ჭდე: ატლეტიკი

ნეგრედომ ევროპის ლიგის წილისყრის შედეგებზე ისაუბრა

Posted on by იაკობ კაპანაძე

როგორც იცით, დღეს გაიმართა ევროპის ლიგის 1/8-ფინალური ეტაპის კენჭისყრა, სადაც ცნობილი გახდა, რომ “ვალენსიას” ბილბაოს “ატლეტიკთან” მოუწევს ურთიერთობების გარკვევა, რასაც “ღამურების” თავდამსხმელი, ალვარო ნეგრედო გამოეხმაურა.

“ატლეტიკი” ნამდვილად არ არის ის გუნდი, რომელთანაც მოხვედრა გვინდოდა. უმჯობესი იქნებოდა უფრო გვიან შევხვედროდით ერთმანეთს.

ამჟამად საკმაოდ კარგ ფორმაში ვიმყოფებით და ვიმედოვნებ, რომ “ატლეტიკის” ბარიერს გადავლახავთ. ჩვენ სრულიად ვაანალიზებთ იმ ფაქტს, რომ ძლიერი მეტოქეის წინააღმდეგ მოგვიწევს ბრძოლა.” – განაცხადა ესპანელმა უეფას ოფიციალურ საიტთან ინტერვიუში.

„ბარსელონამ“ „ატლეტიკი“ უპრობლემოდ დაამარცხა

Posted on by Alix

ესპანეთის პრიმერა დივიზიონის 22-ე ტურის მატჩში ბ„არსელონა“ სტუმრად ბილბაოს „ატლეტიკთან“ ჩავიდა და ანგარიშით 5:2 გაიმარჯვა.

უკვე 26-ე წუთისთვის სტუმრები ორბურთიანი უპირატესობით იგებდნენ – თავი ლიონელ მესიმ და ლუის სუარესმა გამოიჩნეს. 59-ე წუთზე მიკელ რიკომ სხვაობა მინიმუმამდე შეამცირა, თუმრა რამდენიმე წუთში მესიმ დუბლი შეასრულა, შემდეგივე შეტევაში კი ზუსტი დარტყმით ნეიმარი გამოირჩა – 1:4.

თავისი მეორე გოლი „ატლეტიკმა“ 66-ე წუთზე გაიტანა – თავი არიც ადურისმა გამოიჩინა. 9 წუთში, ხავიერ ატჩეიტის გაძევების შემდეგ, „ატლეტიკი“ რიცხობრივ უმცირესობაში დარჩა.

წერტილი ამ შეხვედრაში 86-ე პედრო როდრიგესმა დასვა – 2:5.

იხილეთ ესპანეთის ჩემპიონატის სატურნირო ცხრილი

იკერ მუნიაინი: “ნაპოლისთან” შეხვედრა არ გვინდოდა”

Posted on by ბექა დოგრაშვილი

როგორც მოგეხსენებათ, უეფას ჩემპიონთა ლიგის მეოთხე საკვალიფიკაციო ეტაპზე ბილბაოს “ატლეტიკი” “ნაპოლის” დაუპირისპირდება. ბასკთა თავდამსხმელი იკერ მუნიაინი ამბობს, რომ ნეაპოლელთა წინააღმდეგ დაპირისპირება არ სურდა.

“თანაბარი მატჩი იქნება. ნეაპოლიტანელებს ბევრი ნიჭიერი ფეხბურთელი ჰყავთ, თუმცა თუ გვინდა, რომ ტურნირის ფინალურ ეტაპზე ვითამაშოთ, ჩვენი თამაში უნდა ვაჩვენოთ. კარგია, რომ საპასუხო შეხვედრას შინ გავმართავთ. ყველაფერი “სან მამესზე” გადაწყდება. “ნაპოლისთან” დაპირისპირება არ გვსურდა, თუმცა გამარჯვებისთვის ვიბრძოლებთ”, – ციტირებს მუნიაინის სიტყვებს Football Italia.

წყვილის პირველი მატჩი “სან პაოლოზე” სამშაბათს, ჩვენი დროით 22:45 საათზე დაიწყება. საპასუხო შეხვედრა ბილბაოში, 27 აგვისტოს შედგება.

 

„ატლეტიკმა“ ჩემპიონთა ლიგის საგზური მოიპოვა

Posted on by ბექა დოგრაშვილი

ესპანეთის პრიმერადივიზიონის 36-ე ტური „რაიო ვალეკანოსა“ და ბილბაოს „ატლეტიკს“ შორის გამართული მატჩით გაიხსნა. შეხვედრა ტრიბუნაზე შექმნილი არეულობის გამო 15 წუთის დაგვიანებით დაიწყო. საბოლოოდ კი, მატჩი ბასკების დამაჯერებელი გამარჯვებით, ანგარიშით 3:0 დასრულდა. ამ გამარჯვებით „ატლეტიკომ“ სატურნირო ცხრილის მეოთხე ადგილი გაინაღდა. ამ დროისთვის ბასკებს 68 ქულა აქვთ და მადევარ „სევილიას“, რომელსაც ერთი მატჩით ნაკლები აქვს ჩატარებული, 9 ქულით უსწრებენ. შესაბამისად, ანდალუსიელებს ბასკებთან ქულათა გათანაბრების თეორიული შანსი კი გააჩნიათ, თუმცა ურთიერთშეხვედრებში „ატლეტიკს“ უპირატესობა აქვს. ამრიგად, ბასკურმა კლუბმა ჩემპიონთა ლიგის საკვალიფიკაციო ეტაპზე თამაშის უფლება მოიპოვა.

