”, 38 მილიონი ევრო), სამუ გარსია (“რუბინი”, 5 მილიონი ევრო), დენის სუარესი (“ბარსელონა”, 3.25 მილიონი ევრო), ტომას პინა (“ბიუგე”, 3 მილიონი ევრო), მოი გომესი (“ხიხონი”, უფასო) და მატიას ნაჰელი (“ბეტისი”, არენდა).
მიიღეს: 49,25 მილიონი ევრო.
“ატლეტიკ ბილბაო” ( 0 მილიონი ევრო)
კლუბში მოვიდა:
დაიხარჯა: 0 მილიონი ევრო.
კლუბიდან წავიდა: ერიკ მორანი (“სარაგოსა”, არენდა), კარლოს გურპეგი (კარიერა დაასრულა).
მიიღეს: 0 მილიონი ევრო.
“ვალენსია” ( -7.1 მილიონი ევრო)
კლუბში მოვიდა: ნანი (“ფენერბახჩე, 8.5 მილიონი ევრო) და ალვარო მედრანი (“რეალ მადრიდი”, 1.5 მილიონი ევრო).
დაიხარჯა: 10 მილიონი ევრო.
კლუბიდან წავიდა: პიატი (“ესპანიოლი”, არენდა), ბარაგანი (“მიდლსბრო”, 2.7 მილიონი ევრო), ფეგული (“ვესტ ჰემი”, უფასო) და იოელი (“ეიბარი”, არენდა).
მიიღეს: 2.9 მილიონი ევრო.
“სევილია” ( -7.1 მილიონი ევრო)
კლუბში მოვიდა: ფრანკო ვასკესი (“პალერმო”, 15 მილიონი ევრო), ჟოაკინ კორეა (“სამპდორია”, 13 მილიონი ევრო, განსო (“სან პაულო”, 10 მილიონი ევრო), ჰიროში კიოტაკე (“ჰანოვერ 96”, 6.5 მილიონი ევრო), პაბლო სარაბია (“ხეტაფე”, 1 მილიონი ევრო), მატიას კრანევიტერი (“ატლეტიკო”, არენდა).
დაიხარჯა: 45მილიონი ევრო.
კლუბიდან წავიდა: პიატი (“ესპანიოლი”, არენდა), ბარაგანი (“მიდლსბრო”, 2.7 მილიონი ევრო), ფეგული (“ვესტ ჰემი”, უფასო) და იოელი (“ეიბარი”, არენდა).
მიიღეს: 2.9 მილიონი ევრო.
“სევილია” ( -9.9 მილიონი ევრო)
კლუბში მოვიდა: ნანი (“ფენერბახჩე, 8.5 მილიონი ევრო) და ალვარო მედრანი (“რეალ მადრიდი”, 1.5 მილიონი ევრო).
დაიხარჯა: 10 მილიონი ევრო.
კლუბიდან წავიდა: კრიხოვიაკი (“პსჟ”, 33,6 მილიონი ევრო), დიოგო ფიგეირაში (“ოლიმპიაკოსი”, 1.5 მილიონი ევრო), ლუიზმი (“ვალიადოლიდი”, უფასო), რეიესი (“ესპანიოლი”, უფასო), ბანეგა (“ინტერი”, უფასო) და ბეტო (უცნობია, უფასო).
მიიღეს: 35.5 მილიონი ევრო.
“სელტა” ( +17 მილიონი ევრო)
დაიხარჯა: 1 მილიონი ევრო.
მიიღეს: 18 მილიონი ევრო.
“მალაგა” ( -10,10 მილიონი ევრო)
დაიხარჯა: 10,10 მილიონი ევრო.
მიიღეს: 0 მილიონი ევრო.
“რეალ სოსიედადი” ( -8 მილიონი ევრო)
დაიხარჯა: 12 მილიონი ევრო.
მიიღეს: 4 მილიონი ევრო.
“რეალ ბეტისი” ( -12 მილიონი ევრო)
დაიხარჯა: 20 მილიონი ევრო.
