„ბაიერნის“ მცველის მეხდი ბენატიას აზრით, მის გუნდ „რომას“ „მანჩესტერ სიტისთან“ უეფა-ს ჩემპიონთა ლიგის ჯგუფური ეტაპის ბოლო ტურის მატჩში წარმატების მიღწევა შეუძლია.
„რომა“ „მანჩესტერ სიტიზე“ ძლიერია. თუ „ჯალოროსი“ „სიტისთან“ ისე ითამაშებს, როგორც კვირას „ინტერთან“ ითამაშა, მაშინ პლეი-ოფში თავისუფლად გავა.
რაც შეეხება სკუდეტოს, „იუვე“ და „რომა“ მისთვის ბოლომდე იბრძოლებენ. ერთი გუნდი, იმიტომ, რომ იტალიაში საუკეთესო ფეხბურთს აჩვენებს, ხოლო მეორე, იმიტომ, რომ „იუვენტუსია“, – განაცხადა ბენატიამ.
ბუნდესლიგის იუთუბის ოფიციალურმა გვერდმა წინა კვირას „ჰოფენჰაიმთან“ მატჩში ტრავმის შემდეგ ბასტიან შვაინშტაიგერის დაბრუნებას ვიდეო მიუძღვნა.
მიუნხენის „ბაიერნის“ ნახევარმცველმა ფრანკ რიბერიმ ჟურნალისტებს რამდენიმე წლის წინ ევროპის სხვა წამყვანი კლუბების მხრიდან ინტერესის შესახებ უამბო.
„2009 წელს „ბაიერნიდან“ წასვლასთან ახლოს ვიყავი. ჰიონესთან და რუმენიგესთან რამდენიმე შეხვედრაც მქონდა, რომელიც ცხოვრების ბოლომდე დამამახსოვრდება. ჩემს სანაცვლოდ კლუბს 60, 65, 70 და 80 მილიონ ევროსაც სთავაზობდნენ“, – ციტირებს რიბერის „Bleacher Report“-ი.
საბოლოოდ, ფრანკი მიუნხენურ კლუბში დარჩა, რომელთან ერთადაც არაერთი ტიტული მოიგო, მათ შორის ჩემპიონთა ლიგა და უეფა-ს სუპერთასი.
შეგახსენებთ, რომ „ბაიერნში“ რიბერი 2007 წელს „მარსელიდან“ გადაბარგდა.
მიუნხენის „ბაიერნის“ 23 წლის ნახევარმცველს ჯერდან შაჩირის ფრანკ რიბერისთან და არიენ რობენთან კონკურენცია უჭირს – მიმდინარე სეზონში შვეიცარელმა ყველა ტურნირზე 13 მატჩი ჩაატარა და, ძირითადად, მოედანზე ცვლილებაზე შედიოდა.
აღნიშნული სიტუაციის გამოყენება „ნაპოლის“ ხელმძღვანელებმა ისურვეს, რომლებიც ტრავმირებული ლორენცო ინსინიეს შემცვლელის მოძებნას ცდილობენ.
„მე „ნაპოლის“ შაჩირიზე ვესაუბრე, თუმცა „ბაიერნი“ ფეხბურთელის იჯარით გაშვებას არ გეგმავს. ჯერდანს ნებისმიერ იტალიურ კლუბში თამაში შეუძლია, მაგრამ, ვფიქრობ, „ნაპოლი“ მას ყველაზე მეტად მოუხდებოდა“, – განაცხადა ფეხბურთელის აგენტმა ბრუნო სავინიმ.
ნეაპოლიტანელთა გარდა, ნიჭიერი შუახაზელის შეძენის სურვილი ასევე „იუვენტუსს“, „რომასა“ და „ინტერს“ აქვთ. ამავდროულად სამივე ამ კლუბს შვეიცარელის იჯარით დამატება სურს.
მიუნხენის „ბაიერნის“ ნახევარმცველმა ჩაბი ალონსომ, რომელიც ბუნდესლიგაში მიმდინარე წლის ზაფხულში გადავიდა, გერმანიის პირველობა ესპანეთის პრიმერა დივიზიონს შეადარა.
„ბუნდესლიგის გუნდები პრიმერას გუნდებზე უფრო სწრაფად თამაშობენ. თუმცა ესპანურ ლიგაში უფრო ტექნიკური ფეხბურთელები გამოდიან. ვიტყოდი, რომ ბუნდესლიგა ინგლისის პრემიერლიგასთანაც კი ახლოსაა“, – განაცხადა ალონსომ.
„გერმანიაში გულშემატკივარებსაც აღვნიშნავდი. სტადიონებზე ისინი დაუვიწყარ ატმოსფეროს ქმნიან“, – დაასრულა ესპანელმა შუახაზელმა.
„Cadena Ser Radio“-ს ცნობით, მადრიდის „რეალის“ ნახევარმცველმა სამი ხედირამ მიუნხენის „ბაიერნთან“ კონტრაქტის წინასწარი დეტალები შეთანხმა.
