Brooklyn Nets – Fanebi.Com – ფეხბურთი, კალათბურთი, რაგბი, სხვა

„ბრუკლინს“ უილიამსის გაცვლა სურს

Posted on დეკემბერი 21, 2014დეკემბერი 21, 2014 by Alix

„ბრუკლინ ნეტსი“ და „საკრამენტო კინგსი“ გამთამაშებელ დერონ უილიამსის გაცვლასთან დაკავშირებით მოლაპარაკებებს იწყებენ.

გაცვლის შემთხვევაში, „კინგსი“ „ნეტსს“ უკანახაზელ დარენ კოლისონს და თავდამსხმელებს დერიკ უილიამსსა და ჯეოისონ ტომპსონს შესთავაზებს.

შეგახსენებთ, რომ დერონ უილიამსის კონტრაქტი კიდევ სამი წლის განმავლობასი მოქმედებს, რომლის მხიედვითაც, იგი, ხელფასის სახით, 63,1 მილიონ დოლარს მიიღებს.

მიმდინარე სეზონში 30 წლის კალათბურთელმა 25 მატჩი ჩაატარა, რომელშიც მისმა მონაგარმა 15,6 ქულა, 3,1 მოხსნა და 6,8 გადაცემა შეადგინა.

„ბრუკლინი“ – „მაიამის“ მატჩი სახურავის დაზიანების გამო 31 წუთით შეწყდა (ვიდეო)

Posted on დეკემბერი 17, 2014 by Alix

გამთეენიისას „Barclays Center“-ში „ბრუკლინ ნეტსსა“ და „მაიამი ჰიტს“ შორის გამართული მატჩი 31 წუთით სახურავის დაზიანების გამო შეწყდა, რის შესახებაც „ESPN New York“-ი იტყობინებბა.

აღნიშნული ეპიზოდი პირველი მეოთხედის დასრულებამდე 1 წუთითა და 47 წამით ადრე დაფიქსირდა.

გარნეტი: „მე აგრესიული ადამიანი ვარ“

Posted on ოქტომბერი 15, 2014 by Alix

„ბრუკლინ ნეტსის“ ფორვარდი კევინ გარნეტი გასული სეზონისთვის გულშემატკივრებს რეაბილიტაციას დაპირდა.

„განვლილ სეზონში ფსიქოლოგიური კუთხით გამიჭირდა. მოახლოებულ სეზონში უფრო აგრეულად ვითამაშებ და გამარჯვებაზე ვიფიქრებ, რადგან მე აგრესიული ადამიანი და მოთამაშე ვარ. საქმეს სწორედ ასე უნდა მივუდგე“, – განუცხადა კევინმა ეროვნული საკალათბურთო ასოციაციის ოფიციალურ საიტს.

თორნიკე შენგელიას თანაგუნდელმა ლონდონის ღამის კლუბში 10 000 დოლარი დახარჯა

Posted on იანვარი 16, 2014 by Alix

TMZ-ს ჟურნალისტთა ცნობით, ორშაბათს „ბრუკლინ ნეტსის“ შემტევმა მცველმა ჯო ჯონსონმა ლონდონის ერთ-ერთ ღამის კლუბში დაახლოებით 10 000 დოლარი დახარჯა.

შეგახსენებთ, რომ „ნეტსი“ დიდი ბრიტანეთის დედაქალაქში 13 იანვარს ჩავიდა, სადაც დღეს თორნიკე შენგელიას გუნდი ნაციონალური საკალათბურთო ასოციაციის რეგულარული ჩემპიონატის მორიგ მატჩს გამართავს – ბრუკლინელთა მეტოქე კი „ატლანტა ჰოუქსი“ იქნება.

ალექსანდრე მატევოსოვი

ტელეტოვიჩმა ლებრონ ჯეიმსსა და „მაიამი ჰიტს“ დასცინა

Posted on იანვარი 13, 2014იანვარი 13, 2014 by Alix

„ბრუკლინ ნეტსის“ ფორვარდმა მირზა ტელეტოვიჩმა რამდენიმე დღის წინ „მაიამი ჰიტთან“ მატჩში ლებრონ ჯეიმსზე თამაშის წესები დაარღვია, რის შედეგადაც, ამ უკანასკვნელმა ბოსნიელთან საქმის გარჩება დაიწყო.

