ჭდე: ბრაზილია

“რეალი” ბრაზილიელთა თავკაც ტიტესთან აწარმოებს მოლაპარაკებებს

Posted on by იაკობ კაპანაძე

ზინედინ ზიდანის მოულოდნელი წასვლის შემდეგ, მადრიდული კლუბი ჯერაც ვერ ახერხებს მისი შემცვლელის მიყვანას. ამჯერად “ბლანკოსს” ბრაზილიის ნაკრების თავკაცი ტიტე დაუკავშირეს.

ტიტესა და ბრაზილიის ნაკრებს შორის არსებულ ხელშეკრულებას მოქმედების ვადა მსოფლიო ჩემპიონატის დასრულებისთანავე ამოეწურება. მართალია ბრაზილიის ფეხბურთის ფედერაციის უფროსმა მას ახალი კონტრაქტი კარგა ხნის წინ შესთავაზა, მაგრამ ტიტე ჯერაც ყოყმანობს.

ტიტეს წარმომადგენლები ამ საკითხზე კომენტარის გაკეთებაზე უარს ამბობენ. სავარაუდოდ, ტიტეს “რეალში” მისვლა კიდევ უფრო დააჩქარებს ნეიმარ ჟუნიორის ტრასნფერს.

პელე: “ტიტეს ვენდობი, მაგრამ ბრაზილიას გუნდი არ ჰყავს”

Posted on by იაკობ კაპანაძე

ბრაზილიული და მსოფლიო ფეხბურთის ლეგენდას, პელეს, ეჭვი ეპარება ტიტეს გუნდის ერთიანობაში. პელეს თქმით, ბრაზილიელები მუნდიალს სრულ მზადყოფნაში ვერ ხვდებიან.

“ტიტეს შესაძლებლობებში ეჭვი არ მეპარება, მას ვენდობი. მაგრამ ბრაზილიას გუნდი ჯერაც არ ჰყავს, ამაზე ვდარდობ. მუნდიალის დაწყებამდე სულ ცოტა დროა დარჩენილი, მაგრამ პრობლემა მაინც არის.

ჩემთვის ნეიმარი მსოფლიოს ერთ-ერთი საუკეთესო ფეხბურთელია, მაგრამ მსოფლიო ჩემპიონატს მხოლოდ ის ვერ მოიგებს. მას გუნდი სჭირდება,” – აცხადებს პელე.

შეგახსენებთ, რომ ბრაზილიის ნაკრები E ჯგუფში, შვეიცარიის, კოსტა რიკისა და სერბეთის ნაკრებებთან ერთად იმყოფება. პირველ ტურში სამხრეთ ამერიკელები შვეიცარიელებს დაუპირისპირდებიან.

ნეიმარი: “ასი პროცენტით მზად არ ვარ, საშიშროება კვლავაც არსებობს”

Posted on by იაკობ კაპანაძე

“პარი სენ-ჟერმენისა” და ბრაზილიის საფეხბურთო ნაკრების სუპერვარსკვლავი, ნეიმარ ჟუნიორი, აცხადებს, რომ მისი რეაბილიტაციის პროცესი ჯერ არ დასრულებულა.

“რამდენიმე სირთულეს წავაწყდი, რაც ბოლომდე ჯერაც არ გადამილახავს. მცირე დრო კვლავ მჭირდება, რომ ყველანაირი საშიშროება გაქარწყლედს. წინ ვერაფერი დამიდგება, აუცილებლად ვითამაშებ.

მხოლოდ ის მაშინებს, რომ თითქმის სამი თვეა მოედანზე არ გავსულვარ და ასი პროცენტით მზად ჯერაც არ ვარ. კონკრეტული მოძრაობების გაკეთებისაც მეშინია, მაგრამ თამაშამდე დრო კიდევ მაქვს.

რა თქმა უნდა, ბრაზილია მსოფლიო ჩემპიონატის მოგების ერთ-ერთი ფავორიტია. გუნდში ძალიან ძლიერი ფეხბურთელები იყრიან თავს და როგორც ტიტე ამბობს, თითოეულ მატჩში გამარჯვებისთვის ვიბრძოლებთ,” – აცხადებს ნეიმარი.