მოქმედი ხელშეკრულება მადრიდულ კლუბთან ხედირად 2015 წლის 31 ივნისამდე აკავშირებს. თავად მადრიდელებს მისი დატოვება სურთ, რაც კარლო ანჩელოტიმაც არაერთხელ აღნიშნა, თუმცა მხარეები ჯერჯერობით ვერ შეთანხმდნენ.
აქამდე პრესაში ხედირასადმი ინტერესის შესახებ ლონდონის „არსენალისა“ და „მანჩესტერ იუნაიტედის“ მხრიდანაც იწერებოდა.
კომპანია „კონამიმ“ ცნობილი საფეხბურთო სიმულატორის „Pro Evolution Soccer“-ის ახალი ვერსიის თრეილერის მთავარ გმირად მიუნხენის „ბაიერნის“ ნახევარმცველი მარიო გიოტცე აირჩია.
აქვე წარმოგიდგენთ ამ თრეილერს:
გთავაზობთ ამჟამად მიუნხენის „ბაიერნის“ მთავარი მწვრთნელის ხოსეპ გვარდიოლას კარიერიდან ყველაზე ცნობილ თხუთმეტ სურათს.
1. 90-იანი წლები
2. 1999 წელი. გვარდიოლა კოკუსთან, ლუის ენრიკესთან, ბოგარდომთან, კლუვერთან და სხვა თანაგუნდელთან ერთად გოლს აღნიშნავს
3. გვარდიოლა ნორვეგიელი მორტენ ბაკეს წინააღმდეგ. ევრო 2002
4. 2009 წელი. პეპი „ბარსას“ თავკაცობს
5. 2009 წლის მაისი. გვარდიოლა გუნდთან ერთად ესპანეთს თასის მოგებას ზეიმობს, რომელიც მისთვის გუნდის მწვრთნელის სტატუსით პირველია
6. იმ პერიოდში პეპს ფრენა ხშირად უწევდა. ცოტა ხანში მისმა გუნდმა რომში ჩემპიონთა ლიგაც მოიგო
7.გვარდიოლა და „დეპორტივოს“ ნახევარმცველი ხუან როდრიგესი
8. ამჯერად სპეციალისტი მსოფლიოს თასის მოგებას ზეიმობს
9. 2009 წლის წარმატების 2011 წელს განმეორება და ჩემპიონთა ლიგის მეორედ მოგება. სიხარული, თითქოს, ცოტა ნაკლებია…
10. მეორედ გვარდიოლამ მსოფლიო საკლუბო თასიც მოიგო
11. გვარდიოლა ფიქრს არასდროს აკლებს
12. ემოციური ჩახუტება ფრანკ რიბერისთან
13. ფოტოგრაფები ბერლინში სათადარიგოთა სკამზე მჯდომ გვარდიოლას „უტევენ“
14. 1999 წელს გვარდიოლა ასე „ბარსელონას“ გოლს ფეხბურთელის სტატუსით ზეიმობდა. ახლა კი, ასე იგი „ბაიერნის“ გოლს მწვრთნელის სახით აღნიშნავს
15. პეპი და ბავარიული ლუდი
ბრიტანული გამოცემა „მირორი“ დორტმუნდის „ბორუსიას“ გარშემო არსებული სიტუაციის შეფასებას აგრძელებს.
დღე არ გადის, რომ ვინმემ მარკო როისის ევროპის სხვა ტოპ კლუბში გადასვლაზე არ ისაუბროს. ყოველ შემთხვევაში, დიდი ალბათობით, ნახევარმცველი ამჟამინდელ კლუბს დატოვებს. შეგახსენებთ, რომ დორტმუნდელებთან კონტრაქტი როისს 2017 წლამდე აკავშირებს, თუმცა ჯერჯერობით მისი გახანგრძლივების სურვილი არ გამოუთქვამს. მეტიც, პრესა წერს, რომ როისის შეძენის მსურველებს 25 მილიონი ევროს გადახდა მოუწევთ.
აქამდე არსებული ჭორებით, მარკოს შეძენა „ბარსელონას“, „რეალის“, „ბაიერნისა“ და რამდენიმე ინგლისური კლუბის ხელმძღვანელებს ჰქონდათ. აქედან ყველაზე დიდი შანსი „ბაიერნს“ აქვს, რომელმაც აქამდე დორტმუნდიდან მარიო გიოტცე და რობერტ ლევანდოვსკი გადაიბირა.
განსხვავებული სიტუაციაა მცველ მატს ჰუმელსის შემთხვევაში. ფეხბურთელის ტრანსფერი ოცდაათ მილიონ ევროდ ფასდება, მისი შეძენის ყველაზე დიდი სურვილი კი „მანჩესტერ იუნაიტედს“ აქვს. თუმცა, როგორც ცოტა ხნის წინ გაირკვა, თავად 25 წლის ფეხბურთელს ლონდონის „არსენალში“ გადასვლის სურვილი აქვს. გამორიცხული არ არის, უახლოეს მომავალში „მეთოფეებმა“ „ბორუსიას“ მენეჯერებს სათანადო წინადადებითაც მიმართონ.
