როგორც იცით, დღეს მსოფლიოს ჩემპიონატის მეოთხედფინალში ერთმანეთს ბრაზილიისა და კოლუმბიის ნაკრებები დაუპირისპირდებიან.
ამ გუნდებს შორის ბოლო დაპირისპირება 2012 წლის 15 ნოემბერს გაიმართა. ამ შეხვედრაში, 81-ე წუთზე ნეიმარმა პენალტი საკმაოდ ცუდად შეასრულა.
4 ივლისს, მსოფლიოს 2014 წლის ჩემპიონატის მეოთხედფინალურ ეტაპზე ერთმანეთს კოლუმბიისა და ბრაზილიის ნაკრებები დაუპირისპირდებიან. თუ კოლუმბიელები ბრაზილიელთა დამარცხებას მოახერხებენ, განსაკუთრებით გაიხარებენ პორტუგალიის ერთ-ერთი რესტორნის თანამშრომლები.
როდესაც კოლუმბიის ნაკრების ფეხბურთელი ხამეს როდრიგესი პორტუგალიაში თამაშობდა, მაშინ მან მეგობრებთან ერთად რესტორანი გახსნა, რომელსაც “Anchor Violet” დაარქვეს. ამ რესტორანში თერთმეტი ადამიანი მუშაობს. როდრიგესი კი მათ დაპირდა, რომ თუ მისი გუნდი ბრაზილიის ნაკრების დამარცხებას მოახერხებს, მაშინ ის თითო თანამშრომელს 5000 ევროს აჩუქებს.
შეგახსენებთ, რომ ბრაზილიისა და კოლუმბიის ნაკრებებს შორის მატჩი დღეს, თბილისის დროით, 23:55 საათზე დაიწყება.
ბრაზილიის ეროვნული ნაკრების ყოფილი ფეხბურთელი რონალდო აცხადებს, რომ ის კოლუმბიასთან მატჩში ბრაზილიის ნაკრების გამარჯვებაში დარწმუნებული არ არის.
“ბრაზილიის ნაკრების ფეხბურთელებმა ჩილესთან მატჩში დიდი ენერგია დახარჯეს. კოლუმბია საკმაოდ ძლიერი გუნდია. გამოვარჩევდი ხამეს როდრიგესს, რომელიც მართლაც ბრწყინვალედ თამაშობს. ის განსაკუთრებული ნიჭით არის დაჯილდოვებული. რა თქმა უნდა, მინდა ბრაზილიის ნაკრებმა მოიგოს, თუმცა “სელესაოს” გამარჯვებაში დარწმუნებული არ ვარ”, – ამბობს რონალდო.
მუნდიალის მასპინძლები ნახევარფინალის საგზურისთვის კოლუმბიელებთან იბრძოლებენ.
რომ არა მასპინძლის სტატუსი ბრაზილიის ფავორიტად შერაცხვა საკმაოდ რთული იქნებოდა. სელესაომ 1/4-ფინალის საგზური პირველ რიგში გამართლების ხარჯზე მოიპოვეს. სკოლარის გუნდი არც ჯგუფურ ეტაპზე ბრწყინავდა. რასაც ვერ ვიტყვით კოლუმბიის ნაკრებზე. პეკერმანის შეგირდეებმა ჯგუფური ეტაპი სამი გამარჯვებით, დამაჯერებლად გაიარეს, ხოლო 1/8 ფინლში ურუგვაელების დამარცხება მოახერხეს.
ამ გუნებს შორის გამართული მატჩების სტატისტიკა ბრაზილიელთა უპირატესობაზე მეტყველებს. უკანასკნელად კოლუმბიელებმა ბრაზილიის დამარცხება 1991 წელს მოახერხეს, თუმცა ბოლო ოთხ შეხვედრაში ოთხი ფრე დაფიქსირდა.
პეკერმანისგან განსხვავებით, რომელსაც დღეს ოპტიმალური შემადგენლობა ეყოლება, ლუის ფელიპე სკოლარის საკმაოდ სერიოზული დანაკლისი აქვს. საყრდენი ნახევარმცევლი ლუსი გუსტავო, რომელმაც ოთხივე შეხვედრა სრულად ჩაატარა, დღეს მოედანზე დისკვალიფიკაციი გამო ვერ გავა. ამის გამო, მოედნის ცენტრში მოსალოდნელია ფერნანდინიო-პაულინიოს დუეტის გამოჩენა.
კითხვები იყო ნეიმარის მდგომარეობასთან დაკავშირებითაც, თუმცა ბრაზილიელი ექიმები ირწმუნებიან, რომ სელესაოს 10-იანი მწყობრშია.