ბრაზილიის ნაკრების ექიმების ცნობით, ნეიმარი ლივერპულში, ხორვატიასთან გასამართ ამხანაგურ მატჩშიც შეძლებს მონაწილეობის მიღებას (3 ივნისი).

ბრაზილიის ნაკრების ექიმმა ნეიმარის მდგომარეობა შეაფასა

Posted on by იაკობ კაპანაძე

ბრაზილიის ნაკრების ექიმის, ფაბიო მაშერედიანის მიერ მოწოდებული უახლესი ცნობების მიხედვით, ნეიმარის რეაბილიტაციის პროცესი უფრო წარმატებით მიმდინარეობს, ვიდრე მოსალოდნელი იყო.

შეგახსენებთ, რომ ბრაზილიელმა სუპერვარსკვლავმა “პარი სენ-ჟერმენის” რიგებში თამაშისას მიიღო ტრავმა და თებერვლის შემდეგ მოედანზე არ გამოსულა.

“ნეიმარის რეაბილიტაციის პროცესი წარმატებით მიმდინარეობს. ნამდვილად არ ვიცით, თუ რამდენი შეუძლია მას, მაგრამ დანამდვილებით გეტყვით, რომ მისი მდგომარეობის ასე გაუმჯობესებას არ მოველოდით,” – აცხადებს ექიმი დღევანდელ კონფერენციაზე.

კარიკატურა: დანი ალვეშს კიდევ ერთი ტიტული გაუფრინდა

Posted on by კახა ყიფიანი

ოფიციალურად დადასტურდა, რომ დანიელ ალვეში რუსთის 2018 წლის მსოფლიოს ჩემპიონატს გამოტოვებს. ყველაზე ტიტულოვანმა მოქმედმა ფეხბურთელმა კიდევ ერთი ტრიუმფის შანსი გაუშვა ხელიდან.

აღნიშნულ თემაზე ომარ მომანი კარიკატურას გვთავაზობს.

 

დანიელ ალვეშს დიაგნოზი დაუსვეს

Posted on by კახა ყიფიანი

გუშინ, საფრანგეთის თასის ფინალში “პარი სენ-ჟერმენი” “ლეს ჰერბიერსს” დაუპირისპირდა და მეტოქე ანგარიშით, 2-0 დაამარცხა. საგულისხმოა, რომ ამ შეხვედრაში მუხლზე დაზიანება მიიღო დედაქალაქელთა მარჯვენა მცველმა, დანიელ ალვეშმა.

იყო საუბრები იმასთან დაკავშირებით, რომ მას მსოფლიოს ჩემპიონატი გამოეტოვებინა. თუმცა, დღეს ბრაზილიის ეროვნული ნაკრების პრესოფისმა დაადასტურა, რომ 35 წლის უკანახახაზელს არ ესაჭიროება ქირურგიული ჩარევა. მას ერთ-ერთი მყესი აქვს ნაღრძობი, რის გამოც მხოლოდ სამ კვირას იქუმებს. შესაბამისად, ის აუცილებლად გამეგზავრება რუსეთში. შესაძლოა, ალვეშმა ჯგუფური ეტაპის პირველი შეხვედრა გამოტოვოს, რომელსაც “სელესაო” შვეიცარიის ნაკრებთან გამართავს.

 

ბრაზილიამ გერმანიის ნაკრები ბერლინში დაამარცხა (ვიდეო)

Posted on by იაკობ კაპანაძე

მსოფლიო ჩემპიონატზე განცდილი სამარცხვინო მარცხის შემდეგ (7:1) ბრაზილიის ნაკრები პირველად დაუპირისპირდა გერმანიის გუნდს. მატჩი ბერლინში გაიმართა და სამხრეთ ამერიკელთა გამარჯვებით დასრულდა.