მიიღეს: 8 მილიონი ევრო.
“ლას პალმასი” ( -2 მილიონი ევრო)
დაიხარჯა: 2 მილიონი ევრო.
მიიღეს: 0 მილიონი ევრო.
“ესპანიოლი” ( -7.7 მილიონი ევრო)
დაიხარჯა: 7.9 მილიონი ევრო.
მიიღეს: 200.000 ევრო.
“ეიბარი” ( +2 მილიონი ევრო)
დაიხარჯა: 3 მილიონი ევრო.
მიიღეს: 5 მილიონი ევრო.
“დეპორტივო” ( -500,000 ევრო)
დაიხარჯა: 500,000 ევრო.
მიიღეს: 0 მილიონი ევრო.
“გრანადა” ( +31,5 მილიონი ევრო)
დაიხარჯა: 0 მილიონი ევრო.
მიიღეს: 31.5 მილიონი ევრო.
“გრანადა” ( -200,000 ევრო)
დაიხარჯა: 200,000 ევრო.
მიიღეს: 0 მილიონი ევრო.
“ალავესი” ( 0 მილიონი ევრო)
დაიხარჯა: 0 მილიონი ევრო.
მიიღეს: 0 მილიონი ევრო.
“ოსასუნა” ( +3.75 მილიონი ევრო)
დაიხარჯა: 0 მილიონი ევრო.
მიიღეს: 3.75 მილიონი ევრო.
“ოსასუნა” ( – 1 მილიონი ევრო)
დაიხარჯა: 1 მილიონი ევრო.
მიიღეს: 0 მილიონი ევრო.
18.07.2016
ანტონიო კონტემ ლონდონური “ჩელსის” ხელმძღვანელობას “მარსელის” ყოფილი ფეხბურთელის, ანდრე აიუს გადაბირება დაუსახა. აღნიშნული ტრანსფერის განხორციელება “ლურჯებს” 12 მილიონი ფუნტი დაუჯდებათ.
ანდრე აიუს, რომლის გადაბირების სურვილი “სანდერლენდმაც” გამოთქვა, “ლიბერთი სტედიუმის” დატოვება აქვს განზრახული. უელსელებმა კი უკვე იპოვეს მისი ჩამნაცვლებელი – “ატლეტიკო მადრიდის” ფორვარდი, ბორხა ბასტონი.
23 წლის ბასტონმა გასული სეზონი “ეიბარში” გაატარა არენდის წესით. “ეიბარის” რიგებში ესპანელმა შემტევმა 16 გოლის გატანა მოახერხა გასულ სეზონში.
მისმა ასეთმა კარგმა ასპარეზობამ ფრანჩესკო გვიდოლინის ყურადღება მიიპყრო, რომელიც მზად არის 4.5 მილიონი ფუნტი გადაიხადოს მის სანაცვლოდ.
“ლივერპულს” კიდევ ერთი ცენტრალური მცველი სჭირდება
კოლო ტურე – გაუშვეს. მარტინ შკრტელი – გაყიდეს. მამადუ სახო – ტრავმირებულია. ჯო გომესი – ტრავმირებულია. სტივენ კოკერი – “ქპრ-ში” დაბრუნდა. ამ ყველაფერზე დაყრდნობით, Daily Mirror ირწმუნება, რომ იურგენ კლოპი სეზონის დაწყებამდე კიდევ ერთ ცენტრალურ მცველს დაიმატებს.
ალარდაისი თუ კლინსმანი?
ინგლისის ნაკრების მთავარი მწვრთნელის პოსტზე სემ ალარდაისის მოსვლის ვარიანტი ყველაზე რეალურია, თუმცა არ ინგლისში არ გამორიცხავენ იურგენ კლინსმანსაც. Indepedent იუწყება, რომ აშშ-ს მთავარი მწვრთნელი ამ პოსტის დასაკავებლად მზადყოფნას გამოთქვამს.
