Sport1-თან მიცემულ ინტერვიუში მიუნხენის „ბაიერნის“ აღმასრულებელმა დირექტორმა კარლ-ჰაინც რუმინიგემ განაცხადა, რომ კლუბმა ჰოლანდიელ ნახევარმცველთან არიენ რობენთან ახალი კონტრაქტის თაობაზე მოლაპარაკება დაიწყო.
გარდა ამისა, რუმენიგემ აღნიშნა, რომ მას არიენის „ბაიერნში“ დარჩენის სურვილის სჯერა, რისი წყალობითაც, მხარეები მალე ახალ ხელშეკრულებას მოაწერენ ხელს.
შეგახსენებთ, რომ „ბაიერნის“ ღირსებას რობენი 2009 წლიდან იცავს. ამ პერიოდში მიუნხენური კლუბის მაისურით მან 140 მატჩი ჩაატარა და 81 გოლის გატანაც მოახერხა.
ალექსანდრე მატევოსოვი