მატჩი გარდამავალი უპირატესობიტ მიმდინარეობდა. აღსანიშნავია ისიც, რომ ბრაზილიელები ამ მატჩს სერიოზულად მოეკიდნენ და მხოლოდ ერთი შეცვლა განახორციელეს. გამარჯვების მომტანი გოლი კი გაბრიელ ჟეზუსის ანგარიშზეა (37′).

ცნობისთვის გეტყვით იმასაც, რომ წინა მატჩში გერმანიის ნაკრებმა ესპანელებთან ფრე ითამაშა (2:2), ბრაზილიამ კი რუსეთი გაანადგურა (0:3).

გერმანია: ტრაპი; პლატენჰარდტი, რუდიგერი, ბოატენგი (სულე 68′), კიმიხი; კროოსი, გიუნდოგანი, სანე (შტინდლი 61′), დრაქსლერი, გორეცკა (ბრანდტი 61′); გომესი (ვაგნერი 62′)

მთავარი მწვრთნელი: იოაჰიმ ლიოვი

ბრაზილია: ალისონი; ალვეში, ტიაგო სილვა, მირანდა; მარსელო; ფერნანდინიო, კაზემირო, პაულინიო; უილიანი, გაბრიელ ჟეზუსი, კოუტინიო (დიეგო კოშტა 73′)

მთავარი მწვრთნელი: ტიტე

ბოლტი: “ბრაზილია ნეიმარის გარეშე მსოფლიო ჩემპიონატს ვერ მოიგებს”

Posted on by იაკობ კაპანაძე

უსეინ ბოლტს სჯერა, რომ მსოფლიო ჩემპიონატზე ბრაზილიის ნაკრების წარმატება მეტწილად ნეიმარ ჟუნიორზეა დამოკიდებული, რომელიც ამჟამად საკმაოდ სერიოზულ ტრავმას მკურნალობს.

“დიდი სიამოვნებით წავალ მსოფლიო ჩემპიონატზე რამდენიმე საინტერესო მატჩის საყურებლად. პირადად მე არგენტინის დიდი გულშემატკივარი ვარ და წელსაც მათ მხარეს ვარ.

არგენტინის ნაკრებთან ერთად ფავორიტებად გერმანიასა და საფრანგეთს მივიჩნევ, ბრაზილიასაც, თუ რა თქმა უნდა, ნეიმარი დაბრუნებას შეძლებს. ვფიქრობ, ნეიმარის გარეშე ისინი წარმატებას ვერ მიაღწევენ.

ნეიმარი ძალიან მაღალი დონის ფეხბურთელია, ის ერთ-ერთია საუკეთესოთა შორის. ასე რომ, თუ ის გამოჯანმრთელებას ვერ შეძლებს, ამით ბრაზილია ჩემპიონობის შანსს დაკარგავს,” – აცხადებს 31 წლის ბოლტი.

კარიკატურა: ნეიმარს ოთხი წლის შემდეგ კვლავ იგივე შეემთხვა

Posted on by კახა ყიფიანი

“პსჟ”-ს შემტევმა, ნეიმარმა სერიოზული დაზიანება ძალიან მნიშვნელოვანი მატჩის წინ მიიღო: მოგეხსენებათ, ფრანგები ექვს მარტს მადრიდის “რეალს” ჩემპიონთა ლიგის განმეორებით შეხვედრაში დაუპირისპირდებიან. დაახლოებით იგივე, ბრაზილიელს ოთხი წლის წინ, მუნდიალზე, გერმანიასთან გასამართი ნახევარფინალური თამაშის წინ დაემართა.

ომარ მომანი ამასთან დაკავშირებით კარიკატურას გვთავაზობს.

 

უნაი ემერი: “ნეიმარის ოპერაცია? ეს ტყუილია!”

Posted on by კახა ყიფიანი

ლიგა 1-ის გასულ ტურში “პარი სენ-ჟერმენის” შემტევმა, ნეიმარმა მარსელის “ოლიმპიკის” წინააღმდეგ მძიმე ტრავმა მიიღო. სხვადასხვა გამოცემის თანახმად, ბრაზილიელს 1-2 თვე მოუწევს უქმობა, ზოგი იმასაც წერს, რომ ის სეზონის ბოლომდე ვერ ითამაშებს – მხოლოდ მუნდიალზე იქნება შესაძლებელი, რომ მაყურებელმა “ნეი” მოედანზე იხილოს.