ესპანეთის პრიმერადივიზიონი
26-ე ტური
„რაიო“ — „ატლეტიკი“ 0:3
გოლები: სან-ხოსე 20′ (0:1), დე მარკოსი 30′ (0:2), ერერა 74′ (0:3).
გაფრთხილებები: ლარივეი 45+4′, საული 46′, არბილია 50′, კაშტრუ 73′ — ადურისი 76′.

რონალდუს სამმატჩიანი დისკვალიფიკაცია ემუქრება

Posted on by ბექა დოგრაშვილი

ესპანეთის ჩემპიონატის XXII ტურში ბილბაოს „ატლეტიკსა“ და მადრიდის „რეალს“ შორის გამართული მატჩის (1:1) 75-ე წუთზე „სამეფო კლუბის“ თავდამსხმელმა კრიშტიანუ რონალდუმ ბასკთა მცველ კარლოს გუპრეგის სახეში ხელი გაარტყა, რის გამოც პორტუგალიელი ფეხბურთელი მოედნიდან გააძევეს.

გასახდელისკენ მიმავალმა რონალდუმ გზად დამხმარე არბიტრს შეურაცხმყოფელი ჟესტი უჩვენა. ამის გამო, შესაძლოა, პორტუგალიელი ფეხბურთელი სამმატჩიანი დისკვალიფიკაციით დასაჯონ.

„მატჩის 75-ე წუთზე კრიშტიანუ რონალდუ მეტოქე გუნდის ფეხბურთელისთვის სახეში ხელის გარტყმისთვის გაძევებულ იქნა. მოედნის დატოვებამდე რონალდუმ ლოყაზე რამდენჯერმე ხელი გაირტყა, ეს ჟესტი მან დამხმარე მსაჯს უჩვენა“, – ნათქვამია მთავარი არბიტრის მოხსენებაში.

დისკვალიფიკაციის შემთხვევაში, „სამეფო კლუბის“ ლიდერი გამოტოვებს „ვილიარეალთან“, „ელჩესთან“ და „ხეტაფესთან“ გასამართ მატჩებს.

ბექა დოგრაშვილი

კრიშტიანუ რონალდუ მოედნიდან გააძევეს

Posted on by ბექა დოგრაშვილი

ესპანეთის ჩემპიონატის XXII ტურში ბილბაოს „ატლეტიკსა“ და მადრიდის „რეალს“ შორის გამართული მატჩი ფრედ, ანგარიშით 1:1 დასრულდა.

მატჩის 75-ე წუთზე „სამეფო კლუბის“ თავდამსხმელმა კრიშტიანუ რონალდუმ ბასკთა მცველ კარლოს გუპრეგის სახეში ხელი გაარტყა, რის გამოც პორტუგალიელი ფეხბურთელი მოედნიდან გააძევეს. ცნობისთვის, რონალდუმ დღეს საგოლე გადაცემაც ჩაიწერა.

შეგახსენებთ, რომ პორტუგალიელ თავდამსხმელს „რეალის“ შემადგენლობაში 4 წითელი ბარათი აქვს მიღებული, ამდენჯერვე გააძევეს ის „მანჩესტერ იუნაიტედში“ ასპარეზობის პერიოდში, ხოლო ეროვნულ ნაკრებში ასეთი რამ არ მომხდარა.

დავამატებთ, რომ რონალდუ „ვილიარეალთან“ გასამართ მატჩს გამოტოვებს, თუმცა, არ არის გამორიცხული, რომ პორტუგალიელ ფეხბურთელს დისკვალიფიკაცია გაუხანგრძლივონ.

ბექა დოგრაშვილი

ბუსკეტსი: „მეტოქემ ფიზიკური მომზადების თვალსაზრისით გვაჯობა“

Posted on by ბექა დოგრაშვილი

ესპანეთის პრიმერადივიზიონის მე-15 ტურში „ბარსელონა“ ბილბაოს „ატლეტიკს“ ესტუმრა და ბევრისთვის მოულოდნელად, ანგარიშით 0:1 დამარცხდა. კატალონიური გუნდის ნახევარმცველი სერხი ბუსკეტსი თვლის, რომ პანიკის დრო არ არის, მარცხი კი ფიზიკურმა მოუმზადებლობამ გამოიწვია.

„მეტოქემ ფიზიკური მომზადების თვალსაზრისით გვაჯობა, თუმცა ამის გამო პანიკა არ უნდა ავტეხოთ. მთავარია, რომ მუშაობა გავაგრძელოთ და ხელები არ ჩამოვუშვათ. კი ბატონო, ზედიზედ ორი მატჩი წავაგეთ, დავუშვით რამდენიმე სერიოზული შეცდომა, თუმცა ამით სეზონი არ დასრულებულა“, – ბუსკეტსის სიტყვები სპორტულმა ვებ-პორტალმა sport.es-მა გამოაქვეყნა.

აღსანიშნავია ისიც, რომ „ბარსელონამ“ დღევანდელი დღე ფეხბურთელებს დასვენებისთვის გამოუყო. გუნდი ვარჯიშს სამშაბათს განაახლებს.

ბექა დოგრაშვილი