ცსკა-სთან უეფა-ს ჩემპიონთა ლიგის ჯგუფური ეტაპის მეოთხე ტურში მარცხის შემდეგ პრესა „ქალაქელთა“ მთავარი მწვრთნელის მანუელ პელეგრინის შესაძლო გათავისუფლების შესახებ ალაპარაკდა.
დიდი ალბათობით, ჩილელ სპეციალისტს ახალი სამუშაოს ძებნა იმ შემთხვევაში მოუწევს, თუ გი~უნდი ჯგუფური ეტაპიდან ვერ გავა.
„დეილი მეილის“ მიერ გავრცელებული ინფორმაციით, მანჩესტერელებს, შესაძლოა, ხოსეპ გვარდიოლამ უთავკაცოს, რომელსაც მიუნხენის „ბაიერნთან“ კონტრაქტი 2015 წლის ზაფხულამდე აკავშირებს.
ესპანელი სპეციალისტის „მანჩესტერ სიტიში“ წასვლის ალბათობას ისიც ზრდის, რომ „ქალაქელთა“ სპორტული დირექტორი ჩიკი ბეგერისტაინია, რომელიც „ბარსელონაში“ მუშაობის პერიოდში პეპის ასისტენტი იყო.
მიუნხენის „ბაიერნის“ მარცხენა მცველმა დავიდ ალაბამ „რომასთან“ უეფა-ს ჩემპიონთა ლიგის ჯგუფური ეტაპის მეოთხე ტურის მატჩში მიღებული ტრავმის გამო, შესაძლოა, 2-3 თვის განმავლობაში ვერ ითამაშოს.
„პაუზა, შეიძლება, 2-3 თვით გაგრძელდეს. იმედია, იგი შობის შემდეგ დაბრუნდება“, – განაცხადა მიუნხენელთა თავკაცმა ხოსეპ გვარდიოლამ.
აღსანიშნავია, რომ „ბაიერნის“ ტვიტერის ოფიციალური გვერდი წერს, რომ ზუსტი დიაგონო ამჟამად დასმული არ არის. ამ ეტაპზე მხოლოდ ცნობილია, რომ 22 წლის ავსტრიელმა მუხლი იტკინა.
გერმანიის ბუნდესლიგის მეათე ტურის ცენტრალური მატჩი მიუნხენში, „ალიანც არენაზე“ გაიმართა, სადაც „ბაიერნმა“ დორტმუნდის „ბორუსია“ მიიღო და დაძაბულ ბრძოლაში ანგარიშით 2:1 სძლია.
არადა, იურგენ კლოპის გუნდისთვის ყველაფერი კარგად დაიწყო. პირველ ნახევარში სტუმრებმა არაერთ მომენტი შექმნეს, რამაც შედეგი 31-ე წუთზე გამოიღო, როდესაც ანგარიში მარკო როისმა გახსნა. შეხვედრის პირველი ნახევარი დორტმუნდელთა სასარგებლოდ დასრულდა.
მეორე ტაიმში „ბაიერნმა“ ზეწოლას მოუმატა. მასპინძელთა ერთ-ერთ შეტევას იურგენ კლოპის გუნდი 72-ე წუთზე ვერ გაუმკლავდა, რობერტ ლევანდოვსკიმ ყოფილი კლუბის კარში გოლი გაიტანა. ამის შემდეგ დორტმუნდელები შეტევაში არ გამორჩეულან, რასაც მიუნხენელებზე ვერ ვიტყვით, თუმცა, ის, რომ სტუმრები დამარცხდნენ, მეტწილად მათი მცველის ნევენ სუბოტიჩის ბრალია. 85-ე წუთზე იგი ბურთს გამოტანინსას შეცდა, შედეგად, ფრანკ რიბერი ვაიდენფელერთან პირისპირ გადიოდა, დორტმუნდელ მცველს კი, ფრანგის წაქცევის გარდა არაფერი დარჩენია. დანიშნული პენალტის შესრულება საკუთარ თავზე არიენ რობენმა აიღო, რომელმაც ზუსტად დაარტყა – 2:1.
ამ გამარჯვებით გვარდიოლას გუნდი 24 ქულით პირველ ადგილზე დარჩა, ხოლო კლოპის შეგირდები მხოლოდ 7 ქულით გათამაშების ცხრილის მე-16 პოზიციაზე იმყოფებიან.
„ბაიერნი“ – „ბორუსია“ 2:1 (0:1)
გოლები: ლევანდოვსკი 72′, რობენი 86′ (პენ) – როისი 31′
გაფრთხილებები: ალონსო 37′ – პიშჩეკი 62′, სუბოტიჩი 85′
All Goals – Bayern Munich 2-1 Borussia Dortmund… by Bundes_Liga