პარიზელთა მთავარმა მწვრთნელმა, უნაი ემერიმ თავისი ფეხბურთელის დაზიანებაზე ისაუბრა.

“საჭიროა, სიმშვიდე გამოვიჩინოთ და რეალობას თვალი გავუსწოროთ. მას, ამჟამინდელი დაკვირვებიდან გამომდინარე, ოპერაციას არ გაუკეთებენ. ისევ არსებობს მცირე შანსი, რომ ნეიმარმა მადრიდის “რეალის” წინააღმდეგ ითამაშოს. თუმცა, გთხოვთ ნუ აყვებით ჭორებს – ჭორი კი ისაა, რომ ჩემს მოთამაშეს ოპერაციას უკეთებენ. ჩვენ გადაწყვეტილებას მოგვიანებით მივიღებთ,” – აცხადებს ემერი.

კოუტინიომ თანაგუნდელებთან ერთად პირველად ივარჯიშა

Posted on by კახა ყიფიანი

ფილიპე კოუტინიოს ბარძაყის ტრავმა აქვს. ის, ჯერჯერობით, ახალ გუნდში, “ბარსელონაში” სადებიუტო მატჩის ჩატარებას ვერ ახერხებს. თუმცა, ბრაზილიელმა გუშინ პირველად ივარჯიშა სრული დატვირთვით. მან საწვრთნელ პროცესში თანაგუნდელებთან ერთად მიიღო მონაწილეობა.

გეტყვით, რომ 25 წლის მოთამაშეს რვა იანვარს უწინასწარმეტყვლეს, რომ ოც დღეში დაურბუნდებოდა მოედანს. შესაბამისად, ის დღეს ლა ლიგა სანტანდერის მეოცე ტურის მატჩში, “რეალ ბეტისის” წინააღმდეგ ვერ ითამაშებს. თუმცა, შესაძლოა მან მონაწილეობა მიიღოს ხუთშაბათს კოპა დელ რეის დაპირისპირებაში, “ესპანიოლის” წინააღმდეგ.

რაც შეეხებათ სხვა ტრავმირებულებს, მათი სია ასეთია: ანდრეს ინიესტა, ხავიერ მასკერანო, უსმან დემბელე.

ნეიმარი: “2002 წლის მსოფლიო ჩემპიონატის დროს მთელს ოჯახს რონალდოს ვარცხნილობა გვქონდა”

Posted on by კახა ყიფიანი

ბარზილიის ნაკრებისა და “პარი სენ-ჟერმენის” შემტევმა, ნეიმარმა განაცხადა, რომ 2002 წლის მსოფლიოს ჩემპიონატის დროს, თავისი ეროვნული ნაკრების ლიდერის, რონალდოს მსგავსად ჰქონდა ვარცხნილობა და ისე გულშემატკივრობდა ბრაზილიას.

“პირველი მოგონება ფეხბურთთან და ტელევიზორთან ორი წლის ასაკს უკავშირდება. მახსოვს, როგორ გაუტანა რომარიომ ჰოლანდიას გოლი. ასევე, მახსოვს იმ თამაშში ბებეტოს შესანიშნავი ასპარეზობა. ეს იყო პირველი, ხოლო მეორე 2002 წლიდან მახსოვს. მაშინ მსოფლიოს ჩემპიონატი იყო. მთლიან ტურნირს ვუყურე. ყველაფერი მახსოვს, მახსოვს რონალდო. მისი ვარცხნილობა მშვენიერი იყო. მე ის მქონდა.”

“მაშინ იმ ვარცხნილობას მთელი ჩემი ოჯახი ატარებდა. ფოტო? მე არ მაქვს, მაგრამ დედას ის აუცილებლად ექნება შენახული. ეს იყო იმის სიმბოლო, თუ როგორ ვგულშემატკივრობდით ნაკრებსა და კონკრეტულ ფეხბურთელს,” – აცხადებს ნეიმარი.