დღეს თავისი ტვიტერის გვერდზე ტელეტოვიჩმა აღნიშნული ეპიზოდი ახალი სურათით გაიხსენა, რომელსაც შემდეგი კომენტარი დაუმატა:

„ზედიზედ ხუთი წელი. წინ, „ბრუკლინ“! lol ;)“

შენგელიას „ნეტსი“ „ნიქსთან“ დამარცხდა, „ბულსმა“ და „კლიპერსმა“ დიდი ანგარიშით იმარჯვეს

Posted on დეკემბერი 6, 2013 by Alix

ღამით ნაციონალურ საკალათბურთო ასოციაციაში სამი საინტერესო მატჩი შედგა. წარმოგიდგენთ ამ შეხვედრების შედეგებს.

„მემფის გრიზლისი“ – „ლოს-ანჯელეს კლიპერსი“ – 81:101 (20:18, 22:22, 11:24, 28:37)

„გრიზლისი“: კუფოსი (17 ქ. 9 მ.), კონლი (16 ქ.), პონდეკსტერი (15 ქ. 5 პ. 3 ჩ.), რენდოლფი (12 ქ. 12 მ. 7 დ.)
„კლიპერსი“: პოლი (15 ქ. 8 პ.), კოლისონი (15 ქ.), კროუფორდი (!5 ქ.), გრიფინი (14 ქ. 9 მ. 5 პ.), ჯეიმისონი (11 ქ.), ჯორდანი (10 ქ. 14 მ. 3 ბ.)

„ბრუკლინ ნეტსი“ – „ნიუ-იორკ ნიქსი“ 83:113 (23:29, 20:21, 16:34, 24:29)

„ნეტსი“: ლოპესი (24 1. 9 მ.), ჯონსონი (13 ქ.), ლივინგსტონი (9 ქ.), ანდერსონი (8 ქ.), პლამლი (8 ქ.), ტელეტოვიჩი (6 ქ. 8 მ.), შენგელია (3 ქ. 2 მ.)
„ნიქსი“: ენტონი (19 ქ. 10 მ. 6 პ.), შამპერტი (17 ქ. 6 მ.), ბარნიანი (16 ქ. 3 ბ.), ფელტონი (13 ქ.), ჰარდუეი (12 ქ.)

„ჩიკაგო ბულსი“ – „მაიამი ჰიტი“ – 107:87 (29:20, 29:24, 27:19, 22:24)

„ბულსი“: ბუზერი (27 ქ. 9 მ.), დენგი (20 ქ. 5 მ. 5 პ.), გიბსონი (19 ქ. 6 მ.), ნოა (17 ქ. 15 მ.), ჰაინრიკი (13 ქ. 5 მ. 7 პ.)
„ჰიტი“: ჯეიმსი (21 ქ. 5 მ. 3 ჩ.), ბიზლი (15 ქ. 7 მ.), კოული (12 ქ.), ბოში (10 ქ.), ალენი (9 ქ.)

თორნიკე შენგელია D-ლიგაში ითამაშებს

Posted on ნოემბერი 11, 2013 by Alix

„ბლუკლინ ნეტსის“ ხელმძღვანელობამ საქართველოს ნაკრების ფორვარდის თორნიკე შენგელიას D-ლიგაში მოასპარეზე „სპრინგფილდ არმორში“ გაშვება გადაწყვიტა.

მიმდინარე სეზონში თორნიკეს „ნეტსის“ მაისურით არცერთი მატჩი არ ჩაუტარებია.

შეგახსენებთ, რომ ქართველი კალათბურთელი ბრუკლინში 2012 წლიდან თამაშობს.

ჯეისონ კიდმა ორმატჩიანი დისკვალიფიკაცია მიიღო

Posted on ოქტომბერი 4, 2013 by Alix

„ბრუკლინ ნეტსის“ თავკაცი ჯეისონ კიდი ეროვნული საკალათბურთო ასოციაციის დისციპლინარულმა კომიტეტმა ორმატჩიანი დისკვალიფიკაციით „დააჯილდოვა“, რის შესახებაც ESPN-ის ჟურნალისტი მარკ სტაინი იტყობინება.