სავარაუდო შემადგენლობები:
ბრაზილია: ჟულიო სეზარი – დანი ალვეში, ტიაგო სილვა, დავიდ ლუისი, მარსელო – პაულინიო, ფერნანდინიო, ოსკარი – ჰალკი, ფრედი, ნეიმარი.
კოლუმბია: ოსპინა – სუნიგა, საპატა, იეპესი, არმერო – სანჩესი, აგილარი – კუადრადო, როდრიგესი, მარტინესი – გუტიერესი.
ევროპაბეთის კოეფიციენტები აღნიშნულ მატჩზე:
2014 წლის მსოფლიოს ჩემპიონატის მეოთხედფინალური ეტაპის მეორე მატჩი ბრაზილიისა და კოლუმბიის ნაკრებებს შორის გაიმართება. ბევრი ამ შეხვედრას ნეიმარი — ხამეს როდრიგესის მიკროდუელადაც ნათლავს და ეს სულაც არ არის გასაკვირი.
ბრაზილიის ნაკრებს მიმდინარე მსოფლიოს ჩემპიონატზე ერთი მიზანი აქვს: გამარჯვება. ნეიმარი აღნიშნული მიზნის მისაღწევად უნივერსალური საშუალებაა. სწორედ ის არის დღევანდელი „სელესაოს“ ლიდერი.
მსოფლიოს ჩემპიონატის ერთ-ერთ მთავარ აღმოჩენად უკვე იქცა კოლუმბიელი ხამეს როდრიგესი, რომელმაც მიმდინარე მუნდიალზე ჩატარებულ ოთხივე შეხვედრაში მოახერხა გოლის გატანა და ახლა ბომბარდირთა დავას 5 გატანილი ბურთით ლიდერობს.
ნეიმარი თუ ხამეს როდრიგესი? აქედან მხოლოდ ერთი გააგრძელებს ტურნირის საუკეთესო ფეხბურთელის წოდებისთვის ბრძოლას.
|
ნეიმარი |
|
ხამეს როდრიგესი |
|
ბრაზილია |
ქვეყანა |
კოლუმბია |
|
22 წლის |
ასაკი |
22 წლის |
|
„ბარსელონა“, ესპანეთი |
კლუბი |
„მონაკო“, საფრანგეთი |
|
აშშ – 2:0 (10.08.2010) |
სანაკრებო დებიუტი |
ბოლივია – 2:1 (29.09.2011) |
|
53 |
სანაკრებო მატჩების რაოდენობა |
26 |
|
35 |
სანაკრებო გოლების რაოდენობა |
10 |
|
0,67 |
საშუალო შედეგიანობა |
0,38 |
|
|
2014 წლის მსოფლიოს ჩემპიონატზე გამოსვლა: |
|
|
4 (4) |
მატჩი |
4 (3) |
|
384 |
წუთი |
324 |
|
4 |
გოლი |
5 |
|
1 |
საგოლე გადაცემა |
4 |
|
64,3% (9/14) |
ზუსტი დარტყმა |
50,0% (7/14) |
|
74,7% (121/162) |
ზუსტი გადაცემა |
80,1% (137/171) |
|
14 |
გამომუშავებული ჯარიმა |
5 |
|
10 211 მ |
მატჩში საშუალოდ დაფარული დისტანცია |
9 010 მ |
|
31,8 კმ/სთ |
მაქსიმალური სისწრაფე |
30,9 კმ/სთ |
ბრაზილიელი ბიჭუნა თავი სახელს ვერ იმახსოვრებს და ეს იმიტომ, რომ მამამისმა მას 2006 წლის მუნდიალზე მონაწილე საფრანგეთის ნაკრების ფეხბურთელების სახელები დაარქვა.
ზინედინ იაზიდ ზიდან ტიერი ანრი ბარტეზ ერიკ ფელიპე სილვა სანტოსი – ასეთია შვიდი წლის ბავშვის სრული სახელი, ხოლო მას შემოკლებით “ზიდანს” უწოდებენ. როგორც ირკვევა, “ზიდანის” მამამ საფრანგეთში იმოგზაურა, ის კი ქვეყნითა და ფრანგთა საფეხბურთო ნაკრებით მოიხიბლა.
საინტერესოა, რომ ბავშვი სწორედ მას შემდეგ დაიბადა, როცა მსოფლიოს 2006 წლის ჩემპიონატზე საფრანგეთის ნაკრებმა ბრაზილიელთა დამარცხება შეძლო.
ბრაზილიური გაზეთი O Globo თავად ბავშვს გაესაუბრა. როგორ ის ამბობს, მას მხოლოდ თავისი პირველი სამი სახელი ახსოვს.