უფორვარდოდ დარჩენილი “სუონსი” გამოსავალს ეძებს
ევრო 2016-ის გმირი ედერი “ლილს” შეუერთდა. ალბერტო პალოში – “ატალანტას”. ბაფეტამბი გომისი კი “მარსელში” აპირებს გადაბარგებას.
გიოტცე და შაქირი “დორტმუნდში”?
Daily Mirror გვამცნობს, რომ დორტმუნდის “ბორუსიამ” მხითარიანის, ჰუმელსისა და გიუნდოგანის გაყიდვის შედეგად მიღებული ფულის პროდიქტიულად გამოყენებას აპირებს. ტომას ტუხელი გუნდში მარიო გიოტცესა და ჟერდან შაქირის მოყვანას აპირებს.
დიეგო კოშტა “ატლეტიკოში”?
დიეგო კოშტამ ლონდონური “ჩელსის” ხელმძღვანელობას განუცხადა, რომ “ატლეტიკო მადრიდში” აპირებს დაბრუნებას. As-ის ცნობით, მადრიდელებისთვის ესპანელი ფორვარდის გადაბირება ყველაზე პრიორიტეტულია.
“ტოტენჰემს” ვეინალდუმი სურს
მართალია, ლონდონელებმა უკვე გადაიბირეს ვინსენტ იანსენი და ვიქტორ ვანიამა, თუმცა ისინი გაჩერებას მაინც არ აპირებენ – “მამლებს” ჯორჯინიო ვეინალდუმის გადაბირება სურთ, რომელიც 25 მილიონ ფუნტად არის შეფასებული.
კატალონიური “ბარსელონას” ხელმძღვანელები მზად არიან “ატლეტიკოსთან” ლუსიანო ვიეტოს ტრანსფერის თაობაზე მოლაპარაკებები წამოიწყონ. აღნიშნულ ინფორმაციას ესპანური AS გვაწვდის.
“ბარსელონას” ტექნიკურმა დირექტორმა კონფერენციაზე ყველასათვის ნათელი გახადა ის ფაქტი, რომ კლუბი თავდამსხმელის გადაბირებას აპირებს. როგორც ჩანს, კატალონიელები სწორედ ვიეტოს გამოყენებას აპირებენ, როგორც ბრწყინვალე ტრიოს დამხმარე ფეხბურთელად.
ესპანეთის ჩემპიონებმა უკვე მიაღწიეს პირად შეთანხმებას არგენტინელ ფეხბურთელთან, ახლა კი საქმე “ატლეტიკოსთან” უნდა მოაგვარონ.
კატალონიელებმა იციან ისიც, რომ “ატლეტიკო” ვიეტოს სანაცვლოდ მინიმუმ 20 მილიონს მოითხოვენ, რამეთუ სწორედ ამდენი გადაიხადეს მადრიდელებმა მის გადმოსაბირებლად.
As-ის მიერ გავრცელებული ინფორმაციის თანახმად, მადრიდის “ატლეტიკოსა” და ესპანური “სევილიას” წარმომადგენლები მოლაპარაკებებს აწარმოებენ ლუსიანო ვიეტოს ტრანსფერთან დაკავშირებით.
ვიეტომ, რომლითაც ამავდროულად კატალონიური “ბარსელონა” და “ვილიარეალიც” არის დაინტერესებული, შესაძლოა “ვისენტე კალდერონი” პირველივე სეზონის შემდეგ დატოვოს.
მიუხედავად იმისა, რომ 22 წლის ფეხბურთელი “ატლეტიკოში” მისვლით იმედგაცრუებულია, “როხიბლანკოს” ხელმძღვანელებს მისი სრულად დაკარგვა არ სურთ და მისი არენდის წესით გაშვებას აპირებენ.
მაგრამ, თუ რომელიმე კლუბი ვიეტოს სანაცვლოდ 20 მილიონ ევროზე მეტს გადაიხდის (რაც მეტი იქნება იმ თანხაზე, რაც თავად “ატლეტიკომ” გადაიხადა მასში), მაშინ მადრიდელები იძულებულნი იქნებიან გაუშვან არგენტინელი ფეხბურთელი.