ცნობილია, რომ 40 წლის სპეციალისტს ივლისის თვეში მანქანის არაფხიზელ მდგომარეობაში მართვაში დასდეს ბრალი, რაც საბოლოოდ დამტკიცდა კიდეც.

ამგვარად, კიდი „კლივლენდ კავალიერსთან“ (30 ოქტომბერი) და „მაიამი ჰიტთან“ (1 ნოემბერი) ჩასატარებელ თამაშებს გამოტოვებს.

ალექსანდრე მატევოსოვი

გუტიერესი და ჯონსონი ახალი სეზონისთვის „ნეტსში“ მოემზადებიან

Posted on სექტემბერი 27, 2013 by Alix

„ბრუკლინ ნეტსმა“ თავის სამწვრთვნელო ბანაკში უკანახაზელი ხორხე გუტიერესი და ფორვარდი კრის ჯონსონი მიიწვია. ცნობილია, რომ კლუბმა ამ ორ მოთამაშეს არაგარანტირებული კონტრაქტები გაუფორმა, რის შესახებაც shamsports.com-ი იტყობინება.

გასულ სეზონში ორივე კალათბურთელი D-ლიგაში გამოდიოდა. გუტიერესი „კანტონას“ ფერებს იცავდა და მისმა საშუალო მონაგარმა 10,2 ქულა, 4,9 მოხსნა და 4,6 გადაცემა შეადგინა. რაც შეეხება ჯონსონის მაჩვენებლებს, „რიო გრანდეში“ მათ 10,5 ქულა და 4,1 მოხსნა შეადგინეს. გარდა ამისა, ფორვარდმა „მემფის გრიზლისის“ მაისურითაც მოასწრო თამაში.

ალექსანდრე მატევოსოვი

რეჯი ევანსმა ჯეი არ სმიტს დასცინა

Posted on სექტემბერი 4, 2013 by Alix

ეროვნული საკალათბურთო ასოციაციის მოთამაშეები ”ინტერნეტ ომს” აგრძელებენ. როგორც არც ისე დიდი ხნის წინ გაცნობეთ, ”ნიუ-იორკ ნიქსის” უკანახაზელმა ჯეი არ სმიტმა თავის ერთ-ერთ ინტერვიუში განაცხადა, რომ იგი 100%-თ დარწმუნებულია იმაში, რომ მისი გუნდი ახალ სეზონში პლანეტის საუკეთესო საკალათბურთო ლიგის გამარჯვებული გახდება. აღნიშნულ განცხადებას კი დღეს ”ბრუკლინ ნეტსის” ფორვარდი რეჯი ევანსი გამოეხმაურა, რომელმაც თავისი აზრი აღნიშნულ საკითხთან დაკავშირებით მხოლოდ ერთი ირონიული სიტყვით გამოხატა.

”ლოლ”, – გამოაქვეყნა თავისი ტვიტერის გვერდზე 33 წლის კალათბურთელმა.

ალექსანდრე მატევოსოვი

ჯეი არ სმიტი: ”თავისი სიტყვების გამო პირსი პასუხს აგებს”

Posted on სექტემბერი 2, 2013 by Alix

”ნიუ-იორკ ნიქსის” უკანახაზელი ჯეი არ სმიტი ”ბრუკლინ ნეტსის” ახალწვეულის პოლ პირსის განცხადებას გამოეხმაურა. შეგახსენებთ, რომ ”სელტიკსის” ყოფილმა კალათბურთელმა არც ისე დიდი ხნის წინ განაცხადა, რომ მისი ახალი გუნდი ნიუ-იორკში ყოველთვის ყველაზე პოპულარული იყო, რაც მომავალშიც გაგრძელდება.

”პოლ პირსი არც თუ ისე სასიამოვნო ადამიანია, რომელმაც ბოსტონი სულ ცოტა ხნის წინ დატოვა. ნიუ-იორკის შესახებ მან ჯერჯერობით არაფერი იცის. მთელი კარიერის განმალობაში იგი ”სელტიკსში” თამაშობდა. მან იცის, რომ მის სიტყვებს პასუხი გაეცემა, ასე რომ, იგი ყველაფრისთვის პასუხს აგებს”, – განუცხადა სმიტმა ESPN New York-ს.

ალექსანდრე მატევოსოვი