ჭდე: ბრაზილია

ბრაზილიის ნაკრების მთავარი მწვრთნელი კარლოს დუნგა თვლის, რომ სწორად მოიქცა, როდესაც „ბარსელონას“ თავდამსხმელი ნეიმარი კოსტა-რიკასთან და აშშ-სთან ამხანაგური მატჩებისთვის გამოიძახა.

ცნობისთვის, „კოპა ამერიკაზე“ კოლუმბიის ნაკრებთან მატჩში გაძევების გამო ფორვარდმა ოთხმატჩიანი დისკვალიფიკაცია მიიღო.

„ბარსელონაში“ ის ძალიან ცოტა მოთამაშესთან ივარჯიშებდა, რადგან ფეხბურთელების უმეტესობა ნაკრებშია გამოძახებული. ჩვენთან ერთად ის კონდიციებს აღიდგენს. გარდა ამისა, თანაგუნდელებთან ის საერთო ენას კიდევ უფრო გამონახავს. ნეიმარი აუცილებლად ითამაშებს, ამის გარანტიას გაძლევთ“, – აცხადებს „სელეზაოს“ დამრიგებელი.

„ბარსელონას“ თავდამსხმელმა ნეიმარმა ბრაზილიის ნაკრების ვარჯიშის დროს ტრავმა მიიღო.

23 წლის ფორვარდმა მუშაობისას მუხლში დისკომფორტი იგრძნო და ვარჯიში შეწყვიტა.

როგორც ჩანს, ტრავმა სერიოზული არ არის, თუმცა კოსტა-რიკასთან ამხანაგურ შეხვედრაში ნეიმარის მონაწილეობა დიდი კითხვის ნიშნის ქვეშაა. ცნობისთვის, ხსენებული შეხვედრა შაბათს გაიმართება.