“ჩემი დანარჩენი სახელები არ ვიცი, რადგან ისინი ჯერ არ მისწავლია”, – ამბობს ბიჭუნა.
აღსანიშნავია, რომ პატარა ბრაზილიელს თავისი სახელი სულაც არ მოსწონს: “ჩემი სახელი არ მომწონს. ვისურვებდი, ლუის გუსტავო მერქვას.”
ინტერნეტ-სივრცეში გავრცელდა ვიდეო, რომელშიც აღეჭდილია, თუ როგორ ვარჯიშობს პენალტების დარტმაში ნეიმარი.
მას შემდეგ, რაც ჩილეს ქალაქ ვალპარაისოში ადამიანებს საცხოვრებელი სახლები ხანძარმა გაუნადგურა, ისინი ფეხბურთს ასეთ გარემოში უყურებენ.
მოგადიშო (სომალი)
ბარაკ ობამა თვითმფრინავში
გულშემატკივრები სილამაზის სალონში (გვატემალა)
სილამაზის სალონი (რიო დე ჟანეირო)
ММА-ს მოჩხუბრები და რინგის გოგონები ლას ვეგასში
სან-პაულუ
რესიფის პლაჟი (ბრაზილია)
სავარძლები ბერლინის “უნიონის” სტადიონზე
სირიელი ლტოლვილები “წითელი ჯვრის” ბანაკში (არაბთა გაერთიანებული ემირატები)
საზაფხულო ბანაკი (უფა, რუსეთი)
სან-პაულუ
რეისი სან-პაულუ – რიო
ავღანეთი, ჰელმანდის პროვინცია, 2014 წლის მსოფლიო ჩემპიონატი, აკუმულატორზე მიერთებული ლეპტოპი და ფეხბურთისგან მიღებული სიამოვნება…. (ამ სურათზე არცერთი ქართველი არ ჩანს, ისინი უკან არიან)
ინტერნეტ-სივრცეში გავრცელდა საკმაოდ სახალისო ანიმაცია, რომელშიც აღბეჭდილია, თუ როგორ ასრულებს პენალტს ნეიმარი…
ცნობილმა სპორტულმა ბრენდმა “ნაიკმა” ახალი სარეკლამო რგოლი გაავრცელა, რომელშიც მონაწილეობას დავიდ ლუისი იღებს.
ბრაზილიის ნაკრების ფორვარდმა კოლუმბიასთან მატჩამდე ხამეს როდრიგესზე ისაუბრა.
“მუნდიალის დაწყებამდე ვიცოდი, რომ ხამეს როდრიგესი შესანიშნავი ფეხბურთელია. ტურნირზე ის საკუთარ ნიჭს სრულყოფილად ავლენს.
კოლუმბიას შესანიშნავი გუნდი ჰყავს, რომელიც ბევრ მატჩს იგებს, როდრიგესი კი მათი ვარსკვლავია. ვულოცავ მას ასეთ თამაშს.
თუმცა, ვიმედოვნებ, რომ ბრაზილია როდრიგესს დაჩრდილავს” – განაცხადა ნეიმარმა.
სან-პაულუს ერთ-ერთი ფაველა “პალმეირასის” საფეხბურთო აკადემიასთან მდებარებს. ადგილთან, სადაც ნებისმიერ ქუჩაში მოთამაშე ბიჭუნას აქვს მოხვედრის შანსი.
საკმაოდ ღარიბულ უბანში მთავარი დატვირთვა მცირე და დიდი ზომის მოედნებზეა, სადაც ფეხბურთს მუდამ თამაშობენ. ფაველას მაცხოვრებლებს მუნდიალზე მოხვედრის ფინანსური საშუალება არ აქვთ. ამიტომ, ისინი საკუთარ, ლოკალურ ტურნირებს აწყობენ. ფაველების გავლენიანი პირები საკუთარ გუნდებს აყალიბებენ და უბნის საუკთესო ფეხბურთელის მოსაპოვებლად ყველანაირ ხერხსაც მიმართავენ.
მუნდიალამდე რამადენიმე ფაველა სოციალურ პროგრამაში მოხვდა, რის შედეგადაც მოედნებზე ხელოვნური საფარი განჩნდა, მოთამაშე ბავშვებს კი კლუბებიდან გამოგზავნილი მწვრთნელები დააკვირდებიან. თუმცა, ახალგაზრდების უმრავლესობას კვლავაც ბეტონზე, შიშველი ფეხით უწევს თამაში, სადაც ძალიან დიდი ყურადღებას დრიბლინგს და კაცის მოტყუებას აქცევენ. ხშირ შემთხვევაში ეს გოლზე მნიშვნელოვანიც კი ხდება.
